Թատերահամերգային կազմակերպությունների կառավարման ոլորտում առկա են տարիների ընթացքում կուտակված հարցեր. նախարար

31/01/2025 schedule11:50

ՀՀ կրթության, գիտության, մշակույթի և սպորտի նախարար Ժաննա Անդրեասյանը հանդիպել է նախարարության ենթակայությամբ գործող թատերահամերգային կազմակերպությունների ղեկավարների հետ: Այդ մասին հայտնում են ԿԳՄՍ նախարարությունից:

Հանդիպմանը ներկա են եղել նաև ԿԳՄՍ նախարարի տեղակալ Դանիել Դանիելյանը և ժամանակակից արվեստի վարչության պետ Սվետլանա Սահակյանը:

«Ողջունելով ներկաներին՝ ԿԳՄՍ նախարար Ժաննա Անդրեասյանը վստահություն է հայտնել, որ տարին արդյունավետ կլինի ստեղծագործական գործունեության համար: Նա առանձնակի կարևորել է համատեղ աշխատանքը՝ շեշտելով, որ նախարարությունը պատրաստակամ է աջակցել կազմակերպությունների կողմից իրականացվող նախագծերին:

Հանդիպման ընթացքում նախարարն անդրադարձել է թատերահամերգային կազմակերպությունների ֆինանսավորման նոր մոդելի կիրարկման մեխանիզմներին՝ նշելով, որ այն հընթացս լավարկվում է: Միևնույն ժամանակ, Ժաննա Անդրեասյանը ներկայացրել է ֆինանսավորման նոր մոդելին անցնելու չափորոշիչները, ինչպես նաև անդրադարձել նախարարության կողմից կազմակերպություններին ներկայացվող ոչ ֆինանսական ցուցանիշների հստակեցման և չափելիության խնդրին։

Նախարարը գոհունակությամբ նշել է, որ, ի թիվս Ա․ Սպենդիարյանի անվան օպերայի և բալետի ազգային ակադեմիական և Հովհաննես Թումանյանի անվան ազգային տիկնիկային թատրոնների, մշակութային հաստատություններից ֆինանսավորման նոր մոդելին է միացել նաև Երևանի պետական կամերային թատրոնը և հույս հայտնել, որ թատերահամերգային մյուս կազմակերպությունները ևս ժամանակի ընթացքում կանցնեն ֆինանսավորման նոր մոդելի գործարկմանը, որը մշակութային կազմակերպությունների գործունեությունը բարելավելու գործուն հնարավորություն է։

«Հնարավոր է, որ թատերահամերգային կազմակերպությունների կառավարման ոլորտում առկա են տարիների ընթացքում կուտակված հարցեր: Այս հարցերին պետք է անդրադառնանք համատեղ՝ գտնելով և գործարկելով առավել արդյունավետ մեխանիզմներ»,- ասել է նախարարը։

Ի թիվս մի շարք այլ հարցերի՝ հանդիպման ընթացքում նախարարն անդրադարձել է նաև մշակութային կրթության արդյունավետ կազմակերպմանը՝ կարևորելով «Արվեստի կառավարում» մասնագիտությամբ ուսանողների ներգրավումը կազմակերպությունների աշխատանքներում, որը կնպաստի նաև կրթական համակարգի գործունեության բարելավմանը։ Խոսվել է նաև կազմակերպությունների աշխատանքային գործունեության պլանավորման, դրամաշնորհային ծրագրերի քաղաքականության, դահլիճների վարձակալության, հյուրախաղային գործունեության և այլնի մասին։

«Մեծ ուշադրություն ենք դարձնում թատերահամերգային կազմակերպությունների ծրագրերի հանրայնացմանը, կրթամշակութային ծրագրերի իրականացմանը։ Մեզ համար առանձնակի կարևոր ուղղություն է մշակույթի ապակենտրոնացումը։ Կարևորում ենք, որ թատերահամերգային կազմակերպություններն առավել շատ հանդես գան մարզերում, իսկ մարզային մշակութային կազմակերպություններն էլ՝ մայրաքաղաքում»,- ամփոփելով հանդիպումը՝ նշել է Ժաննա Անդրեասյանը։

Թատերահամերգային կազմակերպությունների ղեկավարների հետ հանդիպմանը քննարկվել են նաև պետություն-մասնավոր համագործակցության ընդլայնմանը, միջազգային համագործակցության ակտիվացմանը, ինքնազբաղ արվեստագետների ներգրավմանը և ոլորտին վերաբերող մի շարք այլ առանցքային և ընթացիկ հարցեր»,- ասվում է հաղորդագրության մեջ:

«Հայկական Ժամանակ»-ը Telegram-ում
Տպել
742 դիտում

Իր կուսակցություններից ամաչող ընդդիմությունն է ասո՞ւմ, որ մենք Գյումրիում շանս չունենք Ալեքսանյան

Հայաստանի արտաքին քաղաքականությունն այս պահի դրությամբ չափազանց մրցունակ է. Վահագն Ալեքսանյան

ՔՊ նախաձեռնող խմբի նիստում քննարկվել է Իրական Հայաստանի գաղափարախոսության նախագիծը. տեսանյութ

Մահացել է շախմատի աշխարհի 10-րդ չեմպիոն Բորիս Սպասկին

ՀՀ-ում ԵՄ դիտորդական առաքելությունը Վազաշենի դպրոց կատարած այցից հետո գրառում է արել

Սաստիկ բուք է. Սիսիանի «Զանգեր» հատվածը կցորդով տրանսպորտային միջոցների համար փակ է

Էստոնիայի դեսպանի հետ քննարկվել են դիվերսիֆիկացման շրջանակներում արտահանման և ներմուծման հնարավորությունները

Գյումրիում իրականացվում է շների ստերջացման ծրագիրը. Սարիկ Մինասյանն այցելել է կլինիկա. տեսանյութ

Ֆրանսիայի դեսպանի հայտարարությունը՝ ցնցակաթվածի պատճառ. ինչ է ասել նա, որից ընդդիմադիրները «գրգռվել են»

Առաջարկում եմ սկսել լուսավորության դարաշրջանը հենց այսօր՝ 21-րդ դարում. Աննա Հակոբյանը տեսանյութ է հրապարակել

Բնության պահպանության՝ Վրաստանի փորձի փոխանակման անհրաժեշտությունը կա. ՇՄ նախարարը հանդիպել է դեսպանի հետ

Հունաստանը պատրաստակամ է աջակցել ՀՀ ԶՈւ բարեփոխումների իրագործմանը. ԳՇ պետը հանդիպել է Նիկոլաոս Դենդիասի հետ

Վենչուրային կապիտալը նպաստում տնտեսական կայուն աճին. փոխվարչապետը մասնակցել է Ֆորմուլա ՎիՍի 2-րդ ֆոնդի բացմանը

Մայր գումարը պետք է փոքր լինի 1 մլն դրամից. ինչպես մարել անհուսալի վարկը, ուր դիմել. մանրամասներ. տեսանյութ

Բուք է և մերկասառույց. որ ճանապարհներն են փակ

Մատվիենկոն Էրդողանին է փոխանցել Վլադիմիր Պուտինի բանավոր ուղերձը. տեսանյութ

Պանելային քննարկում հայ-թուրքական սահմանի տնտեսական նշանակության մասին. տեսանյութ

Տեղի է ունեցել «Կրթվելը նորաձև է» շարժման կենտրոնական կոմիտեի նիստը. ինչ է քննարկվել

Եթե Թուրքիայի հետ սահմանը փակ չլիներ, ՀՀ-ի տնտեսական հաջողությունները մեծ կլինեին. Պետրոսյան. տեսանյութ

Դատախազությունը կբողոքարկի «Չաղ Ռուստամի» ազատ արձակման որոշումը

Գյումրիում օտարերկրյա քաղաքացիները «Տելեգրամ»-ով խոշոր չափի թմրամիջոցներ են գնել և իրացրել. կան ձերբակալվածներ

Վահագն Խաչատուրյանը կմասնակցի Ուրուգվայի նորընտիր նախագահի երդմնակալության պաշտոնական արարողությանը

Տավուշից է սկսվելու սահմանազատումը՝ հյուսիսային անկյունից. Մհեր Գրիգորյան

Հրդեհ է բռնկվել ավտոտեխսպասարկման կետում. հայտարարվել է հրդեհի բարդության «1 ԲԻՍ» կանչ

Պաշտպանության ոլորտի համագործակցության հարցեր են քննարկվել. ԳՇ պետի գլխավորած պատվիրակությունը Հունաստանում է

Ստամբուլում ԱՄՆ-ՌԴ բանակցությունները 6 ժամ են տևել. դրանք ավարտվել են առանց մամուլի համար մեկնաբանությունների

Գյումրեցին արժանի է քաղաքական թեկնածուի. նայում ես՝ բիզնեսի ներկայացուցիչ են, թաղային հեղինակություն. Սարգսյան

Թիվ 31 ԸԸՀ-ն դեռ ոչ մի քաղաքական ուժից Գյումրիում արտահերթ ընտրություններին մասնակցելու փաստաթղթեր չի ստացել

Հրապարակումն ամբողջությամբ նայել եմ, պետք է խնդրեմ, որ Սարիկ Մինասյանի ասածը կոնտեքստից չկտրվի. Խուդաթյան

1988 թվականի Սումգայիթի ոճրագործությունների շարքը նախանշեց հայերի դեմ լայնածավալ ջարդերի սկիզբը. ԱԳՆ

Ապարանի թիվ 2 դպրոցի մարզադահլիճը հիմնանորոգվել և հագեցվել է գույքով. վարչապետը տեսանյութ է հրապարակել

Երբեք չենք եղել մենք. ուրեմն ի՞նչն է խանգարում սովորել անհագուրդ և փոխել իրականությունը. Աննա Հակոբյան

Լսումներից հետո անհետ կորածների ծնողներ կան, որ զավակների մասունքները վերցրել, հուղարկավորել են. Քոչարյան

Փարաքարի նախկին համայնքապետ Դավիթ Մինասյանի նկատմամբ քրեական հետապնդումը դադարեցվել է

0% միջնորդավճար SWIFT փոխանցումների համար. Կոնվերս Բանկի առաջարկը բիզնեսին

Նման մակարդակի պաշտոնյանների գերեվարումը սպառնալիք է երկրի համար, իրավունք չունեին գերեվարվելու. Քոչարյան

ՌԴ-ն Գյումրիում նոր գլխավոր հյուպատոս է նշանակել

Զելենսկին կժամանի Վաշինգտոն՝ «հազվագյուտ հողերի և այլ նյութերի» մշակման համաձայնագիր ստորագրելու համար. Թրամփ

Վարդանիկն ասում է՝ «էն հրեշ Անդոն», ես հրե՞շ եմ. Անդրանիկ Քոչարյան

«Եվրադաշինք»-ը Գյումրիի քաղաքապետի թեկնածու է առաջադրել Լևոն Բարսեղյանին