Ի՞նչն է օրհնում Բագրատ Գալստանյանը և ի՞նչը նզովում. որտե՞ղ է սկսվում և վերջանում նրա համար սիրո և ատելության սահմանը

13/05/2024 schedule23:51

Երեկ Բագրատ Գալստանյանը հանրահավաքի ժամանակ հավաքված բազմությանը կոչ արեց զանգվածային գործադուլներ և դասադուլներ իրականացնել՝ դրանք զուգորդելով Երևանի փողոցներում և Հանրապետության տարբեր մարզերում անհնազանդության գործողություններով:

Այսօր առավոտյան արդեն վերջինիս համակիրները, որոնք իրականում Հանրապետական, Դաշնակցություն և մի քանի այլ ընդդիմադիր կուսակցությունների երիտասարդական թևերի ներկայացուցիչներն են, փոքր խմբերով ցրվելով Երևանի որոշ հատվածներում, փորձեցին իրականացնել իրենց առաջնորդի հանձնարարությունը:

Այն, որ ընդդիմադիրների այս անպտուղ գործողությունները սովորական են դարձել հանրության լայն շերտի համար, երկար-բարակ գրելու կարիք չկա. պատերազմից հետո նրանց հիմնական զբաղմունքը դարձել է սեզոնային անբովանդակ հանրահավաքները, որոշ ժամանակ փողոցները չափչփելը, հետո հանրության վրա մեղադրանքներ և լուտանքներ շաղ տալը, թե «չի ուզում փրկվել»:

Վերջիններիս գործողությունների մասին բովանդակային խոսելը պարապ զբաղմունք կդառնա, քանի որ դրանք նույնն են բոլոր ժամանակներում: Միակ բանը, որ ընդդիմությունը հաճախակի փոփոխում է, առաջնորդի դեմքն է՝ հույս ունենալով, թե այս «մեկով» կհաջողի:

Այժմ այդ մեկը Բագրատ Գալստանյանն է, Տավուշի հոգևոր առաջնորդը, Հայ առաքելական եկեղեցու բարձր ներկայացուցիչը, որը իր օրակարգում առանցքային կարևորություն է տալիս սիրուն և հանդուրժողականությանը, հոգիների մաքրմանը, ստից, կեղծիքից, ատելությունից ազատմանը:

Ինչ խոսք, առաջին հայացքից թվում է, որ հոգևորականի համար, անշուշտ, այս կարևորագույն արժեքները պետք է լինեն ուղենիշ, և դրանում երկբայություն ու տարակարծություն չի կարող լինել: Սակայն իրականում Բագրատ Գալստանյանի գործողությունները, երբեմն նաև խոսույթը այլ բանի մասին են վկայում, որն էլ արտահայտվում է նրա համակիրների խոսքում և գործողություններում: Եվ որքան էլ քաղաքականություն մտնելու հայտ ներկայացրած հոգևորականը պնդի, թե ինքը առաջնորդ չէ, այլ մարդիկ ինքնաբուխ են իրենց դժգոհությունը արտահայտում, բնավ այդպես չէ, քանի որ Գալստանյանն ինքն էլ հասկանում է, որ հրապարակի բազմության արարքների անմիջական պատասխանատուն ինքն է:

Որպես ասվածի հավաստիացում՝ հարկ է մեջբերել շարժման ակտիվիստների այսօրվա որոշ խոսույթ և գործողություններ, որոնց անմիջական իրականացնողներից մեկը շարժման քաղաքական առաջնորդ, «Հայաստան» խմբակցության պատգամավոր Գառնիկ Դանիելյանն էր: Վերջինս իրենց գործողություններին ընդդիմացող և դժգոհող վարորդներից մեկի վրա բղավում էր, հայհոյում՝ ասելով՝ «չաթ…ախ»: Դանիելյանի այս հայտարարությունը լսելով՝ անմիջապես տարիներ առաջ դաշնակցական Արմեն Ռուստամյանի հայտարարությունն ես հիշում, երբ վերջինս այդ ժամանակվա արդարադատության նախարար Հրայր Թովմասյանին անվանել էր նույն բառով՝ «չաթ…ախ»: Տպավորություն է, որ դաշնակցականների շրջանում այս կերպ անձանց վիրավորելը ընդունված պրակտիկա է, և, անկախ իրավիճակից ու ժամանակներից, կիրառում են:

Առավել ուշագրավ է Գալստանյանի մեկ այլ համակրի՝ այսօրվա ակցիաների ժամանակ դրսևորած վարքագիծը և խոսույթը, երբ վերջինս աշխատանքի կամ այլ վայր շտապող քաղաքացուն, որը ընդդիմանում էր փողոցը փակելուն, հարց հղեց, թե «քրիստոնյա է», «հա» արձագանքը ստանալուց հետո, պատասխանեց. «հ…փ արա»: Այս ամենից հետո սկսվեց փոխադարձ հարվածներ միմյանց:

Այսօր ևս մեկ նման միջադեպ էլ տեղի ունեցավ, երբ զոհվածի՝ ակցիա իրականացնող մայրը հարձակվեց երիտասարդ ոստիկանի վրա, վիրավորեց, նվաստացրեց նրա արժանապատվությունը, երկու անգամ հարվածեց և գետնին գցեց իրավապահի գլխարկը, ինչ է, թե ոստիկանը պահում էր հասարակական կարգը:

Այսօրվա ընթացքում նմանօրինակ դեպքեր գուցե շատ ավելին են եղել, որոնք պարզապես տեսախցիկը չի արձանագրել, սակայն այստեղ կա մեկ այլ կարևոր փաստ, որը հարկ է արձանագրել:

Բաժանարար գծերը վերացնելու, ատելության մթնոլորտը թոթափելու, սեր և հանդուրժողականության լոզունգների ջատագով, հոգևորական Բագրատ Գալստանյանը հրապարակային մեկ բառ անգամ չասաց այս դրսևորումների վերաբերյալ, փոխարենը նա անդադար կերպով դժգոհեց ոստիկանների՝ օրենքով սահմանված գործողությունների կատարման ընթացքից:

Հարց է առաջանում՝ օրհնո՞ւմ է արդյոք Բագրատ Գալստանյանը իր համակիրների կողմից այս տեսակ ատելության մթնոլորտի գեներացումը, անձանց նվաստացնելու քայլերը, հասարակության մեջ բաժանարար գծեր առաջացնելու դրսևորումները: Դատելով նրանից, որ որևէ դատապարտման կամ զսպվածության կոչ չհնչեցրեց նա՝ ենթադրել կարելի է, որ ողջունում է կամ առաջնորդվում երկակի ստանդարտներով:

Հետաքրքիր է նաև, թե ինչ է խոկում այս ամենի վերաբերյալ Ամենայն հայոց կաթողիկոսը: Թեպետ հաշվի առնելով տարբեր տարիների՝ Հայաստանում տեղի ունեցած արյունոտ և այլ տեսակի հանրային հնչողություն ստացած հարցերի դեպքում Մայր Աթոռի քար լռությունը՝ կարելի է եզրակացնել, թե ինչ է խոկում Գարեգին Բ-ն:

«Հայկական Ժամանակ»-ը Telegram-ում
Տպել
16339 դիտում

STARLINK-ը պաշտոնապես Հայաստանում է․ Մխիթար Հայրապետյան

Մեկ գողական կերտաս, մեկ «գործ կուտաս», քննիչ ե՞ս, թե՞ քաղաքապետի թեկնածու, կողմնորոշվի. Մինասյանը՝ Մխիթարյանին

Մարտի 30-ին գյումրեցին չի գնալու «Պրագա-մռագա», Դոնբաս, Պուտին, Թրամփ, նա իր գիտակից քվեն տալու է. Մինասյան

Չե՛ս կարող իմ ձայնը կտրես, Պետրո՛ս. Ռուբեն Մխիթարյանը վիճաբանել է Պետրոս Ղազարյանի հետ

Թուրքերեն հայաթը օգտագործելով՝ հաց եք վաստակում, մեղադրում ինձ թուրքական լինելու համար. Մինասյանը՝ Մխիթարյանին

Ուկրաինայի կարգավորման շուրջ բանակցություններում Եվրոպան կներկայացնեն Մեծ Բրիտանիան և Ֆրանսիան. Զելենսկի

Գյումրիում 8 անձ է ձերբակալվել. խուզարկություններ, խոստովանական ցուցմունքներ, ընտրակաշառք, ձեռագիր ցուցակներ

Հոր ընկերոջ բակում անզգուշաբար արձակված կրակոցից վնասվածք ստացած 7-ամյա երեխան տեղափոխվել է հիվանդանոց

Համայնքապետի աթոռը՝ «փրկօղակ». ինչի համար են մեղադրվում Վոլոդիա Գրիգորյանի հայրը և եղբայրը

Գտի՛ ր քո տեղամասը. ինչպես ստուգել և ճշտել տվյալները

Իրավական գործընթացները կապել իմ անվան հետ, ոչ միայն անտրամաբանական է, այլ սխալ հաշվարկ. Սարիկ Մինասյան

Ռազմական ակադեմիա է այցելել Կանզասի ազգային գվարդիայի գլխավոր սերժանտ Քրիս Հարգիսը

Հունաստանի հետ հարաբերություններն առանձնակի նշանակություն ունեն Հայաստանի համար. նախագահը՝ դեսպանին

Էրդողանը տեսանյութ է հրապարակել, որտեղ տեղ են գտել կադրեր Վրաստանի բողոքի ակցիաներից

Հայաստանը Իրանում առևտրական կցորդ կունենա

Տրանսպորտից առանց վճարելու օգտվելու համար պատիժ կսահմանվի. նախագիծն ուղարկվել է ԱԺ

Վարչապետի գլխավորությամբ մի շարք օրենքների նախագծեր են քննարկվել

Բանակցել են հողեր վերադարձնելու մասին, բայց՝ քարոզել Բաքվում չայ խմելը. Չախոյանը՝ նախկին նախագահների մասին

Մեղրիի զբոսայգին վերակառուցվել է. վարչապետը տեսանյութ է հրապարակել

Հայկ Մարությանը նոր «զբաղմունք» է գտել. նա «գաղտագողի» լուսանկարում է «Հայկական ժամանակ»-ի խմբագրության շենքը

Երևանի ավագանին նոր անդամ ունի

Տեղամասային կենտրոններում փակցված կլինեն կուսակցությունների և դաշիքների անուններն օտար լեզուներով. պարզաբանում

ՏՏ-ի նկատմամբ հետաքրքրությունը Հայաստանի մարզերում. Yandex ծրագրավորման դպրոցի փորձը Գյումրիում և Վանաձորում

Նման մարդկանց տեղը իրենց սիրելի վայրում է՝ գաղութում․ Նազելի Բաղդասարյանը՝ Վարդան Ղուկասյանի մասին

Միայն սենսացիա փնտրող լրագրողներից մեկին ընդամենը հիշեցրի ամիսներ առաջ իրեն ասած մի նախադասություն. Քոչարյան

Ո՛չ Քոչարյանը, ո՛չ Սարգսյանը, ո՛չ Տեր-Պետրոսյանը չեն ընտրվել ՀՀ նախագահ, չընտրված եռյակն են. Սիմոնյան

Գյումրեցին այլընտրանք չունի, քան ընտրությունը հին բարքերի, բռնության, սպառնալիքի և Ազատության միջև. Մանավազյան

Եթե մեկը կորոշի՝ ձայնը պետք է դառնա վաճառքի առարկա, թողում եմ այստեղ․ Ալեքսանյանը ԱԺ ամբիոնին 5 հազար դր․ դրեց

Հովիկ Աղազարյանը և Տարոն Մարգարյանը զրկվեցին պատգամավորական անձեռնմխելիությունից

Խուզարկություններ Վարդենիսի համայնքապետարանում, 3 աշխատակից կալանավորվել է

«Գելափը» 2021-ին տվել էր՝ Քոչարյան Ռոբիկը պետք է մեզնից շատ ձայն հավաքի, 30 տոկոս շեղում էր եղել․ Ալեքսանյան

Չեմ կարծում՝ պարտվելու ենք, որ գյումրեցին կուրացել է, չի տեսնում՝ ովքեր են մի կողմում, ովքեր՝ մյուս. Սիմոնյան

Ընտրակաշառքը ժողովրդավարության վրա հարձակում է, Գյումրու մեր քաղաքացիների ձայնը վաճառքի ենթակա չէ. Բարսեղյան

Նրանք, ովքեր այսօր ընտրակաշառք են բաժանում Գյումրիում, վաղը պատրաստ կլինեն վաճառել քաղաքը. Մանուկյան

Զարմանում եմ, որ մարդիկ փորձում են ձայնագրություններից հետո թպրտալ․ Վահագն Ալեքսանյան

Դեսպան Քվինը Սյունիքում վերահաստատել է ԱՄՆ աջակցությունը ՀՀ տարածքային ամբողջականությանը

ՔՊ-ն մասնակցում է Աղազարյանին և Մարգարյանին անձեռնմխելիությունից զրկելու միջնորդության քվեարկությանը

ՔՊ-ն կողմ կքվեարկի Տարոն Մարգարյանին և Աղազարյանին անձեռնմխելիությունից զրկելու՝ դատախազի միջնորդություններին

Պուշկինից Տերյան ուղղությամբ ստորգետնյա ավտոկայանատեղիի մուտքից մինչև ելք կարգելվի մեքենաների կայանումը

Մարտի 30-ին գյումրեցին կասի իր որոշումը, դրանից հետո ձեր կեղտոտ բերաններով ինչքան կուզեք հայհոյեք. Պալյան