Երևան
12 °C
Եվրոպական խորհրդարանը «Ադրբեջանում իրավիճակի, մարդու իրավունքների ու միջազգային իրավունքի խախտումների եւ Հայաստանի հետ հարաբերությունների» վերաբերյալ բանաձեւն ընդունեց 453 կողմ, 31 դեմ, 89 ձեռնպահ ձայներով։
Բրյուսելում «Արմենպրես»-ի թղթակցի փոխանցմամբ՝ ընդունված բանաձեւով Եվրախորհրդարանի պատգամավորները խստորեն դատապարտում են Ադրբեջանի իշխանությունների բռնաճնշումներն ընդդիմության առաջնորդների, լրագրողների, ակտիվիստների դեմ՝ երկրի ներսում եւ արտերկրում։
Ընդգծելով, որ այս ճնշումները հատկապես ուժեղացել են COP 29-ին ընդառաջ՝ ԵԽ-ն կոչ է անում անհապաղ ազատ արձակել կամայականորեն բանտարկված ու կալանավորված բոլոր քաղբանտարկյալներին եւ դադարեցնել բոլոր տեսակի հետապնդումներն ու բռնաճնշումները Եվրոպական խորհրդարանի պատգամավորները լուրջ մտահոգություն են հայտնում երկրի ներսում ստեղծված վախի մթնոլորտի վերաբերյալ, որը միտված է քաղաքացիական հասարակությանը լռեցնելուն։
«Ադրբեջանի կողմից մարդու իրավունքների շարունակական խախտումները անհամատեղելի են COP 29-ի անցկացման հետ։ ԵՄ առաջնորդներին, մասնավորապես Եվրոպական հանձնաժողովի նախագահ Ուրսուլա ֆոն դեր Լեյենին կոչ է արվում COP 29-ը որպես հնարավորություն օգտագործել՝ հիշեցնելու Ադրբեջանին իր միջազգային պարտավորությունների մասին և բովանդակալից կերպով անդրադառնալու այդ երկրում մարդու իրավունքների վիճակին»,- նշված է բանաձեւում։
Եվրախորհրդարանը նաեւ կոչ է անում ԵՄ-ին և նրա անդամ պետություններին անել հնարավոր ամեն ինչ, որպեսզի ՄԱԿ-ի Կլիմայի փոփոխության կոնֆերանսները չհյուրընկալվեն այնպիսի երկրներում, որտեղ մարդու իրավունքների ցուցանիշները վատն են։ Ընդունված բանաձեւով Եվրոպական խորհրդարանի անդամները կոչ են անում ԵՄ-ին դադարեցնել ադրբեջանական գազից կախվածությունը, կասեցնել 2022 թվականի փոխըմբռնման հուշագիրը էներգետիկայի ոլորտում ռազմավարական գործընկերության վերաբերյալ եւ պնդում են, որպեսզի ԵՄ-ի և Ադրբեջանի միջև ապագա գործընկերության համաձայնագրի նախապայման լինի բոլոր քաղբանտարկյալների ազատ արձակումը, իրավական բարեփոխումների իրականացումը և երկրում մարդու իրավունքների վիճակի ընդհանուր բարելավումը։
Եվրախորհրդարանականները հատուկ ուշադրություն են հրավիրում այն հանգամանքի վրա, որ Ադրբեջանը պետք է պատրաստակամություն ցուցաբերի հավատարմորեն ներգրավվելու Հայաստանի հետ խաղաղության համաձայնագրի բանակցություններում և հարգելու Լեռնային Ղարաբաղի հայերի իրավունքները։ Եվրախորհրդարանը վերահաստատում է իր աջակցությունը և՛ Հայաստանի, և՛ Ադրբեջանի ինքնիշխանությանն ու տարածքային ամբողջականությանը։
Եվրախորհրդարանը վճռականորեն աջակցում է երկու երկրների հարաբերությունների կարգավորմանը տարածքային ամբողջականության և սահմանների անձեռնմխելիության փոխադարձ ճանաչման սկզբունքների վրա՝ համաձայն 1991թ. Ալմա-Աթայի հռչակագրի։ ԵԽ-ն վերահաստատում է իր պահանջը՝ ադրբեջանական զորքը պետք է դուրս գա Հայաստանի ամբողջ ինքնիշխան տարածքից եւ կոչ է անում Ադրբեջանին հարգել Հայաստանի տարածքային ամբողջականությունը։ Եվրոպական խորհրդարանն ընդունված բանաձևով շեշտում է՝ տարածաշրջանում հաղորդակցությունների ապաշրջափակմանը հաղորդակցությանը վերաբերող խնդիրները պետք է բացառապես լուծվեն՝ հարգելով Հայաստանի ինքնիշխանությունն ու տարածքային ամբողջականությունը։ ԵԽ պատգամավորները զգուշացնում են, որ Հայաստանի դեմ ցանկացած ռազմական գործողություն անընդունելի է և ունենալու է լուրջ հետեւանքներ ԵՄ-Ադրբեջան գործընկերության վրա։ «ԵՄ-ն պետք է պատրաստ լինի պատժամիջոցներ կիրառել ցանկացած ֆիզիկական անձի և կազմակերպության նկատմամբ, որոնք սպառնում են Հայաստանի ինքնիշխանությանը, անկախությանը և տարածքային ամբողջականությանը»,- ասված է բանաձեւում։
Բանաձեւը, ողջունելով Եվրոպական խաղաղության հիմնադրամից Հայաստանի զինված ուժերին հատկացված օգնությունը, կոչ է անում Հայաստան-ԵՄ համագործակցությունն էլ ավելի ամրապնդել անվտանգության և պաշտպանության ոլորտում, ինչպես նաեւ դատապարտում է Հայաստանին ուղղված ցանկացած ռազմական ագրեսիա, ուժի կիրառում կամ հիբրիդային սպառնալիք։ Ընդգծելով ԵՄ քաղաքացիական առաքելության կարեւորությունը Հայաստանում՝ եվրախորհրդարանականներն իրենց մտահոգությունն են արտահայտում Ադրբեջանից հնչող զրպարտիչ եւ քննադատական հայտարարությունների ու արշավների վերաբերյալ։ Այս համատեքստում ԵՄ-ին եւ անդամ երկրներին կոչ են անում մեծացնել եւ երկարացնել առաքելության մանդատը։ Բանաձեւը ողջունելով սահմանազատման գործընթացի շրջանակներում Հայաստանի եւ Ադրբեջանի միջեւ ձեռք բերված առաջընթացը՝ կոչ է անում ԵՄ-ին դադարեցնել ցանկացած տեխնիկական և ֆինանսական աջակցություն Ադրբեջանին, որը կարող է նպաստել նրա ռազմական կամ անվտանգության կարողությունների ամրապնդմանը, ինչպես նաեւ կոչ է անում անդամ պետություններին սառեցնել ռազմական և անվտանգության սարքավորումների բոլոր արտահանումներն Ադրբեջան։ Բանաձեւը Ադրբեջանի իշխանություններին կոչ է անում ազատ արձակել բոլոր 23 հայ ռազմագերիներին։ Եվրախորհրդարանականներն Ադրբեջանին կոչ են անում կատարել Արդարադատության միջազգային դատարանի որոշումները՝ ներառյալ Լեռնային Ղարաբաղի հայության անվտանգ, անարգել ու արագ վերադարձի վերաբերյալ որոշումը։
Առավել մանրամասն՝ սկզբնաղբյուրում:
Աղձք բնակավայրի հարակից հատվածում պայթեցման աշխատանքներ են իրականացվելու
Երևան-Մեղրի ճանապարհին մեքենաներ են բախվել. «Նիսսան»-ն ընկել է Արփա գետը, կա 6 տուժած (լուսանկարներ)
Կամավոր ատեստավորումը կիրականացվի էլեկտրոնային եղանակով. ԿԳՄՍՆ-ն ներկայացրել է դիմելու կարգը
Քննարկվել են Հայաստանում ֆրանկոֆոնիան զարգացնելու տարաբնույթ ծրագրերի իրականացման հնարավորությունները
Առուվաճառքի առոչինչ պայմանագրերով ընկերությունների տնօրենը 14 քաղաքացուց 521 հազար դոլարին համարժեք դրամ է հափշտակել
5 հատ iPhone 16 և 0% միջնորդավճար. Կոնվերս բանկը Visa քարտապանների համար նոր արշավ է մեկնարկել
Վրաստանի եվրոպական ուղի վերադառնալուց է կախված Հայաստանի լինել-չլինելը. Սաակաշվիլին կոչով դիմել է հայերին
Կլաուդիա Բուշը պատրաստակամություն է հայտնել աջակցել ՀՀ և Գերմանիայի ՍԴ-ների միջև իրավական երկխոսության ամրապնդմանը
Վասիլիս Մարագոսը վերահաստատել է ԵՄ աջակցությունը ՀՀ կառավարության «Խաղաղության խաչմերուկ» նախագծին
Մոսկվայի մետրոյի կայարաններից մեկում ուղևորը սպառնացել է սպանել մեքենավարին
Արևային վահանակներ տեղափոխող բեռնատարը կողաշրջվել է (լուսանկարներ)
Լուսացույցի աշխատանքի փոփոխություն կլինի Իսակովի պողոտա-Ամերիկյան փողոց խաչմերուկում
Հայտարարվել է տագնապի նարնջագույն մակարդակ. Թուրքիայում ուժեղացվել են անվտանգության միջոցառումները
ԲՐԻԿՍ-ի երկրների ղեկավարները որոշել են առայժմ նոր անդամներ չընդունել միավորման կազմում
Ինչ են քննարկել Կազանում Նիկոլ Փաշինյանն ու Իլհամ Ալիևը. մանրամասներ
Ադրբեջանական զորքը պետք է դուրս գա Հայաստանի ամբողջ ինքնիշխան տարածքից. ԵԽ-ն վերահաստատել է իր այս և այլ պահանջները
Կլինեն նոր ընտրություններ. ինչպես կլուծվի Գյումրու կառավարման հարցը
Ստեփանակերտում մնացած 70-ամյա հայ կին է մահացել․ մանրամասներ
Մենք առաջարկում ենք Ադրբեջանին արդեն ստորագրել համաձայնագիրը. Փաշինյանի ելույթը «ԲՐԻԿՍ+» գագաթնաժողովում
Խաչփարում հայտնաբերվել է արնաշաղախ տղամարդու մարմին, պարանոցի հատվածում եղել է խոհանոցային դանակ. ինչ է հայտնել նրա կինը
Դոլարն ու եվրոն էժանացել են. ինչ փոփոխություններ է արձանագրել տարադրամի շուկան հոկտեմբերի 24-ին
Աննա Հակոբյանն աշխատանքային առօրյայից տեսանյութ է հրապարակել
Կսահմանվի հայրերի տոն, իսկ 16 տարեկանների համար հասանելի կդառնան իրենց առողջական փաստաթղթերը. Բաթոյանը մանրամասնել է
Փաշինյանի և Ալիևի քննարկումը «պլյուս» է ԲՐԻԿՍ-ի համար. Պուտինի աչքից չի վրիպել առաջնորդների շփումը (տեսանյութ)
Պնդումները, թե Հայաստանի տարածքում որևէ 3-րդ երկիր ապահովելու է հաղորդակցությունների անվտանգություն, կեղծ են. վարչապետ
Կազանում առանց միջնորդի հանդիպել են Փաշինյանն ու Ալիևը (տեսանյութ)
Պուտինն անհարմար դրության մեջ է հայտնվել՝ 3 անգամ չկարողանալով ճիշտ արտաբերել Թուրքիայի նախագահի անունը (տեսանյութ)
Առաջարկվում է դիվանագետի յուրաքանչյուր աստիճանի համար սահմանել հավելավճարի նոր չափ՝ 80 տոկոս
Երևանը մարդիկ են, ովքեր տաղանդով և աշխատանքով ապրեցնում են քաղաքը. Ավինյանը «պատվավոր քաղաքացու» կոչումներ է շնորհել
Վարչապետը կարճատև զրույցներ է ունեցել արտերկրի գործընկերների հետ (լուսանկարներ)
Հայաստանի լեռնային մարզերում կրկին ձյուն կտեղա. Արարատյան դաշտում կգրանցվի -1-ից -5 աստիճան ցուրտ
Խոշոր ավտովթար Վանաձորում. 3 հոգի տեղափոխվել է հիվանդանոց
ՖԻՖԱ-ի դասակարգման նոր աղյուսակում Հայաստանի հավաքականը նահանջել է
Հովսեփ Առաքելյանն ընտրվել է Սիսիան համայնքի ղեկավար
Ծաղկաձորում վրաերթի ենթարկված 70-ամյա տղամարդը մահացել է
Արգիշտի Քյարամյանի և Հովիկ Աղազարյանի միջադեպին հստակ գնահատական կտրվի․ Պապոյան
ԲՐԻԿՍ-ի գագաթնաժողովում Ալիևն ու Փաշինյանը նստած են իրար կողքի՝ ըստ այբբենական կարգի (տեսանյութ)
Կադրային սղություն չկա, շուտով կընտրենք ՀՀ արդարադատության նախարար․ Պապոյան
Թուրքիան պիտի որ դրական վերաբերվի տարածաշրջանային կոմունիկացիաների ապաշրջափակմանը. Ռուբինյան
Զարգացման ֆինանսական կորպորացիայի փոխտնօրենը հարգանքի տուրք է մատուցել Հայոց ցեղասպանության զոհերի հիշատակին
