Երևան
12 °C
Ուկրաինայում տեղի ունեցող ռազմական գործողությունների ֆոնին արևմտյան տնտեսական պատժամիջոցներն ու սահմանափակումները ստիպում են ռուս գործարարներին իրենց գործունեության համար նոր վայրեր փնտրել:
Այլընտրանքային ճանապարհ նրանք տեսնում են նաև Հայաստանում: Որոշ ընկերություններ իրենց բիզնեսը ՀՀ տեղափոխելու գործընթացն արդեն սկսել են: Նրանց աջակցում է ՀՀ էկոնոմիկայի նախարարությունը: Գերատեսչությունը ստեղծել է գործող բիզնեսն այլ երկրներից Հայաստանի Հանրապետություն տեղափոխելու և նոր բիզնեսի հիմնման հարցերով աշխատանքային խումբ։
«Work From A» կազմակերպության գործադիր տնօրեն, Երևանի ավագանու անդամ Գայանե Խաչատրյանը «Հայկական Ժամանակ»-ի հետ զրույցում ասաց՝ վերջին մի քանի օրերի ընթացքում 10-ից ավելի ռուսական ընկերություններ ու անհատներ դիմում են, որպեսզի իրենց գործունեությունը ամբողջապես տեղափոխեն Հայաստան: Կազմակերպությունը, էկոնոմիկայի նախարարության հետ համագործակցելով, աջակցում է ռուս գործարարներին:
«Այս ընթացքում մեզ դիմում են բավականին խոշոր ռուսական ընկերությունների տնօրեններ: Ցանկանում են տեղափոխվել նաև իրենց ամբողջական աշխատանքային կազմով: Մենք նրանց օգնում ենք տեղափոխման հետ կապված խնդիրներով, բնակարան վարձելու, բեռներ տեղափոխելու, միջավայրին հարմարվելու հարցերով: Հիմնականում դիմում են ԱյԹի ոլորտի հետ կապված ընկերությունները»,- մեզ հետ զրույցում ասաց Խաչատրյանը:
Բացի ընկերություններից, Հայաստան տեղափոխվելու հարցով դիմում են նաև անհատներ, որոնք ցանկանում են այստեղ աշխատանք գտնել: Նրանք կազմակերպությանն ուղարկում են իրենց կենսագրականները: Խաչատրյանն ասում է՝ ռուսական բիզնեսը արևմուտքի կողմից ՌԴ-ի հանդեպ կիրառված պատժամիջոցների հետևանքով չի կարողանում աշխատել եվրոպական երկրների ու ընկերությունների հետ: Բիզնեսին մեծ վնաս է հասցրել հատկապես արևմուտքի կողմից ռուսական բանկերը SWIFT միջազգային վճարային համակարգից անջատելը:
«Ռուսաստանից ՀՀ եկող քաղաքացիները վիզայի հետ կապված խնդիր չունեն: Տեղափոխման ընթացքում միակ դժվարությունը ՌԴ քաղաքացիների շրջանում այն է, երբ անցակետում ստուգումներ են անցկացնում՝ տվյալ մարդու կենսագրականը հասկանալու համար: Այս մասով երբեմն դժգոհություններ են լինում, ասում են, որ ուզում են իրենց բիզնեսը տեղափոխել, բայց շատ ստուգումներ են լինում: Իսկ ընդհանուր առմամբ տեղափոխման գործընթացը հիմնականում հեշտ է լինում»,- պարզաբանեց Խաչատրյանը:
Պատահում է նաև, որ իրենց բիզնեսը ՀՀ տեղափոխել ցանկացող գործարարները կամ ընկերության համահիմնադիրները ազգությամբ հայ են լինում, ասում է «Work From A» կազմակերպության գործադիր տնօրենը: Ուկրաինայից այս պահին կազմակերպությանը դիմել է մեկ անհատ՝ Հայաստանում աշխատանք գտնելու հարցով:
Գայանե Խաչատրյանի խոսքով՝ այս գործընթացը դրական ազդեցություն կունենա ՀՀ-ի տնտեսության վրա:
Իրենց բիզնեսը ՀՀ տեղափոխելու համար ռուս գործարարները դիմում են նաև «Լեգիտիմուս» իրավաբանական կազմակերպությանը: Ընկերության փաստաբան Մարիետա Միրիբյանը մեզ հետ զրույցում ասաց՝ ՌԴ-ում գործող պատժամիջոցներով է պայմանավորված, որ ռուսական բազմաթիվ ընկերություններ դիմում են՝ Հայաստան իրենց բիզնեսը ամբողջական տեղափոխելու հարցով:
«Մեզ դիմում են թե՛ անհատներ, թե՛ ընկերություններ: ՍՊԻ-ի դեպքում անհրաժեշտ են ընկերության անվանումը, գտնվելու վայրը, հասցեն, տնօրենի տվյալները, որից հետո հավաքվում է ընկերության համար կարևոր փաստաթղթերի ցանկը: Հիմնականում դիմում են ԱյԹի ոլորտի ու մատակարարման հետ կապված ընկերությունները»,- ասաց նա:
Գործարարներին աջակցություն տրամադրելու համար Էկոնոմիկայի նախարարությունը գործարկում է նաև արագ արձագանքման էլեկտրոնային հասցե: Նամակում պետք է տրամադրել տեղեկատվություն՝ ընկերության անվանման և ոլորտի, աշխատակիցների քանակի, տեղափոխման մոտավոր ժամկետների, տեղափոխման հետ կապված հիմնական հարցերի մասին, ինչպես նաև տեղեկատվություն պատասխանատու անձի մասին, ում հետ մասնագետները կարող են հաստատել օպերատիվ հաղորդակցություն:
Նախօրեին Էկոնոմիկայի նախարար Վահան Քերոբյանն էլ հայտարարեց՝ նախարարություն դիմել են 100-ից ավելի ընկերություններ, որոնք ունեն ուղիղ առնչություն արևմտյան շուկայի հետ: Մեր երկրի հանդեպ ռուս գործարարների հետաքրքրվածությանը նպաստում են դրական վերաբերմունքն ու բարենպաստ բիզնես միջավայրը:
Մերի Խաչատրյան
«Հայկական Ժամանակ»-ը Telegram-ումՓլուզվել է Պերուի առևտրի կենտրոններից մեկի տանիքը. կան զոհեր
Իսրայելը հետաձգել է պաղեստինցի բանտարկյալների ազատ արձակումը
ՀՀ-ն կարևորում է Ճապոնիայի հետ համակողմանի համագործակցության խորացումը. Փաշինյանի ուղերձը Ճապոնիայի վարչապետին
Քանի չկա խաղաղության համաձայնագիր, հակամարտությունը կարող է վերսկսվել. ԵՄ դիտորդները պրոֆեսիոնալներ են. դեսպան
Հայկական հեռուստատեսությունն անհնար է պատկերացնել առանց Ձեզ. վարչապետի շնորհավորական ուղերձը Նարա Շլեպչյանին
Պաշտպանության ոլորտում համագործակցությունը ՀՀ-ի հետ շարունակվում է, պաշտոնական Փարիզի դիրքորոշումն է. դեսպան
Դպրոցում ծեծկռտուք է տեղի ունեցել ֆիզկուլտուրայի ուսուցչի և աշակերտների միջև․ 27-ամյա մանկավարժը ձերբակալվել է
Երևանի և 4 մարզի բազմաթիվ հասցեներում մի քանի ժամ լույս չի լինի
Վարդենյաց լեռնանցքը փակ է կցորդով փոխադրամիջոցների համար. իրավիճակը ՀՀ ավտոճանապարհներին
Էդգար Ղազարյանի նկատմամբ վարչական հսկողություն է կիրառվել
Թուրքիայում ընթացած լեռնադահուկային սպորտի պատանեկան միջազգային մրցաշարում հայ մարզիկը բրոնզե մեդալ է նվաճել
Հալիձորի մոտակայքում չորս բեռնատար է արգելափակվել ձյան շերտում
Ինչ իրավիճակ է Լարսի ճանապարհին
Մի քանի տարածաշրջանում ձյուն է տեղում. կան փակ և դժվարանցանելի ավտոճանապարհներ
Վահագն Դավթյանը ոսկե մեդալ է նվաճել աշխարհի գավաթի առաջին փուլում
Հոսպիտալում հիվանդության հետևանքով զինծառայողի մահվան դեպք է արձանագրվել. ՊՆ
Երևանի քաղաքապետարանը զգուշացնում է
2021-2025 թվականներին Փարաքար համայնքում կառուցվել և շահագործման է հանձնվել 2 դպրոց
«Բոշա՛», «բոշան դո՛ւ ես» ոճի մեղադրանքներ կամ ինչու Թրամփը բռնեց ռուսական գիծը՝ ակնհայտ լարվելով Զելենսկիի հետ
Դավիթ Բեկ համայնքում կրակոցներ չեն հնչել և տուժածներ չկան. ՆԳՆ
15 տարվա դպրոցի ճաշարանը խուց է, գրադարանը՝ հավաբնի չափ, պետության ներդրումը եղել է փող աշխատելու ձև. նախարար
Դիտորդները չեն ծեծվի, լցոնում չի չլինի. ինչ խնդիրներ կան Սահմանադրության մեջ, ինչպես կշտկվեն դրանք
Ռուս-ամերիկյան 2-րդ բանակցությունները կկայանան հաջորդ շաբաթ. Թրամփ
ՄԻՊ աշխատակազմը, ՔԿԾ ղեկավարն ու «Նուբարաշեն» ՔԿՀ պետը քննարկել են հիմնարկում արձանագրված խնդիրները
ԱՄՆ կոնգրեսականները տրամադրված չեն Ուկրաինային նոր օգնություն տրամադրել. Ջոնսոն
Երևանում փետրվարի 24-ի գիշերը սպասվում է -15․․․-17 աստիճան ցուրտ․ Լևոն Ազիզյան
«BMW»-ն դուրս է եկել ճանապարհի երթևեկելի գոտուց, բախվել հողաթմբին և գլխիվայր շրջվել
Շենքը՝ շենք, բայց այն ապրելու է ձեզնով ու այնպես, ինչպես դուք եք ապրեցնելու. վարչապետը՝ Փոքր Վեդիի դպրոցում
Ըմբշամարտիկ դառնալու համար էլ պետք է լավ սովորել. վարչապետը շրջայց է կատարել Փոքր Վեդիի դպրոցում. տեսանյութ
Քայլում ենք միջազգային զարգացումներին համընթաց՝ ապահովելով նոր առաջընթաց միջուկային բժշկության մեջ. Ավանեսյան
«Ինտերը» կարող է խզել Մխիթարյանի պայմանագիրը
Լավրովն առաջիկա օրերին կմեկնի Թեհրան
Հանրապետությունում 1 օրում արձանագրվել է 578 ճանապարհատրանսպորտային պատահար, վնասվածքներ ստացել՝ 35 քաղաքացի
Ջրաբեր-Ֆանտան ավտոճանապարհը բացվել է բոլոր տեսակի տրանսպորտային միջոցների համար. տեսանյութ
Որոշ մարզերում գիշերային ժամերին կդիտվի -27, -28 աստիճան ցուրտ, լեռնային շրջաններում՝ բուք, ուժգին քամի
Թրամփը չի պատրաստվում մայիսի 9-ին մեկնել Ռուսաստան
Թրամփն ու Զելենսկին գտնվում են վերբալ փոխհրաձգության մեջ. ինչու է ԱՄՆ-ն «երես թեքում» Ուկրաինայից
Եվրամիությանը ՀՀ-ի անդամակցությունը ձեռնտու կլինի ինչպես Երևանի, այնպես էլ Բրյուսելի համար․ շվեդ պատգամավոր
Վերին Լարսում մոտ 700 հայկական բեռնատար է կուտակվել
«Զվարթնոց» տանող ճանապարհին բախվել է 6 ավտոմեքենա
© 2025 Հայկական ժամանակ
Website by MATEMAT