Հայաստանում և Ադրբեջանում ՈւԵՖԱ-ի հովանու ներքո հանդիպումեր չեն անցկացվի. ՀՖՖ-ն այլընտրանքային տարբերակներ չի դիտարկում

Հաշվի առնելով Լեռնային Ղարաբաղում ստեղծված իրավիճակը՝ ՈւԵՖԱ-ի գործադիր կոմիտեն որոշում է կայացրել, որ ՈւԵՖԱ-ի հովանու ներքո կայանալիք ակումբային և հավաքականների մակարդակներով հանդիպումները միառժամանակ չեն անցկացվի Հայաստանում և Ադրբեջանում՝ մինչև նոր որոշման կայացումը:

Եվրոպական ֆուտբոլի գլխավոր կառույցի տարածած հաղորդագրության մեջ նշված է, որ սեպտեմբերի վերջին բռնկված պատերազմի արդյունքում արդեն Եվրոպայի լիգայի փլեյ-օֆֆ փուլի մեկ, իսկ Ազգերի լիգայի խաղարկության երկու հանդիպում տեղափոխվել էին չեզոք դաշտեր: ՈւԵՖԱ-ի կարծիքով՝ ներկա պահին այդ երկրներում ֆուտբոլային հանդիպումներ անցկացնելը վտանգավոր է:

ՈւԵՖԱ-ն արդեն դիմել է Հայաստանի և Ադրբեջանի ֆուտբոլի ֆեդերացիաներին, ինչպես նաև ՈւԵՖԱ-ի հովանու ներքո անցկացվող ակումբային մրցաշարերին մասնակցող ակումբներին ՈւԵՖԱ-ի հովանու ներքո կայանալիք հաջորդ տնային հանդիպումների համար այլընտրանքային տարբերակներ առաջարկել:

Նշվում է նաև, որ տարածաշրջանում իրավիճակը շարունակելու է հսկողության տակ մնալ, իսկ կայացված որոշումը չի ազդում հաջորդ տարի հունիսին կայանալիք Եվրոպայի 2020թ.-ի հետաձգված առաջնության Բաքվում անցկացվելիք հանդիպումների վրա:

Նշենք, որ նոյեմբերին Հայսստանի և Ադրբեջանի հավաքականները պետք է Ազգերի լիգայի 2020/21 խաղարկության խմբային փուլի իրենց վերջին հանդիպումներն անցկացնեն, իսկ ադրբեջանական ակումբներից Եվրոպայի լիգայի խմբային փուլին մասնակցում է «Ղարաբաղ» անունը կրող ֆուտբոլային ակումբը:

Մասնավորապես, Հայաստանի հավաքականը նոյեմբերի 18-ին Երևանում պետք է ընդուներ Հյուսիսային Մակեդոնիայի հավաքականին: Դրանից մեկ շաբաթ առաջ մեր ընտրանին, նույնպես Երևանում, պետք է ընկերական հանդիպում անցկացնի Քուվեյթի հավաքականի հետ:

Հայկական ժամանակը հարցում կատարեց Հայաստանի ֆուտբոլի ֆեդերացիային՝ պարզելու՝ արդյոք ՀՖՖ-ն արդեն ունի այլընտրանքային տարբերակներ տնային հանդիպումների համար, և ինչքանով է ՈւԵՖԱ-ի կայացրած որոշումն ազդելու Քուվեյթի հավաքականի հետ նախատեսված հանդիպման վրա: ՀՖՖ մամուլի քարտուղարությունից մեզ պատասխանեցին, որ ՀՖՖ-ն դեռ չի դիտարկում այլ երկրներում հանդիպումներ անցկացնելու տարբերակը.

«Անկախ ՈՒԵՖԱ-ի Գործադիր կոմիտեի որոշումից՝ ՀՖՖ-ն դիմել է ՈՒԵՖԱ-ին՝ հայտնելով իր պատրաստակամությունը միջազգային հանդիպումներն անցկացնել Հայաստանում: Հոկտեմբերին ՀՖՖ-ն ՀՀ կառավարությունից ստացել էր Հայաստանում հանդիպումներն անցկացնելու անվտանգության բոլոր երաշխիքները: ՀՖՖ-ն պատրաստ է նոյեմբերին ևս հանդիպումներն անցկացնել Հայաստանում և առայժմ չի դիտարկում արտերկրում որևէ մարզադաշտում հանդիպում անցկացնելու տարբերակը»,- նշված է ՀՖՖ-ի պատասխանում:

Ինչ վերաբերում է Քուվեյթի հետ հանդիպմանը, ապա վերջնական որոշում այդ կապակցությամբ դեռ չկա:

Տպել
339 դիտում

Արայիկ Հարությունյանը հերքում է ԵՊՀ ռեկտորի պաշտոնում իր հնարավոր նշանակման մասին լուրերը

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Ադրբեջանի գործողությունները նոր վտանգներ են ստեղծել. Արա Այվազյանի ելույթը՝ ԵԱՀԿ նախարարական հանդիպմանը

Լոռու 28-ամյա բնակչին մեղադրանք է առաջադրվել՝ նույն մարզի մեկ այլ բնակչի ծանր մարմնական վնաս պատճառելու համար

Հաստատվել է կորոնավիրուսի 1184 նոր դեպք. գրանցվել է 23 մահ

Արցախի ՊԲ նախկին հրամանատար Ջալալ Հարությունյանը դուրս է գրվել հիվանդանոցից․ Ալթունյան

Ֆրանսիայում հայ ցուցարարների վրա մուրճով հարձակված 2 թուրքի մեղադրանք է առաջադրվել

Դեկտեմբերի 7/8-ին Երևանի Մալաթիա-Սեբաստիա վարչական շրջանում պլանային ջրանջատում կիրականացվի

Էկոնոմիկայի նախարարությունը հորդորում է սեղմ ժամկետում ավարտել այգիների այգեթաղը

Հրդեհ Ստեփանավան քաղաքում. մեկնել է 3 մարտական հաշվարկ

Այսօր գլխավոր հարցը գերության մեջ գտնվող մեր հայրենակիցների վերադարձն ու զոհվածների մարմինների փոխանակումն է. ՄԻՊ

Բեռնատար «Mercedes»-ը Երևան-Աշտարակ ավտոճանապարհի 11-րդ կմ հատվածում կողաշրջվել է

«Իմ քայլը» խմբակցության պատգամավոր Արգիշտի Մեխակյանը վայր կդնի մանդատն ու կնշանակվի Արմավիրի փոխմարզպետ

Էլեկտրաէներգիայի մինչեւ 6-ժամյա պլանային անջատումներ կլինեն Երևանում եւ 3 մարզերում

Իրանցի միջուկային գիտնականը սպանվել է արբանյակից կառավարվող զենքով. Իրանը վրեժ է խոստանում

ՀՀ-ում կա մեկ հանրային ճնշում եւ դա 17 ուժի քայլերի դեմ է. մարդիկ հիշում և ճանաչում են Վազգեն Մանուկյանին. Վ. Ենգիբարյան

ԿԳՄՍ նախարարը խոստացել է Երևանի մշակույթի և արվեստի պետական քոլեջի տնօրենի ժ/պ նշանակել աշխատակազմի առաջարկած թեկնածուին

62 ուսուցիչ ստացել է առաջին, երկրորդ և երրորդ աստիճանի տարակարգ․ ԿԳՄՍՆ

Երեւանի քաղաքապետարանի ենթակայության բոլոր ծառայությունները զբաղվում են իրենց լիազորություններից բխող գործունեությամբ

96-ամյա Սուրիկ Ղարիբյանը 3 տոննա կարտոֆիլը նվիրաբերել է Հայոց բանակին (լուսանկար)