Թուխ Մանուկ վանքի խաչքարի վրայի խաչը համայնքի բնակիչներն են տեղադրել 5 տարի առաջ. պատկան մարմիններն ասում են՝ անզոր ենք

18/05/2021 schedule18:54

Օրերս համացանցում տարածվեց Լուսագյուղի Թուխ Մանուկ վանքի դիմաց գտնվող խաչքարի լուսանկարը, որը դարձավ սուր քննադատությունների առարկա: Բանն այն է, որ խաչքարի վրա տեղադրված էր մարմարե սպիտակ խաչ: Մարդիկ նշում էին, որ եկեղեցու բակի խաչքարի մեջ մխրճված «գեշ ու ռաբիս» խաչը ապականել է կոթողը, որոշներն էլ խոսում էին նման երեւույթների տարածված լինելու մասին՝ ասելով, որ նման տգետ ու անճաշակ երեւույթները ընդամենը բարձիթողության եւ պատշաճ վերահսկողություն չլինելու հետեւանք են:

Լուսագյուղի համայնքապետ Քաջիկ Զաքարյանը մեզ հետ զրույցում նշեց, որ խաչը կոթողի վրա են տեղադրել իրենց համայնքի բնակիչները: «Մեր գյուղի գերեզմանոցում հին դարի խաչ կար, ջարդված էր, դրա նման դեռ 5 տարի առաջ նորը սարքեցինք, տեղադրեցինք (խաչքարի վրա)»,- ասաց նա:

Հարցին՝ իսկ ինչո՞ւ է որոշվել խաչը տեղադրել կոթողի վրա, եւ արդյո՞ք ունեցել են թույլտվություն, համայնքապետը պատասխանեց. «Բա ոնց չենք ունեցել, խաչը դնելով՝ հանցագործությո՞ւն ենք արել: Հիմա ես չեմ հասկանում՝ խաչ դնելը վերացնե՞նք. մեր ազգը առանց այն էլ հին ավանդույթները չի պաշտպանում, մե՞նք էլ վերացնենք»:

Պատմական միջավայրի պահպանության Արագածոտնի մարզային ծառայության պետ Մանուկ Մանուկյանը (լուսանկարում ինքն է) էլ նշեց՝ խաչը ապօրինի է տեղադրված եղել 2015 թվականից:

«Կոթողը 5-րդ դարի խաչքարերի նախատիպ է, որովհետեւ մեր նախնիները խաչքարերից առաջ ունեցել են կոթողներ, որի վրա խաչեր են քանդակել: Կոթողի վրա երբեւիցե խաչ տեղադրված չի եղել: Ծակել են կոթողը, սպիտակ մարմարե նոր պատրաստված խաչի պոչը տեղադրել են կոթողի մեջ՝ վնաս պատճառելով եւ խաթարելով կոթողի ընդհանուր ճարտարապետական տեսքը»:

Մանուկ Մանուկյանը նշում է նաեւ, որ խաչի տեղադրումից հետո կոթողը վնասվել է.

«Կոթողը մի որոշ չափով փորել են, խաչի ներքևի հատվածը տեղադրել են կոթողի մեջ, բնականաբար, կոթողին վնաս պատճառելով»:

Մանուկ Մանուկյանի խոսքով՝ խաչի տեղադրումը վատ օրինակ է դարձել, եւ եկեղեցու հարակից տարածքում շարունակաբար տեղադրվել են նոր ոճի խաչեր ու խաչքարեր:

Հարցին՝ իսկ ի՞նչ հիմնավորմամբ է տեղադրվել խաչը, Մանուկ Մանուկյանը պատասխանեց, որ հիմնավորում չկա, բնակիչների խոսքով՝ իրենց գյուղի եկեղեցին է, ցանկացել են տեղադրել եւ տեղադրել են:

«Մեր գյուղի եկեղեցին է, դուրներս եկել է, ուզում ենք այդ եկեղեցու բակում խաչ տեղադրենք, այ դա է հիմնավորումը, ուրիշ ոչ մի բան: Մեր ժողովրդի մոտ ուղղակի մոդայիկ է դարձել հուշարձանների տարածքում կամ բլուրների վրա խաչեր տեղադրելը, ձեւապաշտություն է ընդամենը, ուրիշ ոչինչ»,- նշեց Պատմական միջավայրի պահպանության Արագածոտնի մարզային ծառայության պետը:

Մանուկ Մանուկյանը հավելեց նաեւ, որ հիմա այդ խնդրով են զբաղվում. քանի որ բավական վաղեմություն ունի, չեն հիշում՝ այդ խնդրով դիմել են ոստիկանություն, թե ոչ, բայց խաչը հանելու բանավոր պայմանավորվածություն ունեցել են տեղադրողի հետ, որը, սակայն, ոչ մի արդյունք չի տվել:

«2015 թվականից այդ խնդիրը մեր տեսադաշտում է: Բավական մեծ դժվարությամբ ենք կարողանում պայքարել նման երեւույթների դեմ. չունենք լծակներ, դիմում ենք ոստիկանությանը, ոստիկանությունն էլ գրեթե ոչինչ չի ձեռնարկում: Որ գնում էլ ենք, ասում ենք՝ պետք է հանվի, օրենքի խախտում է, տվյալ համայնքի բնակիչները միահամուռ ձեւով դեմ են լինում այդ ամենին, նույնիսկ ասում են՝ ի՞նչ եք առաջարկում, բերեինք, կիսալուսի՞ն տեղադրեինք, որ ձեր դուրը գա, մեր հուշարձանն է, խաչ ենք դրել, լավ ենք արել: Եվ մենք չենք կարողանում այդ բացասական երեւույթի դեմ պայքարել»,- ասաց նա:

Վայոց ձորի մարզի Քարագլուխ գյուղի Թուխ Մանուկ վանքի դիմաց եւս տեղադրվել է նմանօրինակ սպիտակ մարմարե խաչ, ինչը նույնպես համացանցում քննադատությունների տեղիք է տվել: Եղեգիս համայնքի ղեկավար Արթուր Ստեփանյանի խոսքով՝ վանքի դիմացի խաչքարը սովորական քարից քանդակել է գյուղի բնակիչներից Ապեր Դանողյանը, ով Հայրենական պատերազմի վետերան է։

Համայնքի ղեկավարը պատմում է, որ 95-ամյա ծերունին երազում տեսնում է եկեղեցին, գյուղից մեծ քար է գտնում, 50 սմ բարձրությամբ խաչ պատրաստում եւ տեղադրում վանքից մի փոքր վերեւ:

«Դա գյուղից վերցրած սովորական մեծ քար է. ուղղակի այդ մարդը սրտի ցանկությամբ ցանկացել է քանդակ դարձնել՝ իրենից որպես հիշատակ, գյուղից տարել-հասցրել է Թուխ Մանուկ, այլ ոչ թե Թուխ Մանուկի տարածքից խաչքար են վերցրել, պղծել են: Չկա նման բան. մարդը սովորական քարի վրա քանդակել է, խաչն էլ տեղադրել է: Կատարված ոչ մի վատ բան չկա, ուղղակի մարդը ցանկություն է ունեցել, տարել, տեղադրել է»,- ասաց նա:

Հ.Գ. Մանուկ Մանուկյանն ավելի ուշ նշեց, որ արխիվները նայելուց հետո պարզել են, որ բանավոր պայմանավորվածություն է եղել խաչը տեղադրողի հետ, ով խնդրել է իրեն որոշակի ժամանակ տալ, որպեսզի նա ԿԳՄՍՆ-ից թույլտվություն խնդրի խաչի մնալու հետ կապված, սակայն 5 տարվա ընթացքում գործընթացը տեղից չի շարժվել: Նրա խոսքով՝ եւս մեկ անգամ տեղադրողին կհիշեցնեն իր պարտավորության մասին, իսկ եթե դրանից հետո էլ կոթողը չազատի խաչից, անպայման կդիմեն ոստիկանություն՝ ոչ միայն այդ, նաեւ մնացյալ ապօրինի խաչերի ու խաչքարերի գործով: Սակայն Մանուկյանը եւս մեկ անգամ արձանագրեց, որ ոստիկանությանը ինչքան դիմել են, խնդիրը չի լուծվել, այս անգամ նորից կփորձեն, տեսնեն՝ ինչ կարող են անել:

Տպել
2272 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում