«Արմնյուզը» 5 օր ուներ եթեր վերադառնալու համար. ՀՌՀ նախագահի խոսքով՝ լիցենզիայի համար մրցակցությունը կոշտ է լինելու

Հեռուստատեսության եւ ռադիոյի հանձնաժողովի նախագահ Տիգրան Հակոբյանի փոխանցմամբ՝ 2021 թվականի ընթացքում հեռուստատեսության եթերում խախտումների հետեւանքով հարուցված վարչական վարույթներն ավելի շատ են եղել, քան նախորդած 8 տարիներին:

ՀՌՀ խորհրդի նախագահի հետ զրուցել ենք օրերս ՀՌՀ-ի եւ էթիկայի դիտորդ մարմնի ստորագրած հուշագրի, ՀՌՀ մշտադիտարկումների արդյունքում եթերում հայտնաբերվող հիմնական խախտումների եւ այլ հարցերի շուրջ:

- Պարոն Հակոբյան, Հեռուստատեսության եւ ռադիոյի հանձնաժողովն ու ԶԼՄ-ների էթիկայի դիտորդ մարմինն օրերս ստորագրել են հուշագիր, որով հետևելու են եթերում էթիկայի պահպանմանը: Ո՞րն է այս հուշագրի բուն նպատակը, մինչ այս էլ էր ՀՌՀ-ն կարգավորում եթերում էթիկայի պահպանումը. սրանով որեւէ նոր պարտավորությո՞ւն է մարմինը ստանձնել:

 - Հիմնական նպատակն է նպաստել մեր երկրում գործող տեսալսողական մեդիայի ոլորտում մասնագիտական էթիկայի կանոնների պահպանմանը, իսկ դա ենթադրում է կանոնները մշտապես կատարելագործելը, հստակ մեկնաբանելն ու անկաշկանդ և ոչ խտրական կիրառելը։ Եվ Դիտորդ մարմնի (որը միավորում է տասնյակ մեդիաընկերություններ) փորձը, հմտություններն օգտակար կլինեն Հանձնաժողովի համար: Համաձայն հուշագրի՝ ՀՌՀ-ն կարող է դիմել Դիտորդ մարմնին էթիկայի կանոնների կամ դրանց որևէ տարրերի մասին կամ էթիկայի կանոնների կիրառման հետ կապված փորձագիտական խորհրդատվություն կամ եզրակացություն ստանալու խնդրանքով: Համատեղ կկազմակերպենք էթիկայի կանոնների արդի խնդիրների քննարկմանը նվիրված միջոցառումներ, դասընթացներ եւ այլն: Բազմիցս ասել եմ եւ կրկնում եմ՝ ՀՌՀ-ն միայնակ չի կարող պայքարել վիրավորանք, ատելության խոսք, ապատեղեկատվություն պարունակող տեղեկատվական հոսքերի դեմ. անհրաժեշտ է միավորել մեդիայի, կարգավորող մարմնի, պետական ինստիտուտների, քաղաքական ուժերի ու հասարակության ջանքերը:

Հեռուստատեսության եւ ռադիոյի հանձնաժողովում երկու օր առաջ նիստ էր գումարվել, որի ընթացքում որոշում է կայացվել «Արմնյուզ» ՓԲ եւ «Ռադիո 107 ՖՄ» ՍՊ ընկերությունների լիցենզիայի գործողությունը հինգ օր ժամկետով կասեցնել: Հաջորդ քայլն ի՞նչ է լինելու. «Արմնյուզի» լիցենզիան ուժը կորցրած ճանաչելուց հետո նոր մրցույթ հայտարարվելո՞ւ է այդ ազատ տեղի համար:

- Նախորդ շաբաթ «Արմնյուզ» հեռուստածրագիրը եւ «Ռադիո 107 ՖՄ»-ը իրենց հիմնադիրների ցուցումով դադարեցրել էին հաղորդումների հեռարձակումը: ՀՌՀ որոշման հիմքում օրենսդրության պահանջն էր, համաձայն որի՝ կարգավորող մարմինն իրավասու է մինչեւ 30 օր ժամկետով կասեցնել լիցենզիայի գործողությունն այն հեռարձակողի, որը 24 ժամից ավելի անընդմեջ չի ապահովել եթերը հանրային մուլտիպլեքսում կամ հատկացված FM տիրույթում: Եթե հատկացված 5 օրվա ընթացքում հիմնադիրները չփոխեն իրենց որոշումը եւ մինչեւ փետրվարի 17-ը «չվերադառնան» եթեր, ապա հանձնաժողովը մեկ այլ որոշումով կդադարեցնի այդ ընկերությունների լիցենզիայի գործողությունը: Հետո, բնականաբար, օրենքով սահմանված ժամկետներում ՀՌՀ-ն կհայտարարի նոր մրցույթներ, որոնց կարող են մասնակցել ՀՌՀ կողմից հեղինակազորված կազմակերպությունները:

- Հնարավո՞ր է՝ «Հ2»-ը կրկին լիցենզիա ստանա։

- Ինչպես կարող ենք նախապես ինչ-որ բան հաստատել կամ բացառել: Հանձնաժողովը եթեր տրամադրող չէ, մենք մրցույթ կազմակերպելու եւ հաղթողին ճանաչելու լիազորություններ ունենք: Ուստի, ով կհաղթի, նա էլ լիցենզիա կստանա: Կարծում եմ՝ մրցակցությունը շատ կոշտ է լինելու՝ բազմաթիվ մասնակիցներով: 

ՀՌՀ-ն ի՞նչ հաճախականությամբ է եթերային կոնտենտի մոնիթորինգ իրականացնում: Խնդրում եմ նշել, թե վերջին շրջանում հատկապես ի՞նչ թերացումներ ու խախտումներ են հայտնաբերել։

- Մշտադիտարկումն իրականացվում է «Տեսալսողական մեդիայի մասին» օրենքի եւ ՀՌՀ հանձնաժողովի կարգերի համաձայն: Յուրաքանչյուր լիցենզավորված հեռարձակող մեկ ամսվա ընթացքում պետք է մշտադիտարկվի առնվազն հինգ օր: Պարզ է, որ բազմազան բովանդակությամբ հեռուստաալիքներն ավելի մեծ ուշադրություն են պահանջում, քան, օրինակ, երաժշտական ռադիոծրագրերը: Մշտադիտարկում ենք համապատասխան հեռուստածրագիրը նաեւ բողոքներ ստանալու դեպքում: Իսկ մշտադիտարկման ստորաբաժանման աշխատակիցները պետք է քաջ ծանոթ լինեն օրենսդրությանը, ՀՌՀ կարգերին, էթիկայի կանոնագրքերին, ճկուն, ոչ դոգմատիկ մոտեցումներ ցուցաբերեն: Ամբողջ «տեսականին» երկար կլինի շարադրել, թվարկեմ մի քանիսը՝ հեղինակային իրավունքի, գովազդի մասին օրենսդրության խախտումներ, օրական առնվազն մեկ անգամ լրատվական եւ մանկական հաղորդումների հեռարձակում առանց ժեստերի լեզվով թարգմանության կամ հայերեն ենթագրի, մասնագիտական էթիկայի խախտումներ եւ այլն:

- Իսկ անցած՝ 2021 թվականի ընթացքում քանի՞ խախտում է հայտնաբերել ՀՌՀ-ն և քանի՞ վարչական վարույթ է հարուցվել:

- Նախորդ տարի խախտումների հետեւանքով հարուցել էինք 85 վարչական վարույթ, ինչն ավելի շատ էր, քան 2011-2019 թվականների ամբողջ ժամանակահատվածում բացած վարույթները: Այնուամենայնիվ, հանձնաժողովի նպատակը հեռարձակողներին պատժելը չէ, առաջնությունը տալիս ենք պրոֆիլակտիկ աշխատանքներին, համատեղ քննարկումներին, լուծումներ ենք առաջարկում: Վստահությամբ կարող եմ ասել, որ մեր կարգավորման ներքո գտնվող ընկերությունները ՀՌՀ-ն չեն դիտարկում որպես պատժիչ մարմին:

Տպել
5317 դիտում

Ասեք՝ մետադիչկան նույն տեղը չի արվել. Ադրբեջանում գոչում են՝ շուտով ռեպրեսիաներ են, ՀՀ-ում ասում են՝ սկսել է. Սաֆարյան

Երևանի մետրոպոլիտենի երթևեկությունն ամբողջ գծով վերականգնվել է

«Մարտական եղբայրություն միաբանության» անդամներին տարել են ոստիկանություն. հայտնի են նրանց անունները

Փլվածք է տեղի ունեցել Լծեն-Տաթև հատվածում. ճանապարհը երկկողմանի փակ է (տեսանյութ)

Քաղաքացին նետվել է «Զորավար Անդրանիկ» կայարան ժամանող գնացքի տակ

Երևանից գնացած մի խումբ ջարդել է սահմանապահ ծառայություն իրականացնող ԵԿՄ մեքենան, սա զարմանալի չէ. Ալեքսանյան

Ոսկեպարում Երևանից ժամանած մարդիկ ջարդուփշուր են արել Երկրապահների մեքենան (տեսանյութ)

Տավուշը ՀՅԴ-ի համար եղել է գրպանները լցնելու թիվ 1 հորիզոնականում, հիմա փորձում են սահմանազատում արգելել. Ալեքսանյան

«Ճվճվ Արոյի» որդին փորձել է պարեկներին համոզել՝ առանց ԱՊՊԱ-ի ու մգեցված ապակիներով մեքենաները չտանել տուգանային հրապարակ

Երկրաշարժ Թուրքիայի տարածքում

Շտապօգնության մեքենան առանց վարորդի առաջ է ընթացել և բախվել երկաթե ճաղավանդակին

Ապրիլի 24-ին կգործեն անվճար երթուղիներ Ծիծեռնակաբերդի հուշահամալիրի այցելուների համար

Զուրաբիշվիլին «վրացական մղձավանջ» է անվանել երկրի իշխող կուսակցությանը

140 ինքնաթիռ ու կործանիչ, ցամաքային և ծովային ուժեր. ՆԱՏՕ-ն պատարաստվում է զորավարժությունների

Ավտոմեքենան գլխիվայր շրջվել է, վարորդը՝ հոսպիտալացվել

Հայաստանում պոլիէթիլենային տոպրակի, պլաստիկե մեկանգամյա օգտագործման սպասքի վաճառքը կարգելվի. ինչ է առաջարկվում փոխարենը

Տարեց կնոջն արնաշաղախ վիճակում տեղափոխել են հիվանդանոց. ըստ ականատեսների՝ քարով հարվածներ է հասցրել փեսան

Եթե ուզում ենք մեզ օրինական կերպով պատկանող բնակավայրերը չկորցնել, պետք է Ադրբեջանին տանք իրեն պատկանողը. Իոաննիսյան

Ախուրյանում ավտոմեքենա է հրդեհվել

Պետք է պատժվի օրենքի ողջ խստությամբ, ուզում է՝ ախպերս լինի. Գյումրու քաղաքապետը՝ «Մերսեդես»-ի վարորդի քայլի մասին

Մագա Հարությունյանը և Սուրեն Փահլևանյանը պսակադրվել են (լուսանկարներ)

Բռնցքամարտի ԵԱ. Գուրգեն Մադոյանը և Նարեկ Մանասյանը հաղթանակով են մեկնարկել

Խուստուփ լեռան փեշերին կայացել է Տիգրան Համասյանի՝ «Հող և ջուր» խորագրով համերգը (լուսանկարներ)

ԱԺ պատվիրակությունը մասնակցել է ԵԽԽՎ գարնանային նստաշրջանի աշխատանքներին (տեսանյութ)

«Նիսսան»-ը «Օպել»-ին բախվելուց հետո վրաերթի է ենթարկել 3 հետիոտնի

2 օր սպասվող անձրևին ու ամպրոպին կհաջորդի արևոտ, տաք ու առանց տեղումների եղանակ

Գորիսից մեկնարկել է Ֆրանսիա-Հայաստան բարեկամության խմբի նախագահի գլխավորած պատվիրակության այցը Հայաստան

Գառնու ձորում մոլորված արշավախմբի անդամներին գետի վրայով տեղափոխել են ափ

Երևանի մի քանի հասցեում վթարային ջրանջատում է

Նիկոլ Փաշինյանը հետևել է Սպիտակ-Վանաձոր ճանապարհահատվածի հիմնանորոգման աշխատանքներին (տեսանյութ)

Նախկին իշխանության, ընդդիմության, ընդհուպ հոգևոր դասի անդամներ լծված են ժողովրդին մանիպուլացնելու գործին. Հովհաննիսյան

Մի քիչ շոգելու ենք. Սուրենյանը նորություն է հայտնել

Շատ լավ լուր Հայաստանի, Ադրբեջանի և ողջ Հարավային Կովկասի համար. Շվեդիայի ԱԳ նախարարը՝ սահմանազատման մեկնարկի մասին

«Մերսեդես»-ը հայտնվել է Գյումրիի քաղաքապետարանի աստիճաններին. վարորդը պահանջ է ներկայացրել (լուսանկարներ)

Վարչապետը կառավարության աջակցությունն է խոստացել 350 գլուխ խոշոր եղջերավոր անասուն ունեցող ֆերմային (տեսանյութ)

Խոշոր վթար Երևանում. բախումից հետո մեքենաներից մեկը հարվածել է սյանը, 3 մարդ հոսպիտալացվել է (լուսանկարներ)

Սահմանազատման ընթացքում որևէ գյուղ չի զրկվի ճանապարհից. վարչապետը՝ մեկնարկած գործընթացի մասին (տեսանյութ)

6-7 բալ ուժգնությամբ երկրաշարժ Իրանում. ցնցումները զգացվել են Սյունիքի մարզում

Երևանում տղան կտրել է մոր վիզը և գնացել ու նետվել Կիևյան կամրջից. երկուսն էլ մահացել են

Ադրբեջանն ու Ռուսաստանը համաձայնության չեն եկել, Բաքուն դեմ է գնացել խաղաղապահների ներկայությանը ԼՂ-ում. Հովհաննիսյան