Արցախի սրբավայրերի հարցն ու Մայր տաճարի հիմնանորոգումը. Մայր Աթոռում ավարտվել է գերագույն հոգևոր խորհրդի քառօրյա ժողովը

Մարտի 7-10-ը Մայր Աթոռ Սուրբ Էջմիածնում Գարեգին Երկրորդ Ամենայն հայոց կաթողիկոսի նախագահությամբ տեղի է ունեցել Գերագույն հոգևոր խորհրդի ժողովը։

Այս մասին հայտնում են Մայր Աթոռի տեղեկատվական համակարգից՝ նշելով, որ Ամենայն հայոց կաթողիկոսի ողջույնի և օրհնության խոսքից հետո ժողովի նիստերն ատենապետել է Արևմտյան Եվրոպայի Հայրապետական պատվիրակ Տ. Խաժակ արքեպիսկոպոս Պարսամյանը։

«Ժողովին քննարկվեց Մայր Տաճարի հիմնանորոգության և ամրակայման աշխատանքների ընթացքը: Կատարված աշխատանքների վերաբերյալ հանգամանալից տեղեկություններ փոխանցեց Մայր Աթոռի վանական խորհրդի ատենապետ և լուսարարապետ Տ. Մուշեղ եպիսկոպոս Բաբայանը: Մայր Տաճարի վերանորոգման նպատակով կազմակերպված հանգանակությունների և անհրաժեշտ միջոցների հավաքագրման ընթացքի մասին զեկույց ներկայացրեց ԱՄՆ Արևմտյան Հայոց թեմի առաջնորդ և հանգանակության հանձնախմբի ատենապետ Տ. Հովնան արքեպիսկոպոս Տերտերյանը:

ԳՀԽ ողջունեց կատարված աշխատանքները, կարևորեց Մայր Տաճարի հիմնանորոգությանն ուղղված ջանքերը և ներդրումները՝ հույս հայտնելով, որ այն առաջիկայում դռները կբացի բարեպաշտ ժողովրդի առջև։

Ժողովի ընթացքին զեկույցով հանդես եկավ նաև Կ. Պոլսի Հայոց Պատրիարք Ամենապատիվ Տ. Սահակ արքեպիսկոպոս Մաշալյանը, ով ներկայացրեց պատրիարքության առկա կացությունը։ Ամենապատիվ Սրբազան Հայրը տեղեկություններ փոխանցեց պատրիարքության հոգևոր դասի, եկեղեցական կառույցների, ծխական համայնքների, կրթօջախների գործունեության վերաբերյալ։

Ժողովականներին Արցախի սրբավայրերի պահպանության ուղղությամբ Մայր Աթոռի կողմից իրականացվող աշխատանքների և առաջիկա ծրագրերի վերաբերյալ համապարփակ տեղեկություններ ներկայացրեց Մայր Աթոռի Արցախի հոգևոր-մշակութային ժառանգության հարցերով գրասենյակի տնօրեն Տ. Գարեգին վարդապետ Համբարձումյանը։ Հայր Սուրբն ընդգծեց, որ գրասենյակի գործունեության հիմնական նպատակն է հուշարձանների պահպանությամբ զբաղվող միջազգային կառույցների, պետական պատկան մարմինների, ինչպես նաև միջեկեղեցական կառույցների և Քույր Եկեղեցիների ուշադրությունը հրավիրել Արցախի հուշարձաններին սպառնացող վտանգների և դրանց պահպանությանն ուղղված ծրագրերի անհրաժեշտության վրա: Գրասենյակի գործառույթն է նաև տրամադրել գիտական աղբյուրների վրա հիմնված տեղեկատվություն՝ կանխելու Ադրբեջանի կողմից Արցախի պատմական անցյալի և Արցախի հայկական հոգևոր ու պատմամշակութային հուշարձանների պատկանելիության վերաբերյալ փաստերի խեղաթյուրումը և կեղծ տեղեկատվության տարածումը:

Ժողովին Արշակ եպիսկոպոսի կողմից ներկայացվեց նաև Հայ Եկեղեցու հոգևորկանաց պատրաստության, թեմական և ծխական կյանքի կազմակերպման, սոցիալական, կրթադաստիարկչական, քրիստոնեական արժեհամակարգին նետված մարտահրավերների, ֆինանսատնտեսական վիճակի բարելավման և Հայաստան-Սփյուռք կապերի ամրապնդման առաքելության ուղենշային փաստաթղթերի վերաբերյալ զեկույցը:

Կարևորելով ուղենշային փաստաթղթերի ձևավորումը, ԳՀԽ-ն թելադրեց խմբագրական խորհրդին, դրանք կազմող հանձնախմբերի հետ շարունակել փաստաթղթերի լրամշակման աշխատանքները:

       Հայ Եկեղեցու Համաշխարհային Երիտասարդական Միավորման (ՀԵՀԵՄ) հոգևոր պատասխանատու Տ. Հովնան արքեպիսկոպոս Տերտերյանը ներկայացրեց ՀԵՀԵՄ Կենտրոնական գրասենյակի կողմից սույն թվականի մարտի 1-6-ը կազմակերպված ՀԵՀԵՄ Եվրոպայի տարածաշրջանային ֆորումի արդյունքները, որին մասնակցում էին ՀԵՀԵՄ Եվրոպայի տարածաշրջանի Հայրապետական պատվիրակությունների, թեմերի և հովվությունների երիտասարդներ, թեմակալ առաջնորդներ։ Սրբազան հայրը կարևորեց ՀԵՀԵՄ Կենտրոնական գրասենյակի և թեմերի երիտասարդական կառույցների ջանքերը աշխարհասփյուռ հայ երիտասարդների համախմբման և առաջիկայում համահայկական ուխտագնացության կազմակերպման ուղղությամբ։

ԳՀԽ-ի անդամներին Եկեղեցի-պետություն հարաբերությունների և առկա մարտահրավերների վերաբերյալ զեկուցեց Մայր Աթոռ Սուրբ Էջմիածնի դիվանապետ Տ. Արշակ եպիսկոպոս Խաչատրյանը: Արձանագրվեց, որ դեռևս 2019 թվականին Եկեղեցի–պետություն հարաբերությունների կանոնակարգման նպատակով ձևավորված հանձանախմբի աշխատանքները տակավին վերականգնված չեն և այս բնագավառում լուծման կարոտ են մնացել մի շարք խնդիրներ, մասնավորաբար կրթական, մշակութային, արարողակարգային, օրենսդրական, հարկային, մաքսային և կարևորագույն այլ որոլորտների հետ առընչված։

ԳՀԽ մտահոգությամբ անդրադարձ կատարեց ռուս-ուկրաինական հակամարտությանը և Ուկրաինայի հայության առջև ծառացած մարտահրավերներին։ Այս առնչությամբ ժողովականներին զեկույց ներկայացրեց Մայր Աթոռի Արտաքին հարաբերությունների և արարողակարգի բաժնի տնօրեն Տ. Նաթան արքեպիսկոպոս Հովհաննիսյանը։ Սրբազան հայրն ընդգծեց, որ Վեհափառ Հայրապետն այս օրերին մշտական կապի մեջ է Ուկրաինայի և Եվրոպական երկրներում Հայ Եկեղեցու թեմակալ առաջնորդների հետ՝ տեղեկանալով տիրող իրավիճակին և Ուկարինայի հայ համայնքի ու Եվրոպական տարբեր երկրներում հանգրվանած հայորդիների կարիքներին։ ԳՀԽ անդամներն աղոթեցին տարածաշրջանում հակամարտության շուտափույթ ավարտի և խաղաղության հաստատման համար:

ԳՀԽ ժողովին քննարկվեցին նաև Եկեղեցու կանոնական ու հովվական կյանքին, կարգապահական ու իրավական հարցերին, կրթական ու սոցիալական ծրագրերին և Եկեղեցու առաքելության արդյունավորմանը վերաբերող հարցեր:

Ժողովի վերջում ներկայացվեց Մայր Աթոռ Սուրբ Էջմիածնի 2021 թվականի գործունեության տեղեկագիրը: Դրանց շրջանակում արձանագրվեց, որ անցնող տարում իրականացվել են մշակութային, հոգևոր–քարոզչական, կրթական, սոցիալական ծրագրեր՝ ՀՀ Զինված Ուժերում, քրեակատարողական հիմնարկներում, կրթական ու մշակութային հաստատություններում և համայնքներում։

Քառօրյա ժողովն ամփոփվեց Ամենայն Հայոց Հայրապետի օրհնության և գնահատանքի խոսքով»,- ասված է հաղորդագրության մեջ:

«Հայկական Ժամանակ»-ը Telegram-ում
Տպել
1260 դիտում

Ազատությունից զրկման վայրերում իրավունքների ապահովման հարցերը գտնվում են ՄԻՊ-ի ուշադրության ներքո

Վերականգնվել է պետությանը պատճառված 390 հազար ԱՄՆ դոլարին համարժեք 150 մլն դրամ վնասը

«Պարզ ճակատով» հրապարակվեց ձայնագրություն, որտեղ որերորդ անգամ ժողովրդին անվանում են «էշ». Կարապետյան

ՊԵԿ-ը Իրանից ժամանած բեռնատարում ավելի քան 1․5 կգ տարբեր տեսակի թմրամիջոցներ է հայտնաբերել

Պետք է մաս կազմեք մեծ փոփոխության. տեղի է ունեցել ՆԳ նախարարին կից երիտասարդական խորհրդի անդրանիկ նիստը

Գոռավանի նախկին ղեկավարը մեղադրվում է հափշտակության, չարաշահումների, փողերի լվացման համար. նախաքննության ավարտ

Փորձում են լղոզել, թե մարդ գյուլլող տերտերի ձայնագրությունը մոնտաժված է, զինամթերքն էլ է մոնտաժվա՞ծ. Չախոյան

Թուրքիայում կրակոցների հետևանքով 9 մարդ է վիրավորում ստացել

Ադրբեջանի և Հայաստանի հետ ստորագրված փաստաթղթերն ընդլայնում են ամերիկյան ընկերությունների հեռանկարները. Պետդեպ

Արաբկիր վարչական շրջանի մի շարք հասցեներում գազանջատում է սպասվում

Աշտարակ-Երևան ավտոճանապարհին մեքենան բախվել է ծառին և գլխիվայր շրջվել․ կա վիրավոր

ԵԽ ներկայացուցիչները հույս են հայտնել, որ կլուծվի Ադրբեջանում պահվող հայերի հարցը

Երևանի և 6 մարզի մի շարք հասցեներ ժամանակավորապես կհոսանքազրկվեն

Վերականգնվել է պետությանը պատճառված վնասից 75 մլն դրամը

Օգոստոսի 12-ին ՌԴ է մտել շշալցված կոնյակով 26 բեռնատար․ սա այս տարվա լավագույն ցուցանիշն է մեկ օրվա․ Պապոյան

Խուդաթյանն ու Սարգսյանը հետևել են Կոտայքի և Գեղարքունիքի մարզերը միմյանց կապող ճանապարհի շինաշխատանքներին

Սամվել Կարապետյանի կալանքը երկարացնելու միջնորդություն է ներկայացվել

ՏԿԵ նախարարը հետևել է Գեղարքունիքի մարզում իրականացվող ճանապարհաշինական աշխատանքներին

Եռակողմ համագործակցությունը Թուրքիայի, Ադրբեջանի և Վրաստանի միջև շարունակվում է. Էրդողան

Ալիևի համար մահ էր Թրամփի հարցը. Ամերիկացի մի կին, Սյունիքում քնելով, կանխեց Բաքվի ներխուժումը. Շիրինյան

Պուտինը հեռախոսազրույց է ունեցել Կիմ Չեն Ընի հետ

Պուտինը և Թրամփը կհանդիպեն Անքորիջում. Սպիտակ տուն

Ալեն Սիմոնյանի՝ Էդգար Ղազարյանի դեմ հայցը բավարարվել է. ինչ է վերջինս պարտավորվում անել

36-ամյա կինը երթուղայինից մեկ այլ ուղևորի պայուսակ է գողացել

Երկրորդ Նժդեհը, որ ծնվեց և փրկեց Սյունիքը, Փաշինյանն է. նա հասավ իր ասածին, որ պատերազմ չի լինելու. Ավետիս

Գոռ Մալաքյանն ավարտում է ֆուտբոլային կարիերան

Հայաստանի և Վրաստանի ԱԳ նախարարները հեռախոսազրույց են ունեցել, քննարկել վաշինգտոնյան համաձայնագրերը

Օմանը Հայաստանի քաղաքացիներին ազատել է վիզայի պահանջից

ԱՊՀ երկրների ՆԳ նախարարների խորհրդի նիստին Հայաստանից մասնակցել է ՀՀ ոստիկանության պետը

Վրաստանն աջակցում է Հարավային Կովկասում խաղաղ գոյակցության բանաձևին․ Կավելաշվիլի

Հնդկաստանցի աշխատակիցների բողոքի ցույցի հետքերով քրեական վարույթ է նախաձեռնվել

Խոշոր ավտովթար Կապան-Մեղրի ճանապարհին. մեքենաներից մեկը գլխիվայր հայտնվել է ձորակում․ կա 5 վիրավոր

Հայաստան կժամանի Իրանի նախագահը. այցի օրը հայտնի է

Հայաստանի և Ադրբեջանի ԱԳ նախարարները հեռախոսազրույց են ունեցել․ քննարկման թեման՝ վաշինգտոնյան համաձայնագիրը

Նոր ուստարվան ընդառաջ ԿԳՄՍ նախարարության ներկայացուցիչները ուղիղ եթերում կպատասխանեն ուսուցիչների հարցերին

Երևան-Սևան ճանապարհին ավտոմեքենա է այրվել

Պուշկինի թունելի էլեկտրամատակարարումը վերականգնվել է

Երևանում կանցկացվի Հայաստան-Իրան գործարար համաժողով

Միրզոյանն Օմանի ԱԳ նախարարի քաղաքական հարցերով տեղակալին է ներկայացրել տարածաշրջանում խաղաղության տեսլականը

Երևանում հացի արտադրամասի արտադրական գործունեություն է կասեցվել