Վարչական շրջանի ղեկավարը կայացրել է իր որոշումը. երեխաներին ընդունելու հերթը խախտած տնօրենին այլ աշխատող է փոխարինում

Երեկ՝ մարտի 29-ին, Շենգավիթ վարչական շրջանի ղեկավարն ազատել է Շենգավիթի համար 133 մանկապարտեզի տնօրենի պաշտոնակատարին: Ժաննա Մանուկյանը վստահեցնում է՝ իրեն անհիմն են ազատել:

Հիշեցնենք՝ Շենգավիթ վարչական շրջանի ղեկավար Ռազմիկ Մկրտչյանը գրառում էր կատարել, որ մանկապարտեզի տնօրենը, ըստ իր ցանկության կամ չիմացության հետեւանքով, ընտրել եւ ընդունել է որեւէ արտահերթություն չունեցող 12 երեխաների, ովքեր 50-րդ, 47-րդ, 16-րդ եւ այլ հերթագրման համարն են ունեցել՝ չպահպանելով երեխաների ընդունելության համար սահմանված կարգը եւ հերթագրման հաջորդականությունը: Մկրտչյանը նաեւ հայտնել էր՝ վաղաժամկետ լուծարվել է մանկապարտեզի պաշտոնակատարի հետ ժամկետային աշխատանքային պայմանագիրը:

«Հայկական ժամանակի» հետ զրույցում մանկապարտեզի՝ արդեն նախկին ղեկավար Ժաննա Մանուկյանը հայտնեց, որ առաջնորդվել է առողջապահության նախարարի հրամանով. մանկապարտեզ է ընդունել 12 սաների՝ առաջնահերթությունը տալով նրան, որ երեխաների երկու ծնողներն էլ աշխատում են, եւ վերջիններիս աշխատանքը հեռավար կազմակերպել հնարավոր չէ:

Մանուկյանից հետաքրքրվեցինք, թե հերթում այդ 12 երեխաներից առաջ այլ երեխաներ արդյոք չե՞ն եղել, որոնց երկու ծնողներն էլ աշխատում են: «Նրանց ծնողները երեւի թե խնդիր չեն ունեցել ու ինձ չեն դիմել: Իսկ այդ 12 երեխաների ծնողների համար գերխնդիր է եղել իրենց երեխայի խնամքը: Այդ մարդիկ մեկ տարի շարունակ բոլոր հնարավոր դռները թակել են, որպեսզի իրենց երեխաներին ընդունեն մանկապարտեզ»:

Նշենք, որ Մանուկյանի ազատման պատճառներից է նաեւ մանկապարտեզի աշխատակիցներից երկուսի երեխաներին առանց հերթագրման ու գրանցման մանկապարտեզ տեղավորելը: Մանուկյանը, անդրադառնալով իր ազատման՝ այդ երկրորդ պատճառին, ասաց. «Այդ երկու երեխաները ստաբիլ հաճախող երեխաներ չեն եղել, երբեմն մայրերը, պահող չունենալով, նրանց իրենց հետ են բերել: Բայց ես շատ լավ տեղյակ եմ, որ տարբեր պետական համակարգերում, հենց՝ նույնիսկ քաղաքապետարանում, ծնողը եթե աշխատում է եւ ունի երեխային պահելու խնդիր, ապա նա իրավունք ունի ժամանակ առ ժամանակ երեխային իր հետ տանի աշխատանքի»:

Ըստ Մանուկյանի՝ ստուգումներն ու երկու աշխատակիցների երեխաներին իրենց հետ տանելն այդ օրը կա՛մ զուգադիպություն է եղել, կա՛մ դիտավորյալ ինչ-որ մեկը հետեւել է, տեսել, որ աշխատողը երեխայի հետ է, կանչել է ստուգողների: Ազատված ԺՊ-ի վստահեցմամբ՝ աշխատակիցների երեխաները մյուս սաների հետ չեն շփվել, ընդհանուր սննդից չեն օգտվել, ծնողն առանձին սնունդ է տարել: «Բալիկներից մեկն իր քրոջ հետեւից լացելով բարձրացավ խումբ, ու դա դարձավ մեծ խնդիր»,- ասաց նա:

Աշխատանքից զրկված Ժաննա Մանուկյանն ունի երեք անչափահաս երեխա, 15, 14 եւ 4 տարեկան: Նրա ամուսինը Ադրբեջանի դեմ մղած մեր վերջին պատերազմից հետո անհետ կորածների թվում է, ոստիկանության նախկին աշխատակից է, մեկնել էր՝ որպես կամավոր: Ընտանիքի անդամները վերջին անգամ նրա հետ զրուցել են հոկտեմբերի 24-ին:

Ժաննա Մանուկյանի խոսքով՝ միակ բանը, որ այս պահին մտածում է, ստեղծված իրավիճակից արդար դուրս գալն է. «Ես հետոյի համար չեմ մտածում, ուզում եմ ապացուցել, որ օրենքի խախտում չեմ կատարել ու հանցագործ չեմ, ինչպես ինձ փորձում են ներկայացնել»,- ասաց նա:

Շենգավիթ վարչական շրջանի ղեկավար Ռազմիկ Մկրտչյանն էլ «Հայկական ժամանակի» հետ զրույցում ասաց, որ իր որոշումն արդեն կայացրել է, եւ մանկապարտեզի աշխատակիցներից մեկին հանձնարարվել է ժամանակավոր պատասխանատվություն ստանձնել՝ մինչեւ տնօրենի նոր պաշտոնակատար նշանակվի: Մկրտչյանը եւս մեկ անգամ հիշեցրեց իր գրառումն ու մանրամասնեց՝ 12 երեխաների թվում եղել են նաեւ այնպիսիք, որ անգամ նախարարի հրամանին չեն համապատասխանել. ընդունված երեխաներից 2-ի դեպքում էլ առաջնահերթության կարգով ընդունելը մինչ այդ մերժված է եղել:

«Թեպետ հիմա հղում են տալիս առողջապահության նախարարի հրամանին, բայց դա արդարացում չէ: Մենք այս մարդկանց չենք ասում, որ նախարարի հրամանը գերակա չէ, եթե անգամ նախարարի հրամանով է ընտրություն կատարվել, ապա դա եւս չի համապատասխանում ճիշտ չափանիշներին: Ցուցակում եղած 16, 50, 47 եւ այլ համարներից կամայական ընտրած երեխեք են, մինչդեռ իրենցից առաջ կան սաներ, որոնց դեպքում եւս երկու ծնողները աշխատում են: Ինչո՞ւ նրանք չեն ընտրվել, այլ շրջանցվել են տասնյակ համարներ»,- հարցադրում արեց Մկրտչյանը:

Վարչական շրջանի ղեկավարից հետաքրքրվեցինք, թե պարզե՞լ են արդյոք՝ գուցե ծանոթ բարեկամական սկզբունքով է մանկապարտեզում 12 սաների ընտրությունը կատարվել: Վերջինս նշեց, որ նման փաստեր չունեն: «Չգիտեմ՝ նրանք տնօրենի կամ այլ աշխատակիցների հետ կապ ունեն, թե ոչ, բայց ուզում եմ այլ փաստի էլ ուշադրություն դարձնեք՝ մանկապարտեզի աշխատակիցներից երկուսն էլ երեխաներին իրենց հետ տանում են մանկապարտեզ: Այդ երեխաները փաստացի հաճախում են մանկապարտեզ, բայց գրանցված չեն, դա եւս ֆիքսվել է: Էլ չեմ ասում, թե այդ ամենի հետեւանքով ինչ խնդիրներ կարող են առաջանալ»,- ասաց Ռազմիկ Մկրտչյանը:

Վարչական շրջանի ղեկավարը փաստեց՝ տնօրենի պաշտոնակատարին ազատել է աշխատանքից, քանի որ գտնում է, որ նա իր գործին չի տիրապետում ու չի կարողանում նորմալ աշխատել: «Ամեն դեպքում, շուտով մրցույթ էլ կհայտարարվի, եթե ցանկանում է, կարող է մասնակցել, ընտրություն կլինի»,- ասաց նա:

Անդրադառնալով այն հարցին, որ Մանուկյանն ունի երեք անչափահաս երեխա, ամուսինն էլ համարվում է անհետ կորած՝ Մկրտչյանն ասաց. «Շահարկումը, թե ամուսինն անհետ կորած է եւ այլն, ուղղակի ցավալի երեւույթ է, որին մենք այսօր բախվեցինք»:

«Հայկական Ժամանակ»-ը Telegram-ում
Տպել
6011 դիտում

Մի անգամ էլ կարդացեք Սուրբ գիրքը, ոնց որ լավ չեք հասկացել՝ ով եք. Մեհրաբյանը՝ հոգևորակններին

Վաշինգտոնում մեղուներ տեղափոխող բեռնատար է շրջվել. 250 միլիոն մեղու դուրս է թռչել փեթակներից. տեսանյութ

Ընթերցանությունը գիտելիքների, հմտությունների ու արժեհամակարգի ձևավորման ամենակարևոր ճանապարհն է. ԿԳՄՍ նախարար

430 պացիենտ անվճար ստանում է թանկարժեք դեղեր. Ավանեսյանը հյուրընկալել է ցրված սկլերոզ ունեցող շահառուներին

Կրթվելը նորաձև է Վանաձորում. վարչապետը տեսանյութ է հրապարակել

Գերմանիայում սպորտային ինքնաթիռ է վթարի ենթարկվել. կան զոհեր

Իրանում ՀՀ դեսպանն ընդունել է հայկական համայնքի մի խումբ ներկայացուցիչների. ինչ է քննարկվել

ՆԱՏՕ-ն չի քննարկում դաշինքը չընդլայնելու վերաբերյալ Ռուսաստանի պահանջը

Նախագահի նստավայրում մանկապատանեկան ժամանցային-մշակութային միջոցառում է կայացել. լուսանկարներ, տեսանյութ

«Նորարար ուսուցիչ՝ հզոր պետություն». տեղի է ունեցել ուսուցչական 4-րդ համաժողովը

Քանի՞ նման գրառում կգտնեք ընդդիմադիրների էջերում. Հարությունյանը վերահրապարակել է իր 2016-ի գրառումներից մեկը

Ընթանում է ԱԺ պետական-իրավական հարցերի մշտական հանձնաժողովի և ԵԱՀԿ ԺՀՄԻԳ-ի համատեղ արտագնա աշխատաժողովը

Էդմոն Մարուքյանը հայհոյել է իր հրապարակումը մեկնաբանած քաղաքացուն

Մարմնամարզիկ Արթուր Դավթյանը՝ Եվրոպայի առաջնության եռակի չեմպիոն

Կիրիլի հոգեզավակները սուրբ չեն, մերժում եմ ՀԱԵ սուրբ եկեղեցին զավթած Գարեգինին և նրա ավազակախմբին. Վարդանյան

Նիկոլ Փաշինյանի՝ Ֆրանսիայում վիլլա գնելու մասին «հետաքննությունը» կեղծ է

Սիանի թանգարանային համալիր այցելած 30-ամյա տղամարդը նետվել է պեղված փոսը, կոտրել «Տերակոտե բանակի» երկու արձան

ԱՄՆ սենատոր Սթիվ Դեյնզն այցելել է Գյումրու սուրբ Ամենափրկիչ եկեղեցի

Սա տարածք է, որը ժամանակին ծովի հատակն էր. Կասպից ծովի հյուսիսում նոր կղզի է հայտնաբերվել. լուսանկար

Ուկրաինայի Սումիի մարզում ընդլայնվել է պարտադիր տարհանման գոտին. ևս 11 գյուղական բնակավայր է ավելացել

Օդի ջերմաստիճանը կբարձրանա 5-6 աստիճանով, այնուհետ կնվազի. շրջանների մեծ մասում սպասվում է կարճատև անձրև

«BMW X5»-ը վարել է 13-ամյա երեխան. մեքենայում են գտնվել խմած հայրը, մայրը, տատն ու ևս 2 անչափահաս

Ինչ վիճակում է Երևանում մոր հետ վրաերթի ենթարկված երեխան. «Սուրբ Աստվածամայր» ԲԿ-ն մանրամասներ է հայտնել

Շան համար վիճաբանել, հետապնդել են միմյանց՝ վրաերթի ենթարկելով 42-ամյա կնոջը և 2-ամյա որդուն․ կինը մահացել է

Հարավային Կովկասը կարող է վերածվել տարածաշրջանային խաղաղության և կայունության կենտրոնի. Միխեիլ Կավելաշվիլի

Թե կա մեկը, ում մուտքը պետք է արգելվի եկեղեցի՝ սրբազաններն են՝ սկսած Աջապահյանից. Չախոյանը՝ Մարմաշենի վանահորը

Ձեր կամքը փորձության է ենթարկվելու՝ հաճախ ամենամտերիմների կողմից, առաջնորդները, սակայն, չեն հանձնվում. դատախազ

Մասնակցեցի վաղ առավոտյան Կապանի Նոր Առաջաձորի ջրամբարում կազմակերպված ձկնորսության առաջնությանը. Դանիելյան

Շվանիձոր-Նռնաձոր-ՀՀ սահման ավտոճանապարհին պայթեցման աշխատանքներ են կատարվելու

Դավթաշենի կամրջի տակ տղամարդու դի է հայտնաբերվել

Բորիս Մուրազին սեռական ծառայություններ է մատուցում Սերժ Սարգսյանին և նրա ֆավորիտ որոշ եպիսկոպոսների. Հակոբյան

Ինչ փոփոխություններ է արձանագրել տարադրամի շուկան մայիսի 31-ին

Ամեն ինչ կախված է մեկ դեղահաբ ընդունելուց. Բայդենը հայտարարել է, որ սկսել է բուժումը քաղցկեղի դեմ

Ցնդած բիձա, իսկ եթե ավելի լուրջ՝ այս մարդն ակնհայտորեն օգնության կարիք ունի. Աննա Հակոբյան

Վանաձորում փրկարարները կանխել են ավտոտնակի հրդեհի տարածումը դեպի հարակից շինություններ

Հիմնանորոգվում են Արմավիրի 3 գյուղով անցնող ճանապարհահատվածներն ու Մրգաշատի կամուրջը

Մայր Աթոռի համապատասխան կառույցները պետք է քննեն Աջապահյանի հայտարարությունը և տան պարզաբանումներ. վարչապետ

Վարչապետն անդրադարձել է Աջապահյանի՝ Էդ պոռոտախոսներից որևէ մեկը թող փորձի մի ամիս առանց կնոջ ապրել, խոսքերին

Վանաձոր-Ալավերդի ճանապարհի մի հատվածը փակ է բեռնատարների, միակողմանի երթևեկելի՝ մարդատարների համար

Տէ՛ր, արդարութեամբ քո առաջնորդի՛ր ինձ, իմ թշնամիների պատճառով ուղղի՛ր իմ առջև ճանապարհները քո. վարչապետ