Երևան
27 °C
Երեւանի քաղաքապետարանի «Երեւանի աղբահանություն եւ սանիտարական մաքրում» համայնքային հիմնարկի աղբահանության կառավարման բաժնի նախկին պետ Արթուր Բաբայանը դիմել է «Հայկական ժամանակի» խմբագրություն և հայտնել, որ երբ վարակված է եղել կորոնավիրուսով և ինքնամեկուսացել, իրեն ապօրինի ազատել են աշխատանքից:
Սեպտեմբերի 6-ից Բաբայանը գտնվել է վճարվող արձակուրդում՝ մինչեւ հոկտեմբերի 4-ը, սակայն հոկտեմբերի սկզբին Բաբայանի առողջական վիճակը վատացել է և բյուլետեն է ձեւակերպել մինչեւ հոկտեմբերի 9-ը:
«Բյուլետենի լրանալուց հետո թուղթը ձեռքիս գնացի աշխատանքի, ինչ տեսնեմ՝ իմ փոխարեն նոր բաժնի պետ է նշանակված, աշխատասենյակս, ծառայողական հեռախոսահամարս, համակարգիչս և իրերս տրամադրվել են նրան»,- պատմեց Բաբայանը:
Չնայած այդ ամենին՝ նա հոկտեմբերի 12-ից մինչեւ 20-ը շարունակել է իր աշխատանքը կատարել՝ այցելելով եւ հանձնարարականներ տալով վարչական շրջանների տարածքային տեղամասեր, բայց աշխատասենյակը զբաղեցված լինելու պատճառով աշխատանքի ադմինիստրատիվ մասը չի կարողացել կատարել:
Բաժնի նախկին պետը նշեց, որ այդ վիճակը տեսնելուց հետո դիմում է գրել՝ բացատրություն պահանջելով «Երեւանի աղբահանություն եւ սանիտարական մաքրում» համայնքային հիմնարկի տնօրեն Արմեն Գրիգորյանից, որն էլ, ըստ էության, կատարել էր այդ փոփոխությունները: Բաբայանը հոկտեմբերի 15-ին դիմել է նաեւ քաղաքապետ Հայկ Մարությանին, սակայն այդպես էլ որեւէ պատասխան չի ստացել:
Հոկտեմբերի 20-ին նրա առողջական վիճակը նորից վատթարացել է. վարակվել է կորոնավիրուսով եւ ստիպված եղել կրկին բյուլետեն ձեւակերպել: Այդ ընթացքում էլ ծանուցում Է ստացել, որ հոկտեմբերի 22-ով ազատվել է աշխատանքից:
Բաբայանին տրված ծանուցման մեջ նրա ազատման հիմքը նշված է եղել աշխատանքից 1 օր անհարգելի բացակայությունը, սակայն այդ մեկ օրը ո՞ր օրվան է վերաբերում, աղբահանության նախկին աշխատակիցն ինքն էլ տեղյակ չէ:
Բաբայանի խոսքով՝ այս ամենն սկսվել է այն բանից հետո, երբ ինքը հիմնարկում խախտումներ է նկատել, դիմել Երեւանի քաղաքապետարանի վերահսկողության վարչություն, հանդիպել ավագանու անդամներին եւ թաղապետներին, բարձրաձայնել խնդիրը: Դրանից հետո վերահսկողության եւ իրավապահ մարմինները լայնածավալ ստուգման գործողություններ են սկսել աղբահանության հիմնարկում:
Սեպտեմբերի 14-ին էլ վերահսկողության վարչությունը մտել է հիմնարկ՝ ստուգումներ կատարելու: Դրանից մի քանի օր անց Արմեն Գրիգորյանը ժողով է հրավիրել, հավաքել վարչական շրջանների տեղամասերի գծային պատասխանատուներին և հայտնել, որ Արթուր Բաբայանն այլեւս չի աշխատելու: «Նա հայտարարել է, որ չի կարողանում ինձ հետ աշխատել եւ պիտի ազատի: Ես այդ ժամանակ եղել եմ արձակուրդի մեջ»,- պատմեց Բաբայանը՝ հավելելով, որ այս ամենն արվել է՝ իրենից ազատվելու համար:
Բաբայանը «Երեւանի աղբահանություն եւ սանիտարական մաքրում» համայնքային հիմնարկի աղբահանության կառավարման բաժնի պետն է եղել է 2019 թվականի հոկտեմբերի 15-ից: Նրա խոսքով, երբ նոր է աշխատանքի անցել, ամեն ինչ շատ թերի է եղել հիմնականում. «Հիմնարկում բանվորների հետ աշխատանքային պայմանագրեր կնքված չեն եղել, մեքենաների որեւիցե հստակ տեղաբաշխում չի եղել: Ամեն ինչ արել եմ օրենքի տառին համապատասխան: Այս 2-2.5 տարիների ընթացքում բոլորդ էլ տեսել եք հիմնարկի աշխատանքի արդյունքը»:
«Հայկական ժամանակի» այն հարցին՝ իրականում ի՞նչն է եղել բաժնի պետի՝ Արթուր Բաբայանի ազատման պատճառը, «Երեւանի աղբահանություն եւ սանիտարական մաքրում» համայնքային հիմնարկի ղեկավար Արմեն Գրիգորյանը չցանկացավ պատասխանել: Գրիգորյանն անպատասխան թողեց նաեւ այն հարցը, թե Բաբայանի 1 օր անհարգելի բացակայությունը ո՞ր օրվա եւ ամսաթվի մասին է: Նա միայն շեշտեց՝ Բաբայանի աշխատանքից ազատումը հիմնավոր է: «ՀՀ առողջապահության եւ աշխատանքի տեսչական մարմինը տեղյակ է, իրենք էլ գործ են բացել: Կգան, ես ամեն ինչ փաստաթղթերով կտրամադրեմ նրանց, որից հետո պարզ կլինի»,- ասաց նա:
Ըստ Գրիգորյանի՝ տեսչականի հայտարարությունից հետո արդեն կլսենք Բաբայանի ազատման հիմնավորումը:
«Ես չեմ պատրաստվում բան ու գործ թողած՝ Արթուր Բաբայանի խոսքերը լսել եւ այսպիսի հզոր հիմնարկի աշխատանքը կասկածի տակ դնել: Մենք հիմա նախապատրաստվում ենք ձմեռվա ծրագրին: Չեմ տարվում Բաբայանով, հիմնարկն ունի 850 աշխատակից: Ես էլ լավ չաշխատեմ՝ կգնամ տուն»,- ասաց նա:
Անդրադառնալով բաժնի նորանշանակ վարիչին՝ Գրիգորյանն ասաց, որ նա Հրաչ Կատվալյանն է, հիմնարկի ստեղծման օրից աշխատել է այդ հիմնարկում եւ ամեն ինչ անգիր գիտի:
Դիտարկմանը՝ Բաբայանի պնդմամբ՝ իրեն ազատելու միտում է ունեցել, քանի որ իր պատճառով են իրավապահ մարմիններն աղբահանության հիմնարկում լայնածավալ ստուգումներ սկսել, հիմնարկի տնօրենն ասաց. «Նմանատիպ բան գոյություն չունի: Սա համայնքային հիմնարկ է, թափանցիկ, ցանկացած ժամանակահատվածում բոլորն էլ պիտի գան, ստուգեն»:
Ավելի վաղ Երեւանի քաղաքապետի մամուլի խոսնակ Հակոբ Կարապետյանն էլ գրառմամբ տեղեկացրել էր, որ Երեւանի քաղաքապետ Հայկ Մարությանի՝ սեպտեմբերի 9-ին տված հանձնարարականի հիման վրա քաղաքապետարանի աշխատակազմի Վերահսկողության վարչությունն ուսումնասիրություն է իրականացրել «Երեւանի աղբահանություն եւ սանիտարական մաքրում» համայնքային հիմնարկում: Ուսումնասիրության նյութերը հոկտեմբերի 29-ին փոխանցվել են իրավապահ մարմիններին՝ բոլոր հանգամանքները պարզելու եւ համապատասխան ընթացք տալու համար:
ՊՎԾ-ն ամփոփել է վարչապետի հանձնարարությամբ քաղշինկոմիտեում և ԿԳՄՍՆ-ում իրականացված ուսումնասիրությունների արդյունքները
էկոնոմիկայի նախարարությունը նոր գլխավոր քարտուղար ունի․ վարչապետը որոշում է ստորագրել (լուսանկար)
Սահմանազատման սկզբնական փուլում Հայաստանն ու Ադրբեջանը նախնական համաձայնեցրել են սահմանագծի առանձին հատվածները․ ԱԳՆ
Օլաֆ Շոլցը և Ադրբեջանի նախագահը բանակցություններ կվարեն Բեռլինում
Առաջին անգամ Հայաստանի և Ադրբեջանի միջև, 4 գյուղի հատվածում, կլինի սահմանազատված պետական սահման. վարչապետի աշխատակազմ
Ռոստովի մարզում ձերբակալվել են Ադրբեջանի քաղաքացին և ևս 2 անձ․ Շահին Աբբասովը կասկածվում է սպանության մեջ
Ալիևը կմեկնի Մոսկվա՝ Պուտինի հետ բանակցությունների
Թուրքիայում կրկին երկրաշարժ է տեղի ունեցել
Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 19-ին
Ադրբեջանը խեղաթյուրում է Հայաստանի ներկայացրած փաստական ապացույցները․ Եղիշե Կիրակոսյանի ելույթը ՄԱԿ-ի դատարանում
Օդի ջերմաստիճանը չի փոխվի․ առանձին շրջաններում կարճատև անձրև կտեղա
Հայաստանում անհետ կորել է Ջաթին Շարման
Ռուբեն Վարդանյանը Բաքվում հացադուլ է հայտարարել. նա պահանջում է բոլոր հայ բանտարկյալների անհապաղ արձակումը
Գոռ Աբրահամյանը մեկնաբանել է Շենգավիթի քննչական բաժնում անձի խոշտանգման մասին տեղեկությունները
Բլոգեր Յուլիա Ֆինեսը անմեղսունակ է, կարիք ունի հարկադիր բուժման. ՔԿ-ն մանրամասներ է հայտնել խուլիգանության գործից
Հայաստանն ինքը դեռ չի գծել սահմաններն Ադրբեջանի հետ. Լավրովը վիրավորված խոսել է ՀԱՊԿ-ին ներկայացված պահանջների մասին
Հայաստանին ուզում են արագացված տեմպերով պոկել Ռուսաստանից, ԱՄՆ-ն ուզում է փակել ՀՀ ատոմակայանը. Լավրով
Կեղծ են տեղեկությունները, թե հիվանդանոցներում պետպատվերով բուժումները կասեցվել են. ԱՆ
«Արմավիր» ՔԿՀ-ում խցերից բջջային հեռախոսներ, տարատեսակ պարագաներ և արգելված այլ իրեր են հայտնաբերվել
Ահազանգը չի համապատասխանել իրականությանը. ՆԳՆ-ն՝ Սլավոնական համալսարանում ահաբեկչական սպառնալիքի մասին
Դեպի Ռուսաստան տանող Վերին Լարսի անցակետը բեռնատարների համար փակվել է
Վեճի ժամանակ սպանել է տարեց տղամարդուն, դիակը այրել և թաղել իր այգում. գտել են անհետ կորած տղամարդու մարմինը
Վարչապետը կարևորել է Հայաստանի և Գերմանիայի միջև համագործակցության շարունակական զարգացումը
Նաիրա Պետրոսյանը որոնվում է որպես անհետ կորած
Հայտնի է՝ երբ այս տարի կնշվի Վարդավառը
Սուրեն Շահվերդյանը դիմել է ոստիկանություն՝ հայտնելով, որ «Պոնչ»-ն իրեն սպառնում է, մեղադրում թրաֆիքինգի համար
Տեսա՞ք` ձուկը ոնց էին վաճառում, սաղ ազգն էսօր զինվոր ունի, բոլորս դուրս գանք փողոցում առևտուր անե՞նք. Գյուրզադյան
Ամբողջությամբ ապատեղեկատվություն է. Պետդեպը՝ Բրյուսելում ՀՀ-ի հետ ռազմական փաստաթուղթ ստորագրելու պնդումների մասին
«Սասուն Միքաելյանին զանգե՞մ, իմ մոտիկ ընկերն է», «Ում ուզում ես՝ զանգի». առևտրական ու պաշտոնյա
Ադրբեջանը հիմնահատակ քանդել է Շուշիի Կանաչ ժամ եկեղեցին՝ խախտելով ՄԱԿ-ի Արդարադատության դատարանի որոշումը
Նոր նշանակում ՀՀ քննչական կոմիտեում
Արուսյակ Մանավազյանը և Տաթևիկ Գասպարյանը մասնակցել են ԱՄՀ և ՀԲ խմբի խորհրդարանական համաշխարհային ֆորումին (լուսանկարներ)
Մարտին բնապահպանական խախտումների համար կասեցվել է 13 տնտեսվարող սուբյեկտի գործունեություն
Երևանի քաղաքապետարանը աշխատանք է առաջարկում փողոցային առևտրով զբաղվողներին. մայթերից հավաքվում է վաճառվող ապրանքը
Ողբերգական դեպք Երևանում. հայտնաբերվել է տղամարդու մարմին
Փոխվարչապետ Մհեր Գրիգորյանն ազատել է իր օգնականին և նշանակել խորհրդական
Սլավոնական համալսարանում ահաբեկչական սպառնալիքի մասին ահազանգ է ստացվել
Վճարված հարկի յուրաքանչյուր դրամը բումերանգի էֆեկտով վերադառնում է հարկ վճարողներին. ՊԵԿ նախագահի ուղերձը
Հայաստանում մի շարք ծառայություններ ամբողջ բնակչության համար պետպատվերով են. ԱՆ-ն հայտնել է՝ որոնք են դրանք
1 օրում ՀՀ ճանապարհներին տեղի է ունեցել 7 պատահար. 1 մարդ զոհվել է, 10-ը՝ վնասվածք ստացել
© 2024 Հայկական ժամանակ