Ալավերդու աղմկոտ սպանությունը կապված է քաղաքապետի ընտրությունների հետ. սպանվածի քույր

27/05/2016 schedule22:30

Մայիսի 19-ի լուսադեմին Լոռու մարզի Ալավերդի քաղաքի աղմկահարույց սպանությունը կապված է քաղաքապետի ընտրությունների հետ:

Այս մասին երեկ մեր զրույցում հայտարարեց այդ օրը սպանված 41-ամյա Վարդան Ավագյանի քույրը՝ Աստղիկ Ավագյանը:

Մայիսի 19-ի լույս 20-ի գիշերը՝ ժամը 03:00-ի սահմաններում, Ալավերդի քաղաքում կրակոցներ էին հնչել, որի հետեւանքով սպանվել էր 41-ամյա Վարդան Ավագյանը, իսկ 34-ամյա Էդուարդ Պողոսյանին տեղափոխել էին հիվանդանոց: Վերջինս մայիսի 21-ին մահացել է: Դեպքը տեղի է ունեցել Փիրուզյանի տան մերձակայքում՝ Ալավերդի քաղաքի Զ. Անդրանիկի 22-րդ շենքի բակում:

Սույն գործով որպես մեղադրյալ է ներգրավվել Վարդան Փիրուզյանը՝ ՀՀ քրեական օրենսգրքի 104-րդ հոդվածի 2-րդ մասի 1-ին կետով (երկու կամ ավելի անձանց սպանություն) եւ 235-րդ հոդվածի 1-ին մասով (ապօրինի զենք պահելը, կամ փոխադրելը): Դատարանի որոշմամբ նրա նկատմամբ հայտարարվել է հետախուզում:

Երեկ մեր զրուցում Աստղիկ Ավագյանը պատմեց, որ դեպքի օրը եղբայրը երկու քույրերին եւ մտերիմ ընկերոջը՝ Էդուարդ Պողոսյանին, ճանապարհելիս է եղել, այդ ժամանակ էլ կրակոցներ են հնչել:

«Վարդանին ու Էդուարդին կրակել են հետեւից, նրանք փորձել են փախչել ու քանի որ Վարդան Փիրուզյանի ու մեր բակը իրար մոտ են, հայտնվել են այդտեղ: Հարձակվողները 5-6 հոգի են եղել, եղբայրս կրակոցների հետեւանքով երկու հրազենային վիրավորում է ստացել, մեկը դիպել է հենց սրտին, տեղում մահացել է, բայց էլի են կրակել, ընկել էր գազանների ձեռքը»,- ասաց քույրը: Անդրադառնալով այն տեղեկություններին, որ հարձակվողի դերում եղել են եղբայրն ու Էդուարդը, իսկ Վարդան Փիրուզյանն ընդամենը պաշտպանվել է, Աստղիկ Ավագյանը արձագանքեց, որ եղբոր եւ նրա ընկերոջ մոտ զենք չի եղել. «Իրենք պատրաստ չեն եղել նման բանի, եթե կրակոցները հետեւից են եղել, դիմացից չի եղել, ինչպե՞ս կարող է ինքնապաշտպանություն լիներ: Մի մարդ եթե սպանությունից հետո գիշերն արդեն փաստաբան ունի, դա ի՞նչ է նշանակում, ո՞նց կարող է անմեղ մարդը պաշտպան ունենա ու երկրից փախած լինի: Ո՞նց անցավ մաքսակետը: Սա լրիվ պլանավորած գործ էր»,- նշեց նա: Վերջինս հայտարարեց, որ սույն սպանությունը կապված է 2015 թվականի հունիսին Ալավերդիում տեղի ունեցած քաղաքապետի ընտրությունների հետ:  «Սա լրիվ քաղաքականություն է, ընտրություններից հետո ո՞վ չի ընտրվել քաղաքապետ: Ընտրություններից հետո՝ հոկտեմբերին էլի դեպք եղավ, կրակոցներ արձակեցին այն ավտոմեքենայի ուղղությամբ, որի մեջ եղել էր նաեւ եղբայրս: Բոլորը գիտեն, թե էս ամեն ինչի հետեւում ով է կանգնած. ես հիմա հայտարարում եմ՝ նա Արթուր Աբգարյանն է (ինքնառաջադրված թեկնածու), որը ուզում էր Ալավերդի քաղաքն իրենը դառնա: Պարտվեց, չհանգստացան ու որոշեցին, որ սենց պիտի լինի, չգիտեին, որ մեքենան զրահապատ է եղել»,- մանրամասնեց Աստղիկ Ավագյանը:

Նշենք, որ հետախուզման մեջ գտնվող Վարդան Փիրուզյանը քաղաքապետի ընտրություններում սատարել է ինքնառաջադրված թեկնածու Արթուր Աբգարյանին: Բազմիցս հրապարակումներ եղան, որ քաղաքապետի ընտրություններն անցնում են լարված մթնոլորտում: Ինքնառաջադրված թեկնածուն պարբերաբար ճնշումների ու սպառնալիքների մասին էր ահազանգում: Իսկ սպանված Վարդան Ավագյանն էլ արդեն գործող քաղաքապետ Կարեն Փարեմուզյանի թիմից էր: Ինչը երեկ մեր զրույցում չհերքեց սպանվածի քույրը. «էս քաղաքականության արդյունքում իմ եղբայրը տուժեց: Սա ինչ  է նշանակում, եթե չեն ընտրվել, ուրեմն պիտի մա՞րդ սպանեն: Երկու հզոր տղաների են սպանել: Նա (նկատի ունի Վարդան Փիրուզյանին,-հեղ) ցմահ ա գնալու, ինքնապաշտպանության տակ չի անցնելու: Իմ եղբայրը ոչ ճանաչել է էդ Փիրուզյանին, ոչ էլ լսել էր նրա մասին: Ափսոս՝ տարածքում տեսախցիկներ չկան: Էդուարդին կրակել են շատ մոտիկից, թեւի մոտից տվել անցել է, թոքը ծակել է, սրանք պատասխան են տալու: Ինչի՞ մինչեւ հիմա ձերբակալված մարդիկ չկան, ինչի չեն հարցաքննում, մենք շատ ապացույցներ ունենք....: Էս գործը սենց չի մնա, սարի պես տղաների հետ նման ձեւ չեն վարվում: Չարացած վրեժ են լուծել»,- հուզված ասաց սպանվածի քույրը: Ի պատասխան մեր հարցին՝ ասաց, որ եղբայրն ամուսնացած էր, դուստրը 16 տարեկան է, որդին՝ 12:

Մյուս սպանվածը՝ 34-ամյա Էդուարդ Պողոսյանը Առինջից էր: Տեղեկացանք, որ հետախուզման մեջ գտնվող Վարդան Փիրուզյանի շահերը պաշտպանում է Լուսինե Սահակյանը: Նա մեր հարցին ի պատասխան ասաց, որ իր պաշտպանյալը որեւէ հանցագործություն չի կատարել,  նշելով, որ այլ մանրամասներ այս պահին չի կարող ներկայացնել՝ նկատի ունենալով, որ իր պաշտպանյալը դեռ հնարավորություն չի ունեցել ցուցմունք տալու. «Ես իրավունք չունեմ նրա փոխանցած տվյալները այս պահին հրապարակել: Համենայնդեպս քրեական գործում կան ապացույցներ, որոնք խոսում են այն մասին, որ Վարդան Փիրուզյանը գործել է օրենքի սահմաններում եւ որեւէ հանցագործություն չի կատարել»,- ասաց Սահակյանը: Նա նույնպես նշեց, որ այս սպանությունը կապված է Ալավերդու քաղաքապետի ընտրությունների հետ. «Իրականում այս ամենը կապված է քաղաքապետի ընտրությունների հետ, որից հետո սկսվել են հետապնդումներ  այն անձանց նկատմամբ, ովքեր փորձել են ընտրություններում պաշտպանել Արթուր Աբգարյանի շահերը: Այդ հետապնդումների ընթացքում անձանց նկատմամբ բռնություններ են գործադրվել, եւ փոխանակ պատասխանատվության ենթարկվեն այն անձինք, ովքեր նման գործողություններ են կատարել, հակառակը՝ մեղադրանք է առաջադրվել այն անձին, ով փորձել է պաշտպանվել: Դրա համար այս ամենը շարունակվել է եւ կարծում եմ, կշարունակվի այնքան, քանի դեռ իրական մեղավորները պատասխանատվության չեն ենթարկվել»,- եզրափակեց Փիրուզյանի պաշտպանը:

Նշենք, որ 2015 թվականի հունիսի 7-ին Ալավերդիում կայացան քաղաքապետի ընտրություններ։ Քաղաքապետի աթոռի համար պայքարում էին երկու անկուսակցականներ՝ Լոռիում հայտնի «Լալվար» քարի արտադրամասի տնօրեն Արթուր Աբգարյանը եւ Սանահինի մեքենայացված գծային ուղեմասի պետ, անկուսակցական, բայց իշխող Հանրապետականի կողմից առաջադրված Կարեն Փարեմուզյանը։ Ընտրություններից շուրջ հինգ ամիս անց՝ 2015 թվականի հոկտեմբերի 11-ին Ախթալայի կամրջի վրա ավտոմատից  կրակահերթ արձակվեց 36-ամյա Վահագն Աբգարյանի զրահապատ ավտոմեքենայի ուղղությամբ: Վահագն Աբգարյանն, ըստ որոշ տեղեկությունների՝ գործող քաղաքապետի թիմից է, նրա ավտոմեքենայի մեջ եղել են չորս ընկերը, այդ թվում՝ սպանված Վարդան Ավագյանը:

Լուսանկարում՝ ձախից քաղաքապետի պարտված թեկնածու՝ Արթուր Աբգարյան, աջից՝ հետախուզման մեջ գտնվող Վարդան Փիրուզյանը

Տպել
7021 դիտում

Չափագիտության ազգային ինստիտուտի նախկին պաշտոնյաները վերականգնել են պետությանը պատճառված 51 մլն դրամ վնասը

Երևան-Թբիլիսի-Երևան գնացքներից մեկի պետը պարբերաբար ՀՀ է տեղափոխել մաքսային հսկողությունից թաքցված դեղորայք (տեսանյութ)

Ազնավուրը փառքի և համաշխարհային հարգանքի վայելքների մեջ տառապում էր Հայաստանի ցավերով, ցնծում ձեռքբերումներով. Փաշինյան

Իրանում զոհված նախագահի և մյուսների հրաժեշտի արարողությունն է, մասնակցում են տասնյակ հազարավոր մարդիկ (լուսանկարներ)

Պատմությունը ցույց է տվել, որ մենք դժվարին պահերին միշտ իրար կողք են եղել. ՀՀ-ում Իրանի փոխդեսպան

Նիկոլ Փաշինյանը ժամանել է Իրան (լուսանկարներ, տեսանյութ)

Ադրբեջանի վարչապետի պատվիրակությունը ուղևորվել է Իրան

Սիմոնյանն այցելել է Հայաստանում Իրանի դեսպանատուն և ցավակցական գրառում կատարել սգո մատյանում

Տան նախկին աշխատակիցը տանտերերի դպրոցահասակ աղջկան թմրամիջոց է առաջարկել. 58-ամյա տղամարդը կալանավորվել է

«Նախատեսվում էր Իրանի նախագահի այցը Հայաստան». ԱԺ նախագահ

Սիմոնյանն արձագանքել է եկեղեցու հարկման վերաբերյալ քննարկումներին՝ ներկայացնելով օրենսգրքից հատված

Կրակոցներ Կոտայքի մարզում. ոչ սթափ տղամարդը վնասազերծվել, ձերբակալվել է

Թող ինքնագովություն չթվա՝ ես ինձ դուր եմ գալիս. Շառլ Ազնավուրը կտոներ ծննդյան 100-ամյակը

Կինը Դատաբժշկական գիտագործական կենտրոնի աշխատակիցներին մեղադրում է իր մահացած որդու մատանին գողանալու համար

Կապանում այրվել է Գևորգ Փարսյանին սպասարկող ավտոմեքենան․ կասկածներ կան հրկիզման վերաբերյալ

Վարչապետն աշխատանքային այցով մեկնել է Իրանի Իսլամական Հանրապետություն

Մառախուղ չի եղել, բարենպաստ եղանակ էր. Իրանի նախագահի աշխատակազմը նոր մանրամասներ է հայտնել ուղղաթիռի կործանումից

Աբդոլլահիանին կհուղարկավորեն մայիսի 23-ին, վերջին հրաժեշտը կլինի Իրանի ԱԳ նախարարության մոտից

Մեքենան դուրս է եկել երթևեկելի հատվածից և հայտնվել անտառում․ կա տուժած

Փարաքար համայնքի ղեկավարը հրաժարական է ներկայացրել

Տեղի է ունեցել «Քաղաքացիական պայմանագիր» կուսակցության վարչության նիստ․ այն վարել է Նիկոլ Փաշինյանը

Դուբայ-Մումբայ ինքնաթիռը բախվել է ֆլամինգոների երամին․ թռչունները սատկել են, հետադարձ չվերթը չեղարկվել է

Քասաղի կիրճում արշավախմբի անդամներից մեկի ինքնազգացողությունը վատացել է

Երևանի հեղեղատար և անձրևընդունիչ ցանցի պատասխանատուն «Վեոլիա ջուր»-ն է․ հաշվառվում են հեղեղատարներ չունեցող փողոցները

Իրանի նախագահ Էբրահիմ Ռաիսիի և մյուս զոհերի մարմինները տեղափոխվել են Թեհրան (տեսանյութ)

Եկեղեցին Բագրատի սեփականությո՞ւնն է, այս գործողություններով կրակում են իրենց ոտքին. Դավիթ Ստեփանյան

Լեհաստանի իշխանությունները չեն ծրագրում ականապատել արևելյան սահմանը. Տուսկ

ԱՄՆ-ը հետաքրքրված է Հայաստանի հետ գործակցության ընդլայնմամբ․ ԱՆ-ում ընդունել են Բրենդոն Յոդերի գլխավորած պատվիրակությանը

Ինչու է Զելենսկին զանգել Ալիևին․ ինչ հարցեր են քննարկվել

Համաշխարհային բանկը աղետների ռիսկի կառավարման ոլորտում կաջակցի ՆԳ նախարարությանը

Ազգային ժողովը պետք է նաև քննարկի ավագանու անդամներին աշխատավարձ տալու հնարավորությունը. Գալջյան

Քարերով հարվածել, կոտրել են «Ռոյալ մյուզիք հոլ»-ի ապակիները

Քաղաքական խորհրդակցություններ են կայացել Հայաստանի և Սլովենիայի արտաքին քաղաքական գերատեսչությունների միջև

ՄԻՊ նախաձեռնությամբ ՀՀ-ում ապրող ասորիների իրավունքների պաշտպանությանն ու խթանմանն առնչվող հարցեր են քննարկվել

Անկախացումից ի վեր ՀՀ-ի և ՄԱԿ-ի համագործակցությունը եղել է բազմաշերտ և արդյունավետ․ նախագահը՝ Ֆղանսուազ Ժակոբին

Բայրամովը հեռախոսազրույց է ունեցել Իրանի արտգործնախարարի պաշտոնակատարի հետ

Վազգեն Գալստանյանի հավաքը Սուրբ Աննա եկեղեցու բակում

Բարձր բնապահպանական նշաձողերի սահմանումը առաջնահերթություն է․ «Սևան» ազգային պարկի տնօրենին է հանձնվել կառավարման պլանը

Կա կամք երկու երկրների միջև համատեղ կառուցել իրավական կայուն համագործակցություն․ Բրենդոն Յոդերը՝ Աննա Վարդապետյանին

Շվեյցարական բանկում Գարեգին Երկրորդի անունով 1 մլն 100 հազար դոլար է եղել. գումարը ավելացե՞լ է, թե՞ ոչ