Ռուսաստանն Ուկրաինա ներխուժելու ցանկություն չունի, ՀՀ դիրքորոշումն էլ այս պահին ճիշտ է. քաղաքագետ

Վերջին ամիսներին Ռուսաստանի և Արևմուտքի հարաբերություններն է՛լ ավելի են սրվել։ Վաշինգտոնն ու Բրյուսելը Մոսկվային մեղադրում են Ուկրաինա «ներխուժում» նախապատրաստելու համար և այս ֆոնին ուժեղացնում իրենց ներկայությունն Արևելյան Եվրոպայում։

Ռուսաստանում մերժում են բոլոր պնդումները և հիշեցնում, որ Կիևը չի կատարում մինսկյան պայմանավորվածությունները. ուկրաինական իշխանությունները բանակի անձնակազմի կեսը կենտրոնացրել են շփման գծի մոտ և արգելված զենքերից կրակում են աշխարհազորայինների վրա։

Օրեր առաջ էլ Բրիտանիան Ուկրաինա ուղարկեց հարյուրից ավելի հատուկ ջոկատային: Այս ամենին ֆոնին էլ Ուկրաինայի սահմանապահ ծառայության ղեկավար Սերգեյ Դեյնեկոն կարգադրել է փետրվարի 20-ից սահմանափակել 18-45 տարեկան տղամարդկանց ելքը Ուկրաինայից:

«Հայկական ժամանակ»-ի հետ զրույցում քաղաքագետ Դավիթ Ստեփանյանը, խոսելով Ռուսաստան-Ուկրաինա հավանական պատերազմի մասին, նկատեց. «Ռուսաստանն իրականում Ուկրաինա ներխուժելու ցանկություն չունի: Նա ցույց է տալիս, որ պատրաստ է դա անել, եթե Ուկրաինան հետ չկանգնի ՆԱՏՕ-ի անդամ դառնալու մտքից: Գլոբալ նպատակն էլ մեկն է. ՆԱՏՕ-ն չառաջանա դեպքի արևելք: Այսօր էլ արդեն տեղեկացանք՝ Մեծ Բրիտանիայում Ուկրաինայի դեսպանը հայտարարեց, որ պատերազմից խուսափելու լավագույն տարբերակը ՆԱՏՕ-ից հրաժարվելը կլինի: Հիմա շատ բան կախված է նրանից, թե ինչ քայլեր կձեռնարկի ԱՄՆ-ն»:

Խոսելով հնարավոր պատերազմի և դրա՝ տարածաշրջանի վրա ազդեցության մասին՝ քաղաքագետն ասաց, որ Ռուսաստանն ինքն էլ չի ուզում պատերազմ, քանի որ հասկանում է, թե այն տարածաշրջանի վրա ինչ ազդեցություն կարող է ունենալ:

«Եթե խոսենք ՀՀ-ի վրա ազդեցության մասին, ապա կարող են նշել՝ ազդեցությունը լինելու է միանշանակ վատ: Առաջինը՝ տնտեսական առումով, քանի որ ԱՄՆ-ն ու Եվրոպան նոր պատժամիջոցներ են կիրառելու Ռուսաստանի նկատմամբ: Հաշվի առնելով մեր տնտեսական հարաբերությունները՝ կարող ենք սպասել տնտեսության վրա նեգատիվ ազդեցություն, սակայն քաղաքական առումով մեծ փոփոխություններ չեն արձանագրվի»,- կարծում է քաղաքագետը:

Դիտարկմանը, որ մի շարք երկրների ղեկավարներ, դեսպանատներ այս օրերին հայտարարություններ արեցին իրենց երկրների ներկայացուցիչների՝ Ուկրաինայից տարհանման մասին, ԱՄՆ նախագահ Ջո Բայդենը նույնիսկ խոսել էր անհապաղ տարհանման մասին, սակայն մեր երկրի ղեկավարի և դեսպանատան կողմից այդպիսի հայտարարություն չեղավ, ավելին՝ ՀՀ արտաքին հարցերով զբաղվող գերատեսչությունն այսօր հայտնեց, որ ՀՀ դիվանագիտական ներկայացուցչություններն աշխատում են բնականոն ռեժիմով՝ մշտական կապի մեջ լինելով ՀՀ քաղաքացիների հետ, որոնց, ըստ անհրաժեշտության, կտրվեն լրացուցիչ ուղղորդումներ, Ստեփանյանը նկատեց՝ ՀՀ-ն ճիշտ դիրքորոշում ունի:

«Այս հիստերիան արևմուտքն է կազմակերպել, որպեսզի ցույց տա, թե Ռուսաստանը հարձակվելու է: Սա նպատակաուղղված քայլ է: Մենք դրա մասը չենք կազմում, և նորմալ է, որ մեր դեսպանատունն այդպիսի հայտարարություններ չի անում»,- նշեց նա:

Քաղաքագետը, նաև անդրադառնալով Ֆրանսիայի նախագահ Էմանուել Մակրոնի ՌԴ և Ուկրաինա այցերին, որը, ի դեպ, վերջին 24 տարվա ընթացքում Ֆրանսիայի առաջնորդի մակարդակով արված առաջին այցն էր Կիև, ասաց՝ Մակրոնը ցանկանում է այպիսով Եվրամիության առաջատարի դերը ստանձնել:

«Ֆրանսիան փորձում է դիվանագիտական միջոցներով ամեն բան անել, որպեսզի Եվրոպային այս առճակատումից հեռու պահի, որովհետև շատ լավ հասկանում է՝ այս ամենից Եվրոպան որևէ լավ բան չի ստանալու: ԱՄՆ-ն օվկիանոսից այն կողմ է, շատ մտավախություններ չունի, սակայն Եվրոպան շատ լավ հասկանում է՝ կոնտինենտալ պատերազմի ժամանակ ինչ խնդիրներ են առաջանում»,- ասաց զրուցակիցը:

Դավիթ Ստեփանյանը նաև ընդգծեց՝ երբեք չպետք է բացառել, որ Ռուսաստան-Ուկրաինա պատերազմ մի օր լինելու է:

«Հաշվի առնելով, որ ուկրաինացի ժողովուրդն այսօր հակառուսական տրամադրվածություն ունի՝ դժվար է ասել, թե երբ է պայթելու այդ հակամարտությունը, բայց այն կա և պահպանվելու է դեռ երկար: Դժվար է սպասել, որ Ուկրաինան մի օր լավ հարաբերություններ կունենա ՌԴ-ի հետ, գոնե մոտ ապագայում»,- ասաց նա՝ նկատելով, որ այս ֆոնին էլ օրեր առաջ ևս մեկ մեսիջ հղեց ՌԴ-ն Ուկրաինային:

«Պուտինը հայտարարեց Ուկրաինայի նախկին նախագահ Պորոշենկոյին քաղաքական ապաստան տալու պատրաստակամության մասին: Սա նույնպես մեսիջ է, քանի որ Պորոշենկոն Զելինսկիի հակառակորդն է: Կրեմլն ամեն կերպ Կիևին ցանկանում է ցույց տալ, որ ինքն ամեն պահի կարող է խաղալ տարբեր դիրքերից ու ազդել նույնիսկ Ուկրաինայի ներքին քաղաքականության վրա»,- եզրափակեց Ստեփանյանը:

Անյուտա Աթանեսյան

Տպել
1709 դիտում

ՀՀ-ում Ռուսաստանի և Չինաստանի դեսպանատներում ռումբ չի հայտնաբերվել

ՍԱՏՄ լաբորատոր ծառայությունների կենտրոնը ստացել է նոր միջազգային հավատարմագրման սերտիֆիկատ

Ասում են՝ ծովում ոչխարի միս են նետել, այդ հատվածում շնաձուկ չի լինում. ՀՀ քաղաքացիները չեղարկում են տուրերը Հուրգադա

ՊՆ զինծառայողների առողջապահական, սոցիալական պաշտպանության և վետերանների հարցերով գլխավոր վարչությունը տոնում է 30-ամյակը

Բացվել են Հյուսիս-հարավի Տրանշ-4 մրցույթին դիմած կազմակերպությունների ներկայացրած հայտերը

Կառավարությունն անում է հնարավորը, որպեսզի կատարվեն GRECO-ի բոլոր խորհրդատվական պահանջները. Կարեն Անդրեասյան

24 ժամով կդադարեցվի Գեղարքունիքի մարզի որոշ գյուղերի ջրամատակարարումը

Ռուսաստանի եւ Չինաստանի դեսպանատներում ռումբի առկայության մասին ահազանգեր են եղել

Վահրամ Դումանյանը հետևել է Արսեն Եղիազարյանի անվան հուշամրցաշար ընթացքին

Մհեր Գրիգորյանը ԳՐԵԿՈ-ի գործադիր քարտուղարին է ներկայացրել ՀՀ-ում կոռուպցիայի դեմ պայքարի աշխատանքները

«Մուրացան» համալսարանական հիվանդանոցը համալրվել է նորագույն սերնդի գաստրոսկոպիկ համակարգով

ՃՈ ուժեղացված ծառայություն մարզերում. հայտնաբերվել է 5230 խախտում (տեսանյութ)

Դոլարի փոխարժեքը կրկին նվազել է. ՀՀ կենտրոնական բանկը հրապարակել է նոր փոխարժեքներ

Հայաստանի բասկետբոլի հավաքականը՝ Եվրոպայի փոքր երկրների չեմպիոն

Քվեարկությամբ ԲԴԽ նախագահ չի ընտրվել. պարտականությունները կկատարի Սերգեյ Չիչոյանը

ԿԳՄՍ նախարարն ընդունել է Վարշավայում անցկացված միջազգային մրցույթում Գրան պրի մրցանակի արժանացած Ջուլիանա Գրիգորյանին

Ներքին Կարմիրաղբյուր գյուղում տրակտորն ընկել է ձորը. վարորդի վիճակը ծանր է

ՊՎԾ հայտնաբերած խախտումներին տրվել է իրավական ընթացք, հարուցվել՝ 6 քրգործ

Նիկոլ Փաշինյանը շնորհավորական ուղերձ է հղել Ջո Բայդենին

Ալեն Սիմոնյանի հայտարարությունը՝ ԱԺ հանձնաժողովի նախագահի պաշտոնից Արմեն Գևորգյանի հրաժարականի դիմումի մասին

Միրզոյանը Սանջայ Վերմային է ներկայացրել ՀՀ դիրքորոշումը տարածաշրջանում խաղաղության հաստատման գործընթացների նկատմամբ

Կարճատև անձրև, տեղ-տեղ՝ կարկուտ. առաջիկա օրերին ջերմաստիճանը կբարձրանա

Ավարտվել է համակարգչային տեխնիկայի օգտագործմամբ հափշտակություն կատարելու գործի նախաքննությունը. ՔԿ

Արձանագրվել է սնկից թունավորման 16 դեպք՝ 27 տուժածով. դեպքերի գերակշիռ մասը՝ Լոռիում

Վարչապետն ընդունել է Ժողովրդավարության աջակցության ազգային հիմնադրամի նախագահին

Արմեն Փամբուխչյանը, Արա Նազարյանը և Արմեն Գասպարյանը պարգևատրվել են «ՀՀ զինված ուժեր 30 տարի» հոբելյանական մեդալով

Վլադիմիր Պուտինն այս տարի շնորհավորական հեռագիր չի հղելու Վաշինգտոնին ԱՄՆ անկախության օրվա առթիվ. Կրեմլ

Վերջին տարիներին կտրուկ աճել են Հայաստան-Հնդկաստան ապրանքաշրջանառության ծավալները. Արարատ Միրզոյան (տեսանյութ)

Փրկարարները հայտնաբերել են երեկվանից որոնվող քաղաքացու դին

11 առարկա, 550-ից ավելի դիմորդ. մեկնարկել է բուհական միասնական քննությունների երկրորդ փուլը

Ջրվեժի բակերից մեկում խաղացող 8-ամյա տղան պատահական կրակոցից մարմնական վնասվածք է ստացել

Հայաստանի և Հնդկաստանի միջև դրամաշնորհային աջակցության վերաբերյալ հուշագիր է ստորագրվել

Հայաստանում վերջին մեկ շաբաթում հաստատվել է կորոնավիրուսի 174 նոր դեպք. մահ չի գրանցվել

Հանրապետության նախագահի նստավայրում կայացել է դատավորների երդման արարողություն

Վարազդատ Հարոյանը հեռացել է «Կադիս»-ից

Առցանց հարթակներում տեղեկատվության անվտանգության իրավական կարգավորման հարցով գլխավոր դատախազը դիմել է Կառավարություն

ԲԴԽ անդամը հրաժարական է ներկայացրել

Հայաստանում ընթանում է հայ-հնդկական միջկառավարական հանձնաժողովի 8-րդ նիստը

Ռուբեն Վարդազարյանը միջնորդություն է ներկայացրել՝ հետաձգելու ԲԴԽ նախագահի ընտրությունները

Համբարձում Մաթևոսյանն ու Գնել Սանոսյանն աշխատանքային այցով եղել են Լոռիում, ծանոթացել իրականացվող աշխատանքներին