Ո՞ր կուսակցության հետ է համագործակցելու Վիկտոր Դալլաքյանը

Այսօրվա ներքաղաքական ամենաինտրիգային թեմաներից մեկը, թերեւս, Վիկտոր Դալլաքյանի երկրորդ հայտնությունն է եւ նորից ակտիվ քաղաքականություն վերադառնալու հայտը:

Քաղաքականության մեջ լինելով հին խաղացող՝  նա կարողացավ խորհրդավորություն հաղորդել իր այդ քայլին՝ չմանրամասնելով, թե ի վերջո ինչ է նախաձեռնում՝ կուսակցությո՞ւն է ստեղծում, թե՞ ինչ-որ այլ միավոր: Եվ ինչպես կասեր նրա հին գործընկերներից Ստեփան Դեմիրճյանը, ումով եւ ինչով է նա դա անում: Ի դեպ, Դալլաքյանի նախաձեռնությունների մասին տեղեկացված չեն նաեւ հիմնական ներքաղաքական ուժերը՝ գոնե խորհրդարանական կուսակցությունների ներկայացուցիչները: Եվ այսօր նրա շուրջ շրջանառվող ամեն ինչ ենթադրությունների մակարդակում է: Ինքը՝ Դալլաքյանը, պահելով ինտրիգը, նախորդ ասուլիսի ժամանակ հայտարարեց, որ հաջորդ հանդիպումը կհրավիրի մինչեւ նոյեմբեր՝ այսինքն հաջորդ շաբաթ եւ իր նախաձեռնության մասին է՛լ ավելի կարեւոր տեղեկություններ կհայտնի:

Հետաքրքիր զուգադիպությամբ նոյեմբերին իր՝ քաղաքականություն մտնել-չմտնելու մասին հայտարարություն կանի նաեւ Ռուսաստանի հայերի միության նախագահ Արա Աբրահամյանը: Համենայնդեպս, անցած շաբաթ Երեւանում կազմակերպած ֆորումի ժամանակ լրագրողների հետ զրույցում նա այդպես է հայտարարել: Վերջինս անցած տարի քաղաքականություն մտնելու մի քանի փորձ արեց, ինչը կանխեցին իշխանությունները: Հասկանալի է, որ այդ միտքը նրա գլխից դեռ դուրս չի եկել: Հնարավո՞ր է արդյոք, որ Վ. Դալլաքյանի եւ Ա. Աբրահամյանի միջեւ քաղաքական պայմանավորվածություն կա: Հատկապես որ շրջանառվող տեղեկությունների համաձայն՝ Դալլաքյանի ֆինանսական աջակցությունը Ռուսաստանից է: Դալլաքյանը, շարունակում է խուսափել հարցազրույցներ տալուց եւ երեկ նորից հրաժարվեց պատասխանել մեր հարցերին:

Շրջանառվող տեղեկությունների համաձայն՝ Վ. Դալաքյանի նախաձեռնությանը տոն տվողը պաշտպանության նախկին նախարար Սեյրան Օհանյանն է, հատկապես որ նա էլ իր պաշտոնանկության եւ այլ պատճառներով նեղացած է իշխանություններից: Մինչդեռ հատկապես իշխանական դաշտի ներկայացուցիչները մեզ հետ մասնավոր զրույցներում թերահավատություն են հայտնում, որ Ս. Օհանյանը կարող է միանալ Վ. Դալլաքյանին, թեեւ լսել են, որ նախկին նախարարն արդեն այդ ուղղությամբ հանդիպումներ է անցկացնում տարբեր իշխանական ու ոչ իշխանական գործիչների հետ: Դրանով հանդերձ, իշխող Հանրապետական կուսակցության ներկայացուցիչները չեն կարողանում հասկանալ, թե ինչ ընդհանուր կապ կարող են ունենալ այս երկուսը, թեեւ պաշտպանության նախկին նախարարն էլ համարվում է ՌԴ-ի ազդեցության տակ գտնվող գործիչ: Ավելին՝ նա ռուսական բանակի սպա է եղել:

Ի դեպ, Վ. Դալլաքյանը, խոսելով իր հետագա քայլերի մասին՝ ամենեւին էլ չպնդեց, որ կուսակցություն է ստեղծելու: Տպավորություն ստեղծվեց, անգամ տեղեկություններ կան, որ նա գործող կուսակցություններից մեկին կմիանա: Խոսքը հավանաբար վերաբերում է արտախորհրդարանական մի կուսակցության, բայց թե դա որ կառույցն է, առայժմ մեզ չհաջողվեց պարզել: Ընդամենը կարողացանք իմանալ, որ նա հանդիպել է դեմկուսի նախագահ Արամ Գասպարի Սարգսյանին, որը, հիշեցնենք, սերտ առնչություն ունի Արա Աբրահամյանի հետ: Իսկ Վ. Դալլաքյանն ու Ա. Սարգսյանն ունեն քաղաքական անցյալ դեռեւս «Միասնություն» դաշինքից:

Ա. Սարգսյանը, սակայն, մեզ հետ զրույցում հերքեց, որ հանդիպել է Վ. Դալլաքյանի հետ եւ քննարկել է հետագա համագործակցության վերաբերյալ ինչ-որ հարցեր եւ չբացառեց, որ հետագայում կարող են եւ համագործակցել: Վ. Դալլաքյանի հետ համագործակցության ու այլ հարցերի մասին էլ զրուցեցինք Ա. Սարգսյանի հետ: Ի դեպ, հետաքրքիր զուգադիպությամբ դեմկուսի համագումարն էլ նոյեմբերին է պլանավորված, ծայրահեղ դեպքում՝ դեկտեմբերին:

- Պարոն Սարգսյան, դուք մասնակցելո՞ւ եք 2017թ. խորհրդարանական ընտրություններին:

- Այո, մասնակցելու ենք, բայց այդ հարցի վերաբերյալ վերջնական որոշումը մեր համագումարը կընդունի: Բայց միանշանակ մեր կուսակցության ղեկավար մարմնի տեսակետն այն է, որ պետք է մասնակցենք: Եթե կուսակցությունը ընտրություններին չմասնակցի, էլ ի՞նչ պիտի անի:

- Իսկ ինչպե՞ս եք մասնակցելու ընտրություններին, միայնա՞կ, թե դաշինքով:

- Իհարկե, մենք չենք հրաժարվի դաշինք կազմել մեզ համար ընդունելի քաղաքական ուժերի հետ: Գիտեք, որ «Միասնություն» դաշինքի կազմում ենք եղել: Ավելին, այդ դաշինքը մենք ենք նախաձեռնել: Բայց մենք դեմ ենք եղել գաղափարապես տարբեր ուղղություններ ունեցող կառույցների հետ դաշինք կազմելուն, քանի որ դրանից լավ բան չի ստացվում, բայց կան դեպքեր, երբ ստիպված ենք եղել անել. դա եղել է ե՛ւ 1996թ., ե՛ւ 2003թ.: Իսկ հիմա կգերադասեինք համագործակցել գաղափարապես մեզ համար մոտ կառույցների հետ: Բայց ելնելով այսօրվա իրողություններից, որ ընտրությունները գնալով ավելի թանկ հաճույք են դառնում, պետք է միավորվել, որ կարողանաս դիմակայել նրանց, ովքեր օլիգարխիկ, ժողովրդից գողացած փողեր են օգտագործում, որ դնեն ու ժողովրդին նորից կաշառք տան:

- Իսկ որքա՞ն է հավանական, որ Արա Աբրահամյանն էլ մասնակցություն ունենա այդ ընտրություններին, նա ասել էր, որ նոյեմբերին քաղաքականություն մտնելու մասին հայտարարություն կանի:

- Արա Աբրահամյանն ինքնաբավ անձնավորություն է, եւ հենց ինքն էլ իր քայլերի մասին կտեղեկացնի: Եթե ինքը կորոշի իր մասնակցության ձեւաչափը, այդ դեպքում մենք կքննարկենք: Առավել եւս, երբ գիտեք, որ մենք միասին աշխատում ենք:

- Իսկ ձեր նախկին գործընկեր Վիկտոր Դալլաքյանի հետ չե՞ք հանդիպել եւ համագործակցության հարցեր քննարկել: Միգուցե հենց ձեր կուսակցության հետ նա համագործակցի:

- Ես ընդամենը կարող եմ ասել, որ մենք կարող ենք քննարկել այդ բոլոր հարցերը, դա չի բացառվում: Շատ հնարավոր է, որ մենք քննարկենք, քանի որ մենք միասին քաղաքական ուղի ենք անցել եւ գաղափարապես տարբեր բեւեռներում չենք: Բայց դա դեռ քննարկելիք հարց է, իսկ հիմա այդպիսի խնդիր մեր առջեւ դրված չէ:

- Չե՞ք քննարկել այդ հարցը:

- Դեռ չենք քննարկել:

- Իսկ Ա. Աբրահամյանը կարո՞ղ է Վ. Դալաքյանի նախաձեռնության հետ կապ ունենալ:

- Ես չեմ կարող ասել: Եկեք այդ ենթադրությունները մի կողմ թողնենք: Այնքան քիչ ժամանակ է մնացել այդ բոլոր հարցերի պատասխանները ստանալու համար: Կլինի իրողությունը, կխոսենք:

«Հայկական Ժամանակ»-ը Telegram-ում
Տպել
3382 դիտում

Արթիկի թիվ 3 մանկապարտեզը վերանորոգված և կահավորված է․ վարչապետը տեսանյութ է հրապարակել

Հայաստանում այն պարզապես սպորտ չէ, այլ ժառանգություն է, հպարտություն և ուժ. Ծանրամարտի միջազգային ֆեդերացիա

Լիանա Գյուրջյանը` Եվրոպայի առաջնության փոխչեմպիոն, Տաթև Հակոբյանը՝ պոկում վարժության արծաթե մեդալակիր

Պուտինի առաջարկած 30-ժամյա հրադադարը՝ փոխադարձ մեղադրանքներով. մարդասիրությո՞ւն, թե՞ դիվանագիտություն

Գարիկ Կարապետյանը՝ Եվրոպայի չեմպիոն, Սիմոն Մարտիրոսյանը՝ փոխչեմպիոն

Երբ ատելության խոսքի թիրախ են դառնում ղարաբաղցիներին քննադատողները, նույն խումբը ծպտուն չի հանում. Ղազարյան

Կրթվելը նորաձև է» շարժման 26-րդ կանգառը Թալինում ընթացել է առանձնահատուկ ակտիվությամբ. լուսանկարներ

Հարավային Կովկասի տարածաշրջանը ԵԱՀԿ-ի համար ունի ռազմավարական նշանակություն. Սինիրօղլուն՝ Փաշինյանին

Արա Աղանյանը 4-րդն է Եվրոպայի առաջնությունում, Պետրոս Պետրոսյանը` 5-րդը

«Օպել-ը դուրս է եկել ճանապարհի երթևեկելի հատվածից և գլորվելով հայտնվել գետի ափին. վարորդը հոսպիտալացվել է

Շնորհավորում ենք Սուրբ Հարության տոնի կապակցությամբ. ԱՄՆ դեսպանատուն

Մասիսում բախվել են մեքենաներ․ կա վիրավnր

Այս տարի Զատիկը միասին նշում են ռուս և հայ եկեղեցիների ծխականները. ՌԴ դեսպանությունը շնորհավորել է

ԱՄՆ-ում փոքր ինքնաթիռ է կործանվել. կան զոհեր

Հռոմի պապն աղոթել է Հայաստանի և Ադրբեջանի միջև վերջնական խաղաղության համաձայնագրի համար

Վրաերթ Կոտայքի մարզում. 63-ամյա քաղաքացին հոսպիտալացվել է

Վստահ եմ՝ Ամենայն հայոց կաթողիկոսի մերձավոր շրջապատն ականջալուր կլինի նրա պատգամին. Հարությունյան

Էդուարդ Սպերցյանը՝ «Կրասնոդարի» ռեկորդակիր

Թուրքիայում որոշ չվերթներ չեղարկվել են, որոշները` հետաձգվել

Աշտարակի խճուղում մեքենան բախվել է երկաթե գովազդային սյանը. կա վիրավnր

Մարզերում և Երևանում կդիտվեն կարճատև անձրևներ, տեղ-տեղ՝ քամու ուժգնացում

Իրանում ուսումնական ուղղաթիռ է կործանվել, օդաչուները վիրավոր են

Մեզ չեն հետաքրքրում դաշտից դուրս խոսակցությունները, սա մեր լավագույն խաղերից մեկն էր. Մխիթարյան

Անահիտ Մանասյանը Լոռու մարզի երիտասարդների համար վարպետաց դաս է անցկացրել

Ձերբակալվել են Շենգավիթի թաղապետարանի աշխատակիցներ

Մոսկվայում վայրէջք է կատարել գերության մեջ եղած 246 ռուս զինծառայողի տեղափոխող օդանավը

Դիլիջանում տնակ է հրդեհվել

ՀՀ տարածքում ավտոճանապարհները հիմնականում անցանելի են

Հայտնի են հունահռոմեական ոճի ըմբշամարտի Հայաստանի երիտասարդական առաջնության հաղթողներն ու մրցանակակիրները

Սպանություն Երևանում. հիվանդանոց տեղափոխված 16-ամյա տղան մահացել է, կան վիրավորներ

ԱԱԾ-ն հատուկ օպերացիա է իրականացրել Շենգավիթի թաղապետարանում

Եվրոպայի առաջնություն. մրցահարթակ դուրս կգան Սիմոն Մարտիրոսյանը, Գարիկ Կարապետյանը և ևս 4 հայ ծանրորդ

Քրիստոնյա աշխարհը նշում է Սուրբ Զատիկը՝ Քրիստոսի հարության տոնը

Ապրիլի 28-ից մայիսի 5-ը Հայաստանի մեծ մասը կգտնվի բացասական անոմալիայի գոտում

Ծանրորդ Դավիթ Հովհաննիսյանը՝ Եվրոպայի առաջնության բրոնզե մեդալակիր

Մշակութային ճամփորդներն այսօր բացահայտեցին օպերայի և բալետի հետաքրքիր աշխարհը

ԱԺ պատգամավորներ Արսեն Թորոսյանն ու Դավիթ Դանիելյանն այցելել են Սյունիքի մարզի բնակավայրեր. տեսանյութ

Փոխըմբռնման ենք հասել միջուկային հնարավոր համաձայնագրի սկզբունքների և նպատակների շուրջ. Արաղչի

«Երևանի քաղաքապետի գավաթ» բռնցքամարտի միջազգային մրցաշարին մասնակցում են մարզիկներ 14 երկրից

Մոսկվան և Կիևը գերիների փոխանակում են իրականացրել 246-ը 246-ի դիմաց