Մեկ տարի «հայրիկ ու մայրիկ» կանչը չենք լսել. պատերազմում երկու որդիներ կորցրած ամուսինները կրկին զավակ են ունենալու

Վերջին պատերազմը Գևորգյաններից խլեց նրանց երկու զավակներին: Սակայն պատերազմից մեկ տարի անց այս ընտանիքում կրկին արթնացել է վերապրելու հույսը: Որդեկորույս ծնողներն սպասում են երրորդ զավակի լույս աշխարհ գալուն: 47-ամյա տիկին Արևիկն արդեն 12 շաբաթական հղի է: 

«Հայկական ժամանակ»-ի հետ զրույցում զավակներին կորցրած մայրն ասում է՝ տղաների՝ Գևորգի ու Կարենի զոհվելուց հետո ապրելու իմաստն իսպառ կորել էր: Մեկ տարի «հայրիկ ու մայրիկ» կանչը չլսած ամուսիները միայնակ էին մնացել ցավի, վշտի և կսկիծի հետ, սակայն մեծ դժվարությամբ կայացրել են որոշումը՝ այդ կանչը վերականգնելու:

Տիկին Արևիկի խոսքով՝ կրկին զույգ էին ցանկանում ունենալ, որպեսզի երկու զավակներն էլ վերածվեին, ինչպես հայտնի երգի մեջ է ասվում՝ «թե մի օր կտրիդ զույգ արծիվ տեսնես, էդ մեր հոգիքն են՝ ախպերս ու ես»:

«Չէի հավատում ու չէի պատկերացնում, որ այս տարիքում կարող եմ նորից հղիանալ: Ինձ համար անսպասելի էր, թեև բժիշկն ասել էր, որ որևէ խնդիր չունեմ: Մինչև հիմա ականջներումս է բժշկուհու ձայնը՝ «շնորհավորում եմ, տիկին Արևիկ, Դուք հղի եք»: Երբ իմացա, որ տղա եմ լույս աշխարհ բերելու, կարծես մեռած կյանքս լուսավորվեց»,- խինդ ու լաց միախառնած՝ պատմում է մայրը:

Կրկին երեխա ունենալու ցանկությունն ընտանիքի հոր մոտ է առաջացել: Տղաների մահից մեկ տարի անց Արևիկին իր մայրն ու ամուսինն են քաջալերել, որ նորից մայրանա:

Երրորդ երեխան, ինչ խոսք, տղաներից ոչ մեկին չի փոխարինի, սակայն որդեկորույս ծնողների կյանքին նոր իմաստ կտա: Անհամբեր սպասում են նրա ծննդին, բայց մի հարցում դժվարության առաջ են կանգնել. «Չենք իմանում՝ ում անունը պետք է դնենք: Գևորգիս անունը չեմ դնի, քանի որ նա ամուսնացած էր ու մի բալիկ ունի: Որոշել էի Կարենիս անունը դնել, բայց ամուսինս չի ցանկանում, չի ուզում, որ մեր այս բալիկը փոխարինի մյուս տղաներիս: Որոշել ենք նրան անվանել Արեն. դա Գևորգիս սիրած անուն էր, որոշել էր՝ եթե տղա ունենար, այդ անունով պիտի կոչեր»:

26-ամյա Գևորգ Գևորգյանն ու 22-ամյա Կարեն Գևորգյանը 2 տարի ծառայել են Ոստիկանության զորքերում: Դրանից հետո սկսվել է պատերազմը, առաջին իսկ օրերից տղաներն իրենց ծառայակից ընկերների հետ հայրենիքի համար մարտնչել են նախ Քարվաճառում, հետո՝ Շուշիում:

Մոր խոսքով՝ որդիներին մարտի դաշտ ճանապարհելիս նա մի ակնթարթ իրեն մեղավոր է զգացել, հետո՝ սթափվել. հայրենասիրությունն ինքն է սերմանել զավակների մեջ: «Մի ամիս Քարվաճառում էին կռվում: Հոկտեմբերի 29-ին վերադարձան ու երկու օր տանն անցկացրին: Նոյեմեբերի 2-ին նորից ճանապարհեցի մարտի դաշտ, նրանց վերջին անգամ հենց այդ օրն էլ տեսել եմ: Սկզբում մենք էինք իրենց ոգեշնչում, որ գնան, բայց երկրորդ անգամ ուզում էի, որ գոնե տղաներիցս մեկը մնար: Գոնե Գևորգս մնար, որովհետև ամուսնացած էր, 1 տարեկան փոքրիկ ուներ: Սակյան տղաս չլսեց, եղբոր հետ միասին գնաց: Մեզ ասում էին՝ մեր հայրենիքն է, պետք է պաշտպանենք»,- պատմում է զավակներին կորցրած կինը:

Հրամանատարությունը ևս կողմ չի եղել, որ երկու եղբայրներով մարտի դաշտում գտնվեն, սակայն Կարենն ու Գևորգը հրաժարվել են մենակ թողնել իրարու: Մոր խոսքով՝ տղաները, թեև արդեն մեծ էին, սակայն ունեին ամուր կապվածություն: Այդ կապն արտահայտվել է նաև կռվի դաշտում:

«Հայրենասիրությունն ու եղբայրասիրությունն էր, որ երկուսով գնացին կռվի, կողք կողքի կռվեցին, կողք կողքի էլ զոհվեցին: Նոյեմբերի 7-ի առավոտյան Գևորգը զանգահարել է կնոջն ու ասել՝ երեխայիս լավ կնայես: Մեզ հետ գրեթե չէին խոսում, ամուսնացած որդիս կապը հիմնականում կնոջ հետ էր պահում, Կարենը՝ ընկերների: Զինակիցները պատմում են, որ Գևորգը փրկվելու հնարավորություն ունեցել է, բայց երբ իմացել է, որ եղբայրը շրջափակման մեջ է, բաժանվել է զինակիցներից ու գնացել Կարենի ուղղությամբ»,- ասում է տիկին Արևիկը:

Գևորգ և Կարեն Գևորգյանները զոհվել են նոյեմբերի 7-ին, Շուշիում: Տղաների մարմինները, որոնք եղել են կողք կողքի, գտել են զոհվելուց օրեր անց՝ նոյեմբերի 17-ին: Ծնողները տեղյակ չեն եղել, որ որդիները կռվում են Շուշիում, քանի որ տղաները գաղտնի են պահել դա: Նրանց զոհվելուց հետո նոր միայն Գևորգի կինը ծնողներին պատմել է, որ նա հաճախ զրուցելու ընթացքում ասել է՝ շրջափակման մեջ են, հնարավորություն չունեն դուրս գալու:

Կարեն և Գևորգ Գևորգյանները հուղարկավորվել են նոյեմբերի 19-ին Արմավիրի մարզի Խանջյան գյուղի ընտանեկան գերեզմանատանը:

Մերի Խաչատրյան

Տպել
2367 դիտում

«Գազպրոմ»-ը դադարեցրել է ռուսական գազի մատակարարումը Ֆինլանդիա՝ ռուբլով չվճարելու պատճառով

Պարոնայք գեներալներ, որտե՞ղ էիք, երբ բռնություններ էին գործադրվում տարբեր լեգենդար հրամանատարների նկատմամբ. Գաբրիելյան

Ծիծեռնակաբերդի խճուղին փլուզման հետևանքով երկկողմանի փակ է

Նախագահ Վահագն Խաչատուրյանը կմասնակցի Համաշխարհային տնտեսական համաժողովին

Գետափում դարձյալ բնակարանամուտ է նշվել (լուսանկարներ)

Միրզոյանը Բույար Օսմանիին է ներկայացրել ԼՂ հակամարտության խաղաղ կարգավորման հայկական կողմի դիրքորոշումը (տեսանյութ)

Այսքան բացահայտ իրար ուտու՞մ են. Ստյոպա Սաֆարյանը Սաղաթելյան-Վանեցյան փոխհարաբերությունների մասին

ԱՄՆ դեսպանի հետ կապված հայտարարությունները և ակցիաները ունեն միայն ներքաղաքական շարժառիթ. քաղաքագետ

Ընդդիմության ակցիաներում ոստիկանների դեմ եղած հաղորդումներով ծառայողական 47 քննություն, 5 ուսումնասիրություն է կատարվում

Հիշողությանս մեջ վառ է Մարտի 1-ը, այն սարսափը, որով հայ հասարակությունն անցավ, մենք կոչ էինք արել չցրել հավաքը. Վիկտորին

ՊՆ-ն հայտարարում է երաժիշտ և պարող զորակոչիկների մասնագիտական լսումներ և դիտումներ

Որոշ տարածաշրջաններում և Վարդենյաց լեռնանցքում թույլ ձյուն է տեղում

Շարունակվում է Սուրեն Պապիկյանի այցը 3-րդ բանակային զորամիավորում

Ամենայն հայոց կաթողիկոսն ընդունել է Լիտվայի Հանրապետության նախագահին

Երևանում կայացել է Հայաստան-Իրաքյան Քուրդիստան գործարար համաժողով

Դաշնակցությունը ցանկանում է վիժեցնել ՀՀ իշխանությունների ջանքերը՝ ուղղված երկրի անվտանգությանը. քաղաքագետ

Ինչ ունեցվածք են հայտարարագրել ընդդիմադիր պատգամավոր Ագնեսա Խամոյանը և նրա ամուսինը՝ Արթուր Մուրադյանը

Եղանակային անբարենպաստ պայմանների պատճառով ընդդիմությունն այսօր հանրահավաք չի անցկացնի

Աննա Հակոբյանը հյուրընկալել է Դիանա Նաուսեդիենեին. վերջինս ՀՀ վարչապետի կնոջը հրավիրել է Լիտվա

Ջավադյանին բնորոշ էին համեստությունը, ուշադրությունը մարդկանց հոգսերի հանդեպ. ՀՀ նախագահը ցավակցական հեռագիր է հղել

Ես՝ որպես իշխանական ուժի պատգամավոր, ավելի հաշտ եմ ընդդիմության մի շարք անհատների հետ, քան իրենք իրար հետ. Աղազարյան

«Հայրենիք» կինոթատրոնի մոտ մեքենաներ են բախվել. կա զոհ

«Առանց բոթաս Հայաստան». Անահիտ Մութաֆյանի գրառումը ծաղրանքի առարկա է դարձել համացանցում (լուսանկարներ)

Ռուբինյանն Իրանի դեսպանին է ներկայացրել հայ-թուրքական հարաբերությունների կարգավորման գործընթացում ՀՀ-ի դիրքորոշումը

Կայացել է ԱՀ ՄԻՊ-ին առընթեր բռնի տեղահանված և փախստական անձանց իրավունքների պաշտպանության հարցերով խորհրդի առաջին նիստը

Ատելության խոսքը, վիրավորանքը, թշնամանքի հրահրումը բարիք չեն կարող լինել. Գերագույն հոգևոր խորհրդի հայտարարությունը

Դոլարի փոխարժեքը մի փոքր նվազել է. ՀՀ կենտրոնական բանկը հրապարակել է նոր փոխարժեքներ

Նիկոլ Փաշինյանը ցավակցական ուղերձ է հղել Յուրի Ջավադյանի մահվան կապակցությամբ

Ամառային սուրդլիմպիկ խաղերում հայ մարզիկները 5 բրոնզե մեդալ են նվաճել

Գնել Սանոսյանն ու Չեխիայի դեսպանը քննարկել են չեխական ընկերության կողմից Ստեփանավանում փոքր օդանավերի արտադրության հարցը

Սկսել ենք կարևոր երկխոսություն, որը պետք է շարունակվի. ՀՀ վարչապետը՝ Լիտվայի նախագահին

«Մարիոթ»-ի ֆորումին հրավիրված բոլոր պատգամավորների ու այլ հյուրերի մուտքը եղել է անխոչընդոտ. Դանիել Իոաննիսյան

Իրացման ցանցում հայտնաբերվել է ժամկետանց սննդամթերք (լուսանկարներ)

Արարատ Միրզոյանը հանդիպում է ունեցել Իսպանիայի ԱԳ նախարարի հետ. անդրադարձել են տարածաշրջանային նշանակության հարցերի

Թատրոնում աշխատելով՝ մի բոթասով ահագին մարդու սոցիալական ապահովություն է ստեղծում. Սաֆարյանը՝ Մութաֆյանի գրառման մասին

Արայիկ Հարությունյանն ընդունել է Նարեկ Մկրտչյանին. կարևորվել է երկու հայկական պետությունների փոխգործակցության սերտացումը

Պատերազմի քննիչ հանձնաժողովն աշխատանքը չի համապատասխանեցնելու որոշ թերթերի խարդավանքների տրամաբանությանը. Քոչարյան

Ատեստավորման նպատակով այս տարի կվերապատրաստվեն ավելի քան 14 հազար ուսուցիչներ

Անձնագիր ձեռք բերելիս անձի նույնականացման գործիքակազմը բարելավման կարիք ունի. ՀՀ գլխավոր դատախազը միջնորդագիր է հղել

ՀՀ ոստիկանությունը պարզաբանում է տարածել համակարգի աշխատողներին պարգևատրումներ տրամադրելու վերաբերյալ