Երևան
9 °C
ՀՀ կրթության, գիտության, մշակույթի և սպորտի նախարար Վահրամ Դումանյանն ընդունել է Վրաստանի Խորհրդարանի մշակույթի հանձնաժողովի նախագահ Էլիսո Բոլկվաձեի գլխավորած պատվիրակությանը:
ԿԳՄՍ նախարարության հասարակայնության հետ կապերի և տեղեկատվության վարչությունից հայտնում են, որ հանդիպմանը ներկա են եղել նաև ԿԳՄՍ նախարարի տեղակալ Ալֆրեդ Քոչարյանը և ՀՀ-ում Վրաստանի դեսպանության գործերի ժամանակավոր հավատարմատար Իրակլի Կվանչախաձեն:
Նախարար Վահրամ Դումանյանը շնորհակալություն է հայտնել Էլիսո Բոլկվաձեին այցի համար և ընդգծել, որ հայ և վրացի ժողովուրդները ընդհանուր շատ հետաքրքրություններ ունեն, որի հիմքում երկու ժողովուրդների բազմադարյա բարեկամությունն է:
Դիմելով Էլիսո Բոլկվաձեին որպես Վրաստանի Խորհրդարանի մշակույթի հանձնաժողովի նախագահի՝ նախարարն անդրադարձել է մշակութային արժեքների՝ հուշարձանների պահպանման հրատապությանը՝ արժևորելով դրանց համամարդկային նշանակությունը:
«Մեզ համար առաջնային է Ադրբեջանի վերահսկողության ներքո գտնվող տարածքներում հայկական մշակութային հուշարձաններին սպառնացող վտանգի կանխումը: Դրանք հայկական լինելուց բացի՝ նաև համամարդկային մեծ արժեք են ներկայացնում, դրանց պահպանումն օրհասական խնդիր է»,- նշել է նախարարը՝ հավելելով, որ այս հարցում հայկական կողմն ապավինում է ինչպես միջազգային հանրության, այնպես էլ վրաց գործընկերների հնարավոր աջակցությանը:
Կողմերն անդրադարձել են նաև մշակույթի ոլորտում առկա ծրագրերին, առաջիկա նախագծերին, որոնք երկկողմ հետաքրքրություն են ներկայացնում:
Վրաստանի Խորհրդարանի մշակույթի հանձնաժողովի նախագահ Էլիսո Բոլկվաձեն շնորհակալություն է հայտնել հանդիպման և համատեղ իրականացվելիք ծրագրերի քննարկման համար: Նա ընդգծել է, որ մշտապես պատրաստակամ է եղել աջակցելու Վրաստանում հայ երիտասարդների մշակութային կյանքի առաջխաղացմանը հատկապես միջազգային հարթակներում:
Էլիսո Բոլկվաձեն հետաքրքրվել է ՀՀ-ում միջգերատեսչական, օրենսդրական կարգավորումների ընթացքի մասին, ինչին ի պատասխան՝ նախարար Վահրամ Դումանյանը փաստել է, որ ՀՀ կրթական ոլորտն այժմ գտնվում է բարեփոխումների ակտիվ փուլում, և թե՛ ՀՀ կառավարությունում, թե՛ Ազգային ժողովում ու շահագրգիռ այլ կառույցներում ընթանում են կառուցողական քննարկումներ՝ շոշափելի արդյունքներով:
Ըստ Էլիսո Բոլկվաձեի՝ իրենք ևս կրթական բարեփոխումների նոր շրջանում են և որպես առաջնահերթություն՝ շատ են կարևորում կրթական ոլորտում արվեստի ուսուցման ներդրումը՝ մշակույթի զարգացման հեռանկարով:
Կողմերը նախանշել են մի քանի կարևոր միջոցառումներ, որոնք կամրապնդեն և նոր որակի կհասցնեն հայ-վրացական մշակութային հարաբերությունները: Կարևորվել է հայ-վրացական դիվանագիտական հարաբերությունների 30-ամյակին ընդառաջ՝ միջոցառումների, հայ և վրացի երիտասարդ կատարողների համերգների անցկացումը:
Էլիսո Բոլկվաձեի իրազեկմամբ՝ հաջորդ տարի նախատեսվում է Բաթումիում մեկ օր նվիրել Հայաստանին և ներկայացնել Սերգեյ Փարաջանովին նվիրված ցուցահանդես: Նա հույս է հայտնել, որ հայաստանյան կողմը նախարար Վահրամ Դումանյանի գլխավորությամբ ներկա կլինի միջոցառմանը:
Նախարարն էլ վրացի գործընկերներին հրավիրել է մասնակցելու 2023 թվականին կայանալիք Հայկական կինոյի 100-ամյակի հոբելյանական միջոցառումներին՝ բարձր գնահատելով վրաց կինոգործիչների արվեստի մնայուն արժեքը:
Հանդիպմանը քննարկվել են նաև փոխադարձ հետաքրքրություն ներկայացնող այլ հարցեր:
Արցախի ժողովուրդը հայության յուրահատուկ հատվածն է, և մենք պետք է ամուր կանգնենք. Դավիթ Բաբայան
Ձեր հետ տարեք նաև ձեր մեդալները, կեղծ ու պաթոսային հայրենասիրությունը. Ստյոպա Սաֆարյանը՝ Էրիկ Իսրայելյանին
Միացյալ Նահանգները հանդես է գալիս Ադրբեջանի և Հայաստանի միջև կայուն խաղաղության օգտին. Բայդենի ուղերձը Ալիևին
Հանրային քննարկման է ներկայացվել «Ակադեմիական քաղաք» հիմնադրամ ստեղծելու մասին որոշման նախագիծը
Դիլիջանի ոլորաններում մառախուղ է, տեսանելիությունը՝ 40 մետր
«5-րդ շարասյան» «վինտիկները» ակտիվ նպաստել են, մենք ոչ թե պարտվել ենք հակառակորդին, այլ ներքին թշնամուն. Կոռնիձորի Արո
Նոր նշանակում ԶՈՒ գլխավոր շտաբում
Կուսակցական գործիչ լինելով հանդերձ՝ երբեք չի առաջնորդվել նեղ կուսակցական շահերով. Լևոն Տեր-Պետրոսյանի ցավակցությունը
Հայաստան-Թուրքիա խաղի պարտությունն ինձ վրա ազդել է, կյանքում ես քիչ եմ պարտվել. Ալեքսանդր Պետրակով (տեսանյութ)
Հայտնի է Հայաստան-Կիպրոս հանդիպման մրցավարական կազմը
Արցախում ՌԴ ՊՆ-ն հրադադարի ռեժիմի խախտում է արձանագրել
Ֆրանսիայի դեսպան Էրվե Մագրոն կանչվել է Թուրքիայի ԱԳՆ
Հայաստան-Թուրքիա խաղը խաղ չէր, որի համար պետք է ամաչել, դա է վկայում երկրպագուների՝ մինչև վերջ չհեռանալը. Գիլոյան
Ռուսաստանն ունի բացառիկ զենք, որը կարող է ոչնչացնել ցանկացած հակառակորդի, այդ թվում՝ ԱՄՆ-ին. Պատրուշև
ԱՀ նախագահի գլխավորությամբ անցկացվել է Անվտանգության խորհրդի արտահերթ ընդլայնված նիստ (տեսանյութ)
4,6 մլն դրամ ԿԳՄՍՆ-ից, 1200 դոլար և 1,2 մլն դրամ՝ Օլիմպիական կոմիտեից. ինչու է քաղաքացիությունից հրաժարվում Իսրայելյանը
Մեղրի-Ագարակ ավտոճանապարհին «ՈՒԱԶ» է այրվում
Մեզ հասանելիք ջուրը տալիս են պաշտոնյաներին. բողոքի ակցիաներ Ադրբեջանում
«Հետքի» փոխխմբագիրը նույնպես բնակարան է գնել «Բյուրեղ»-ում. Պապիկյանի տան դեպքում կոռուպցիոն ռիսկ էին տեսնում. «Civic»
Դոլարն ու եվրոն թանկացել են․ Կենտրոնական բանկը հրապարակել է նոր տվյալներ
Բացահայտվել են Երևանում կատարված բնակարանային գողության և գողության փորձի բազմաթիվ դեպքեր
Հրդեհ է բռնկվել Արմավիրի մանկապարտեզներից մեկում
Թուրքիայի նախագահը հրապարակել է ուկրաինական շարժիչով նոր «Բայրաքթար»-ը (լուսանկար)
Նիկոլ Փաշինյանը նոր նշանակում է արել
Հետմահու պարգևատրվել են սեպտեմբերյան ագրեսիայից զոհված տավուշցի զինծառայողները
ՀՀ նախագահին են ներկայացվել Սահմանադրական դատարանում ընթացող բարեփոխումները և ծրագրերը (տեսանյութ)
Գնել Սանոսյանը Քիշնևի քաղաքապետի հետ երկուստեք հետաքրքրություն ներկայացնող հարցեր է քննարկել
Կառավարության բարեփոխումների ծրագիրը նպատակ ունի նորովի արժևորել թատրոնի հանրային նշանակությունը. Ժաննա Անդրեասյան
Քանի գրառում է առկա Անիի և Սիսիանի ՏԸՀ-ների գրանցամատյաններում. ԿԸՀ-ն հաղորդագրություն է տարածել
Հայաստանը հավատարիմ է տարածաշրջանում խաղաղության հաստատման իր դիրքորոշմանը. ՀՀ նախագահը՝ Հունաստանի դեսպանին
Ադրբեջանի սադրանքներն ու ագրեսիան չեն նպաստում տարածաշրջանում կայունության հաստատմանն ուղղված ջանքերին. ԱԳ նախարար
Արցախում քննարկվում է վերացնել քաղպաշտպանության աշխատանքներին զինապարտ քաղաքացիների ներգրավումը
Հպարտ եմ, որ հայ եմ․ Հայաստանի ազգային հավաքականի նորեկ Հրանտ-Լեոն Ռանոս
Իրանի ԱԳ նախարարը Մոսկվայում կհանդիպի Սերգեյ Լավրովի հետ
1 մլրդ 21 միլիոն դրամ, Վահագնի թաղամասի՝ 2 անշարժ գույք. ապօրինի ծագում ունեցող գույքի բռնագանձման ևս մեկ հայցադիմում
«Քաղաքացիական պայմանագիր» կուսակցությունը պատրաստվում է դիմել դատարան
ՀՀ էկոնոմիկայի փոխնախարարը կմեկնի ԱՄՆ
Պարեկային ծառայողի հանկարծամահության դեպքով հարուցվել է քրեական վարույթ
Վարչապետին ներկայացվել է Վիճակագրական կոմիտեի 2022 թվականի կատարողականը
Այսօր Թատրոնի միջազգային օրն է. Լևոն Հովհաննիսյանը շնորհավորել է ոլորտի նվիրյալներին
© 2023 Հայկական ժամանակ