Երեւանում տեղադրվել են էլեկտրական ավտոմոբիլների լիցքավորման կայաններ. մանրամասնում է Սարգսյանը

Օպերային թատրոնի հարեւանությամբ գտնվող ստորգետնյա վճարովի ավտոկայանատեղիում էլեկտրական ավտոմեքենաների համար տեղադրվել են լիցքավորման երեք կայաններ: Սա նոր հնարավորություն է տվյալ հատվածում կայանելուն զուգընթաց անվճար լիցքավորել էլեկտրական ավտոմեքենան:

Մեր այցելության ժամանակ արդեն նաեւ էլեկտրոմոբիլ էր միացված լիցքավորման կայաններից մեկին: Վարորդը, սակայն, տարածքում չէր:

Երեւանի փոխքաղաքապետի առաջին տեղակալ Հրաչյա Սարգսյանը «Հայկական ժամանակի» հետ զրույցում հայտնեց, որ լիցքավորման կայանների տեղադրման նախաձեռնությունն իրենցը չէ, պարզապես իրենք տրամադրել են Երեւանի քաղաքապետարանի ենթակայության ներքո գործող տարածքը: Լիցքավորման կայանները տեղադրվել են «Էներգետիկայի հայկական գործակալություն» (Armenian Energy Agency) հիմնադրամի կողմից իրականացվող Plug.am ծրագրի շրջանակներում:

Էլեկտրոմոբիլներն այսօր համարվում են ապագայի մեքենաներ, դրանք գնալով առավել մեծ տարածում են գտնում ամբողջ աշխարհում: Երեւանի փոխքաղաքապետ Հրաչյա Սարգսյանի փոխանցմամբ՝ այսօրվա դրությամբ Հայաստանում 700-ից ավելի ավտոմեքենա կա էլեկտրական լիցքավորմամբ: Այդ թիվը գնալով ավելանում է, հետեւաբար մեծանում է լիցքավորման կայանների հանդեպ պահանջարկը: Սակայն այս պահի դրությամբ մայրաքաղաքում դրանք ընդամենը 6-ն են, որոնք ոչ կոմերցիոն՝ հանրային տարածքներում են տեղադրված: Հաշված թվով լիցքավորման կայաններ էլ կան կոմերցիոն վայրերում:

Քաղաքապետի առաջին տեղակալի խոսքով, ցավոք, Երեւանում չունենք այնպիսի լիցքավորման կայաններ, որոնք հնարավորություն կտան, որ ավտոմեքենան երկար ժամանակ մի տեղում կայանի, լիցքավորվի, իսկ Էլեկտրոմոբիլի լիցքավորման համար մի քանի ժամ է հարկավոր:

Ըստ Սարգսյանի՝ էլեկտրոմոբիլների լիցքավորման կայանների տեղադրման վայրը Օպերայի հարակից ստորգետնյա ավտոկայանատեղին են ընտրել, քանի որ այդ հատվածում ավտոմեքենաները կարող են հանգիստ մի քանի ժամ կայանել, լիցքավորվել, ապա՝ անարգել առաջ շարժվել. «Բացի դրանից՝ այդտեղ պետք էր նաեւ վերահսկողություն իրականացնել, իսկ այս պարագայում երկուսը մեկում է»:

Փոխքաղաքապետը նաեւ նկատեց՝ էլեկտրոմոբիլների լիցքավորումը դեռ անվճար է, առայժմ դա ավելի շատ խրախուսելու համար է, բայց որոշակի ժամանակ հետո կարիք կլինի, որ վճարովի դառնա: «Սակայն դրա համար էլ օրենսդրական նախաձեռնություն է պետք, քանի որ էլեկտրաէներգիայի վերավաճառք, որպես այդպիսին, չի թույլատրվում»,- շեշտեց Հրաչյա Սարգսյանը: Նա կարծիք հայտնեց, որ պետական մակարդակով է պետք նաեւ հարցը քննարկել, որպեսզի էլեկտրական ավտոմեքենաների լիցքավորման համար էլեկտրաէներգիայի սակագինը մի փոքր ցածր լինի, եւ բենզալցակայաններում ու գազալցակայաններում կարողանան նաեւ էլեկտրոմոբիլները լիցքավորվել:

«Դաշտը պետք է ազատականացվի, որ լիցքավորման կայանները համատարած լինեն: Ժամանակին քաղաքապետարանում քննարկում էինք, որ Երեւանի 12 վարչական շրջաններում գոնե ամեն մեկում մեկ լիցքավորման կայան տեղադրենք, բայց տեխնիկական խնդիրներ առաջացան. հոսանքի սնուցումը, մեքենաների մի հատվածում երկար կանգնելու նպատակահարմարությունը եւ այլն»,- ասաց նա:

«Plug.am» ծրագրի հեղինակ-ղեկավար Կարեն Դերձյանն էլ «Հայկական ժամանակի» հետ զրույցում հայտնեց, որ Հայաստանում արդեն 25 լիցքավորման կայաններ են տեղադրել, տարբեր քաղաքներում եւ համայնքներում: «Երեւանից դուրս՝ 2-ը Գյումրիում են, իսկ 20-ը՝ այլ քաղաքներում եւ մարզերում: Գրեթե բոլոր մարզերը ներառել ենք, սկսած Այրում համայնքից՝ մինչեւ Եղեգնաձորի ամենահարավային կետը»,- ասաց Կարեն Դերձյանը:

Վերջինիս խոսքով՝ Երեւանի քաղաքապետարանի հետ դեռ քննարկումներ պիտի ծավալվեն, որպեսզի հաջորդ փուլում կայաններ տեղադրվեն ոչ թե միայն կենտրոնում, այլեւ մյուս վարչական շրջաններում, քաղաքի ծայրամասերում:

Ըստ մեր զրուցակցի՝ էլեկտրական մեքենաների ամենօրյա օգտագործման դեպքում շաբաթը մեկից երկու լիցքավորումը լրիվ բավական է: Մեքենաները հարմար են նաեւ երկար ճանապարհային ուղեւորությունների ժամանակ։ Էլեկտրական մեքենաները մեկ լիցքավորումով կարելի է վարել 80-160 կմ, իսկ «Tesla» ավտոմեքենաները՝ մինչեւ 645 կմ։

«Եթե մեքենան լիցքավորվում է տնային պայմաններում, կարող է տեւել 8-10 ժամ եւ ավելի: Օրինակ՝ Tesla մեքենաները մինչեւ 30 ժամ են պահանջում տնային պայմաններում լիցքավորման համար, բայց հանրային կայաններն ավելի հզոր են, դրանց լիցքավորումը կարող է տեւել 1-4 ժամ՝ կախված մեքենայից»,- ասաց Կարեն Դերձյանը:

Էլեկտրական մեքենաների առավելությունը վառելիքի՝ էլեկտրական էներգիայով փոխարինումն է, ինչի հետեւանքով կրճատվում են նավթային վառելիքի այրումից առաջացող ածխաթթու գազի եւ այլ ջերմոցային գազերի արտանետումները: Այս տեխնոլոգիայի միջոցով օդի աղտոտվածությունը, երթեւեկության աղմուկն ու այլ խնդիրներ կարող են հեռանկարային լուծում ստանալ:

Էլեկտրոմոբիլների հիմնական արտադրողներն են Չինաստանը, ԱՄՆ-ը եւ Եվրոպան։

Տպել
3022 դիտում

Կընդլայնվի հայ-վրացական կրթական համագործակցությունը. հայկական պատվիրակությունը մեկնել է Թբիլիսի

Պայթյուն և խոշոր հրդեհ Ռյազանի վառոդի գործարանում. զոհվել է 16 մարդ (լուսանկարներ)

ԲՀԿ-ական նախկին պատգամավորը ձերբակալվել է, նրան կալանավորման միջնորդություն է ներկայացվել

ԱԳ նախարար Արարատ Միրզոյանն ընդունել է Հայաստանում ՅՈՒՆԻՍԵՖ-ի ներկայացուցչին, ընդունել հավատարմագիրը (տեսանյութ)

Նիկոլ Փաշինյանի որոշմամբ՝ Արման Խոջոյանը կգործուղվի Ռուսաստան

Մահացել է ՀՀ արվեստի վաստակավոր գործիչ, արվեստաբան Շահեն Խաչատրյանը

«Արմավիր» ՔԿՀ-ում կալանավոր է մահացել. նա Ֆրանսիայի քաղաքացի է

Համալիր մշակման է ենթարկվում ՇՄԱԳ փորձաքննության մասին օրենքի նոր նախագիծը

Արմեն Սարգսյանը շնորհավորել է Քիմ Քարդաշյանին ծննդյան օրվա առթիվ

ԱԺ փոխնախագահ Հակոբ Արշակյանը «Հայաստան-Ինժեներական շաբաթ 2021»-ին ներկայացրել է ոլորտի առաջխաղացումը (տեսանյութ)

Հունվարի մեկից կարգելվի պոլիէթինելային տոպրակների գործածումը առևտրի կետերում. ինչ այլընտրանք է առաջարկվում

Նոյեմբերի 8-14-ը Հայաստանում կանցկացվի մեդիագրագիտության շաբաթ

Արցախում կորոնավիրուսային հիվանդության 67 նոր դեպք է գրանցվել

ԱԺ արտահերթ ընտրություններին առնչվող 22 գործով դատի է տրվել 46 անձ. գերակշիռ մասը՝ ընտրակաշառքի համար

Կորոնավիրուսային իրավիճակը շարունակում է լարված մնալ. գրանցվել է 42 մահ 1 օրում

Պատվաստանյութերը կանխարգելում են մահացությունը նաև կորոնավիրուսի դելտա շտամից. Թորոսյան

Ալեք Բոլդուինը նկարահանման ժամանակ կրակել է իրական զենքով. մահացել է օպերատորը, ծանր վիրավոր է ֆիլմի ռեժիսորը

Պատվաստվելու հնարավորություն կլինի նաև այս կիրակի օրը. բժշկական անձնակազմեր կլինեն մի քանի կետերում

Կարմիր Կատար լեռը ներառվել է բնության հուշարձանների ցանկում

Բռնցքամարտի Եվրոպայի երիտասարդների առաջնությունում Հայաստանն ունի եզրափակիչի 4 մասնակից

Վրաստանում ՀՀ դեսպանն ու երկրի ԱԳ փոխնախարարը քննարկել են երկկողմ օրակարգային հարցեր

Կենտրոնական բանկը սահմանել է նոր փոխարժեքներ

Աստիճանաբար վերականգնվում է «Ապարան - Երևան» մայրուղային ջրատարով ջրամատակարարումը

Իրանը չի բացառում հետագայում Ռուսաստանի հետ ռազմական բլոկի ստեղծումը

Երևանում և 4 մարզերում մի քանի ժամ լույս չի լինի

Եղվարդի 40-ամյա բնակչի մոտ 4 փաթեթ կանեփանման զանգված է հայտնաբերվել (տեսանյութ)

«Պատերազմից հետո ինձ ֆիլմ հետ բերեց մաեստրո Մանսուրյանը»․ տեղի ունեցավ երկար սպասված «Զուլալիի» պրեմիերան

Բյուրեղավան համայնքում ավարտվել են ներհամայնքային ճանապարհների կապիտալ ասֆալտապատման աշխատանքները

ՅՈՒՆԻՍԵՖ-ն Արմավիրի առողջության առաջնային պահպանման կենտրոնների համար բժշկական սաքավորումներ է տրամադրել

ՔՈՎԻԴ-19-ի դեմ պատվաստված անձինք 12 անգամ ավելի քիչ են հոսպիտալացվում․ ԱՄՆ-ում իրականացված հետազոտություն

Արման Եղոյանը ԵՄ Թվինինգ ծրագրի շրջանակներում հանդիպումներ է ունեցել Իտալիայի խորհրդարանի գործընկերների հետ

Կարմիր Կատար լեռը ներառվեց բնության հուշարձանների ցանկում

Մեղրաշատ գյուղում այրվել է մոտ 40 հա խոտածածկույթ

Ես չեմ տեսնում պետականամետ ընդդիմություն, նրանք ավելի շատ ռևանշիստներ են, մուռ հանողներ, վրեժ լուծողներ․ Մհեր Արմենիա

Եվրամիությունն աջակցում է տարածաշրջանում խաղաղության ամրապնդմանը․ Արշակ Կարապետյանն ընդունել է Տոյվո Կլաարին

Ալեն Սիմոնյանը Աթենքում հանդիպել է ԵԱՀԿ խորհրդարանական վեհաժողովի նախագահ Մարգարետա Սեդերֆելթի հետ

Ֆրանսիայի Սենատի փոխնախագահն Ալեն Սիմոնյանին է փոխանցել Սենատի նախագահի հրավերը՝ այց կատարելու Ֆրանսիա

Ռուստամ Բադասյանը և Իրանի մաքսային ծառայության ղեկավարը կարևորել են Մեղրիի սահմանային անցակետի արդիականացումը

Կորոնավիրուսից մահացել է Տիգրան Կարապետյանը

Տրամադրվել է առաջին լիցենզիան՝ Տիեզերական գործունեություն իրականացնելու համար