Երևան
16 °C
Ում եւ ինչի համար է փոխվում ԼՂՀ Սահմանադրությունը, ուր է գալու ԼՂՀ նախագահ Բակո Սահակյանը պաշտոնավարման ժամկետի ավարտից հետո՝ արդյոք ճի՞շտ են տեղեկությունները, որ ՀՀ-ում բարձր պաշտոն է ստանալու: Մեր այս հարցերին պատասխանել է Արցախի իշխող՝ «Ազատ հայրենիք» կուսակցության փոխնախագահ, ԼՂՀ Ազգային ժողովի ամենամեծ խմբակցության ղեկավար Արթուր Թովմասյանը:
- Պարոն Թովմասյան, տեղի քաղաքական ուժերի հետ քննարկումները սահմանադրական փոփոխությունների շուրջ, փաստորեն, սկսված են: Արդեն որոշակի դիրքորոշումներ հայտնի՞ են:
- Մի քանի օր առաջ խորհրդարանական ուժերի հետ քննարկումները սկսվել են: Մասնակցում էին բոլոր խմբակցությունների ղեկավարները, ԱԺ նախագահը, վարչապետը եւ ԱԺ փոխնախագահը: Ես այն տպավորությունն եմ ստացել, որ Ազգային ժողովում ընդգրկված քաղաքական 5 ուժերից 4-ը համաձայն են սահմանադրական բարեփոխումներին:
- Ո՞ր ուժն է դեմ, «Ազգային վերածնո՞ւնդը»:
- Այո: Բայց կողմերի թիվը, իմ կարծիքով, ավելի ծանրակշիռ է:
- ԱՎ նախագահ Հայկ Խանումյանն ասում էր, որ դեմ է, երբ անձերի համար է արվում փոփոխությունը, ինչպես ՀՀ-ում դա եղավ: Ո՞ւմ համար եք փոխում ԼՂՀ Սահմանադրությունը, վարչապետ Արա Հարությունյանի՞:
- 2006 թ., երբ առաջին անգամ պետք է ընդունվեր ԼՂՀ Սահմանադրությունը, խոսում էին, որ ԼՂՀ 2-րդ նախագահ Արկադի Ղուկասյանը դա անում է իր համար, որ նորից առաջադրվի, բայց այդպես չեղավ: Հետո այդ մարդիկ ներողություն խնդրեցի՞ն: Նույնը՝ հիմա: Այդպես չէ:
- Ինքը նաեւ չի բացառում, որ այդ փոփոխություններն իրականում արվում են ԼՂՀ նախագահ Բակո Սահակյանի վերարտադրության համար: Բայց այստեղ էլ խոսակցություններ կան, որ 2017թ., երբ ավարտվի Բակո Սահակյանի պաշտոնավարման ժամկետը, նա տեղափոխվելու է ՀՀ եւ այստեղ բարձր պաշտոն է ստանձնելու:
- Այդ հարցը, իմ կարծիքով, պետք է ուղղել ԼՂՀ նախագահին, բայց համոզված եղեք, որ անձի համար չի փոխվում: Ի՞նչ տարբերություն, մենք հիմա ունենք չէ՞ հնարավորություն, որ նույն նախագահական համակարգի մնալու դեպքում անենք այնպես, ինչպես ՌԴ-ում, երբ Պուտինի նախագահական 2-րդ ժամկետն ավարտվեց, Մեդվեդեւը դարձավ նախագահ, Պուտինը՝ վարչապետ, իսկ 5 տարի անց Պուտինը կրկին նախագահ դարձավ: «Ազատ հայրենիքը» 2015-ի մայիսի 3-ի ԱԺ ընտրություններում հավաքել է 47.5 տոկոս ձայն, եւ սա լուրջ հայտ է առաջիկա նախագահական ընտրություններում ընտրվելու եւ Բակո Սահակյանին էլ վարչապետ նշանակելու, հետո նորից 5 տարի անց նախագահ ընտրելու, ինչպես ՌԴ-ում: Բայց այդպիսի բան չկա:
- Իսկ Արցախում որտե՞ղ են տեսնում Բակո Սահակյանին նրա պաշտոնավարման ժամկետը լրանալուց հետո:
- Իմ կարծիքով, Բակո Սահակյանի գլխավորությամբ եւ նրա անմիջական մասնակցությամբ Արցախում ավելի շատ գործեր են կատարվել, եւ նա Արցախի հերոս է:
- Բայց հիմա իրեն թոշակի՞ եք ուղարկելու:
- Դա ինքը կորոշի: Համենայնդեպս, այսօր Բակո Սահակյանը Արցախի ժողովրդի առաջնորդն է: Եվ անբարոյական եմ համարում, որ մինչեւ նրա լիազորությունների ավարտը ինչ-որ բաներ են քննարկում, թե ուզում է գալ Հայաստան, սահմանադրական փոփոխությունները նրա համար են արվում... ԼՂՀ նախագահը ոչ մի կապ չունի այս բարեփոխումների հետ: Սա «Ազատ հայրենիք» կուսակցության նախաձեռնությունն է, եթե հիշում եք, կուսակցության նախագահ Արայիկ Հարությունյանն ու ես հայտարարել ենք, որ գնալու ենք սահմանադրական բարեփոխումների:
- Գեներալ Վիտալի Բալասանյանի «Շարժում 88» կուսակցությունն է՞լ է կողմ այս փոփոխություններին:
- Քննարկումների ժամանակ իրենց խմբակցության ղեկավար Էդուարդ Աղաբեկյանն ասաց, որ արդեն 9 տարուց ավելի է, գործում է Սահմանադրությունը եւ այնտեղ շտկելու շատ բաներ կան: Դրա համար եմ ասում՝ 4 ուժեր համաձայն են այս բարեփոխումներին:
- Այսինքն, մեծ դիմադրություն բացառվո՞ւմ է:
- Կարող է իշխանության կողքին մարդ լինի կանգնած, ասի՝ գործող Սահմանադրությունը շատ էլ լավն է, ժողովուրդը պիտի որոշի: Չի կարելի սահմանադրական բարեփոխումները քաղաքականացնել, դա անթույլատրելի է մեզ նման չճանաչված պետությունում, երբ այսպիսի լարվածություն է, երբ բանակցային գործընթացը գրեթե տեղափոխվել է փակուղի:
- Արտախորհրդարանական ուժերի հետ քննարկումներ լինելո՞ւ են:
- Իհարկե, ավելին, քննարկումների ժամանակ վարչապետն ասաց, որ ովքեր դեմ են բարեփոխումներին, բայց բան ունեն ասելու, կարող են անգամ ընդգրկվել մասնագիտական հանձնաժողովում: Մնացածը կգրվի, գլուխ-գլուխ կքննարկենք:
- Ի՞նչ փոփոխություններն են լինելու, ինչպես ՀՀ-ո՞ւմ՝ 100 տոկոս համամասնական ընտրակարգ, խորհրդարանական կառավարում եւ այլն:
- Մեր սահմանադրական բարեփոխումների մեջ հաշվի են առնվելու Արցախի առանձնահատկությունները եւ այդ առումով տարբերվելու է ՀՀ Սահմանադրությունից: Առայժմ այսքանը, նախագիծը պատրաստ կլինի, դուք կհամեմատեք:
- Ե՞րբ եք նախատեսում անցկացնել հանրաքվեն:
- Մենք 2 շաբաթ թայմ աութ ենք վերցրել, որպեսզի ԱԺ-ում ընդգրկված քաղաքական ուժերը ներկայացնեն, թե ինչ փոփոխություններ են ուզում տեսնել, հետո հանձնաժողովն աշխատի, ինձ թվում է, մինչեւ այս տարվա վերջ կլինի: Բազմաթիվ պատգամավորներ կողմնակից են, որ 2016 թվականի դեկտեմբերի 10-ին լինի հանրաքվեն:
- Մասնագիտական հանձնաժողովի շրջանակը հայտնի՞ է, ովքե՞ր են մշակելու նախագիծը, թե՞ կարող է ՀՀ-ից կանչեք:
- Եթե ՀՀ-ում Վենետիկի հանձնաժողովն է խորհուրդներ տվել, իհարկե, Արցախում սահմանադրագետները շատ չեն, նաեւ դրսից կհրավիրենք: ՀՀ լավագույն մասնագետները պետք է, իմ կարծիքով, ընդգրկված լինեն այդ հանձնաժողովում:
- Վենետիկի հանձնաժողովի հետ համագործակցությունը ինչպե՞ս եք պատկերացնում` հաշվի առնելով Արցախի չճանաչված լինելու հանգամանքը:
- Մեր չճանաչվածությունը խանգարում է:
- Այդ դեպքում, ինչպե՞ս է լուծվելու այդ հարցը:
- Հրավիրելու ենք ՀՀ լավագույն մասնագետներին, որոնք աշխատել են Վենետիկի հանձնաժողովի հետ եւ մեծ փորձ ունեն: Իրենց պրոֆեսիոնալ կարողությունները կօգտագործենք, որ լավ Սահմանադրություն ունենանք:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ