ՌԴ ԱԳՆ-ում կարծում են՝ ԵՄ փորձագետների՝ հայ-ադրբեջանական սահմանի դիտարկումը «հավելյալ արժեք չունի»

ՌԴ ԱԳՆ-ում կարծում են, որ ԵՄ փորձագետների՝ հայ-ադրբեջանական սահմանին տեղի ունեցող իրադարձությունների դիտարկումը հավելյալ արժեք չունի, քանի որ, եթե Բրյուսելն անկեղծորեն շահագրգռված լիներ Հարավային Կովկասում խաղաղությամբ, ապա առաքելության պայմանները կհամաձայնեցներ նաև Ադրբեջանի հետ:

Հայտարարությունն ամբողջությամբ՝ ստորև․

«Հունվարի 23-ին ԵՄ Խորհուրդը որոշում է ընդունել Հայաստանում Եվրամիության նոր քաղաքացիական առաքելություն տեղակայելու մասին՝ երկու տարի ժամկետով։ ԵՄ-ական ներկայության կոնկրետ պարամետրերը կորոշվեն մոտ ապագայում։ Բայց արդեն ակնհայտ է, որ այն լինելու է ավելի լայն, քան ԵՄ դիտորական մեխանիզմը, որը գործում էր Հայաստանում անցյալ տարվա հոկտեմբերից դեկտեմբեր ընկած ժամանակահատվածում։

Անդրկովկասում արտատարածաշրջանային գործոնի ամրապնդման հարցում Ռուսաստանի սկզբունքային դիրքորոշումը փոփոխություններ չի կրել։ Ոչ մի «հավելյալ արժեք» չենք տեսնում հայ-ադրբեջանական սահմանին տեղի ունեցող իրադարձություններին հետևող ԵՄ-ական «փորձագետներից»։ Եթե Բրյուսելում անկեղծորեն շահագրգռված լինեին Անդրկովկասում խաղաղություն հաստատելու հարցում, ապա Ադրբեջանի հետ կհամաձայնեցնեին իրենց առաքելության աշխատանքային պայմանները։

Եվրամիության ներկայացուցիչները, որոնք վերածվել են ԱՄՆ-ի և ՆԱՏՕ-ի կցորդի և ԱՊՀ տարածքում առճակատման քաղաքականություն են վարում, Հայաստանի սահմանամերձ շրջաններում հայտնվելով՝ կարող են միայն աշխարհաքաղաքական դիմակայություն բերել տարածաշրջան և սրել առկա հակասությունները։ Չպետք է նաև մոլորեցնի առաքելության հայտարարված քաղաքացիական բնույթը, այն ձևավորվում է անվտանգության և պաշտպանության ոլորտում ԵՄ ընդհանուր քաղաքականության շրջանակներում՝ դրանից բխող բոլոր հետևանքներով։

Հայաստանում ամեն գնով ամրապնդվելու, Ռուսաստանի միջնորդական ջանքերը չեզոքացնելու Եվրամիության փորձերը կարող են վնաս հասցնել հայերի և ադրբեջանցիների շահերին՝ տարածաշրջանի խաղաղ զարգացմանը վերադառնալու ձգտումներում։ Համոզված ենք, որ տեսանելի ապագայում տարածաշրջանում կայունության և անվտանգության առանցքային գործոն է մնալու Ռուսաստանի խաղաղապահ զորակազմը, որը ծավալվել է Ռուսաստանի, Ադրբեջանի և Հայաստանի առաջնորդների՝ 2020-ի նոյեմբերի 9-ի հայտարարության հիման վրա, ինչպես նաև հայկական սահմաններին ծառայություն իրականացնող ռուս սահմանապահները։ Դրանք արձագանքելու են նաև ԵՄ-ական դիտորդների պահվածքին՝ հաշվի առնելով «գետնի վրա» իրավիճակի զարգացումը։

Արձանագրում ենք, որ Երևանում, տրամաբանական ավարտին չհասցնելով ՀԱՊԿ առաքելության ուղղությամբ աշխատանքը, նախընտրեցին ընտրություն կատարել հօգուտ ԵՄ-ի։ Եթե հայ դաշնակիցների մոտ պահպանվում է շահագրգռվածությունը ՀԱՊԿ-ի ներուժի գործարկման հարցում, ապա կազմակերպության առաքելությունը կարող է օպերատիվ կերպով ծավալվել Հայաստանում։

Ինչպես և նախկինում, կարծում ենք, որ հայ-ադրբեջանական կարգավորման, և ընդհանրապես, տարածաշրջանում իրավիճակի առողջացման ամենակայուն և երկարաժամկետ հիմքը Ռուսաստանի, Ադրբեջանի և Հայաստանի ղեկավարների՝ 2020-ի նոյեմբերի 9-ի, 2021-ի հունվարի 11-ի, նոյեմբերի 26-ի և 2022-ի հոկտեմբերի 31-ի եռակողմ պայմանավորվածությունների անշեղ և հետևողական իրականացումն է՝ բոլոր տրանսպորտային և տնտեսական կապերի ապաշրջափակումը, հայ-ադրբեջանական սահմանի սահմանազատումն և սահմանագծումը, Ադրբեջանի և Հայաստանի միջև խաղաղության պայմանագրի պարամետրերի համաձայնեցումը, փորձագիտական շրջանակների և խորհրդարանականների գծով եռակողմ շփումների զարգացումը: Ռուսաստանը պատրաստ է ամեն կերպ աջակցել այս ամենին»,- ասված է հայտարարությունում»։

Հիշեցնենք՝ հունվարի 23-ին Եվրոպական միության արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը հայտարարել էր, որ Հայաստանում Եվրոպական միության քաղաքացիական առաքելություն կստեղծվի՝ Համընդհանուր անվտանգության և պաշտպանական քաղաքականության (CSDP) շրջանակներում:

Հայաստանում Եվրոպական միության քաղաքացիական առաքելությունը նախնական մանդատ կունենա երկու տարի, և նրա գործառնական շտաբը կլինի Հայաստանում:

ԵՄ քաղաքացիական առաքելությունը կսկսի ամբողջությամբ գործել առաջիկա շաբաթներին։

Տպել
670 դիտում

ՄՔԴ-ին Հայաստանի անդամակցության հարցը կլուծվի դաշնակցային ճանապարհով. ՌԴ ԱԳՆ

Կալիֆորնիայի նահանգային խորհրդին է ներկայացվել Լաչինի միջանցքի շրջափակումը դատապարտող միջոց

Արարատ Միրզոյանը Մալթայում ներկայացրել է Ադրբեջանի կողմից Ղարաբաղում ստեղծված հումանիտար ճգնաժամը

Լավրովը կմեկնի Թուրքիա. հանդիպման օրակարգում նաև ԼՂ հիմնախնդիրն է

Նոր մանրամասներ ՌՈ քրեականի պետին ծեծելու դեպքից․ պատճառը մատուցողուհուն «ձեռք գցելն» է եղել

Ապրիլի 1-ից երթևեկության համար բաց կլինի Հայաստանն Արցախին կապող այլընտրանքային ճանապարհը

Հունաստանի ՊՆ ղեկավարը կմեկնի Թուրքիա՝ չնայած հարաբերությունների կարգավորման նախանշաններ չի տեսնում

«Սարոյի հետ պայմանավորվել էինք՝ եթե գերի ընկնի, ինքն իրեն խփի». հետմահու պարգևներ շիրակցի հերոսներին

Ադրբեջանը կրակել է դաշտավայրում աշխատող Բերդաշենի բնակչի ուղղությամբ

Ստեփանակերտում վթարի հետևանքով 3 քաղաքացի տեղափոխվել է բուժհաստատություն

«Գյումրեցի նկարիչներ. սերունդների երկխոսություն». 4 գերդաստան, որոնք նկարում են գենով

Նաիրի Հոխիկյանը դատավորին զրպարտող ու վիրավորող գրառում է կատարել. ԲԴԽ

36 հազարից մինչև 8 միլիոն դրամ. «գոլդ» համարանիշների տրամադրման նոր կարգ է առաջարկվում

Սուրենյանը խորհուրդ է տալիս ծխահարել Արարատյան դաշտի այգիներն ու հայտնում ցրտահարության օրերը

Ամենաուշը վաղը ճանապարհը ամբողջովին պատրաստ կլինի․ ինչ իրավիճակ է Կոռնիձորում

ՀԷՑ-ի բաժանորդ դառնալու վճարները բարձրացվում են

Որքան գումար է ծախսվել մայրաքաղաքում 2500 ծառ փոխարինելու համար, և ինչ են արվում կտրված ծառերը

Հայաստանն ամրապնդում է կապերը Հունաստանի հետ. ռազմական համագործակցության նոր ծրագիր է ստորագրվել

Գերմանիայում ԱԺ նախագահը հանդիպել է հայ համայնքի հետ (տեսանյութ)

Երևանում հրդեհ է բռնկվել երկհարկանի շինության տանիքում

Արմավիրում ավազի ապօրինի հանք է հայտնաբերվել

2023-ից բոլոր ուսուցիչները պետք է կամավոր ատեստավորման մասնակցեն. սահմանվել է հայտերի ընդունման վերջնաժամկետ

Որոնվում են տեսագրության մեջ պատկերված անձինք (տեսանյութ)

Կենտուկիում զորավարժությունների ժամանակ ԱՄՆ երկու ուղղաթիռներ են բախվել

Ադրբեջանը կրակ է բացել ցորենի դաշտում աշխատող Թաղավարդի բնակիչների ուղղությամբ

Քրեակատարողական ծառայության պետ Սերգեյ Ատոմյանն այցելել է «Սևան» ՔԿՀ. տրվել է խիստ հանձնարարական

Համաշխարհային բանկի կողմից Հայաստանում կիրականացվի հանքային ներուժի գնահատում և վերլուծություն

Նիկոլ Փաշինյանը հեռախոսազրույց է ունեցել Շառլ Միշելի հետ

Երիտասարդները տասնյակ փաթեթներով թմրամիջոցներ են տեղադրել Երևանի տարբեր հատվածներում. նրանք կալանավորվել են

Արցախում որոշ ապրանքների ձեռք բերման համար նոր կտրոններ են պատրաստվում

Բաքվի բռնապետի վիճակը նման է Իրաքի նախկին նախագահ Սադամ Հուսեյինի վիճակին, ով գնաց արկածախնդրության ճանապարհով. փորձագետ

Եթե մարդը պետության սիմվոլների նկատմամբ հարգանք չունի, նրա աշխատանքը նպատակահարմար չէ. ՀՀ վարչապետ

Անցած 1 օրում հանցագործության 69 դեպք է բացահայտվել

Զսպե´ք ձեր մեջ անիծված եղանակով հարստանալու տենչը. Արցախի ԱԺ նախագահ

ՀՀ դրոշի նկատմամբ անբարեխիղճ վերաբերմունք դրսևորողները կտուգանվեն

Այսօրվանից թույլատրվել է «Սուրմալու» տոնավաճառի գործունեությունը. ՔՏՀԱ տեսչական մարմին

Սոցցանցերում պարբերաբար ապատեղեկատվություն է հայտնվում. ՇՄՆ-ն պարզաբանում է տարածել հանրային N5 լողափի վերաբերյալ

Ապրիլի 1-ից անցում կկատարվի ԱՊՊԱ ազատականացված սակագների համակարգին. ինչ փոփոխություններ կլինեն

Խաղաղապահներն այսօրվանից Լաչինում անելիք չունեն, ռուսները ՀՀ-ի վերաբերյալ կայացրել են ռազմավարական որոշում. Բաբաջանյան

ՀՀ-ում պետք է ունենանք մինչև 8 լիարժեք բուհ․ կստեղծվի նաև բարձրագույն կրթության և գիտության կոմիտե․ նախարար