Շուտով կիրառության մեջ կդրվի Հայաստանում արտադրված «Սպուտնիկ լայթ» պատվաստանյութը. այն կօգտագործվի որպես խթանիչ դեղաչափ

Հայաստանում առաջիկայում շրջանառության մեջ կդրվի մեր երկրում կորոնավիրուսային հիվանդության դեմ արտադրված «Սպուտնիկ լայթ» պատվաստանյութը, որը կկիրառվի որպես երրորդ, այսինքն՝ խթանիչ դեղաչափ: 

Պատվաստանյութի արտադրությունը ՀՀ առողջապահության և Էկոնոմիկայի նախարարության, «Լիկվոր» ընկերության և ռուսական ուղղակի ներդրումների սուվերեն ֆոնդի համագործակցության արդյունքն է:

«Սպուտնիկ Լայթը»-ը երրորդ խթանիչ դեղաչափ է համարվում ոչ միայն ռուսական արտադրության «Սպուտնիկ Վի» երկու դեղաչափ, այլ նաև այլ պատվաստանյութերի երկու դեղաչափ ստացած անձանց համար:

Ինչպես մեզ մոտ կիրառվող մյուս պատվաստանյութերը, այնպես էլ նոր արտադրված «Սպուտնիկ Լայթ» պատվաստանյութը քաղաքացիները կստանան անվճար. պետությունն այն կգնի և կբաշխի պոլիկլինիկաներին: «Այս պատվաստանյութը միանշանակ լինելու է մեր տեսականու մեջ: Եվ մեր քաղաքացիները հենց երրորդ՝ խթանիչ դեղաչափի համար կարող են դիմել և ստանալ «Սպուտնիկ Լայթ» տարբերակը»,- այս մասին այսօր հրավիրված ասուլիսի ժամանակ ասաց առողջապահական գերատեսչության ղեկավար Անահիտ Ավանեսյանը:

Նախարարի խոսքերով՝ պատվաստանյութի արտադրությամբ ՀՀ-ն դեղագործական արտադրությունում ևս մեկ քայլ առաջ է գնում և իրացնում իր ներուժը:

Էկոնոմիկայի նախարար Վահան Քերոբյանն էլ շեշտեց՝ ՀՀ-ում կորոնավիրուսային հիվանդության դեմ արտադրված պատվաստանյութն անցել է բոլոր հսկողական չափանիշները. «Բավականին երկար ճանապարհ անցանք առողջապահության նախարարության, Էկոնոմիկայի նախարարության, «Լիկվոր» ընկերության, ինչպես նաև ռուս գործընկերների հետ: Համբերատար կերպով այդ ճանապարհն անցնելուց հետո եկանք, հասանք նրան, որ արդեն ունենք ՀՀ-ում արտադրված և բոլոր հսկողական չափանիշներն անցած պատրաստի արտադրանք, որը պատրաստ է մտնել շուկա»:

«Լիկվոր» ՓԲԸ-ի գլխավոր տնօրեն Սերգեյ Մաթևոսյանն էլ նշեց՝ շատ ուրախ են, որ նախարարությունների և ռուսական ուղղակի ներդրումների ֆոնդի հետ համագործակցությամբ ՀՀ-ում պատվաստանյութի արտադրությունն իրականություն դարձավ: «Մենք ռուսական կողմի հետ համագործակցում ենք: Ըստ մեր պայմանագրի՝ կատարվել է տեխնոլոգիական տրանսֆեր, այսինքն՝ արտադրության տեխնոլոգիայի տրանսֆեր, մեր ընկերությունը վերարտադրել է այս պատվաստանյութը, այսինքն՝ ներդրումներն արել է մեր ընկերությունը: Սա կարևոր հաջողություն էր թե՛ մեր ընկերության, թե՛ մեր երկրի համար»,- ասաց նա:

Ընկերությունը ռուսական արտադրական կողմից ստացված մայր հումքը՝ սուբստրատը, վերամշակում է, այն անցնում է տեխնոլոգիական պրոցես, առաջնային փաթեթավորում, երկրորդային փաթեթավորում և սառնարանային ռեժիմի տակ պահպանվում:

Էկոնոմիկայի նախարար Վահան Քերոբյանի խոսքով՝ գործընթացն սկսելիս նկատի են ունեցել նաև արտահանման հնարավորությունները, որը կբազմապատկի արտադրանքի ծավալները: Այսօր դեռևս արտահանման պայմանագրեր չկան, բայց մի շարք երկրների հետ կան քննարկումներ:

«Հիմա արդեն Մերձավոր Արևելյան մի շարք երկրների հետ բանակցություններ են ընթանում, քննարկվում է նաև որոշ աֆրիկյան երկրներ արտահանելու տարբերակը: Վստահ ենք, որ այս ամենը ռուս գործընկերների հետ համատեղ աշխատանքի շնորհիվ շուտով հնարավոր կդառնա»,- ասաց Քերոբյանը:

Կորոնավիրուսային հիվանդության դեմ կիրառվող «Սպուտնիկ Լայթ» պատվաստանյութը ռուսական արտադրության է: Այն արդեն գրանցված է 70 երկրում, բայց դեռ հաստատված չէ Առողջապահության համաշխարհային կազմակերպության կողմից։

Այլ երկրներում պատվաստանյութն օգտագործվում է մեկ դեղաչափով: Այն փորձարկվել է շուրջ 150 մարդկանց վրա Մոսկվայից և Ստ. Պետերբուրգից: Ըստ Արգենտինայի առողջապահության նախարարության՝ «Սպուտնիկ Լայթ»-ը մեծահասակների վրա կիրառելու ընթացքում ցուցաբերվել է 78,6-83,7% էֆֆեկտիվություն: Պարագվայում դեղաչափի էֆֆեկտիվությունը կազմել է 93,5 տոկոս. պատվաստանյութը բարձր արդյունավետություն է ցուցաբերել 320 հազար մարդկանց դեպքում: Մոսկվայի «Գամալեյա» ինստիտուտի համաձայն էլ, երբ այն առաջին անգամ օգտագործվել է մայիսին, 79,4 տոկոսով էֆֆեկտիվ է եղել: Պատվաստանյութի մեկ դեղաչափը 10 դոլարից ցածր արժե:

Քովիդի դեմ «Սպուտնիկ Լայթ» պատվաստանյութը «Սպուտնիկ Վի» պատվաստանյութի առաջին բաղադրիչն է։ Ռուսաստանում այն գրանցվել է այս տարվա մայիսի 6-ին։ Պատվաստանյութն ընդունել են Եգիպտոսը, Իրանը, Ղազախստանը, Կոնգոն, Նիկարագուան, ԱՄԷ-ն, Պաղեստինը և Ֆիլիպինները։ Բացի դրանից, Բախրեյնում «Սպուտնիկ Լայթ»-ն օգտագործում են «Պֆայզր» պատվաստանյութի հետ որպես ուժեղացուցիչ դոզա։ Այս տարվա սեպտեմբերի 6-ին պատվաստանյութին կիրառման թույլտվություն էր տվել նաև Հայաստանի առողջապահության նախարարությունը:

Համաձայն հետազոտությունների՝ այն 60 տարեկանների շրջանում արդյունավետություն է ցուցաբերել 75 տոկոսով։ Պատվաստանույթն արդյունավետ է նաև հոսպիտալացումները և ծանր դեպքերը կանխելու համար:

Տպել
384 դիտում

Գյումրու Գործարանային 2 Ա շենքից կինը հոսպիտալացվել է. Շիրակի մարզպետ Նազելի Բաղդասարյանն այցելել է նշված հասցե

Գյուղատնտեսության բնագավառի խնդիրները պատասխանատուների ուշադրության կենտրոնում են. Շիրակի մարզպետ

Ոստիկանությունը 2 երիտասարդի է որոնում (տեսանյութ)

Ռոբերտ Քոչարյանի պաշտոնավարման տարիներին որքան մարդ է հեռացել ՀՀ-ից. Գևորգ Պապոյանը թվեր է ներկայացրել

Էդգար Փարվանյանը նշանակվել է Արագածոտնի մարզպետի տեղակալ

Ժիրայր Մարգարյանը պայմանագիր է կնքել ուկրաինական ФК «Верес» Рівне-ի հետ

Հայաստանի՝ Թուրքիայի հետ հարաբերությունների հարցերով բանագնացին վարկաբեկելը ձեռնտու է միայն Թուրքիային. Մարուքյան

Երեկ ինքնասպանության փորձ կատարած 21-ամյա տղային տեղափոխել են հոգեբուժարան, հայրը պատմում է՝ ինչ է կատարվել

Ավանդների փոխհատուցում կտրամադրվի մինչև 1939 թ․ դեկտեմբերի 31-ը ներառյալ ծնված քաղաքացիներին

Միքայել Միքայելյանը և Կատյա Գալստյանը՝ դահուկավազքի Հայաստանի չեմպիոններ

Նրանք իրենց «քաղաքական հոր»-ը ապացուցելու բան ունեն. Բաքոյանը՝ «Հայաստան» խմբակցության անդամների վարքագծի մասին

Ժամը 21:00-ի դրությամբ Վարդենյաց լեռնանցքը դժվարանցանելի է

Ոստիկանության տարբեր բաժիններում արձանագրվել են «Կալաշնիկովի» ինքնաձիգների կամավոր հանձնման դեպքեր (տեսանյութ)

Զորամիավորումում ամփոփվել են 2021 թ. ուսումնական տարվա աշխատանքների արդյունքները

«Քովիդ-19»-ի հակազդմանն ուղղված միասնական ու համաձայնեցված գործողությունների անհրաժեշտություն կա

Աճյունների որոնումներ են իրականացվել Վարանդայում

Մահացել է Արցախի Հանրապետության Ազգային ժողովի աշխատակիցը

Քննարկվել են Հայաստանում ներդրումների հնարավորությունները. ՀՀ նախագահը հանդիպել է «Մուբադալա»-ի գործադիր տնօրենի հետ

Մեկնարկել է «Զորամիավորումների կառավարում» վերապատրաստման դասընթացի կրթական ծրագիրը

Դոլարի գինն աճել է, նվազում են արձանագրել եվրոն և ռուսական ռուբլին

ՄԿՈՒ մասնագիտությունների տեղաբաշխումը կիրականացվի տարածքային համաչափ զարգացման սկզբունքով

Վիեննայում քննարկվել են ԼՂ հակամարտության խաղաղ կարգավորման, հայ-թուրքական հարաբերությունների ընթացիկ մանրամասները. ԱԳՆ

Հարթավան գյուղի տներից մեկի տանիքում հրդեհ է բռնկվել

Ավարտվել է սիգի ձվադրման ժամանակահատվածով պայմանավորված հսկողության ուժեղացված միջոցառումների ծրագիրը

Միանվագ դրամական օգնություն կստանան Արցախի Հանրապետությունում հաշվառված առանձին խմբերի անձինք

Քրեական գործի շրջանակներում որոնվում է տեսագրության մեջ պատկերված անձը (տեսանյութ)

Գառնու տաճարը ներառվել է Հռոմեական կայսրության օրոք կառուցված աշխարհի լավագույն հուշարձանների ցանկում

Նիկոլ Փաշինյանի գլխավորությամբ քննարկվել են գինեգործության ոլորտի զարգացման հեռանկարները

Ավտոճանապարհներին տեղ-տեղ առկա է մերկասառույց. Վարդենյաց լեռնանցքը դժվարանցանելի է

Մեքենայի առք ու վաճառքի շուրջ վիճաբանության ժամանակ դիտավորյալ դանակահարել է համաքաղաքացուն, տղամարդը ձերբակալվել է. ՔԿ

Ադրբեջանագետ Արմինե Ադիբեկյանին մեղադրանք է առաջադրվել՝ ՀՀ վարչապետ Նիկոլ Փաշինյանին ծանր վիրավորանք հասցնելու համար

Հայտնի է ՀՀ-ի և Մոլդովայի Հանրապետության միջև առևտրատնտեսական համագործակցության հանձնաժողովի հայկական կողմի կազմը

Ռաֆիկ Անդրեասյանի կողմից կատարված ինքնիրավչության մասով նախապատրաստվում են նյութեր

Հայտնաբերվել է «օմիկրոն» շտամով վարակվածության ևս 7 դեպք

Արտակ Դավթյանի ղեկավարությամբ քննարկվել են զինվորական կարգապահության վիճակի բարելավման ուղիները

Մասիսում վաղը վթարային ջրանջատում է սպասվում

Հունվարի 9-ից մինչև հունվարի 16-ն ընկած ժամանակահատվածում իրականացվել է շուրջ 67.011 պատվաստում

Նազելի Բաղդասարյանի որոշմամբ՝ Արթուր Նաջարյանը նշանակվել է Շիրակի մարզպետի խորհրդական

Ձյուն, բուք, մառախուղ. առաջիկա օրերի եղանակային կանխատեսումը

Հանրապետության նախագահի տիկինը առաջարկել է «Հայաստանը 5-րդ դարից մինչև Արշիլ Գորկի» խորագրով ցուցադրություն կազմակերպել