Երևան
4 °C
Երեւանի մաքսային պահեստներից մեկում հայտնաբերված առանձնապես խոշոր չափերով՝ 365 կգ հերոին տեսակի թմրանյութի գործով ձերբակալված 6 քաղաքացիներից երեքն ազատ են արձակվել: Նրանք հենց մաքսային պահեստից բերման էին ենթարկվել ՊԵԿ, ապա ձերբակալվել:
Հիշեցնենք՝ որպես խմորիչ հայտարարագրված 18 600 կգ բեռի կազմում հայտնաբերվել է հերոինի առանձնապես խոշոր խմբաքանակ` 33 արկղ։ «Փաթեթավորման հետ միասին շուրջ 365 կիլոգրամ կշռող հերոինի շուկայական արժեքը մոտ 45 մլն ԱՄՆ դոլար է: Սա 2014 թվականից հետո Հայաստանի իրավապահ մարմինների հայտնաբերած խոշորագույն դեպքն է, որն իր բնույթով աննախադեպ է ամբողջ տարածաշրջանում: Խմորիչի փաթեթավորմամբ հերոինն Իրանի Իսլամական Հանրապետությունից ՀՀ տարածքով նախատեսված էր տեղափոխել Արեւմտյան Եվրոպա»,- ասվում է հաղորդագրության մեջ:
Առանձնապես խոշոր չափերի թմրանյութը պետք է տեղափոխվեր Նիդեռլանդների Թագավորություն:
Ազատ արձակված երեք մեղադրյալներից երկուսը Հայաստանի Հանրապետության, իսկ մեկը՝ Իրանի Իսլամական Հանրապետության քաղաքացիներ են:
Նրանց պաշտպան Մասիս Մելքոնյանը, որը չցանկացավ հրապարակել իր վստահորդների անունները, մեր զրույցում որոշ մանրամասներ հայտնեց:
- Պարոն Մելքոնյան, ինչո՞ւմ են մեղադրվում ձեր պաշտպանյալները եւ առաջադրված մեղադրանքի վերաբերյալ ի՞նչ դիրքորոշում են հայտնել:
- Մեղադրվում են կազմակերպված խմբի կողմից մաքսանենգ ճանապարհով Հայաստանի Հանրապետություն առանձնապես խոշոր չափերի թմրանյութ ներկրելու, Նիդեռլանդների Թագավորություն արտահանելու փորձ կատարելու եւ դրան օժանդակելու մեջ: Նրանք չեն ընդունում իրենց առաջադրված մեղադրանքը, տվել են օբյեկտիվ ցուցմունքներ: Երեք պաշտպանյալներիս ձերբակալելու՝ քննիչի որոշման դեմ բողոք էի ներկայացրել, մեկը դատարանի կողմից բավարարվել է եւ ձերբակալումը ճանաչվել ոչ իրավաչափ, իսկ երկուսին վարույթ իրականացնող մարմինը ազատ արձակեց՝ խափանման միջոց ընտրելով ստորագրություն չհեռանալու մասին:
- Երեքի նկատմամբ էլ խափանման միջոց է ընտրվել ստորագրությո՞ւնը:
- Այո:
- Պարոն Մելքոնյան, կմանրամասնե՞ք, գործով ձեր պաշտպանյալներն ինչ առնչություն ունեն:
- Իմ վստահորդները ՀՀ-ում ունեն սահմանափակ պատասխանատվությամբ ընկերություն, որն առաջին անգամ Իրանում գտնվող կազմակերպության հետ պայմանագիր է կնքել Հայաստանի տարածքով Նիդեռլանդների Թագավորություն խմորիչներ ներկրելու եւ արտահանելու վերաբերյալ: Նրանք որեւէ առնչություն չունեն դրա ներկրման հետ, պարզապես այստեղ գործ ունենք անբարեխիղճ գործընկերների հետ: Ըստ էության իմ պաշտպանյալների նախաձեռնությամբ է կատարվել զննությունը:
-Այսինքն, իրե՞նք են պահանջել ստուգել ապրանքը:
- Այո, այդ թվում բանավոր. պահանջը եղել է այն, որ բեռը Հայաստանի Հանրապետությունում պետք է պարտադիր բացվի, ստուգվի, որից հետո նոր տեղափոխվի այլ երկիր, եւ ըստ պայմանավորվածության՝ այո իրենք էլ են նախաձեռնել պահեստում ստուգում իրականացնել, որից հետո հայտնաբերվել է այդ թմրանյութը:
- Ասացիք, որ Իրանում գտնվող կազմակերպության հետ բանավոր պայմանավորվածություն է եղել բեռը ՀՀ-ում ստուգելու վերաբերյալ, այդ դեպքում, ըստ ձեզ, ինչո՞ւ պետք է Իրանում գտնվող կազմակերպությունը խմորիչի փոխարեն թմրամիջոց ներմուծեր ՀՀ՝ իմանալով, որ բեռը ըստ պայմանավորվածության ստուգվելու է:
- Այդ կազմակերպության փոխարեն չեմ կարող ասել, բայց ես ներկայացնում եմ իմ պաշտպանյալների շահերը, ովքեր, այո՛, պնդում են, որ իրենք պահանջել են, որպեսզի բեռը Հայաստանում ստուգվի: Ասեմ, որ եթե քաղաքացին դիմում է, դա դեռ բավարար չէ, որ պատկան մարմինները բացեն եւ ստուգեն, ստուգելու համար պետք է լինեն բավարար հիմքեր: Քաղաքացին իր ապահովության համար իր գործընկեր կազմակերպության առաջ պայման է դրել, որ այդ բեռները պետք է ստուգվեն, ինքը պետք է համոզվի՝ ինչ է ներկրվում, ինչ է արտահանվում, քանի որ ողջամտորեն կարող է կասկածել՝ նման գործարք առաջին անգամ է կնքվում: Ըստ էության, ենթադրում եմ, որ պատկան մարմիններն էլ կասկածներ են ունեցել, դրա համար բեռը ստուգվել է, բայց ակտիվ նախաձեռնություն իմ պաշտպանյալները եւս ցուցաբերել են:
- Իսկ իրենք դիմե՞լ են իրավապահներին:
- Ոչ, պաշտոնապես չեն դիմել, բայց երբ նրանց հրավիրել են պահեստ, նրանք գնացել, մասնակցել են եւ այո՛, ցանկություն են հայտնել եւ չեն առարկել, որպեսզի բեռը ստուգվի:
- Ձեր պաշտպանյալնե՞րը պետք է բեռը տեղափոխեին կամ ուղարկեին Նիդեռլանդներ:
- Ուղեկցող բեռնափոխադրող կազմակերպություններ են եղել, (Իրանից Հայաստան բեռը փոխադրող վարորդը, ինչքան գիտեմ, ձերբակալված է), ձեւակերպումները կատարելուց հետո պետք է համապատասխան բեռնափոխադրում իրականացնող կազմակերպության միջոցով ուղարկվեր արդեն Նիդեռլանդներ: Քանի որ Իրանի դեմ բոլոր առումներով սանկցիաներ է կիրառվում, եւ իր տարածքից չի կարող եվրոպական երկրներ բեռնափոխադրում իրականացնել, ուստի փնտրում են ՀՀ-ում գործընկերներ, որպեսզի այստեղ գործող կազմակերպությունների փաստաթղթերով ձեւակերպի բեռը. դա կրում է ընդամենը դեկլարատիվ բնույթ: Եվ երբ բեռը ձեւակերպում է ՀՀ-ում գրանցված կազմակերպության միջոցով, արդեն կարող է արտահանվել եվրոպական որեւէ երկիր: Սա էլ իր հերթին վկայում է, որ իմ պաշտպանյալներ չեն ունեցել որեւէ դիտավորություն նման քանակի արգելված թմրանյութ Հայաստան ներմուծելու համար:
- Պարոն Մելքոնյան, հայտնի՞ է, ովքեր են պատվիրատուն, կազմակերպիչը, ովքեր են կանգնած ետեւում:
- Գործում որեւէ փաստական տվյալ, անգամ տեղեկություն չկա, նախաքննական մարմնի առաջ բավականին դժվար խնդիր կա, պետք է այդ ամենը պարզի, բայց որ իմ վստահորդները չեն կազմակերպել նման բան, այս պահին գործով հաստատված հանգամանք է: Շատ հարցերի պատասխաններ պետք է ստանանք Իրանում գտնվող ընկերությունից, որը պետք է նախաձեռնի վարույթն իրականացնող մարմինը:
- Տեղեկություն կա՞, Նիդեռլանդներում գտնվող կազմակերպությունը թմրանյութի հետ կապված նախնական համաձայնություն ունեցե՞լ է Իրանում գտնվող կազմակերպության հետ:
- Բնականաբար Նիդեռլանդներում գտնվող կազմակերպությունը պետք է ընդուներ բեռը. ունեցել են նախնական համաձայնություն, թե ոչ, տեղյակ են եղել, որ բեռի մեջ թմրանյութ կա, թե ոչ՝ դա ես չեմ կարող ասել: Բայց որ ՀՀ-ում գտվող ՍՊԸ-ին ընդամենը դեկլարատիվ մասով օգտագործում են, որ փաստաթղթային ձեւակերպումներ իրականացնեն եւ խուսափեն սանկցիաներից, դա փաստ է:
- Իրանում գտնվող կազմակերպության անունը հայտնի՞ է:
- Չեմ կարող հայտնել, քանի որ նախաքննական գաղտնիք է:
- Պարոն Մելքոնյան, իսկ ինչպես է թմրանյութը անցել մաքսակետերով եւ միայն Երեւանի մաքսային կետում հայտնաբերվել:
- Դա ըստ ըստ էության օրենքի շրջանակներում է, քանի որ տարանցիկ բեռ է, բնականաբար մաքսային պահեստում բեռնաթափելուց հետո ենթադրում է ուսումնասիրություն կամ զննում. հետեւաբար երեւի պատկան մարմինները սահմանի վրա կասկածելի բան են նկատել, տեղափոխել են պահեստ, որտեղ ուսումնասիրության են ենթարկել, որեւէ արտառոց բան չեմ տեսնում:
- Իսկ որքա՞ն ժամանակ է բեռը պահեստում, ե՞րբ է տեղափոխվել Հայաստան:
- Կարծեմ 5 օր առաջ են բերել:
Անցկացվել է ԶՈՒ բարձրագույն և ավագ սպայական կազմերի «Շարային պատրաստություն» առարկայի ատեստավորումը
Վանաձոր-Ալավերդի ճանապարհին բախվել են «Կամազ»-ն ու «ԲՄՎ»-ն. 39-ամյա ուղևորը մահացել է
Բագրատաշենի սահմանային անցակետում Ինտերպոլի կողմից հետախուզվող Կիպրոսի քաղաքացի է հայտնաբերվել
Պաշտպանության նախարարի տեղակալն ու Ռեյչլ Շիլլերը ՀՀ-ԱՄՆ համագործակցությանն առնչվող հարցեր են քննարկել
Չկայացած աճուրդ. Գյումրու պատմական Ճերմակ հիվանդանոցը քաղաքապետարանի գիտությամբ աղքատ, բայց հպարտ քայքայվում է
Մշտադիտարկման չհայտարարված այց Մարի Իզմիրլյանի անվան մանկատուն. ինչ է արձանագրել ՄԻՊ աշխատակազմը
Երևանում մինչև երբ կգործեն ավտոկայանատեղիների համար սահմանված 2023թ. տարեկան վճարները
Իրական տոպոգրաֆիկ քարտեզներ են. դելիմիտացիայի գործընթացն իրականացվելու է բացառապես իրավական նշանակության փաստաթղթերով
Ալիևի հետ կառուցողական զրույց ենք ունեցել. ԱՄՆ պետքարտուղարի օգնականը Բաքվում հանդիպել է Ադրբեջանի նախագահի հետ
ՀՀ տարածքում կա փակ ավտոճանապարհ. Լարսը ևս փակ է
Համաշխարհային բանկը կշարունակի աջակցել ՆԳՆ-ին. քննարկվել է համագործակցության հետագա ճանապարհային քարտեզը
Հայաստան-Իրան համագործակցության հուշագիր կստորագրվի, հնարովոր կլինի օգտվել իրանական նավահանգիստներից
Թեհրանը դեմ է տարածաշրջանում օտարերկրացիների ներկայությանը. Իրանի ռազմածովային ուժերի հրամանատարը Բաքվում է
ԱՄՆ-ում Արմեն Գրիգորյանը Յուրի Կիմին է ներկայացրել «Խաղաղության խաչմերուկ» հայեցակարգը
Թափառող շների խնդիրը գնալով սրվում է. ինչ քայլեր է ձեռնարկում պետությունը
Ինչ է նախատեսում «Բալասանյան դաշինք»-ը՝ ի պատասխան ՔՊ-ի կողմից «Համագործակցության մասին» հուշագիրը խզելուն
Երբ հարց էիք տալիս, քննարկում էինք, թե տիկին Խամոյանը կոկայինի շարժի պրոտոկոլները որտեղից գիտի. Նիկոլ Փաշինյանը կատակեց
Երևանում շարունակվում են տոնական ձևավորման աշխատանքները. որ ճանապարհահատվածն է ժամանակավորապես փակվելու
ՀԱՊԿ ԽՎ-ին ՀՀ-ի բացակայությունն ինչպես կանդրադառնա ՀՕՊ միասնական համակարգ ստեղծելու որոշման վրա. ՌԴ ԱԳՆ մեկնաբանությունը
15-ամյա աշակերտի մահվան կապակցությամբ դպրոցի տնօրինությունը հաղորդագրություն է տարածել
Չտրվել ապատեղեկատվություն տարածող տեսանյութերին, պահպանել ճանապարհային երթևեկության կանոնները. ՆԳՆ
Այժմ քաղաքական գործիչները պադեզդներում չեն սպանվում, ժողովրդի վրա չեն կրակում. Նիկոլ Փաշինյանը՝ Լևոն Քոչարյանին
Օդի ջերմաստիճանը 8-10 աստիճանով կնվազի. սպասվում են տեղումներ և քամու ուժգնացում
ՄԻՊ-ը ԵԽ պատգամավորի հետ ԼՂ-ից բռնի տեղահանված անձանց իրավունքների պաշտպանությանն առնչվող հարցեր է քննարկել
Մարտունու ՌՈ տարածքային բաժանմունքի պետը զինծառայողի հորից խոշոր չափի կաշառք է ստացել. քրեական վարույթը դատարանում է
Պարոն Ալեքսանյանը կճշտի կանաչ «ժիգուլիի» գտնվելու վայրը, կասի ձեզ․ վարչապետը՝ Խաչատրյանին
Աշոցքի, Արթիկի, Ապարանի և այլ տարածաշրջաններում անձրև է, Դիլիջանի ոլորաներում՝ մառախուղ
Կարևոր է, որ ՀՀ-ում արտադրված ապրանքները լինեն բարձրակարգ, Լարսով մեքենաների անցանելիությունը վերականգնվել է. Քերոբյան
Բաքուն միշտ հաստատել է բանակցությունների իր պատրաստակամությունը, ինչը չենք կարող ասել հայ գործընկերների մասին. Զախարովա
Ավազի ապօրինի արդյունահանում է իրականացվել. հանրային քրեական հետապնդում է հարուցվել ընկերության տնօրենի նկատմամբ
Թափառող շներից փախչելիս 7-ամյա տղան սայթաքել է, գլուխը հարվածել եզրաքարին. ՔԿ-ն մանրամասներ է հայտնել մահվան դեպքից
Գյումրու ՔՊ-ական փոխհամայնքապետերը հրաժարական կտան. կուսակցությունը խզում է «Բալասանյան» դաշինքի հետ կնքած հուշագիրը
Եվրոն ու ռուբլին էժանացել են. ինչ փոփոխություններ է արձանագրել տարադրամի շուկան այսօր
Ռուսներ, վրացիներ, իրանցիներ, հնդիկներ, թուրքեր. որ երկրից քանի քաղաքացի է ժամանել Հայաստան՝ անցած 10 ամիսներին
Ստեփանծմինդա-Լարս ավտոճանապարհը փակ է բեռնատարների համար
ԱԽ քարտուղարն աշխատանքային այցով կմեկնի Լոնդոն
Եվրահանձնաժողովը նախազգուշացնում է տոնական օրերին ահաբեկչությունների սպառնալիքի մասին
Ադրբեջանը նպատակ չունի դառնալ Եվրամիության անդամ, մեզ չեն էլ ընդունի. Ալիև
Ալավերդի համայնքի բնակիչներից ներողություն եմ խնդրում, վիրավորանքներին համարժեք պատասխան է հնչել. Արեն Մկրտչյան
Հարությունյանը Հայաստանում ԵՄ պատվիրակության ղեկավարին ներկայացրել է «Խաղաղության խաչմերուկ» նախագիծը
© 2023 Հայկական ժամանակ