Ինչու էր Աստված ուզում էս ճրագը մարեր, չգիտեմ․ Գեղաձոր գյուղում տրակտորի անիվի պայթունից տանտերերը վնասներ են կրել

23/07/2021 schedule00:12

Արագածոտնի մարզի Գեղաձոր համայնքում Ֆերոյանների տան բակում կայանած տրակտորի անիվի պայթյունից առաջացած օդի ալիքն այնքան հզոր է եղել, որ ջարդուփշուր է արել ոչ միայն նրանց տան դռների ու պատուհանների ապակիները, այլեւ հարեւանների տներին է վնաս հասցրել: Կան նաեւ մարմնական վնասվածքներ ստացածներ։ Դեպքը տեղի է ունեցել հուլիսի 21-ին:

Գյուղում բոլորը զարմացած են, ասում են՝ առաջին անգամ են նման բան տեսնում, որ անիվի պայթունը ավերածությունների պատճառ դառնա։ 30-ամյա Հրանտ Ֆերոյանը ժամը 17։45-ի մոտակայքում փորձել է տեղից շարժել կայանած տրակտորը։ Պատմում է՝ մեքենան շարժի է գցել բանալու միջոցով, բայց թե դրանից հետո ինչ է եղել, Հրանտը չի հիշում։

221666399_1914214595422747_6967338834152882441_n.jpg (486 KB)

«Աշխատացրել էինք մեքենան, գյուղի ջրի կետն էինք մաքրում, ցեխոտվել էր, բերել էի տուն, որ լվանայի, հետո «խոդ» տվեցի, շարժիչը միացրի, որ տեխնիկան հետ շրջեմ. ճանապարհի վրա էր կանգնած, ու էլ բան չեմ հիշում։ Մեկ էլ հիշում եմ արդեն, որ ինձ հիվանդանոց էին տանում»,- մեզ հետ զրույցում պատմեց նա ։

Տրակտորը գյուղի միակ տեխնիկան է, գնվել է համայնքապետարանի միջոցներով 2019 թվականին։ 3-4 օր առաջ անվադողերից մեկը խնդիր է ունեցել, նորով են փոխարինել։ Հրանտն ասում է՝ փոխելուց հետո երկու օր օգտագործել են, ոչ մի խնդիր չի եղել։ Նույն այդ անիվը հետո պայթել է: Մեկ ու կես ամիս է՝ ինչ նա է վարում տրակտորը։ Կազմակերպությունը, որից գնել են տրակտորը, Հրանտի խոսքով՝ այն ստուգում է, երբ որ լրանում է դրա օգտագործման 1750 ժամը․ «Սահմանված ժամկետը հենց լիանում է, կանգնացնում ենք, մինչև իրենք գան և ստուգեն։ Սա ստուգել են, օգտագործվել է արդեն 1980 ժամ։ Ինքը նոր մեքենա էր, 2019 թվականին են ձեռք բերել»,- ասաց նա։

221375574_180548967319412_3289772466995585662_n.jpg (524 KB)

Տրակտորի ակի պայթունի հետևանքով Հրանտը սալջարդեր է ստացել, գլխուղեղի ցնցում, ձեռքի վնասվածք ու քերծվածքներ։ Նրան առաջին բուժօգնությունը ցուցաբերել են Ապարանի և Արագածոտնի բժիշկները, հետո տեղափոխել Երևան։ Այստեղ հետազոտվելուց հետո նույն օրն էլ դուրս է գրվել։

Թե պայթունն ինչպես է եղել, չի հիշում նաև Հրանտի կինը՝ Սոնա Ֆերոյանը: Մեզ հետ զրույցում Սոնան պատմեց. «Փոքր տղաս դուրս վազեց, ես էլ հետեւից գնացի, որ նայեմ մեքենա չգա, ուշադիր լինի։ Հասա իր մոտ, ձեռքը բռնեցի ու ես էլ ոչինչ չեմ հիշում, միայն որ փոշի էր ու ուժեղ ձայն։ Սկեսուրիս գյուղի բժշկուհին սիստեմա էր միացրել, իր գնալուց 15 րոպե հետո եղել է պայթունը»:

221567505_1161657200985329_447079400258816798_n.jpg (429 KB)

Հրանտի մայրը՝ Արևիկ Ֆերոյանն էլ ասաց՝ պայթունի ձայն չի լսել, իրեն թվացել է ջահն է պոկվում առաստաղից։ «Հեռախոսով էի խոսում մյուս հարսիս հետ, աղջիկ թոռս լաց եղավ, վախեցա, գրկեցի իրեն ու չգիտեի՝ որ սենյակը մտնեմ, ուր գնամ, ոչինչ չէի հասկանում։ Հետո հասկացա, որ ամբողջ տունը ապակիներով է լցված, հետո պատուհաններին նայեցի, երևաց՝ դուրսն ամբողջությամբ փոշի էր, ոչինչ չէր երևում։ Ամուսինս էլ բաղնիքից պայթունի պահին է դուրս  եկել, բայց պատուհանին չէր մոտեցել,  եթե մոտենար հետևանքները վատ կլիներ»,- կատարվածը նկարագրեց տիկին Արեւիկը: 

220252830_2805060946473488_6788850932290902961_n.jpg (388 KB)

Պայթյունի ձայնը լսել են ոչ միայն Գեղաձոր գյուղի բնակիչները, այլ նաև հարևան համայնքների։ Ընտանիքը պատմում է՝ դեպքի օրը իրենց տուն հարյուրավոր մարդիկ էին եկել տարբեր գյուղերից։ Բոլորն էլ զարմացած են եղել՝ ինչպես է պայթյունը տեղի ունեցել։ Սոնայի մայրը մեզ հետ զրույցում պատմեց՝ իրենք ապրում են գյուղի վերջում, պայթյունի ձայնը լսել են, սկզբում թվացել է, թե կրակոցներ են․ «Ռուսական ռազմաբազան մեզ մոտ է, էնտեղից միշտ կրակոցների ձայն է լսվում, էս անգամ էլ մտածեցինք՝ իրենք են, նորից կրակում են, բայց զանգեցին, ասեցին՝ աղջկաս տան դիմաց պայթուն է եղել։ Արագ հավաքվեցինք ես, ամուսինս ու մյուս աղջիկս, եկանք, որ երեխուս տեսնեինք, տարել էին հիվանդանոց։ Այդ պահին իրենց տուն մտնել անհնար էր, փոշի, մեխեր ու ապակու կտորներ էին ոտքի տակ, տեղ չկար շարժվելու»: Նա նույնպես նույն օրը դուրս է գրվել հիվանդանոցից։ Պայթյունից ստացած հարվածի հետևանքով վնասվել է նրա ձեռքը, բժիշկներն այն վիրակապել են։

222002497_310769110780006_1352136139154006250_n.jpg (398 KB)

Պայթյունի հետևանքով ամբողջությամբ վնասվել է Ֆերոյանների սենյակների դռների ապակիները։ Դրսի և ներսի պատուհանների ապակիները։ Պայթյունի հետևանքով առաջացած օդի ալիքը վնասել է նաև նրանց «Նիվա» մակնիշի մեքենան։ Տրակտորն ամբողջությամբ վնասված է։ Վնասներ է կրել նաև նրանց հարևանը, որի տունը գտնվում է մի քանի մետր այն կողմ․ «Ես Երևանում էի թոռանս մոտ, զանգեցին ասեցին՝ Հրանտենց տունը պայթել է, արագ տաքսի կանչեցի, եկա։ Կոտրվել է իմ տան մի պատուհանի ապակին, մեկ էլ թոռանս տան (ինքն էստեղ էլ տուն ունի)։ Հիմա հագուստ եմ քաշել վրան, որ անձրև գա, չլցվի տուն, մինչև տեսնենք՝ ինչ կլինի։ Փառք Աստծո, հարևանիս մահ չեկավ»,- մեզ հետ զրույցում ասաց Ֆերոյանների հարևան Գուզալեվան։ Նրա խոսքերով՝ Հրանտը բոլոր հարևաններին միշտ օգնել է, հասել է, երբ օգնություն է պետք եկել․ «Ինչի էր ուզում Աստված էս ճրագը մարեր, չգիտեմ»։

221161747_199052195505116_7161542151045649760_n.jpg (218 KB)

222069427_366138458197610_4810945115430265788_n.jpg (313 KB)

Պայթյունից անմիջապես հետո Ֆերոյանների տուն է եկել Գեղաձոր գյուղի համայնքի վարչական ղեկավար Սմբատ Պետրոսյանը։ Մեզ հետ զրույցում Պետրոսյանը պատմեց ՝ ինքը նույնպես ձայն լսելով մտածել է, թե ռուսական ռազմաբազան է կրակում, հետո երևացող փոշուց հասկացել է՝ մի բան այն չէ․ «Եկանք, տեսանք՝ անիվը չկա, կտորները տարբեր տեղեր էին տարածվել։ Երկու օր առաջ գործ էինք արել, մաքրել էինք գյուղի ջրի կենտրոնը, որ գյուղը ջուր ունենա, մեքենան ցեխոտվել էր, ռադիատորը փչացել էր, դա փոխեց, հետո ուզում էր լվանալ, բայց տրաքել էր։ Հրաշքով է փրկվել, գուցե ուրիշը լիներ, ողջ չմնար»։ Ըստ նրա՝ առայժմ չեն կարող ասել, թե անիվի պայթունի պատճառը որն էր, բայց նշում է՝ տրակտորը մինչև այդ աշխատել է քարքարոտ, ժայռոտ վայրերում ու ոչ մի խնդիր չի եղել։

216920666_1165734360577316_6612630195206536577_n.jpg (373 KB)

Հիմա Գեղաձոր գյուղում բոլորը սպասում են արտակարգ իրավիճակների նախարարության մասնագետների կողմից իրականացվող փորձաքննության պատասխանին՝ պարզելու համար հանելուկը։ Մինչ այդ Պետրոսյանի խոսքով՝ համայնքը ամեն ինչ կանի, որպեսզի օգնի ընտանիքին, որը թե նյութական, թե ֆիզիկական վնասներ է կրել․ «Գուցե ավագանու նիստ անենք վնասի չափը որոշենք և օգնություն տրամադրենք, բայց մեր ուժերի չափով ամեն ինչ կանենք, որ օգնենք»,- ասաց համայնքի ղեկավարը:

222014191_183313347183448_6085340003210370718_n (1).jpg (474 KB)

«Հայկական Ժամանակ»-ը Telegram-ում
Տպել
3764 դիտում

Հրդեհ է բռնկվել «Խոսրովի անտառ» պետական արգելոցում. տեսանյութ

Հուլիսի 27-ին «Խոսրովի անտառ» պետական արգելոցը փակ կլինի

Հուլիսի 26-ից վերսկսվել է Հայաստան բնական գազի մատակարարումը

Կամչատկայում երկրաշարժ է տեղի ունեցել

Թուրքիայում անոմալ շոգ է. սնդիկի սյունը մոտեցել է ռեկորդային 50 աստիճանին. անտառային հրդեհներ են բռնկվել

15-ամյա վարորդը էլեկտրամոբիլով հայտնվել է մայթին և բախվել նստարանին․ կան վիրավորներ

Մասնակցեցի «Սևան ստարտափ սամմիթ»-ին, որտեղ պատմեցի Երևան քաղաքի թվային վերափոխման մասին. Ավինյան. տեսանյութ

Աննա Հակոբյանը նոր լուսանկարներ է հրապարակել վարչապետի հետ

Օդի ջերմաստիճանը կնվազի, այնուհետ կբարձրանա 2-4 աստիճանով. առանձին շրջաններում անձրև, նաև կարկուտ կտեղա

Հունիսին արձանագրվել է ՀՀ-ում գրանցված աշխատատեղերի նոր պատմական ռեկորդ՝ 796 հազար 473 աշխատատեղ. վարչապետ

Եթե Հայաստանը պատրաստ լինի, մենք կցանկանայինք համատեղ զարգացնել Տրանսկովկասյան տրանսպորտային միջանցքը. Հաջիև

Իրանի Զահեդան քաղաքի դատարանի շենքը զինված հարձակման է ենթարկվել. կան զոհեր և տասնյակ վիրավորներ

Ադրբեջանը ներկայում աշխատանքներ է տանում խաղաղության համաձայնագրի ստորագրման ուղղությամբ. Հաջիև

Այսօր Հայաստանի և Ադրբեջանի միջև ռազմական բախումը կամ սրացումը արդիական չէ. Հաջիև

Իմ հետ գալը և խաղալը Հայաստանից լուրջ չի ընդունվի իմ կողմից. դա իմ համար փակ էտապ է. Արոնյան. «Ազատություն»

Առանձնապես խոշոր չափերով սինթետիկ ու բուսական ծագման թմրամիջոցներ են հայտնաբերվել

Տաշիրի տներից մեկում հրդեհ է բռնկվել

«Россия сегодня»-ն և «Radio Liberty»-ն զբաղված են միևնույն կեղծ թեզերի տարածմամբ. ԱԳՆ խոսնակ

Արագածոտնի մարզում մեքենաներ են բախվել, մեկն ընկել է ձորը. վիրավորների թվում փոխգնդապետ կա

ՄԱԿ-ի ԱԽ նիստում Կամբոջան Թաիլանդին կոչ է արել դադարեցնել կրակը

Եվրոն էժանացել է. ինչ փոփոխություններ է արձանագրել տարադրամի շուկան հուլիսի 26-ին

Կրպակներ տարածքում և ցամաք շատրվան. ինչու այլևս չեն երգում ու պարում Գյումրու լուսաձայնային նոր շատրվանները

Ազատի ջրամբարում նավակ է շրջվել. 3 քաղաքացի հայտնվել է կղզյակների վրա

«էլեկտրահարություն և սրտի կանգ» ախտորոշմամբ հիվանդանոց է տեղափոխվել 20-25 տարեկան օտարերկրացի երիտասարդ

Պետական բյուջեի միջոցներով հիմնանորոգվում է Աշտարակ-Փարպի-Ղազարավան ավտոճանապարհը

Տապալված ծառեր, վնասված տանիքներ ու սյուներ, ջրալցված նկուղներ. քամու հետևանքով 33 արտակարգ դեպք է գրանցվել

Ալավերդիում պատշգամբ է փլուզվել. քաղաքացին ընկել է ներքև

Մակունցն ու ԱՄՆ պետքարտուղարության ներկայացուցիչն անդրադարձել են խաղաղության և կայունության հաստատման ջանքերին

Արմավիրի ԲԿ-ն էլեկտրոնային առողջապահական համակարգի գործարկման մարզային լավագույն օրինակներից է. տեսանյութ

44-օրյա պատերազմից հետո Հայաստանը միջանցք տալ չի պարտավորվել. «Ազատության» ադրբեջանամետ կեղծիքը. Fip

Երևանում քամին ծառը արմատախիլ է արել և տապալել

2025-ի առաջին կիսամյակում 1000 խոշոր հարկատուները պետբյուջե են վճարել ավելի քան 986 միլիարդ 71 միլիոն դրամ

Անձրևից հետո Երևանի մի շարք փողոցներում կրկին հեղեղումներ են. տեսանյութ

Ֆրանսիայի ԶՈւ գլխավոր շտաբի պետի հետ պաշտպանական համագործակցությանն առնչվող հարցերի լայն շրջանակ է քննարկվել

Ծաղիկ արտադրող ևս 5 ընկերության արտահանման թույլտվություն է տրվել. ՍԱՏՄ

Թաիլանդի մի շարք շրջաններում ռազմական դրություն է հայտարարվել

Ինչ կտա ՀՀ-ով անցնող ճանապարհը, և որն է ամերիկյան կողմի առաջարկը. Բաբաջանյանը մանրամասնում է. տեսանյութ

44-օրյա պատերազմի մասնակիցը հետը բերած զենքը թողել է Քարվանսարայի ձորաբերան կոչվող կամրջի մոտ

Ադրբեջանի և Թուրքիայի ԱԳ նախարարները քննարկել են Հայաստանի հետ խաղաղության գործընթացը

Հաղթահարում ենք շոգը՝ ստանալով idcoin. Idram&IDBank