Ինչպես է Մեծ Բրիտանիան ազատվում սիգարետի ծխից

Ծխե՞լ, թե՞ չծխել. այս հարցի պատասխանը քաջ հայտնի է մարդկությանը, քանի որ բոլորը հասկանում են, որ ծխելը վնասակար է։ Միանշանակ, վերջնականապես և անդառնալիորեն։ Արդեն երկար ժամանակ այս հարցի շուրջ երկու կարծիք լինել չի կարող, ամեն ինչ պարզ է ու հասարակ։ Բայց մարդիկ դեռ շարունակում են ծխել։ Այս վտանգավոր սովորության դեմ պայքարն ընթանում է մի քանի ճանապարհով՝ բացատրական աշխատանք, արգելքների և հարկման համակարգ, սիգարետ ծխելուն այլընտրանք ապահովելը։

Բժշկական մասնագիտացված MedPage կայքը պատմել է Մեծ Բրիտանիայում անցկացված նոր հետազոտության մասին, որը վերաբերվում է ծխելու հետ կապված հիվանդությունների և առողջապահական ծախսերի կրճատմանը, այն դեպքերի համար, երբ Միացյալ Թագավորության քաղաքացիները սովորական սիգարետը ծխելուց անցնում են այլընտրանքային համակարգերին:

Նոր հետազոտությունը ցույց է տվել, որ եթե Մեծ Բրիտանիայի ծխողների կեսն անցնի վեյփերի կամ ծխախոտի տաքացվող համակարգերի, դա կնվազեցնի սովորական սիգարետ ծխելու պատճառով հիվանդանոց հոսպիտալացվողների թիվը 13%-ով և մոտ 70%-ով կնվազեցնի ծխելու պատճառով որևէ հիվանդություն ձեռք բերելու հավանականությունը: Բացի այդ, նման անցումը կխնայի տարեկան 518 միլիոն ֆունտ ստեռլինգ NHS-ի՝ բրիտանական առողջապահական համակարգի համար:

Լոնդոնի Բրունելի համալսարանի ներկայացուցիչները, որոնք հանդիսանում են հետազոտության հեղինակները նշում են, որ սիգարետ ծխելուց անցումը դեպի քիչ ռիսկային պրոֆիլ ունեցող ապրանքներ խրախուսելով, ինչպիսիք են օրինակ հեղուկը գոլորշիացնող և ծխախոտը տաքացնող սարքերը, կարող է թեթևացնել առողջապահական համակարգի ռեսուրսների բեռը և նվազեցնել համակարգի ֆինանսական ծախսերը։ Գիտնականները վերլուծել են ծխելը որպես մահվան պատճառ հանդիսացող տվյալները և այնպիսի հիվանդությունների զարգացման ռիսկի վերաբերյալ գրանցված տեղեկությունները, ինչպիսիք են քաղցկեղը, սրտանոթային հիվանդությունները, ինսուլտը և քրոնիկ բրոնխիտը: Նրանք հաշվարկել են ընդհանուր առողջապահական ծախսերը բազմապատկելով հիվանդության պատճառով արձակուրդի մեկ օրվա միջին արժեքը տվյալ հիվանդությամբ հիվանդանոցում մնալու միջին տևողության վրա:

Մեծ Բրիտանիայի արդեն իսկ նախատեսված ու ընդգծված նպատակը՝ նվազեցնել ծխողների թիվը 13%-ից մինչև 5% մինչև 2030 թվականը, որպես «ծխից զերծ երկիր» իր տեսլականի մաս, արդեն իսկ արտահայտվել է մի շարք նորարարական քայլերով: Մի քանի ամիս առաջ Մեծ Բրիտանիայի Առողջապահության նախարարությունը հանդես եկավ հնչեղ հայտարարությամբ, որում նշվեց, որ կառավարությունը կխրախուսի մեկ միլիոն ծխողների փոխարինել սիգարետը ամբողջությամբ այլընտրանքային տարբերակներով և այս ամենը պետական ֆինանսավորման միջոցով։

Ներկա դրությամբ Մեծ Բրիտանիայում ծխելու պատաճռով տարեկան մահվան մոտավորապես 74,600 դեպքեր է գրանցվում, ընդ որում, միայն 2019-20 թվականներին Մեծ Բրիտանիայի հիվանդանոցներում գրանցվել է ծխելու հետ կապված ավելի քան 506,100 հոսպիտալացում:

Քաղաքացիների ծխելը երկրի Առողջապահության ազգային ծառայությանն արժենում է տարեկան մոտավորապես 2,5 միլիարդ ֆունտ ստեռլինգ:
«Ծխելու հետ կապված հիվանդությունները մեծ վնաս են հասցնում և շատ ծանր բեռ են Մեծ Բրիտանիայի առողջապահական համակարգի վրա, և այդ պատճառով կազմակերպության վրա արդեն զգացվում է աճող ճնշումը», - ասել է հետազոտության համահեղինակներից մեկը և Բրունելի համալսարանի բիզնեսի տնտեսագիտության փորձագետ պրոֆեսոր Ֆրանչեսկո Մոսկոնը:

Հետազոտությունների շրջանակում Առողջապահության կառավարման բրիտանական ամսագրում հրապարակված ուսումնասիրության մեջ պրոֆեսոր Մոսկոնը պարզել է, որ սիգարետ ծխողը, ով անցնում է ծխելու այլընտրանքային տարբերակներին, 70%-ով նվազեցնում է հիավնդությունների զարգացման հնարավորությունը, սովորական սիգարետ ծխելու հետ համեմատած։

Նախատեսված սցենարում, ըստ որի երբ ծխողների կեսն անցնում է այլընտրանքների, Լոնդոնի առողջապահական ծառայությունները տարեկան կխնայեն մոտ 53 մլն ֆունտ, իսկ Մեծ Բրիտանիայի առողջապահական համակարգը ընդհանուր առմամբ կխնայի տարեկան մոտ 518 մլն ֆունտ: «Եթե ծխելու այլընտրանքների անցման տոկոսը կազմեր ընդամենը 10%, Առողջապահության ազգային ծառայությունը կխնայեր 103 միլիոն ֆունտ ստերլինգ», - ասալ է պրոֆ. Մոսկոնեն։ «Եթե ծխողները հրաժարվեն ավանդական սիգարետ ծխելուց, դա զգալիորեն կնվազեցնի Առողջապահության ազգային ծառայության բեռը և կազատի ֆինանսական զգլի միջոցներ հիվանդանոցային բյուջեներում, այլ հիվանդությունների բուժման համար»:

Ուսումնասիրությունը նաև արտացոլում էր աշխարհագրական տարբերությունները։ Այսպես թոքերի քաղցկեղով հիվանդները Հյուսիս Արևելքում և Յորքշիրում գրեթե երկու անգամ ավելին են քան Անգլիայի այլ մասերում: Պրոֆեսոր Մոսկոնն ընդգծել է, որ տարածաշրջանը ներկայումս բախվում է զգալի ծախսերի՝ կապված ծխելու հետ կապված հանրային առողջական խնդիրների հետ, քանի որ միայն թոքերի քաղցկեղի բուժումը NHS-ին տարեկան ավելի քան 156 միլիոն ֆունտ է արժենում:

«Եթե Հյուսիսարևելյան Յորքշիրում ծխողները անցնեն ծխելու այլընտրանքային տարբերակներին, NHS-ի ծախսերի ընդհանուր խնայողությունը կկազմի 30 միլիոն ֆունտ: Եվ եթե տարածաշրջանի ծխողների կեսն անցնի այլընտրանքային համակարգերի, NHS-ը կխնայեր 148 միլիոն ֆունտ ստերլինգ»,- ասել է նա:

Անցյալ տարի կառավարությունը տեղեկացրել է, որ առանց հետագա գործողությունների Անգլիան մինչև 2030 թվականը չի հասնի ծխից ազատվելու իր նպատակին՝ առնվազն յոթ տարի հետ մնալով ժամանակացույցից, և որ հասարակության ամենաաղքատ շերտերը չեն կարողանա հասնել այդ նպատակին մինչև 2044 թվականը: «Ընդունեով նորարարությունները և ծխելու այլընտրանքների ներուժը, մենք կարող ենք ավելի ցածր ռիսկային ապագայի ուղի գծել՝ միաժամանակ վճռական մնալով մեր նպատակներին հասնելու հարցում», - ընդգծել է պրոֆեսոր Մոսկոնը:

Միացյալ Թագավորության քաղաքականությունը շատ նման է Շվեդիայում անցկաղվող քաղաքականությանը, ըստ որի ակնկալվում է, որ Շվեդիան այս տարի կդառնա աշխարհում առաջին երկիրը առանց սիգարետի ծխի, և այդ դեպքում դա տեղի կունենա Եվրամիության կողմից սահմանված վերջնաժամկետից 17 տարի շուտ:

Աղբյուրը՝ detaly.co.il