Երևան
12 °C
Ինչպես հայտնել ենք, հուլիսի 5-ին «ԱրթՄեդ» բժշկական կենտրոնում քթի պլաստիկ վիրահատության ժամանակ բուժառուն՝ 32-ամյա Լիանա Ս.-ն, մահացել է։ Նա Հայաստան էր վերադարձել Ռուսաստանի Դաշնությունից՝ վիրահատվելու համար:
«Հայկական ժամանակ»-ը կապ է հաստատել «ԱրթՄեդ» բժշկական կենտրոնի փոխտնօրեն Արայիկ Ղարիբյանի հետ։ Ըստ նրա՝ պացիենտին վիրահատել է իրենց վիրաբույժներից մեկը, որը, ըստ փոխտնօրենի, բավականին փորձառու մասնագետ է։ Ղարիբյանը պնդում է՝ դեպքը ոչ թե բժիշկների կամ վիրահատական սխալի հետևանք է, այլ բոլորովին այլ պատճառ ունի:
«Կա, այսպես կոչված, մի ախտորոշում, հիվանդությունը ամբողջ աշխարհում 50 հազարից մեկի մոտ կարող է հանդիպել՝ գենի քրոմոսոմի հիվանդություն է կոչվում՝ չարորակ հիպերթերմիա, կամ չարորակ գերջերմություն: Մարդու ջերմաստիճանը բժշկական որոշակի հանգամանքների ու միջամտությունների դեպքում բարձրանում է: Պացիենտի ջերմությունը նարկոզից դուրս գալու շրջանում անմիջապես բարձրացել է 42-43 աստիճան»,- մանրամասնում է նա:
Ըստ բժշկի՝ Հայաստանում վերջին 10 տարում նման 4-5 դեպք է գրանցվել, վերջինը սա է: Նման դեպքերում աշխարհում մահացածության ցուցանիշը բավականին բարձր է, կա միայն մեկ դեղորայք, որը կարող է օգնել, սակայն 80 տոկոս դեպքերում մահն անխուսափելի է. «Մենք նույնիսկ այդ դեղն ենք ներարկել, պրոտոկոլով ամեն ինչ ճիշտ կատարվել է»:
Հարցին, թե նախքան վիրահատությունը հնարավոր չէ՞ ախտորոշել հիվանդությունը, Ղարիբյանն ասում է. «Ախտորոշելը շատ բարդ է և բավականին մեծ ծախսեր է ենթադրում։ Արտասահմանում որոշ մարդիկ միգուցե իրենց ապահովության համար անեն, եթե իմանան, որ հարազատներից մեկի մոտ նման հիվանդություն եղել է, որովհետև գենետիկ ֆակտոր էլ ունի. եթե հարազատներից ինչ-որ մեկի մոտ կա, կարող է հարազատներից մյուսների մոտ էլ լինել: Սակայն, որպես կանոն, աշխարհում ոչ ոք վիրահատությունից առաջ չի հետազոտվում այս հիվանդության մասին պարզելու համար»։
Ղարիբյանը ևս մեկ անգամ վերահաստատում է՝ վիրահատական բոլոր չափանիշները պահվել են, պացիենտի համաձայնությունը և ստորագրությունը եղել է:
«Հարազատներին բացատրել ենք, հասկացել են, մեզ ասել են՝ գնում են դատաբժշկական փորձաքննության, եթե մեր ասած ախտանիշը հաստատվեց, նույնիսկ չեն բողոքի: Չեմ ասում՝ ուրախ, բայց մեր ասածն ընդունելով ու հարգելով՝ սպասում են դատաբժշկական փորձաքննությանը»,- նշում է փոխտնօրենը:
Անդրադառնալով շրջանառվող լուրերին, թե սա հիվանդանոցում գրանցված 3-րդ դեպքն է՝ վերջինս ասում է, որ տեղեկությունը սուտ է․ «Մեր հիվանդանոցում սա 1-ին դեպքն է, որ քթի վիրահատության ժամանակ մահվան դեպք է գրանցվել, կարող էր քթի վիրահատություն չլիներ, լիներ կույրաղիքի, ստամոքսի վիրահատություն, ու դեպքը լիներ, որովհետև վիրահատության հետ ոչ մի կապ չունեցող դեպք է, անհատական խնդիր է։ Եվ եթե նայենք մահացության տոկոսները, հանրապետության մակարդակով ամենաքիչ մահացություններ գրանցված հիվանդանոցներից մեկը մերն է, թեև տրամաբանական է, որ հիվանդանոցում մահեր էլ են գրանցվում»:
32-ամյա կնոջ մահվան դեպքի առթիվ, որն ունի երկու անչափահաս երեխա, նախաձեռնվել է քրեական վարույթ:
Քննչական կոմիտեից «Հայկական ժամանակ»-ի հետ զրույցում հայտնել են, որ կատարվում է նախաքննություն՝ մահվան պատճառներն ու հանգամանքները պարզելու նպատակով, նշանակվել է դատաբժշկական փորձաքննություն, որի պատասխանը, ըստ իրավապահների, կարևոր նշանակություն կունենա վերջնական իրավական գնահատական տալու առումով:
«Հայկական Ժամանակ»-ը Telegram-ում
Մհեր Գրիգորյանն ընդունել է Նորվեգիայի դեսպանին
Գերմանիան իր քաղաքացիներին կոչ է արել զգույշ լինել Թուրքիա մեկնելիս
Քաղաքական խորհրդակցություններ Հայաստանի և Լիտվայի ԱԳ նախարարությունների միջև
Ալաշկերտ-Արմավիր ճանապարհին մեքենաներ են բախվել․ զոհ և տուժածներ կան
Լեհաստանն ու Իտալիան չեն միանա Թրամփի «Խաղաղության խորհրդին»
Salesforce ընկերության ներկայացուցիչը բարձր է գնահատել Հայաստանի տեխնոլոգիական էկոհամակարգի դինամիկ զարգացումը
ՀՀ-ն բարձր է գնահատում Իրանի դիրքորոշումը տարածքային ամբողջականության և սահմանների անխախտելիության վերաբերյալ
«Նուբարաշեն» քրեակատարողական հիմնարկում հայտնաբերվել են տարբեր թմրամիջոցների նմանվող զանգվածներ
Հայաստանի վրա հարձակվելը շատ թանկ գին կարժենա. Նահանգները կանաչ լույս է վառել ՀՀ-ի առաջ. Բաբաջանյան. տեսանյութ
Ծեծկռտուք՝ Թուրքիայի խորհրդարանում․ ընդդիմադիրները փորձել են թույլ չտալ նախարարների երդմնակալությունը
Պապոյանին են ներկայացվել գյուղատնտեսական կենդանիների հաշվառման և համարակալման շրջանակում կատարված քայլերը
Սաստիկ բքի, տեսանելիության բացակայության պատճառով ճանապարհները ժամանակ առ ժամանակ փակվում են
ԱԺ-Կառավարություն հարցուպատասխան՝ առանց ընդդիմության․ վարչապետը տեսանյութ է հրապարակել
Արմավիրի մարզը նոր ոստիկանապետ ունի. ով է նա
Հայաստանն առաջիկա օրերին ԱՄՆ-ին կփոխանցի իր դիտարկումները՝ կապված TRIPP-ի հետ․ վարչապետ․ տեսանյութ
Ճակատագրական ռազմավարական որոշում է․ որ երկրների հետ է Հայաստանը քննարկում միջուկային ռեակտոր ունենալու հարցը
Մասիս համայնքի ղեկավար Դավիթ Համբարձումյանի եղբայրը ձերբակալվել է
Ադրբեջանից դեպի Թուրքիա ամենակարճ երկաթուղային և ավտոմոբիլային երթուղին անցնում է Հայաստանով. վարչապետ
Երբ Հայաստանում կակտիվանա YouTube-ի դրամայնացումը․ ԲՏԱ նախարարը ժամկետներ է նշել
Յունիբանկը դարձել է Հայ-բրիտանական գործարարության պալատի A-մակարդակի անդամ
Տեխնոլոգիական կրթությունը դառնում է Հայաստանի կրթության բրենդներից մեկը. Ժաննա Անդրեասյան
Ընդդիմությունը չի եկել Կառավարության հետ հարցուպատասխանի․ գան՝ ի՞նչ անեն, ընդունեն, որ այլևս անելիք չունե՞ն
ՇՄ նախարարն ու դեսպանը քննարկել են Նորվեգիայի ակտիվ ներգրավվածությունը COP17-ին
Ինչպես պետք է առցանց եղանակով անցում կատարել կենսաթոշակի և նպաստի ստացման անկանխիկ եղանակի․ մանրամասներ
Դոլարն էժանացել է. ինչ փոփոխություններ է արձանագրել տարադրամի շուկան փետրվարի 11-ին
Վենսի այցը նշանակալի քայլ է, արդյունքները նախանշում են հետագա համագործակցության հստակ ուղի. ԱՄՆ դեսպանատուն
Հայաստան-ԱՄՆ տեխնոլոգիական համագործակցությունը խորանում է․ ԲՏԱ նախարարը հանդիպել է Amazon Web Services-ի խմբին
Ձմեռային արկածները շարունակվում են Myler-ում․ Idram&IDBank
ՔԿ նախագահն ու ՀՀ-ում Մեծ Բրիտանիայի դեսպանը քննարկել են միջազգային համագործակցությամբ ուղարկվող հարցումները
Ucom-ի ծառայությունների դիմաց այսուհետ կարելի է վճարումներ կատարել IDBank-ի հավելվածի միջոցով
Մեկ զանգ, արագ արձագանք․ փետրվարի 15-ից կգործարկվի 112 արագ արձագանքման միասնական հեռախոսահամարը
Վենսը Բաքվում քննարկել է հայ բանտարկյալների ազատ արձակման հարցը
Ձյան առատ տեղումներ, բուք և մերկասառույց․ ջերմաստիճանը կնվազի, հետո աստիճանաբար կբարձրանա
Բարձր ենք գնահատում Իրանի ղեկավարության հստակ դիրքորոշումը ՀՀ տարածքային ամբողջականության վերաբերյալ. նախագահ
Աչալուրջ պետք է լինենք. Ավանեսյանը՝ Հայաստանում կեղծ դեղերի ահազանգերի մասին
Ամփոփվել են Արաբկիր և Քանաքեռ-Զեյթուն վարչական շրջանների դատախազության 2025 թվականի աշխատանքները
1 մլն 593 հազար անձ առողջության համընդհանուր ապահովագրության շահառու է
Կարևորում ենք ՀՀ-ի և Իրանի միջև ձևավորված ռազմավարական հարաբերությունների շարունակական զարգացումը. վարչապետ
Լոռու դպրոցներից մեկից ծանր վիճակում հիվանդանոց է տեղափոխվել 13-ամյա աշակերտ. նրան ծեծի են ենթարկել
Քֆուր կդնես, կասես 1 ընտրի, հետևից կմտնես. Վաղարշապատի ընտրությունների գործով ձայնագրություններ են հրապարակվել
