Շրջանավարտները կդառնան հետազոտողներ. Պոլիտեխնիկի դպրոցի՝ «Դիպլոմա» նոր ծրագրի առավելություններն ու հնարավորությունները

Հայաստանի ազգային պոլիտեխնիկական համալսարանի ավագ դպրոցը վերջերս դարձավ Միջազգային բակալավրիատի (International Baccalaureate - IB) դպրոցների ցանցի «Դիպլոմա» ծրագրի (Diploma Programme - DP) թեկնածու-դպրոց։ Սա, ըստ ոլորտի ներկայացուցիչների, մեծ առավելություններ ու հնարավորություններ է ընձեռելու դպրոցում ուսում ստացող աշակերտների համար։ Ծրագիրը նախատեսված է հաստատությունում սովորող 11-12-րդ դասարանցիների համար։

Համալսարանի միջբուհական կրթության գծով պրոռեկտոր Էլբակ Էլբակյանը «Հայկական ժամանակի» հետ զրույցում մանրամասնում է՝ այն նպաստելու է դպրոցում համակողմանի և բազմակողմանի զարգացած, ազգային ու համաշխարհային արժեքներին քաջածանոթ, դրանք կրող ու դրանցով առաջնորդվող վառ անհատականություններ ձևավորելուն: Ծրագրի փիլիսոփայությունը և բովանդակությունը միտված են աշակերտի աշխարհայացքի և մտահորիզոնի ընդլայնմանը, վերլուծական և քննական մտածողության զարգացմանը։

«Կազմակերպությունը մեր ավագ դպրոցը ընտրելիս հաշվի է առել՝ համապատասխանո՞ւմ ենք այն չափանիշներին, որոնք անհրաժեշտ են այս ծրագրի իրականացման և մատուցման համար։ Դա մի քանի փուլերից է կախված․ առաջին փուլը ենթադրում է, որ տվյալ դպրոցի փիլիսոփայությունը և մանկավարժական բարոյահոգեբանական ոգին համապատասխանեն իրենց փիլիսոփայությանը։ Այս ամենը հաշվի առնելով՝ մենք մշակել ենք մեր տեսլականը՝ ինչ դպրոց ենք ցանկանում տեսնել, ինչպիսի աշակերտներ ենք ցանկանում պատրաստել և այս տրամաբանության շրջանակներում դիմում-հայտ ենք ներկայացրել միջազգային կազմակերպությանը, որի արդյունքում դարձել ենք ծրագրի թեկնածու-դպրոց»,- ասում է Էլբակյանը։

Ավագ դպրոցի չափանիշները կազմակերպությունն ուսումնասիրել և որոշումը կայացրել է մեկ տարում։ Այժմ դպրոցը նպատակ ունի ձեռք բերել Միջազգային բակալավրիատի համաշխարհային դպրոցի ավտորիզացիա: Պրոռեկտորի խոսքով՝ եթե ոչ 2023 թվականին, ապա 2024 թվականի նոր ուսումնական տարում ծրագիրը լիարժեք կգործի ավագ դպրոցում․ «Սա բավականին մեծ գործընթաց է, որ մեր ուսումնական հաստատությունը լիարժեք համապատասխանի միջազգային չափանիշներին։ Հանձնաժողովը ևս այցելելու է, որը նույնպես արձանագրելու է դպրոցի համապատասխանությունը ծրագրին։ Ավտորիզացիայի փուլը կարևորներից է, որի համար դպրոցը պետք է ունենա համապատասխան լաբորատոր պայմաններ, ուսուցչական կազմ»:

Այս ծրագրի շրջանակներում արդեն ընտրվել է նախնական ուսումնական կազմը, ասում է Էլբակյանը, որոնց վերապատրաստելու է միջազգային կազմակերպությունը։ Նախապայման է, որ ծրագրի շրջանակներում ընդգրկված յուրաքանչյուր ուսուցիչ տիրապետի անգլերենի, որպեսզի ծրագրի դասավանդումը դժվարություններ չառաջացնի։ Բուհի պրոռեկտորը նաև շեշտում է՝ դպրոցի ուսումնական կազմը անցնում է վերապատրաստումներ Պոլիտեխնիկում։ Ուսուցիչները ակտիվ մասնակցություն են ունենում հատկապես կամավոր ատեստավորման գործընթացին։ Նպատակ ունեն առաջիկայում նոր երիտասարդ կադրեր ընդգրկել դպրոցի ուսումնական ծրագրերում։

«Դեռևս վաղ է խոսել, թե քանակի առումով ինչ սահմանափակումներ կլինեն որոշված ծրագրի համար։ Սակայն կան մուտքային պահանջներ, որ եթե տվյալ անձը ցանկություն ունի ուսումը ստանալ «Դիպլոմա» ծրագրի շրջանակներում, պետք է համապատասխան քննությունները հանձնի ու բավարար չափանիշներ ապահովի, որը մշակելու է կազմակերպությունը։ Նախատեսվում է, որ յուրաքանչյուր դասարան պետք է կազմված լինի մինչև 15 հոգուց»,- ասում է Էլբակյանը։

Ծրագրի շրջանավարտները կդառնան պատրաստի հետազոտողներ՝ դասավանդվող առարկաների ծրագրերում ընդգրկված թեմաների, ընտրված մոտեցումների, օգտագործված մեթոդների շնորհիվ։ Սա հնարավորություն է տալու սովորողին ներկայանալի լինել միջազգային բուհերում և օգտվել այլ հնարավորություններից։ «Դիպլոմա» ծրագրի ավարտական վկայականը ճանաչվում է աշխարհի առաջատար համալսարաններում` շրջանավարտին ընձեռելով կրթաթոշակ ստանալու ռեալ հնարավորություն։ Կրթական միջազգային համայնքն ընդունում է, որ Միջազգային բակալավրիատի «Դիպլոմա» ծրագրի բարդությունները հաղթահարած շրջանավարտներն ունակ են հաղթահարելու համալսարանական բարդ պահանջները շատ ավելի արագ ու ավելի հեշտ, քան ցանկացած այլ համակարգի շրջանավարտ։

Իսկ ի՞նչպիսին է ավագ դպրոցը զարգացնելու պոլիտեխնիկական տեսլականը

Պոլիտեխնիկի ավագ դպրոցը Հայաստանի ամենամեծ ավագ դպրոցն է։ Այս պահի դրությամբ, ըստ Էլբակյանի, դպրոցում ուսում է ստանում 850 աշակերտ։ Բուհի ներկայացուցչի խոսքով՝ Պոլիտեխնիկը, սակայն, կարևորություն է տալիս ոչ թե քանակին, այլ որակին։ Այս տարի սահմանված 216 տեղի համար դիմել է 869 դիմորդ, այսինքն՝ մեկ տեղի համար մրցել է 4 հոգի։ Նրա հավաստմամբ՝ իրենց նպատակը էլ ավելի հզոր գիտելքիներով սովորողների ուշադրությունը գրավելն է դեպի դպրոց։

«Ավագ դպրոցը ինժեներական առաջատար ուսումնական հաստատություն է, այստեղ բնագիտական առարկաների խորացված ուսուցում է իրականցվում։ Երկար տարիներ մենք ունեցել ենք ֆիզիկա ու մաթեմատիկա առարկաների ուղղությամբ տեղական և միջազգային օլիմպիադաներում հաջողություններ, բայց միևնույն ժամանակ կարևոր է, որ ինժեներական ուղղվածությամբ միջազգային կառույցում նույնպես ներկայանալի լինենք»,- ասում է Էլբակյանը։

Դպրոցի ղեկավարությունը նպատակ ունի կրթական ծրագիրը զարգացնել ևս մի քանի ուղղությամբ՝ ռոբոտաշինություն, ինֆորմատիկա, ինչպես նաև քիմիա։ Բուհի միջբուհական կրթության գծով պրոռեկտորի խոսքով՝ նախատեսված են դպրոցում վերազինել ու վերակառուցել նոր լաբորատորիաներ, որոնք հնարավորություն կտան, որ դպրոցի  աշխատանքային խմբերը միջազգային օլիմպիադաներում ներկայանան նշված առարկաներով։

Մոտ ժամանակներում կբացվի նաև ֆիզիկա առարկայի նոր գերժամանակակից լաբորատորիան, որը ծառայելու է Պոլիտեխնիկի բոլոր աշակերտներին։

Տպել
412 դիտում

Հայաստանը Հնդկաստանից «Konkurs-M» հակատանկային կառավարվող հրթիռներ կգնի. հնդկական մամուլ

Շարունակում ենք առողջապահությունը հասանելի դարձնել մարզերում. Անահիտ Ավանեսյանը Գյումրի է այցելել

Տեսագրությունում պատկերված անձը որոնվում է քրեական վարույթի շրջանակներում (տեսանյութ)

Հարգանքով եմ վերաբերվում ցանկացած պատգամավորի որոշմանը. Վարդանյանը՝ ընդդիմադիրների՝ մանդատներից հրաժարվելու մասին

Քանյեն Քիմին 200 հազար ԱՄՆ դոլար կփոխանցի յուրաքանչյուր ամիս՝ որպես ալիմենտ

AmeriaPhonePOS. Նոր հավելված` սմարթֆոնով անկանխիկ վճարումներ ստանալու համար

Այս մարդիկ խաբեցին ոչ միայն իրենց ընտրողներին, այլ ողջ հասարակությանը. Նորիկյանը՝ խորհրդարանական ընդդիմության մասին

ՀՀ ԶՈՒ զինծառայողին հակառակորդի կողմից հրազենային վնասվածք պատճառելու դեպքի առթիվ նախաձեռնվել է քրեական վարույթ

Հայ դատի հանձնախումբը ԱՄՆ Կոնգրեսին կոչ է արել Արցախին 50 մլն դոլարի օգնություն հատկացնել

Նիդերլանդների դեսպանը մեկնել է Ջերմուկ՝ ծանոթանալու ադրբեջանական ագրեսիայից հետո այնտեղ տիրող իրավիճակին (լուսանկարներ)

Սահմանադրական բարեփոխումների խորհուրդը որոշել է, որ ՀՀ պետական կառավարումը մնալու է խորհրդարանական. Իոաննիսյան

Դեկտեմբերի 1-ին փակ կլինի Կիևյան կամուրջը

Երեկ վիրավորում ստացած զինծառայողի կյանքին վտանգ չի սպառնում. ՊՆ

Բռնագանձման գումարը վճարելիս Հարկադիր ծառայության ապաարգելադրումը կկատարվի մեկ օրում. ծրագրին միացել է ևս 4 բանկ

Արուսյակ Մանավազյանը նշանակվել է «Քաղաքացիական պայմանագիր» կուսակցության աշխատակազմի ղեկավար

Լոռիում բեռնատարը մոտ 40 մետր բարձրությունից ընկել է ձորակը. վարորդը տեղում մահացել է

Բոլոր մարզերում մեկնարկել է խոշոր եղջերավոր կենդանիների համարակալումն ու հաշվառումը

Տեղի է ունեցել «Հայաստան-Հնդկաստան. հազարամյա հարաբերությունների նոր խթաններ» խորագրով առաջին միջազգային գիտաժողով

Փոխգնդապետ աղջիկը մի քանի տարի չի աշխատել ու աշխատավարձ է ստացել. քրեական հետապնդում՝ նախկին ոստիկանապետի դստեր նկատմամբ

«Սուրմալու» առևտրի կենտրոնի պայթյունի հետևանքով զոհերի ընտանիքների աջակցության համար դիմելու վերջնաժամկետն այսօր է

Ադրբեջանի ԶՈՒ-ն խախտել է հրադադարը նաև Արցախի ուղղությամբ ու կեղծ մեղադրանք ներկայացրել հայկական կողմին. ԱՀ ՊՆ

Արարատ Միրզոյանը կմասնակցի ԵԱՀԿ նախարարական 29-րդ համաժողովին

Հայաստանի մի շարք հատվածներում ձյուն է տեղում, Տավուշի ավտոճանապարհներին մառախուղ է

Ուրախությամբ պիտի նշեմ, որ Արցախն ունի ձևավորված ոստիկանական համակարգ և բարեխիղճ ծառայողներ. ԱՀ ՆԳ նախարար

Ադրբեջանի ՊՆ-ն պնդում է՝ ՌԴ զորախումբը կանխակալ վերաբերմունք ունի և պահանջում է չկիրառել Լեռնային Ղարաբաղ անունը

Էրդողանի խոսնակը ՀՀ-ի հետ սահմանների մասնակի բացումը կրկին կապել է հայ-ադրբեջանական գործընթացի հետ

Ադրբեջանի ԶՈՒ-ն գիշերը կրկին կրակ է բացել հայկական դիրքերի ուղղությամբ՝ կիրառելով նաև ականանետ. ՊՆ

Գլխավոր դատախազի տեղակալը ԵԽ գործընկերների հետ քննարկել է համագործակցության զարգացման հեռանկարները

ՀՀ ԱԽ քարտուղարն ու գերմանացի պաշտոնյաները քննարկել են տարածաշրջանում առկա անվտանգային մարտահրավերները

ՀՀ տարածքում կան փակ ճանապարհներ, Սյունիքի մարզում ձյուն է տեղում

Նոր Խարբերդի տներից մեկում պայթյունի հետևանքով տուժած քաղաքացին տարբեր աստիճանի այրվածքներ է ստացել (լուսանկարներ)

««Եվրատեսիլի» 8 հազար դրամ արժողությամբ տոմսը վերավաճառում են 30-50 հազար դրամով». քաղաքացիներն ահազանգում են

ԱԱ-2022. A խմբի հանդիպումներն ավարտվեցին

Տեղի է ունեցել «Քաղաքացիական պայմանագիր» կուսակցության վարչության նիստը․ հաստատվել է հաստիքացուցակը

Շքեղ համերգ, լեփ-լեցուն դահլիճ, պայթող ծափեր, անվերջանալի «բրավոներ». աշխարհահռչակ դիրիժոր Վլադիմիր Սպիվակովը Գյումրիում

Ոսկեհասկ գյուղի սկզբնամասում ավտոմեքենա է այրվել

ՀՀ-ում այլազգիները սպասարկման ոլորտում շփվում են իրենց լեզվով, տեղի բնակչությունը դժգոհում է. ինչ է ասում «Լեզվի» օրենքը

2021-22թթ. 1 մլրդ 300 մլն դրամ է հատկացվել 44-օրյա պատերազմում վիրավորված զինծառայողների վերականգնողական բուժման համար

Ռոման Ամոյանը նշանակվել է Երևանի թենիսի և բադմինթոնի մանկապատանեկան մարզադպրոցի տնօրեն

ՀՀ վարչապետը նոր օգնական ունի․ Նիկոլ Փաշինյանը որոշում է ստորագրել