Տանը չենք ասում, չէ՞, եկեք ափսեները չլվանանք, մյուս գործն անենք. Երևանի ավագանու անդամները՝ տոնական միջոցառումների մասին

Երեկ Երևանում տրվեց «Մանկական Եվրատեսիլ 2022»-ի մեկնարկը և միաժամանակ վառվեցին Հանրապետության գլխավոր տոնածառի լույսերը: Տեղի ունեցած միջոցառման, մասնավորապես մայրաքաղաքի տոնական լուսային զարդարանքների վերաբերյալ համացանցում բուռն իրարամերժ քննարկումներ են ընթանում: Հանրության որոշ մասը կարծում է, որ ամեն բան շատ գեղեցիկ է և տպավորիչ, մյուս մասն էլ տեղին չի համարում՝ ընդգծելով, որ երկիրը կիսապատերազմական իրավիճակում է, դեռ թարմ են զոհերի հարազատների վերքերը:

Երևանի ավագանու «Բարգավաճ Հայաստան» խմբակցության անդամ Միքայել Մանրիկյանի կարծիքով՝ թեև մեր հասարակության մոտ 2020 թվականից հետո բարոյահոգեբանական վիճակն ու տրամադրություններն այլ են, այնուամենայնիվ, ունենք եվրոպական մասշտաբի միջոցառում, որը անցկացվում է Հայաստանում, մասնավորապես՝ Երևանում, և մենք պետք է ներկայանալի լինենք այդ միջոցառման համար: 

«Բնական երևույթ է, որ հանրության մի մասն այս հարցին քննադատորեն է մոտենում, մյուս մասը՝ գոհունակություն հայտնում: Մարդիկ տարբեր են իրենց մոտեցումներով, և այդ ամենին պետք է սթափ նայել»,- «Հայկական ժամանակ»-ի հետ զրույցում նկատում է ավագանու անդամը:

Ըստ Մանրիկյանի՝ սա կարող է նաև դեպի Երևան տուրիստական հոսքի ազդակ դառնալ. «Բոլորս շատ լավ գիտակցում ենք, որ Հայաստանում և մասնավորապես Երևանում բազմաթիվ այլ երկրների քաղաքացիներ են բնակվում այս պահին, և, բնականաբար, տոնական միջոցառումները նաև նրանց համար են հաճելի: Սա հավելյալ ֆինանսական հոսքեր կարող է ապահովել»: 

Ավագանու անդամը միաժամանակ ասում է՝ կուզեր, որ ձևավորումների համար ծախսված գումարների մի մասն ուղղվեր պաշտպանական ոլորտին, օրինակ՝ զինվորների կացարանների բարեկարգման հարցը լուծվեր:

Երևանի ավագանու «Լույս» խմբակցության անդամ Թեհմինա Վարդանյանը ևս դրական է գնահատում թե՛ տոնական միջոցառումները և թե՛ քաղաքի զարդարանքը:

«Ես այն մարդկանց թվին չեմ պատկանում, ովքեր փորձում են նմանօրինակ իրավիճակներում առիթից օգտվել և հիշեցնել որոշ ողբերգական դեպքեր: Անցնի երկու, հինգ, թե տասը տարի, Երևանն ու Հայաստանը իրավունք ունեն տոնելու տարբեր միջոցառումներ»,- կարծում է ավագանու անդամը:

Վարդանյանը, սակայն, իր վրդովմունքն է արտահայտում, որ այս տարի քաղաքապետ Հրաչյա Սարգսյանը չի վառել գլխավոր տոնածառի լույսերը. «Սա գալիս է Հանրային հեռուստաընկերությունի՞ց՝ նախկին քաղաքապետ Մարությանի հետ կապված իր ելևէջներով, թե՞ խոսվելիք ապագա քաղաքապետի հետ, չեմ կարող ասել: Սակայն ուզում եմ հիշեցնել, որ մենք ունենք դե յուրե և դե ֆակտո քաղաքապետ, որին ընտրել են ավագանու անդամները: Չգիտեմ՝ էլ ինչ տերմիններ կան: Քաղաքում շրջում են մի շարք քաղաքապետներ: Սակայն ինձ համար դեռևս չի քննարկվում հաջորդ քաղաքապետը: Երբ որ կլինեն ընտրություններ և պաշտոնական քարոզարշավ, այդ ժամանակ կարող ենք խոսել այլ անձի գործունեության մասին»:

Հարցին՝ ինչո՞վ է պայմանավորում գործող քաղաքապետի՝ գլխավոր տոնածառի լույսերը չվառելը, վերջինս ասում է. «Նատալիա Ռոտենբերգ ունենք: Հավանական կարող էր լինել, որ բերեին, Ռոտենբերգը վառեր գլխավոր լույսերը, ինչ է թե գործող քաղաքապետը երևան չգար»:

Ավագանու «Լույս» խմբակցության մեկ այլ անդամ՝ Անի Խաչատրյանը, նույնպես դրական է համարում քաղաքում արված տոնական զարդարանքները՝ ընդգծելով, որ բոլոր ժամանակներում ինքը կողմ է եղել նմանատիպ նախաձեռնություններին:

«Հայաստանը և առհասարակ մենք՝ ժողովուրդը, պետք է ապրենք, պետք է ցույց տանք աշխարհին, որ կանք և ավելի ենք հզորանալու: Կյանքը շարունակվում է, և երեխաները մեղավոր չեն. իրենք պետք է ունենան սիրուն քաղաք: Հիացած եմ: Երեկվա միջոցառումը շատ գեղեցիկ էր, շարունակությունն էլ, գիտեմ, նույնն է լինելու»,- նշում է Խաչատրյանը:

Ավագանու անդամի խոսքով՝ վերջին տասը տարում չենք ունեցել այսպիսի լուսավորություն Ամանորին. «Ճիշտ է, գումար է ծախսվել այդ լուսավորության համար, սակայն դրանք ծառայելու են առնվազն տասը տարի: Չեմ կարծում, որ այդ գումարով հնարավոր էր որևէ սպառազինություն գնել, և, ի վերջո, ամեն ինչ իր տեղն ունի: Սպառազինությունը, այո, պետք է գնվի, սա էլ պետք է արվի: Մենք տանը չենք ասում, չէ՞, եկեք ափսեները չլվանանք, մյուս գործն անենք: Ամեն ինչ հերթականությամբ անում ենք: Նույնն էլ քաղաքն է»:

Խաչատրյանը, սակայն, ևս իր դժգոհությունն է հայտնում՝ շեշտելով, որ երեկվա միջոցառման ժամանակ ավագանու դերը ստորադասվել է: «Թե՛ Նոր տարվա միջոցառումներում, թե՛ առհասարակ եվրատեսիլյան միջոցառումների հետ կապված մի տեսակ «իզգոյ» վիճակում է ավագանին: Մեզ նույնիսկ քաղաքապետարանի համապատասխան բաժինը, որն ամեն տարի տեղեկացնում էր միջոցառման անցկացման օրն ու ժամը, այս տարի չի տեղեկացրել: Դա արել են բոլոր քաղաքապետների օրոք»,- նկատում է նա:

Ավագանու «Իմ քայլը» խմբակցության անդամ Արման Անտոնյանն էլ համոզված է, որ պետության համար անկարևոր հարցեր չկան, մանավանդ պատերազմական իրավիճակում:

«Պետք է նաև բնակիչների բարոյահոգեբանական տրամադրությունը վերականգնել: Անգամ Հայրենական պատերազմի թեժ կռիվների ժամանակ միտումնավոր Կարմիր հրապարակում մեծ շքերթ էին կազմակերպում, և այն ժամանակ էլ մարդիկ ասում էին՝ այս պատերազմական իրավիճակում ի՞նչ շքերթի մասին է խոսքը: Մեկնաբանությունները թողնում եմ ընթերցողին և կարծում, որ պետք է մտածել բարոյահոգեբանական տրամադրությունները վերականգնելու մասին, ինչը նաև նպաստում է երկրի զարգացմանը»,- ասում է Անտոնյանը:

Ավագանու անդամի խոսքով՝ Հայաստանը պատերազմում պարտությունից հետո առաջին անգամ հյուրընկալել է մի մեծ նախագիծ, որը տարբեր երկրների ներկայացուցիչների ու որոշ աշխարհամասերի ուշադրությունն է հրավիրում դեպի մեր երկիրը. «Շատ կարևոր է, թե ինչպես կընդունի Հայաստանը տարբեր պետությունների ներկայացուցիչներին, երկրորդը, երեխաները չեն գիտակցում շատ բան՝ կապված պատերազմի և այլ դժվարությունների հետ: Իրավունք չունենք նրանց մանկությունը խաթարելու»:

Ավագանու անդամ Թեհմինա Վարդանյանի վրդովմունքն առաջացրած հարցի վերաբերյալ, այն է, որ Երևանի քաղաքապետ Հրաչյա Սարգսյանը չի վառել գլխավոր տոնածառի լույսերը, Հանրային հեռուստաընկերության Հանրային կապերի և թվային հաղորդակցության ղեկավար Աննա Օհանյանից հետաքրքրվեցինք, թե ինչո՞ւ է ընթացակարգը խախտվել: Վերջինս մեզ հայտնեց, որ քաղաքապետարանի հետ նախնական պայմանավորվածություն է ձեռք բերվել, ըստ որի՝ այս տարի գլխավոր տոնածառի լույսերը վառելու էին «Մանկական Եվրատիսիլ»-ի մասնակիցները:

Հերմինե Կարապետյան

Տպել
1025 դիտում

Բագրատաշենի անցման կետում կանխվել է 29 միլիոն 510 հազար ՌԴ ռուբլու ապօրինի արտահանման փորձը

Նման բան անհնար է․ Ալեն Սիմոնյանը համոզված է` իր եղբոր կինը մեղավոր չէ

ՀՀ ԶՈՒ-ում նախատեսվում է ներդնել միասնական քաղաքականության վրա հիմնված համարժեք վարձատրության համակարգ

Ինչու է Ադրբեջանի նախագահը կարգադրել այս վանդալիզմը, գուցե դո՞ւք գիտեք․ Մարուքյանը դիմել է ԵՄ և ԱՄՆ-ը ներկայացուցիչներին

Գագիկ Խաչատրյանին փոխկապակցված 5 գործերից մեկով հօգուտ ՀՀ-ի կբռնագանձվի 2 մլրդ դրամը գերազանցող գույք

Թուրքիայում երկու տարվա ընդմիջումից հետո որոշել են գումար հատկացնել հայկական տպագիր մամուլին

Օդի ջերմաստիճանը կբարձրանա․ առաջիկա օրերի եղանակային կանխատեսումը

Հույս ունեմ՝ մինչև հաջորդ երկուշաբթի Գազայում հրադադար կլինի. Բայդեն

ԼՂ-ից բռնի տեղահանված անձանց բնակարանային ապահովումը կիրականացվի մի քանի տարբերակով․ նախարարը մանրամասնել է

Մի քանի ժամ լույս չի լինի Երևանի և մարզերի որոշ հասցեներում

Էրեբունիում ապօրինի արդյունահանվել է բազալտ․ պետությանը պատճառվել է 79 մլն դրամի վնաս

Կոչ ենք անում վերադառնալ և օգնել Ուկրաինային պայքարել․ Կուլեբան դիմել է երկիրը պատերազմից հետո լքած անձանց

Հրանտ Մելքումյանը հեռանում է Հայաստանի շախմատի հավաքականից

Շինարարական օբյեկտները պետք է շահագործման հանձնվեն հնարավորինս սեղմ ժամկետներում. փոխքաղաքապետ

19-ամյա երիտասարդն իր վարած 88 QQ 888 համարանիշի ավտոմեքենայով Բաղրամյան պողոտայում բախվել է պատին

Մինչև մարտի 5-ը մասամբ փակ կլինի Վանաձոր-Ալավերդի ճանապարհահատվածը․ փրկարար ծառայությունը հիշեցնում է

Վարչապետը տիկնոջ՝ Աննա Հակոբյանի հետ աշխատանքային այցով մեկնել է Հունաստան

Գիտելիքներն ու փորձը միայն սկիզբն են նոր ձեռքբերումների և հաջողությունների․ Սիմոնյան

ԱՄՆ-ի օգնության բացակայությունը հանգեցրեց նրան, որ Ուկրաինայի ԶՈՒ-ն լքեց Ավդեևկան․ ՆԱՏՕ-ի գլխավոր քարտուղար

Մատենադարանն ու Լիբանանի Համազգային միության ճեմարանը քննարկում են արխիվային հավաքածուի թվայնացման հարցեր

Մբապեն փետրվարի 27-ին ընթրելու է Ֆրանսիայի նախագահ Մակրոնի հետ

Վլադիմիր Պուտինին առցանց ռեժիմով զեկուցում են ռազմաճակատում տիրող իրավիճակի մասին․ Պեսկով

Անվտանգությամբ պայմանավորված՝ Կարմիր մահիկը Գազայում 48 ժամով կդադարեցնի գործունեությունը

Արևմուտքը չի ցանկանում պատերազմել Ռուսաստանի ժողովրդի հետ. Էմանուել Մակրոն

Նիկոլ Փաշինյանը ՔՊ խմբակցության հետ քննարկել է Մյունխենի անվտանգության համաժողովում տեղի ունեցած հանդիպումները

Եվրամիությունը պետք է փորձի սահմանափակել Ռուսաստանի արդյունաբերական և ֆինանսական հնարավորությունները. Ժոզեպ Բորել

Արարատ Միրզոյանը ԿԽՄԿ նախագահի հետ հանդիպմանն ընդգծել է Ադրբեջանում պահվող անձանց վերադարձի կարևորությունը

Մայրաքաղաքում կենսունակությունը կորցրած ծառերը կփոխարինվեն նոր տնկիներով (տեսանյութ)

Հայտնի են դարձել Laureus-ի տարվա լավագույն մարզիկ մրցանակի հավակնորդները

Հունգարիան նոր նախագահ ունի

Պատրաստակամ ենք շարունակելու համագործակցությունը. ՆԳ նախարարն ընդունել է Գերմանիայի պատվիրակությանը

Էրդողանը ցավակցել է Ալիևին այսպես կոչված «Խոջալուի ողբերգության» կապակցությամբ

ԶՈւ գլխավոր շտաբի պետը ՊՆ խաղաղապահ ուժերի անձնակազմին է ներկայացրել նորանշանակ հրամանատարին

Դանակահարություն Չարենցավանում հայտնի «Դայմոնդ» գիշերային ակումբի մոտ

Ռուսական ուժերն առաջ են շարժվել Բախմուտի ուղղությամբ. ուկրաինական ԶԼՄ-ներ

Արարատ Միրզոյանը հանդիպում է ունեցել ՄԱԿ մարդու իրավունքների բարձր հանձնակատար Վոլկեր Տյուրկի հետ

Գորիսում թույլ ձյուն է տեղում․ ինչ իրավիճակ է ճանապարհներին

Իսպանացի հազարավոր ֆերմերներ Մադրիդում բողոքի երթ են անցկացրել

Խոշոր չափի գողություն Կոտայքում․ թալանել են ՌԴ քաղաքացու՝ պատճառվելով մի քանի մլն դրամի վնաս

Հունգարիայի խորհրդարանը վավերացրել է ՆԱՏՕ-ին անդամակցելու Շվեդիայի հայտը