Ինչ արժե «էլիտար կայֆը»

28/04/2010 schedule15:30

Սույն հրապարակումը շատերի մոտ հարց էր առաջացրել` ի՞նչ են արժենում երկրի նախկին նախագահի սույն «էլիտար կայֆերը» եւ որքանով է դա մարդկային: Երեկ, երբ փորձեցինք Ռոբերտ Քոչարյանի գրասենյակի ղեկավար Վիկտոր Սողոմոնյանից ճշտել, թե ինչ արժեն այդ հաճույքները եւ որքան հաճախ է Սեդրակ Քոչարյանը Աֆրիկայում որսորդության գնում, պատասխան չստացանք: Նույն կայքում, ինչպես նաեւ մի քանի այլ կայքերում սաֆարիներ կազմակերպող ընկերությունների գնացուցակները թույլ են տալիս մոտավոր պատկերացում կազմել որսորդական տուրերի գների մասին: Ըստ վերոնշյալ կայքում տեղադրված գնացուցակի, տարբեր կենդանիների միայն կրակելու գները տատանվում են 200 դոլարից մինչեւ ավելի քան 1000 դոլար: Բայց միայն կրակելու համար: Ըստ համացանցից մեր հանած գնացուցակների, օրինակ, փղին սպանելն արժե 40 հազար ԱՄՆ դոլար, առյուծին` 25 հազար, ռնգեղջյուրին` 35 հազար դոլար: Եթե որսի ժամանակ անհրաժեշտ է լինում մսի խայծ, այն արժե 3.5 հազար դոլար: Կենդանուց մորթի հանելն առանձին գումար է կազմում, զենքի վարձակալությունը` առանձին: Ուղեկցորդի ծառայությունները մեկ օրվա համար կազմում է 150-200 դոլար: Եթե սրան գումարենք նաեւ թարգմանչի ծառայությունը, հյուրանոցի ծախսը, ապահովագրությունը եւ բազմաթիվ այլ ծախսեր, ապա ստացվելու է խիստ պատկառելի գումար: Մի խոսքով, նման «էլիտար կայֆերը» բավական թանկ հաճույք են: Իհարկե, եթե հաշվի առնենք այն, որ Սեդրակ Քոչարյանը ռեստորաններում 1000 դոլարանոց շամպայն է խմում, ինչի մասին ժամանակին հայտնում էին ռուսական հեռուստաընկերությունները, եթե հաշվի առնենք այն, որ, ըստ նույն ռուսական լրատվամիջոցներում տպագրված նյութերի, Սեդրակ Քոչարյանի հոր` Ռոբերտ Քոչարյանի կարողությունը հասնում է 4 միլիարդ դոլարի, ապա Սեդրակ Քոչարյանի համար որսորդական տուրն այնքան էլ թանկ հաճույք չէ: Համենայնդեպս, տարբեր կայքերից երեկվա մեր գտած թվերի մոտավոր հանրագումարը ցույց է տալիս, որ ամենահամեստ աֆրիկյան որսը արժե մի քանի տասնյակ հազար դոլար, այսինքն, Երեւանի կենտրոնում մի բնակարանի գին: Հաշվի առնելով Սեդրակ Քոչարյանի կալիբրը, սակայն, ու բիզնեսների մասշտաբը, նա դժվար թե «համեստ որսի» գնար: Երեկ մեզ հետ ունեցած զրույցի ժամանակ հայտնի բնապահպան Կարինե Դանիելյանը Ռոբերտ Քոչարյանի ավագ որդու որսորդական այս հակումների կապակցությամբ ասաց. «Այդ բիզնեսի ձեւը ինձ համար բացարձակ ընդունելի չէ` այդ սաֆարի ստեղծելը եւ այնտեղ որս կազմակերպելը: Եւ կարծում եմ, որ 21-րդ դարում դա ուղղակի նախնադարյան մարդու պահվածք է, եւ սկզբունքորեն ինձ համար ընդունելի չէ առհասարակ որսորդությունը, հատկապես այդ կենդանիների որսորդությունը: Ինձ համար ընդունելի է որսորդությունը միայն այն դեպքում, երբ էկոհամակարգում ակնհայտ ինչ-որ շեղում է եղել կենդանու ինչ-որ մի տեսակ այնքան է բազմացել, որ վնաս է տալիս էկոհամակարգին, այդ դեպքում ես որսորդությունը ընդունում եմ: Մնացած բոլոր տարբերակներում, առավել եւս կենդանիների, որոնք անհետացման ճանապարհին են, էնդեմիկ են եւ վտանգված են, դա ուղղակի նախնադարյան մարդու գործելակերպ է, որը 21-րդ դարում պետք է արգելվի առհասարակ»: Երբ տիկին Դանիելյանին խնդրեցինք սույն երեւույթը գնահատել քաղաքական տեսանկյունից, նա ասաց. «Հիմա ՄԱԿ-ը հերթով մշակում է տարբեր հռչակագրեր, որտեղ բնապահպանությանը բարոյականության տեսանկյունից է նայում, էթիկական կոդեքսներ է մշակում եւ այլն եւ միշտ խրախուսվում է, որ հայտնի մարդիկ հատկապես, հայտնի երգիչներ, հայտնի քաղաքական գործիչներ, հայտնի սպորտսմեններ, գիտնականներ, որ իրենք իրենց առօրյա կյանքով, իրենց ապրելակերպով օրինակ ծառայեն, դրական օրինակ եւ ոչ թե բացասական»: Քոչարյանի որդու հակումների կապակցությամբ երեկ փորձեցինք նաեւ պատգամավորների գնահատականը ստանալ: ԱԺ դաշնակցություն խմբակցության պատգամավոր Արծվիկ Մինասյանն ասաց. «Բնապահպանական առումով, բնականաբար, վայրի կենդանիների պաշտպանության շրջանակներում ցանկացած վարքագիծ, որը կբերի վայրի կենդանու ոչնչացման, եթե դա մարդկանց անվտանգության շրջանակներում չի կատարվում, միշտ էլ ցանկալի չէ եւ դատապարտելի է: Քաղաքական առումով` դժվարանում եմ ասել: Համենայնդեպս, յուրաքանչյուր մարդ ինքն է իր վարքագծի պատասխանատուն»: Մեր այն հարցին` նորմա՞լ է, երբ երկրի նախկին ղեկավարի որդին հազարավոր դոլարներ է ծախսում կենդանիներ սպանելու համար, Արծվիկ Մինասյանը պատասխանեց. «Այդ բնական բառը այս դեպքում խիստ փիլիսոփայական մոտեցում է: Շատ բարդ է ասել: Ես, համենայնդեպս, ինձ թույլ չէի տա»: ԱԺ փոխնախագահ Սամվել Նիկոյանը, ով մեր հարցերին չպատասխանելու նոր ձեւ է վերջերս գտել, ասաց. «Ես կծանոթանամ, կպատասխանեմ: Ցտեսություն» եւ անջատեց հեռախոսը: Մեկ այլ հանրապետական պատգամավոր էլ` Մկրտիչ Մինասյանը, նախ, պնդում էր, թե չի տեսել, հետո էլ ասաց. «Մարդ է, երիտասարդ է, այդտեղ չկա մի բան, որ...»: «Ամեն տեսակ մոնտաժ որեւէ սայթ կարող է տեղադրել, հետո ես պետք է գնահատական տա՞մ, ինչ է»,- սրտնեղած հավելեց հանրապետական պատգամավորը: Հայ ազգային կոնգրեսի համակարգող Լեւոն Զուրաբյանն այս կապակցությամբ երեկ ասաց. «Ավելի փոքրոգի ինքնահաստատման ձեւ, քան անպաշտպան կենդանիներին օպտիկական նշանառությամբ զենքով սպանելը, դժվար է պատկերացնել: Եւ այդ սադիստական հաճույքների վրա ծախսվում է Հայաստանում թալանած կապիտալը»:

Տպել
1191 դիտում

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին