Զինպարագաների վաճառքից գերշահույթ ստանալու մեղադրանքին ի պատասխան՝ թշնամական սադրանքի մեղադրանք․ ով է ավելի հայրենասեր

Երկու օր առաջ ռազմամարզական հայտնի մի ակումբի անդամ իր ֆեյբուքյան էջում գրել էր, որ զինվորական պարագաներ վաճառող խանութների 80 տոկոսն այս օրերին գերշահույթներ է ստանում: Նա սպառնացել էր, որ եթե խանութի տերերը չփոխեն գնային քաղաքականությունն, ապա իրենք «քաղաքավարի կերպով կկազմակերպեն այդ գործընթացը՝ բռնի ուժով առգրավելով անհրաժեշտ իրերը»: Նմանատիպ այլ հայտարարություններ կային ֆեյսբուքյան այլ օգտատերերի էջերում էլ։  Առանց որոշակի խանութների անուններ նշելու՝ մարդիկ ամոթանք էին տալիս այսպիսի ժամանակաշրջանում զինվորագրվող երիտասարդների հաշվին հարստանալ փորձողներին, զայրալից հայտարարություններով կոչ անում անմիջապես իջեցնել գները կամ նվիրել զինվորին անհրաժեշտ ապրանքները:

Սակայն առավել լայն տարածում ստացել է ռազմամարզական ակումբի անդամի գրառումը, ում անունը չենք նշում, քանի որ խնդիրը ոչ թե նրա անձի, այլ՝ իր արարքի վրա ուշադրություն բևեռելն է: Ու ոչ միայն այս գրառման մեկնաբանություններում, այլև այն նույնությամբ արտատպած լրատվամիջոցների էջերում քաղաքացիները ցանկություն էին արտահայտել օժանդակել զինխանութներից այս պահին զինվորներին անհրաժեշտ իրերի բռնագրավմանը, և ինչպես հատուկ է նմանատիպ ոճի հայտարարություններին, հռետորաբանությունը քիչ-քիչ խստացել էր, և ոմանք հնչեցրել էին խանութի տերերին «պատժելու», «առաջնագիծ ուղարկելու», «սատկացնելու» կոչեր:

Գտնել զինվորական խանութների հասցեներ այս օրերին հեշտ չէ, քանի որ «Սփյուռ» տեղեկատվական համակարգն իր այդ տիրույթն արգելափակել է: Մեր գտած երկու խանութներից ճշտեցինք տաք հագուստի՝ հատկապես ամենամեծ պահանջարկը վայելող զինվորական բաճկոնի (բուշլատի) գները նախկինում և այժմ:

Առաջին խանութում տեղեկացրին, որ առանձին զինվորական բաճկոն չեն վաճառում. տաք հանդերձանքի փաթեթում մեկ հաստ տաբատ է և մեկ տաք բաճկոն, ու այդ փաթեթը 34 հազար դրամ է եղել մինչև անցյալ ամիս, և 34 հազար դրամ արժե այսօր:

Մյուս խանութում դիտարկումը, որ զինվորական պարագաների գների կտրուկ բարձրացման մասին լուրեր են տարածվում, զայրույթով ընդունվեց. «Խնդրում եմ՝ վերջ տվեք բոլոր պրովոկացիաներին: Մեր խանութ եկեք, անձամբ տեսեք: Մենք զինվորին մայկա, տրուսիկ, նասկիներն անվճար ենք տալիս, ֆորմաները, որ մինչև պատերազմը տարիներ շարունակ եղել են 12-13 հազար, հիմա վաճառում ենք 9-10 հազարով, զինվորի բատինկաները, որ եղել են 9-10 հազար, հիմա վաճառում ենք 8 հազարով: Չհաշված նվիրատվություններն ու օգնությունները՝ հարյուր հազարավոր դրամների: Նման բաները (գերշահույթի մասին լուրերը) թուրքի պրովոկացիա են, մերոնք էլ տոն են տալիս ու շարունակում են»,- հաղորդեցին՝ հրավիրելով նման կասկած ունեցողներին անձամբ խանութ գալ և համոզվել:

Բնավ չբացառելով, որ ռազմական դրության ժամանակ կարող են լինել նաև կռվի մեկնելու համար հազարավոր կամավորագրվողների հաշվին գերշահույթի ձգտողներ՝ ֆեյսբուքյան սկանդալային գրառման հեղինակին այսօր առավոտյան խնդրեցինք նշել այն խանութների տվյալները, որտեղ գնային փոփոխություն են արձանագրել։ Մեր նամակն անպատասխան է մինչ այս պահը, մինչեւ ուշ երեկո:

Տնտեսական մրցակցության պաշտպանության պետական հանձնաժողովից փորձեցինք ճշտել, թե կարող է այս՝ ռազմական դրությամբ պայմանավորված մեծ պահանջարկ ստացած ոլորտը կարգավորվել պետական միջամտությամբ: Պարզվեց, չի կարող: «Հագուստի ոլորտում չկան գերիշխող դիրք ունեցող ընկերություններ, քանի որ շուկայի մասնակիցների թիվը մեծ է: Ըստ այդմ, ՏՄՊՊՀ-ն չի ուսումնասիրում, մշտադիտարկումներ չի իրականացնում, բայց եթե կոնկրետ այս դեպքում նշված գրառման հեղինակը նշի, թե որ խանութը նկատի ունի, մենք այդ մասնավոր դեպքը կդիտարկենք»,- ասաց ՏՄՊՊՀ-ի մամուլի քարտուղար Անի Սմբատյանը:

Հարցին, թե կարո՞ղ է լինել պայմանավորվածություն, որ շուկայի բոլոր մասնակիցները միաժամանակ բարձրացնեն գները, նա պատասխանեց.  «Շուկայում, եթե մասնակիցները շատ են, նման պայմանավորվածություններ սովորաբար չեն հանդիպում: Բացի դրանից, մենք նման պայմանավորվածության մասին ահազանգ չունենք»: Սակայն մեր զրույցից հետո, այնուամենայնիվ, ՏՄՊՊՀ-ն ուսումնասիրել էր զինվորական համազգեստի շուկան՝ արձանագրելով, որ գների բարձրացում չկա: 

Իսկ մենք ուղղակի հիշեցնենք, որ սահմանագծին կանգնած եւ թշնամու վայրագություններն անդադար տեսնող հայ զինվորը, հայկական բանակը քաջարի աշխարհին հայտնի են ողջամտությամբ ու ցանկացած պարագայում մարդկայնությունը չկորցնելու սկզբունքով: Եվ հիմա դուք կշռեք. զինվորական շորերի թանկացման համար միմյանց նկատմամբ հաշվեհարդարի այս կոչե՞րն են առավել մեծ հարված հայոց բանակին, թե՞ այն հավանական գերշահույթը, որ գուցե թե մի քանի օր փորձել են ոմանք ստանալ կամ նույնիսկ ստացել են:

Տպել
3744 դիտում

Մինչ այս անհետ կորած համարվող հղի կնոջ և իր որդու հայտնաբերման մասին շրջանառվող լուրը, ցավոք, կեղծ է․ ԱԻՆ խոսնակ

«Ուղեղը ինչի համար է, Շուշիի հետ համեմատելը կոռեկտ չէ»․ մշակութային գործիչները՝ «Սուրմալուի» աղետի ֆոնին նվագելու մասին

Հայաստանում սգո օր կհայտարարվի

Շիրակում ընթացքի մեջ է Բերդաշենի, Արեգնադեմի, Կապսի դպրոցների մոդուլային շենքերի կառուցումը

Փլատակներից լսվել է ձայն, բայց այս պահի դրությամբ քաղաքացի դուրս չի բերվել․ ԱԻՆ խոսնակ

Հայաստանում մեկնարկել է «Խաղաղության մարտիկ» մրցույթը

Պարզվում են «Սուրմալու»-ի տարածքում գործունեություն իրականացնող տնտեսվարողների, աշխատակիցների ինքնությունները․ ՔԿ

Ստանիսլավ Զասը ցավակցական հեռագիր է հղել Նիկոլ Փաշինյանին

«Սուրմալու» առևտրի կենտրոնում հրդեհաշիջման և որոնողական աշխատանքները շարունակվում են․ զոհերի թիվը 7 է (թարմացված)

Մենք ընկճվելու իրավունք չունենք և պարտավոր ենք ապրել․ Ջրականում նահատակված գյումրեցի Արտյոմ Լոգյանը կդառնար 21 տարեկան

«Սուրմալու»-ում տեղի ունեցածը պետք է մանրամասն քննության առարկա դարձվի. ՄԻՊ

2 բրոնզե մեդալ՝ ինֆորմատիկայի միջազգային օլիմպիադայից

Վարչապետը շնորհավորական ուղերձ է հղել Հնդկաստանի վարչապետին

Օգոստոսի 17-ից ժամանակավորապես փակ կլինի Իսակովի պողոտայից Բաբաջանյան փողոց տանող ճանապարհը

«Սուրմալու»-ի պայթյունով պայմանավորված՝ օդի աղտոտվածությունը հիմնականում տարածվել է Շենգավիթում և Կենտրոնում

Շախմատիստ Արման Փաշիկյանը պարգևատրվել է Հայաստանի Հանրապետության վարչապետի հուշամեդալով

Հնարավոր է՝ Հայաստանում սգո օր հայտարարվի․ Գնել Սանոսյան

Զորամասի պահպանության գոտու մարտական հենակետերում իրականացվել են ստուգայցեր

Դեռ կան մարդիկ, որոնք փլատակների տակ են գտնվում. Արամ MP3-ին չեղարկել է իր այսօրվա համերգը

Մեկնարկել է պաշտպանության նախարարի պաշտոնական այցը Ռուսաստանի Դաշնություն (լուսանկարներ)

Աղվան Հովսեփյանն ազատության մեջ է. նա բուժումը կշարունակի հիվանդանոցում

Կասեցվել է վտանգավոր կաթնամթերքի թողարկումը

Մաքսիմալ աշխատանքների դեպքում էլ քաղաքացիները կունենան դժգոհություն․ Հայկ Կոստանյան

17 անհետ կորածներից մեկը Ռուսաստանի քաղաքացի է, մյուսը՝ Իրանի

Աչքերն ու բերանը փակել են, տարել Ծաթեր գյուղ. Խաչատուր Քոքոբելյանի հոր առևանգման գործով կալանավորվել է 2 անձ (տեսանյութ)

Անհրաժեշտության դեպքում մեր ամբողջ ռեսուրսը կենտրոնացնելու ենք տարվող աշխատանքներին. ԱԻՆ փոխնախարար

Դոլարի փոխարժեքն աճել է, ռուբլին՝ նվազել. ՀՀ կենտրոնական բանկը հրապարակել է նոր փոխարժեքներ

Երևանի Մյասնիկյան պողոտայում կրակոցներ են հնչել

Օդի ջերմաստիճանը կբարձրանա ևս 1-3 աստիճանով. առաջիկա օրերի եղանակային կանխատեսումը

Արցախի նախագահն ընդունել է երրորդ պատերազմում զոհված և անհայտ կորած զինծառայողների հարազատների միության անդամների

Ծանրորդ Վալերիկ Մովսիսյանը՝ Եվրոպայի Մ15 տարեկանների չեմպիոն և ռեկորդակիր

Յուրի Վորոբյովը ցավակցել է Հակոբ Արշակյանին առեւտրի կենտրոնում տեղի ունեցած պայթյունի հետեւանքների կապակցությամբ

Այսօր մեծանուն գրող, մտավորական Վահագն Դավթյանի ծննդյան 100-ամյակն է

Արտակ Բեգլարյանը ցավակցություն է հայտնել «Սուրմալու»-ի տարածքում պայթյունի հետևանքով զոհվածների հարազատներին

Տարբեր բժշկական կենտրոններում գտնվող մեր համաքաղաքացիների վիճակը մասնագետները բավարար են գնահատում. Ավանեսյան

Վարչապետը պարգևատրել է ՀՀ շախմատի տղամարդկանց հավաքականի անդամներին

«Սուրմալու» առևտրի կենտրոնի տարածքում անհետ կորած համարվող քաղաքացիների թիվը դարձել է 19. ԱԻՆ-ը անուններ է հրապարակել

Վահագն Խաչատուրյանը շնորհավորական ուղերձ է հղել Լիխտենշտայնի իշխանին Ազգային տոնի առթիվ

Կը ցավակցիմ Հայաստանի ժողովուրդին. Փայլանը՝ «Սուրմալու»-ում տեղի ունեցած պայթյունի մասին

Երևանում տեղի ունեցած պայթյունի կապակցությամբ ՌԴ նախագահ Վլադիմիր Պուտինը ցավակցել է ՀՀ վարչապետ Նիկոլ Փաշինյանին