Զենքեր, խոհանոցային պարագաներ. Ամանորին ՀՀ-ում հիմնականում ինչ խաղալիքների են նախապատվություն տվել երեխաները և ինչու

Խաղալիք զենքեր, ավտոմեքենաներ, դիմահարդարման և խոհանոցային պարագաներ: Սրանք այն խաղալիքների տեսակներն են, որ այժմ հետաքրքրում են Հայաստանում փոքրիկներին: Տղաների և աղջիկների համար նախատեսված խաղալիքների խաչմերուկում 3-10 տարեկան տղա երեխաների համար գերակշռողը հիմնականում տարբեր տեսակի, ձևի, չափսերի խաղալիք զենքերն են: 5-8 տարեկան աղջիկները, ինչպես միշտ, հետաքրքրված են դիմահարդարման պարագաներով: Սա ցույց տվեց «Հայկական Ժամանակ»-ի իրականացրած ուսումնասիրությունը:

Մենք նախ շրջեցինք մայրաքաղաքի մի քանի խանութներում՝ հասկանալու, թե ամանորյա օրերին ո՞ր խաղալիքներն են ամենից շատ վաճառվել և որո՞նք են եղել ամենապահանջվածը՝ նախատեսված և՛ տղա, և՛ աղջիկ երեխաների համար: Նաև ծնողների շրջանում իրականացրինք փոքրիկ հարցում՝ պարզելու ի՞նչպիսի խաղալիքներ են Ամանորին ուզել երեխաները Ձմեռ պապիկից:

Պատկերն այսպիսին էր. տղա մանուկներին պատերազմից հետո հիմնականում հետաքրքրում են կռվի հետ կապված խաղալիքներ՝ տարբեր ձևերի, չափսերի խաղալիք զենքեր, ռոբոտներ և այլն: Իսկ աղջիկ երեխաների համար գերակշռողը տիկնիկներն ու դիմահարդարման պարագաներն են:

«Տղաս՝ զինվորական գլխարկ և ավտոմատ», «7 տարեկան տղաս զենքեր է ուզել, որ թուրքերին սպանի: 5 տարեկան տղաս՝ մեքենա ու «Իսկանդեր»», «Տղաս՝ խաղալիք զինվորներ և զինտեխնիկա», «Աղջիկս 4 տարեկան է։ Ցանկացել էր գրատախտակ և օրորոցով տիկնիկ», «Աղջիկներս՝ խոհանոցի հետ կապված խաղալիքներ և դիմահարդարման պարագաներ»: Թվարկում էին ծնողները՝ խոսել իրենց երեխաների պահանջած նվերների մասին:

Ի՞նչ ազդեցություն կարող են ունենալ խաղալիքները երեխաների վրա, ինչպե՞ս ճիշտ ընտրել խաղալիքը տղա և աղջիկ երեխաների համար:

Հոգեբան Աննա Բադալյանը «Հայկական Ժամանակ»-ի հետ զրույցում պարզաբանեց՝ տղա երեխաների սերն ու հետաքրքրվածությունը դեպի զենքը պայմանավորված է 44-օրյա պատերազմի ազդեցությամբ: Երեխաները, ցավոք, այդ ամենից անմասն չեն մնացել:

«Այնքան էմոցիոնալ շրջանի մեջ ենք եղել, որ դժվար էր այդ ամենը թաքցնել երեխաներից: Բացի այդ, բանակի, զենքի մասին խոսակցությունները մեծահասակները երբեմն արծարծում են երեխաների մոտ: Մենք գործ ունենք երեխաների հետ, և պետք է պատկերացնենք, որ նրանք աշխարհն ընկալում են մեր մատուցած լուրի պատկերացումների շնորհիվ: Բնականաբար, զենքը կարող է լինել երեխայի ընկալման մեջ, որովհետև ամեն տեղ մենք լսում ենք, որ բանակը զենք չունի և նմանատիպ խոսակցություններ: Մեր հասարակությունում էլ տղաները ասոցացվում են զենքի հետ»,- ասաց նա:

Պատերազմն ու դրանում հերոսացած կերպարները երեխաների համար էտալոնային են, և չպետք է երեխային կտրել իրականությունից, շեշտում է Բադալյանը: Օրինակ՝ կան երեխաներ, որոնց համար բացի խաղալիքներից, դրսում խաղալու միակ խաղը խրամատներ փորելն է: Այս դեպքում ծնողը պետք է ոչ թե կտրուկ արգելի այդ խաղալիքներով կամ խաղերով խաղալը, այլ երեխայի պահանջմունքներին համապատասխան այլընտրանք առաջարկի:

Ըստ հոգեբանի՝ ինչ տեսակի խաղալիք երեխային նվիրես, նա այն կընկալի, բայց երեխաների խաղալիքները պետք է անընդհատ փոփոխության ենթարկվեն: Երկու ամիսը մեկ երեխան պետք է նոր խաղալիք ստանա: Իսկ եթե մշտական նվերը զենքը լինի, ապա դա կարող է բերել որոշակի ագրեսիվության:

«Յուրաքանչյուր երեխա մեկ զենք պետք է ունենա: Նախ և առաջ ուժ է խորհրդանշում, կենտրոնացում: Սակայն երեխային մշտապես զենք նվիրելը կհանգեցնի, որ նա դառնա թուլակամ: Երեխաները կարծում են, որ դրա մեջ ուժ կա և կենտրոնանում են զենքի վրա՝ իրենց ուժը պահեստային դարձնելով: Սակայն ընդհանուր խաղալիքների մեջ մեկ կամ երկու խաղալիք զենքը վնաս չէ»,- նշեց Բադալյանը՝ շեշտելով՝ եթե երեխան շարունակ զենք խաղալիքներ է ցանկանում, ծնողը պետք է խոսի նրա հետ, օգնի իր երեխային գտնել այլ հետաքրքրություններ և բավարարի նրա պահանջմունքները:  

Հոգեբանի խոսքով՝ խաղալիքների բազմազանությունը զարգացնում է երեխայի միտքն ու ընկալումները: Իսկ խաղալիքների միջև բաժանումը, այսինքն՝ ավտոմեքենա, զենք ու նմանատիպ խաղալիքները, տղա երեխաների համար են, իսկ խոհանոցային ու կենցաղային պարագա խաղալիքները՝ աղջիկների: Հոգեբանի կարծիքով՝ այդ տարբերությունը դրվում է մանկուց և մեր հասարակությունում երկար ժամանակ է, որ կա: Սակայն ծնողները պետք է գիտակցեն, որ երեխան պետք է ճանաչի իր միջավայրը, և նորմալ է, որ տղա երեխան ծանոթ լինի աղջիկ երեխայի խաղալիքներին և հակառակը:

«Մեզ մոտ ընդունված է՝ երբ տղաները տիկնիկ են վերցնում, ծնողներն ասում են՝ վայր դիր, հո դու աղջիկ չե՞ս, բայց պետք է հասկանալ, որ տղա երեխայի մոտ թեկուզ տիկնիկով չէ, մեկ ուրիշ խաղալիքով հոգատարության զգացում կարող է առաջանալ: Աղջիկ երեխաները հետաքրքրված են դիմահարդարման պարագաներով, քանի որ իրենց համար մայրն էտալոնային կերպար է: Ուզում են իրենց մայրիկին նմանվել»,- ասում է հոգեբանը:

Խաղալիքներն ազդեցություն ունենո՞ւմ են սեռական կողմնորոշվածության վրա

Աննա Բադալյանն ասում է՝ եթե ծնողներն իրենց օրինակով ցույց տան երեխաներին, թե ինչպիսին պետք է լինեն տղամարդն ու կինը, ապա խաղալիքների դերն այդ հարցում անհանգստացնող չէ:

«Խաղալիքները սեռական կողմնորոշվածության հետ կապված անդրոգեն են: Եթե տղա երեխան տիկնիկ է վերցնում, չպետք է անհանգստանան, աղջիկները եթե մեքենաներ են վերցնում, կրկին պետք չէ անհանգստանալ: Եթե ծնողները իրենք իրենց վարքով ու բնավորությամբ ապահովում են սեռերին հատուկ տարրերը, ամեն ինչ կարգին է: Երեխաների համար ծնողները սեռական զարգացման համար էտալոնային կերպարներ են: Այդ համատեքստում կարևոր է նաև երեխաների հանդեպ սերը: Խաղալիքները հարակից գործոններ են, որոնք ապահովում են ընտանիքի ջերմությունը, էտալոնային կերպարը»,- նշում է հոգեբանը:

Ժամանակակից խաղալիքները երբեմն սեռ չունեն, հատկապես աղջիկ երեխաների համար նախատեսված, բայց, հոգեբանի խոսքով, երեխաները պետք է ճանաչեն իրենց սեռերը. «Երեխային տալով տարբեր սեռի խաղալիքներ՝ ծնողները չպետք է անհանգստանան, քանի որ նրանց համար, ինչպես նշեցի, էտալոնային կերպարներ են ծնողները»:

Խաղալիքների հարցում չկողմնորոշվելու և այս կամ այն խաղալիքը երեխայից հեռու պահելու փոխարեն էլ կարևոր է, որ ծնողները կարողանան բացատրել երեխային, նրա մոտ առաջացնել այլ հետաքրքրություններ:

Տպել
956 դիտում

Կդադարեցվի Վարդենիսի մի շարք փողոցների գազամատակարարումը

Օդի ջերմաստիճանն աստիճանաբար կնվազի. ինչ եղանակ է սպասվում առաջիկայում

Էկոնոմիկայի փոխնախարարը Լյուքսեմբուրգում քննարկել է երկկողմ առևտրատնտեսական կապերի ընդլայնման հեռանկարները

Կարեն Անդրեասյանն ընտրվել է ԲԴԽ նախագահի պաշտոնում

ՔՏՀԱ տեսչական մարմինը «Փեթակի» աշխատանքները դադարեցնելու որոշում է կայացրել

Երևանում կայացել են ՀԱՊԿ անդամ պետությունների փոխարտգործնախարարների խորհրդակցություններ

Փոխվարչապետ Գրիգորյանը և ԱԶԲ նախագահը քննարկել են էներգետիկ և ճանապարհային ենթակառուցվածքների զարգացման աշխատանքները

Երևանի «Հայրենիք» կինոթատրոնի մոտակայքում այրվել է ավտոմեքենա

Կրկնում ենք մեր կոչը՝ Ադրբեջանի զինված ուժերը պետք է վերադառնան ելման դիրքեր. ԵԱՀԿ-ում ԱՄՆ դեսպան

Գիշերվա ժամերին ադրբեջանցիները դիրքերից ուժեղ լույսեր են գցում բնակելի տների պատուհաններից ներս, ահաբեկում մարդկանց. ՄԻՊ

Կոտայքում առգրավվել են արջի որսի համար նախատեսված ինքնաշեն թակարդները

Ալիևն առաջարկել է Բաքվի, Երևանի և Թբիլիսիի մասնակցությամբ եռակողմ հարթակ ստեղծել

Ադրբեջանի զինվորական հոսպիտալում առանց ցավազրկելու վիրահատել են հայ զինծառայողներին. ՀՀ ՄԻՊ

Իջևանի Արցախյան փողոցում ավտովթարի հետևանքով 4 տուժած է հոսպիտալացվել

Բոլորն էլ խոշտանգվել են, նվաստացումների ենթարկվել. ՄԻՊ-ը՝ վերադարձած հայ ռազմագերիների մասին

Լոռիում առանձնակի դաժանությամբ սպանություն գործած ամբաստանյալին ազատ արձակելու հնարավորությունը ճանաչվել է անթույլատրելի

Վարչապետ Նիկոլ Փաշինյանը ժամանել է Սանկտ Պետերբուրգ

Վահրամ Դումանյանը շնորհավորական ուղերձ է հղել գրադարանավարի օրվա առիթով

Լիանա Թովմասյանը նշանակվել է արդարադատության նախարարի խորհրդական

Ռուստամ Բադասյանը մասնակցել է «Նինոծմինդա» մաքսային անցակետի բացման արարողությանը

Քննարկվել են կայուն ապաէսկալացիայի և խաղաղության աշխուժացման ջանքերը, որոնց ԵՄ-ն պատրաստ է աջակցել. Շառլ Միշել

Երևանում Եվրամիության ներկայացուցչությունը հանդես է եկել քառակողմ հանդիպման արդյունքներն ամփոփող հայտարարությամբ

Հրազենային վնասվածքով հիվանդանոց տեղափոխված 31-ամյա երիտասարդը մահացել է

ՊԵԿ նախագահն ընդունել է ՀՀ-ում ԱՄՆ դեսպանին. քննարկվել են մաքսային և հարկային ոլորտներում համագործակցության հարցեր

Նուբարաշենի 41-ամյա բնակչուհու սպանության կասկածանքով կա 37-ամյա ձերբակալված (տեսանյութ)

Առանձին հանդիպումներ կունենան Հայաստանի և Թուրքիայի ԱԳ նախարարներն ու հատուկ ներկայացուցիչները. Էրդողան

ԱԻՆ–ը լիազորություն չունի ինչ–որ կենտրոն բացելու կամ գործել արգելելու համար․Կոստանյանը՝ Փեթակի փակման լուրերի մասին

Գեղարքունիքի Կուտական համայնքի դիրքերի ուղղությամբ այսօր ինտենսիվ փոխհրաձգություն տեղի չի ունեցել. ՊՆ խոսնակ

Հայաստանում բարձր են գնահատում Ձեր վերաբերմունքը հայ ժողովրդի շահերին վերաբերող հարցերին. վարչապետի ուղերձը Պուտինին

Ադրբեջանը համաձայնել է համագործակցել ԵՄ առաքելության հետ, որը տեղում կկարողանա արձանագրել ագրեսիան. Մարուքյան

Ուզում եմ հույս հայտնել, որ Դուք այսուհետ էլ կլինեք մեր ժողովրդի կողքին. Արցախի նախագահը շնորհավորել է Պուտինին

Ադրբեջանը կրկին դրական արձագանք չտվեց. Նիկոլ Փաշինյան

Տեղի կունենա արխիվային նյութերի ցուցահանդես՝ նվիրված Հայաստանի կոմպոզիտորների միության հիմնադրման 90-ամյակին

Թուրքիան հավատում է Հայաստանի հետ հարաբերությունների ամբողջական կարգավորմանը. Էրդողան

Նուբարաշենում 37-ամյա տղամարդը սպանել էր կնոջը, այնուհետ՝ ոստիկաններին սպառնացել պայթեցնել նռնակը

Նախագահ Վահագն Խաչատուրյանը շնորհավորական ուղերձ է հղել Վլադիմիր Պուտինին ծննդյան օրվա առթիվ

Խոշոր ավտովթար Իջևան քաղաքում. բախվել են թեթև մարդատարն ու բեռնատարը․ վերջինս կողաշրջվել է, կան վիրավորներ

Կովկասում կայուն խաղաղության համար․ Մակրոնը լուսանկար է հրապարակել և մեկնաբանել երեկվա քառակողմ հանդիպումը

Երկար ժամանակով լույս չի լինելու Երևանի և 7 մարզերի բազմաթիվ հասցեներում

Գլոբալ ինովացիոն համաժողովում քննարկվել է ՀՀ-ում արհեստական բանականության ոլորտում մրցունակ միջավայրի հնարավորությունը