ՄԱԿ-ն օժտված է համընդհանուր մանդատով և պետք է անվերապահ և անխոչընդոտ հասանելի լինի կարիքի մեջ գտնվողների համար․ Միրզոյան

Փետրվարի 28-ին Ժնևում գտնվող ՀՀ ԱԳ նախարար Արարատ Միրզոյանը մասնակցել է ՄԱԿ մարդու իրավունքների խորհրդի 52-րդ նիստին և հանդես եկել ելույթով:

Այս մասին տեղեկացնում է ՀՀ ԱԳՆ-ն։

Իր ելույթում նախարար Միրզոյանը, մասնավորապես, նշել է.

«Պարո՛ն նախագահ,

Հարգելի՛ գործընկերներ,

Տիկնայք և պարոնայք,

Հայաստանը շնորհավորում է Մարդու իրավունքների խորհրդի նորընտիր բյուրոյին` պարոն Վացլավ Բալեկի նախագահությամբ: Ցանկանում ենք նաև լավագույն բարեմաղթանքները հղել պարոն Վոլկեր Տյուրկին, քանի որ սա նրա՝ ՄԱԿ Մարդու իրավունքների բարձր հանձնակատարի պաշտոնում առաջին Խորհրդի նիստն է:

Հայաստանը վերահաստատում է իր անսասան հանձնառությունը մարդու իրավունքների պաշտպանությանն ու խթանմանը։ Այս տարի կրկին Հայաստանը տարածաշրջանում ստացել է ամենաբարձր վարկանիշները՝ ըստ Մամուլի ազատության համաշխարհային ցուցանիշի և «Economist Intelligence Unit»-ի Ժողովրդավարության ցուցանիշի:

Լինելով Մարդու իրավունքների խորհրդի՝ այդ թվում՝ 2022 թվականին Բյուրոյի անդամ՝ Հայաստանը ձգտել է զգալի ներդրում ունենալ աշխարհում մարդու իրավունքների խթանմանն ու պաշտպանությանն ուղղված միջազգային ջանքերում: Կցանկանայի հատկապես ընդգծել Հայաստանի ներդրումը ցեղասպանության կանխարգելմանն ուղղված միջազգային ջանքերում։ Մենք շնորհակալություն ենք հայտնում այն պետություններից յուրաքանչյուրին, որոնք աջակցել են 2022 թվականին Հայաստանի կողմից ներկայացված՝ Ցեղասպանության կանխարգելման վերաբերյալ Մարդու իրավունքների խորհրդի բանաձևերի կոնսենսուսային ընդունմանը։

2023 թվականին մենք նշում ենք Ցեղասպանության հանցագործությունը կանխարգելելու և պատժելու մասին կոնվենցիայի 75-ամյակը, որը մարդու իրավունքների առաջին պայմանագիրն է՝ ընդունված Գլխավոր ասամբլեայի կողմից։ Դրան հաջորդող օրն ընդունվեց Մարդու իրավունքների համընդհանուր հռչակագիրը: Նման հաջորդականությունն ամենևին պատահական չէր, քանի որ դա մարդկության պատմության մեջ ամենաարյունալի և ամենադաժան պատերազմին հաջորդող ժաանակաշրջանն էր: Այդ երկու փաստաթղթերը ՄԱԿ մարդու իրավունքների ճարտարապետության ամուր հիմքը դրեցին:

Պարո՛ն նախագահ,

ՄԱԿ գլխավոր քարտուղարի կողմից վերջերս արված գնահատականով. «մենք առերեսվում ենք վերջին ժամանակների լրջագույն աշխարհաքաղաքական պառակտմանը և անվստահությանը»: 2022 թվականը մարտահրավերներով լի տարի էր Մարդու իրավունքների խորհրդի համար նույնպես։

Ինչպես բարձր հանձնակատարը վերջերս նշեց, չնայած աշխարհաքաղաքական հակասություններին, Խորհուրդը պետք է լինի այն վայրը, որտեղ մենք մի սեղանի շուրջ ենք նստում՝ պաշտպանելու մարդու իրավունքների համընդհանուր արժեքները և մարդասիրությունը: Մենք համաձայն ենք, որ մարդու իրավունքների համակարգի ամենամեծ մարտահրավերը բոլորի իրավունքների պաշտպանությանը հավասարաչափ ուշադրություն ապահովելն է։

Մենք կարծում ենք, որ Լեռնային Ղարաբաղի ժողովրդի մարդու իրավունքների պաշտպանությունը շարունակաբար անտեսվել է։ Ըմբռնելով այլ վայրերում հակամարտությունների և ճգնաժամերի հետևանքով ստեղծված իրավիճակի լրջությունը՝ հավատացած ենք, որ չի կարող լինել տառապանքի հիերարխիա՝ հիմնված աշխարհաքաղաքական նկատառումների և շահերի վրա:

Ի հեճուկս ամենի, Լեռնային Ղարաբաղի ժողովուրդը ձգտում է ազատորեն օգտվել իր մարդու իրավունքներից: Այս վճռականությունը չի փոխվել նույնիսկ Ադրբեջանի ճնշման և ագրեսիայի ավերիչ, շարունակական ալիքներից հետո, ինչի հետևանքով զոհվեցին հազարավոր մարդիկ, ավերվեցին հարյուրավոր քաղաքներ ու գյուղեր, քաղաքացիական ենթակառուցվածքներ, մշակութային և կրոնական ժառանգության կոթողներ: Միջազգային հանրությունը, սակայն, հիմնականում անտարբեր մնաց, մինչդեռ Ադրբեջանն ավելի էր քաջալերվում՝ ոգևորված անպատժելիությունից: Այնուհետև այդ երկիրը հարձակվեց և օկուպացրեց Հայաստանի Հանրապետության ինքնիշխան տարածքները։

Նման լիակատար անպատժելիության մթնոլորտում Ադրբեջանը շարունակում է խախտել միջազգային մարդու իրավունքների և միջազգային մարդասիրական իրավունքի սկզբունքները։ Շուրջ 80 օր է, ինչ Ադրբեջանը արգելափակել է Լաչինի միջանցքը՝ Լեռնային Ղարաբաղը Հայաստանին և արտաքին աշխարհին կապող միակ ճանապարհը։ Ադրբեջանը նաև խաթարել է էլեկտրաէներգիայի մատակարարումը և պարբերաբար խափանում է գազամատակարարումը։ Դրա հետևանքով, Լեռնային Ղարաբաղի հայությունը կանգնած է հումանիտար աղետի եզրին։ Միևնույն ժամանակ, Ադրբեջանն ամենաբարձր մակարդակով հայտարարում է, որ կարող է վերացնել շրջափակումը բոլոր նրանց համար, ովքեր ցանկանում են լքել Լեռնային Ղարաբաղը։ Սա ոչ այլ ինչ է, քան դանդաղ իրականացվող էթնիկ զտում:

Այս համատեքստում ես կցանկանայի ընդգծել, որ փետրվարի 22-ին Արդարադատության միջազգային դատարանն Ադրբեջանի դեմ իրավաբանորեն պարտադիր հրատապ միջոց է կիրառել Հայաստանի կողմից ներկայացված վարույթի շրջանակներում՝ միաժամանակ միաձայն մերժելով Հայաստանի դեմ ներկայացված զուգահեռ վարույթում Ադրբեջանի պահանջները Հայաստանի կողմից իբր ականներ տեղադրելու վերաբերյալ: Հիշյալ որոշման մեջ դատարանը վճռել է, որ առկա է «Ռասայական խտրականության բոլոր ձևերի վերացման մասին» կոնվենցիայի շրջանակներում հայերի իրավունքներին անդառնալի վնաս հասցնելու անմիջական վտանգ և Ադրբեջանին պարտադրել է ձեռնարկել անհրաժեշտ բոլոր միջոցները՝ ապահովելու Լաչինի միջանցքով անձանց, տրանսպորտային միջոցների և բեռների՝ երկու ուղղություններով անխափան տեղաշարժը: Արդարադատության միջազգային դատարանի հրատապ միջոցներն իրավաբանորեն պարտադիր են, սակայն մինչ այժմ Ադրբեջանը չի դադարեցրել Լաչինի միջանցքի շրջափակումը։

Ադրբեջանն այս հանցագործությունը կատարում է չնայած Լաչինի միջանցքի ապաշրջափակման իրապես համընդհանուր այդ թվում՝ ՄԱԿ գլխավոր քարտուղարի և Մարդու իրավունքների բարձր հանձնակատարի կողմից արված պահանջի:

Նույն կերպ Ադրբեջանը չի հետաքննել արտադատական սպանությունները, մահացած հայ զինծառայողների, այդ թվում՝ կանանց մարմինների խոշտանգումները, անդամահատումները և պղծումները, ինչի վերաբերյալ հստակ կոչ էր հնչեցվել ՄԱԿ մանդատակիրների կողմից: ՄԱԿ մարդու իրավունքների փորձագետները նաև ընդգծել են, որ իրենք դեռ ակնկալում են Ադրբեջանից ստանալ «տեղեկատվություն ռազմական գործողությունների դադարեցումից հետո ռազմագերիների կալանավորման փաստացի և իրավական պատճառների, ինչպես նաև անհետացածների ընտանիքներին նրանց ճակատագրի և ճշգրիտ գտնվելու վայրի մասին տեղեկացնելու վերաբերյալ ձեռնարկված միջոցների մասին»:

Ավարտելով խոսքս, պարո՛ն նախագահ, ցանկանում եմ արտահայտել Հայաստանի հաստատակամ համոզմունքը, որ ՄԱԿ միջգործակալական առաքելության տեղակայումը Լաչինի միջանցքում և Լեռնային Ղարաբաղում այն նվազագույնն է, որ միջազգային հանրությունը կարող է անել այս պայմաններում։ ՄԱԿ-ն օժտված է համընդհանուր մանդատով և պետք է անվերապահ և անխոչընդոտ հասանելիություն ունենա դեպի կարիքի մեջ գտնվող անձինք: ՄԱԿ-ի մարդու իրավունքների մեխանիզմը պետք է օգտագործվի կյանքեր փրկելու, անհրաժեշտ մարդասիրական օգնություն տրամադրելու և տուժած մարդկանց իրավունքները պաշտպանելու համար: Աշխարհը պետք է ականատեսը լինի միջազգային մեխանիզմների կիրառման դրական և հաջողված օրինակների, որոնց համար էլ հենց ստեղծվել և մանդատ են ստացել այդ մեխանիզմները։ Միջազգային համակարգը չի կարող ևս մեկ ձախողում իրեն թույլ տալ:

Շնորհակալություն»:

Տպել
475 դիտում

Ժամը 15:00-ի դրությամբ Հակարիի կամուրջը հատել է 50 հազար 243 բռնի տեղահանված արցախահայ

ՀՀ ԱԳՆ-ն կպաշտպանի Ռուբեն Վարդանյանի իրավունքները

ԱՄՆ-ն ու ԵՄ-ն դրդում են Հայաստանին դուրս գալ ՀԱՊԿ-ից. Զախարովա

«Գարդման-Շիրվան-Նախիջևան» միությունը մտահոգություն է հայտնել ԼՂ բնակչության բռնի տեղահանման առնչությամբ

Ինչ է պատրաստվում անել Մոսկվան Ռուբեն Վարդանյանի ձերբակալության առնչությամբ

Խանութները, հացի փռերը 24 ժամ աշխատում են, Սյունիքը շուրջօրյա ռեժիմով ընդունում է ԼՂ-ից բռնի տեղահանվածներին. մարզպետ

ԱՄՆ-ն ակնկալում է դիտորդական առաքելության մուտք Լեռնային Ղարաբաղ՝ ինչպես խոստացել է Ալիևը. Պետդեպ

«Հաղթանակ» զբոսայգու տարածքում գտնվող օտարման ոչ ենթակա հողամասը վաճառվել է. նախաձեռնվել է քրեական վարույթ

ԼՂ-ում իշխանության եկած ուժերը տեսանք՝ ինչ «գեղեցիկ» ձևով Արցախը հանձնեցին, կապիտուլյացիան եղավ իրենց ձեռքով. Մելքոնյան

Հուսով ենք՝ Մոսկվայի և Երևանի միջև ձեռք բերված պայմանավորվածությունները կյանքի կկոչվեն. ՌԴ ԱԳՆ

Ադրբեջանի սահմանային ծառայությունը հաստատել է Վարդանյանի ձերբակալությունը և նշել՝ ինչ է սպասվում (տեսանյութ)

Կրեմլը՝ Ռուբեն Վարդանյանի ձերբակալության տեղեկությունների մասին

Ամուսինս ձերբակալվել ու գերեվարվել է. Ռուբեն Վարդանյանի կինը հանդես է եկել հայտարարությամբ

Ռուսաստանը երբեք չի լինի Հայաստանի հետ հարաբերությունների սրման նախաձեռնողը. Զախարովա

Ճանաչողները մոտենան ԱԻՊԾ. հրապարակվել են ԼՂ պայթյունի վայրում հայտնաբերված մասունքները (լուսանկարներ)

Կանադան հակված է Ադրբեջանի դեմ պատժամիջոցներ սահմանելուն

Ռուբեն Վարդանյանի հետ կապը կորել է. ադրբեջանական լրատվամիջոցները հայտնում են նրա ձերբակալության մասին

Զախարովան անդրադարձել է «Զանգեզուրի միջանցք»-ի մասին հայտարարություններին

Ռուս խաղաղապահները Ղարաբաղում կայունության հիմքն են. Զախարովա

ԼՂ հայերի տեղահանման արդյունքում առաջացած կիլոմետրանոց ավտոշարասյուները՝ արբանյակից արված լուսանկարներում

Հայաստանում ԱՄՆ դեսպանը հարգանքի տուրք է մատուցել 44-օրյա պատերազմի զոհերի հիշատակին

Ոչնչացվում է հնագույն քրիստոնեական համայնքներից մեկը. CSI-ը ահազանգ է հնչեցրել

Ժամը 12:00-ի դրությամբ 47 հազար 115 բռնի տեղահանված անձ է հատել Հակարիի կամուրջը. վարչապետի խոսնակ

Բաքվի և Անկարայի հանցագործությունները հնարավոր են դարձել ԵՄ վախկոտության շնորհիվ. Վալերի Բուայե

Աղետի հիմքը 1999-ի դեկտեմբերին է, պատերազմ հաղթելու փորձը ծառայության վերածած բանակը դարձավ բյուրոկրատիա. Խանումյան

Առավոտյան ժամը 8-ի դրությամբ ԼՂ-ից բռնի տեղահանված 42 հազար 500 անձ է հատել ՀՀ սահմանը. ՀՀ վարչապետի խոսնակ

Մի շաբաթ է արդեն՝ այս ամենի մասին խոսում ենք, բայց չգիտես ինչու՝ պետք է Սամվել Բաբայանն ասեր, որ մարդիկ իմանային. Զոլյան

Մեղադրանքներ են առաջադրվել Ներքին Խնձորեսկի նախկին ղեկավարին, դստերն ու որդուն. գործի նախաքննությունն ավարտվել է

Բաքուն խաղաղ ճանապարհով և առանց ուժի կիրառման միջանցք կբացի դեպի Նախիջևան. Հաջիև

192 մահ. Ադրբեջանը պաշտոնապես հայտնել է վերջին հարձակման հետևանքով կորուստների և վիրավորների թիվը

Շարունակվում է ԼՂ-ից Հայաստան վիրավորների տեղափոխումը. ԱՆ-ն հայտնել է՝ քանի տուժած կա Երևանի հիվանդանոցներում

Աղբի կույտեր, ճամպրուկներ, լքված փողոցներ. Ստեփանակերտը՝ այսօր (լուսանկարներ)

Հրապարակվել է ԼՂ-ում պայթյունից տուժած և «Միքայելյան» վիրաբուժության ինստիտուտ տեղափոխված քաղաքացիների ցանկը

Դատավորի օգնականը աջակցել է շուրջ 1,8 մլրդ դրամի յուրացումներ կատարելուն. հանրային քրեական հետապնդում է հարուցվել

ՄԱԿ-ի փախստականների հարցերով գործակալությունը պատրաստ է աջակցել Լեռնային Ղարաբաղից տեղահանվածներին

Մի քանի ժամով կհոսանքազրկվեն Երևանի ու 6 մարզի որոշ հասցեներ

Այսօր լրանում է 44-օրյա պատերազմի երրորդ տարին. «Եռաբլուր» են այցելում պետական այրերն ու դիվանագետները

Լեռնային Ղարաբաղում վառելիքի պահեստում արձանագրված պայթյունի վերաբերյալ Սպիտակ տունը հանդես է եկել հայտարարությամբ

Ադրբեջանցի զինծառայողները կրակել են Չարեքտարի 13-րդ դարի վանքի ուղղությամբ (տեսանյութ)

123 մլն դրամ Կարեն Վարդանյանից՝ 44-օրյա պատերազմի հետևանքով տեղահանված բազմազավակ ընտանիքներին (տեսանյութ)