Անդրեասյանն «Արարատի» որոշ ֆուտբոլիստների ազատել է եւ աշխատավարձները չի վճարում

24/10/2016 schedule12:54

«Արարատ» ֆուտբոլային ակումբի գլխավոր մարզիչ Արկադի Անդրեասյանը որոշ ֆուտբոլիստների հեռացրել է թիմից եւ հրաժարվում է ամբողջությամբ վճարել նրանց վերջին 4 ամսվա աշխատավարձը: Այս մասին armtimes.com-ի հետ զրույցում հայտնեց թիմի արդեն նախկին կիսապաշտպան կամերունցի Ումարու Կաինան: Նա նշեց, որ Անդրեասյանն իրենց առաջարկել է շարունակել խաղալ ավելի ցածր աշխատավարձով, սակայն իրենք մերժել են:

«Ես պայմանագիր եմ կնքել ամսական 1500 դոլար աշխատավարձով, ինչպես Կիրիանը (խմբ. Կիրիան Նվաբուեզե, ԱՄՆ): Թիմը նոր մարզիչ ունի՝ Արկադի Անդրեասյանը: Երբ նա գլխավորեց թիմը, ասաց, որ ամեն ինչ ինքն է որոշելու, այդ պահից իրավիճակը սկսեց վատանալ: Նա մեզ արդեն 4 ամսվա աշխատավարձ չի վճարել: Մեր հիմնական խնդիրն այն է, որ ակումբը 4 ամսվա համար մեզ, ընդհանուր առմամբ, 6 հազար դոլար է պարտք, սակայն նա (խմբ. նկատի ունի Անդրեասյանին) ցանկանում է յուրաքանչյուր ամսվա համար վճարել 600 դոլար, այսինքն՝ ընդհանուր 2400 դոլար», - ասաց նա:

«Արարատ 73»-ի լեգենդ Արկադի Անդրեասյանը զգուշացրել է, որ եթե նրանք՝ Ումարու Կաինան եւ Կիրիան Նվաբուեզեն, չեն ցանկանում նոր սահմանված աշխատավարձով խաղալ, ապա կարող են հեռանալ իրենց երկիր: Նրանք էլ որոշել են հեռանալ, սակայն դեռեւս չեն կարողացել ստանալ իրենց պայմանագրով նախատեսված աշխատավարձը: Անդրեասյանի հետ կոնֆլիկտն այսքանով չի սահմանափակվել: Նա մի շարք արգելքներ է դրել ֆուտբոլիստների առջեւ:    

«Նա չի ցանկանում, որ մենք մարզվենք կամ անգամ մոտ գնանք մարզաբազային: ՖԻՖԱ-ի կանոնների համաձայն՝ մարզիչը չի կարող արգելել ֆուտբոլիստին մարզվել, քանի դեռ նա գործող պայմանագիր ունի ակումբի հետ: Արդեն 10 օր է, ինչ չենք մարզվել: Նա նաեւ որոշել է, որ մենք չենք կարող սնվել այն ռեստորանում (խմբ. «Արարատի» սեփականատերերին պատկանող «Արարատ Հոլ» ռեստորանը), որտեղ «Արարատի» մյուս խաղացողներն են սնվում, եւ ամենավատն այն է, որ նա ցանկանում է, որ դուրս գանք Կոմիտասում գտնվող բնակարանից, որտեղ ապրում ենք: Մենք մեր բոլոր փաստաթղթերով դիմել ենք Հայաստանի ֆուտբոլի ֆեդերացիա, որպեսզի Արմեն Մինասյանն (խմբ. ՀՖՖ առաջին փոխնախագահ/գործադիր տնօրեն) ուսումնասիրի դրանք», - պատմեց նա՝ ավելացնելով, որ 5-րդ ամիսն է ընթանում, ինչ իրենք աշխատավարձ չեն ստանում:

Ըստ ֆուտբոլիստի՝ ակումբի գործադիր տնօրեն Արթուր Մինասյանը ֆուտբոլիստներին չի օգնել: Խաղացողները փորձել են խոսել նրա հետ, սակայն նա հրաժարվել է զբաղվել խնդրով:

«Ես իսկապես չեմ հասկանում՝ ինչ է կատարվում այդ երկուսի միջեւ: Երբ ես մոտենում եմ Արթուր Մինասհանին, նա ասում է, որ մարզչին մոտենամ, որովհետեւ նա է որոշում ամեն ինչ», - ասաց Կաինան՝ հավելելով, որ իրենց գործակալն անընդհատ փորձում է կապնվել ակումբի ղեկավարության հետ, սակայն նրանք անգամ հեռախոսազանգերին չեն պատասխանում:

Լրատվամիջոցների հետ խոսելիս Անդրեասյանը չի հաստատում, որ ֆինանսական հարցերով ինքն է զբաղվում: Հայաստանի բարձրագույն խմբի առաջնության 10-րդ տուրում «Ալաշկերտից» կրած պարտությունից հետո (1:2) նա վստահեցրեց, որ չգիտի՝ թե ինչ է կատարվում:

«Այդ հարցին չեմ տիրապետում: Եկել եմ, ժամանակին փողերը տալիս են, մի փոքր ուշացրել են: Ինչ-որ եղել է, ես տեղյակ չեմ: Ասում են, որ ֆուտբոլիստները չեն ստացել աշխատավարձեր... չգիտեմ»,- ասաց նա:

Մեր տեղեկություններով՝ Ումարու Կաինան եւ Կիրիան Նվաբուեզեն միակը չեն, որ նման խնդիր ունեն Արկադի Անդրեասյանի հետ: Նույն պատճառով թիմից հեռացվել են պաշտպաններ Սուլեյման Կոնեն (Կոտ դ’Իվուար), Նորայր Գրիգորյանը, Գորիկ Խաչատրյանը, Վահե Մարտիրոսյանը եւ հարձակվող Գեւորգ Նռանյանը, եւ հենց այդ պատճառով է, որ նրանք նույնպես չեն մասնակցում «Արարատի» խաղերին: Սակայն Անդրեասյանն այլ բան է նշում: Լեգեոներներին՝ սեւամորթ ֆուտբոլիստներին, ազատելու վերաբերյալ նա ասում է, որ նրանք չեն համապատասխանում թիմին, եւ ընդհանրապես այլեւս չի պատրաստվում սեւամորթ ֆուտբոլիստների ձեռք բերել:

«Սեւերին հաստատ չենք բերի, բայց բրազիլացիներին՝ հնարավոր է՝ բերենք: Սեւերը բրազիլացի ֆուտբոլիստների պես ֆուտբոլային չեն: Սեւերը վազում են, բայց բրազիլացիները՝ խաղում: Ֆիզիկապես լավ բրազիլացին սեւերից ուժեղ է», - ասաց նա ասուլիսի ընթացքում:

«Ալաշկերտի» դեմ խաղում Գորիկ Խաչատրյանի եւ Վահե Մարտիրոսյանի բացակայությանը նա նույնպես անդրադարձավ: «Երեւի մեծացել են, դրանից է», - ասաց նա՝ ավելացնելով, որ նրանց այլեւս «Արարատի» կազմում չենք տեսնի:

Մեր տեղեկություններով՝ «Արարատում» խնդիրներն առաջացել են այն բանից հետո, երբ թիմը գլխավորել է Արկադի Անդրեասյանը: Մինչեւ այդ ֆուտբոլիստներն ակումբի հետ որեւէ խնդիր եւ, հատկապես, աշխատավարձի հարցով չեն ունեցել: Կաինան նշեց, որ նրա գալով լարվել է նաեւ հանդերձարանի մթնոլորտը:

«Նա չի կարողանում ղեկավարել խաղացողներին: Նա մարդկանց շատ վատ է վերաբերվում: Նա թույլ չի տալիս, որ մարզման ժամանակ ջուր խմենք, նույնիսկ աշխատանքից հեռացրել է այն բժշկին, որն առաջարկել էր, որ ամռան տապին ջուր խմենք: Նա ռասիստ է, մարզումների ժամանակ մեզ վատ բաներ է ասում, որը թարգմանիչը նույնիսկ չի ցանկանում թարգմանել»,- պատմեց Կաինան:

Արկադի Անդրեասյանն «Արարատը» գլխավորել է 2016-2017 մրցաշրջանի սկզբում: Նրա գլխավորությամբ թիմը 10 խաղում ընդամենը 1 հաղթանակ է տոնել, 1 խաղ ավարտվել է ոչ-ոքի, եւս 8 խաղում թիմը պարտվել է: «Արարատը» խփել է 4 գոլ եւ բաց թողել 16-ը: 4 միավորով արարատցիները եզրափակում են մրցաշարային աղյուսակը:

Տպել
4714 դիտում

Եվրախորհրդարանի ներկայացուցիչները վերսկսել են բանակցությունները ԵՄ գլխավոր դատախազի թեկնածուների շուրջ

Ըմբիշ Կարապետ Չալյանը պարտվեց աշխարհի առաջնության բրոնզե մեդալի համար պայքարում

Ես պնդում եմ, որ դատաքննության ընթացքում մենք տեսնելու ենք այս քրեական գործի իրավական կողմը․ մեղադրող դատախազ

Դատարանը կրկին հեռացավ խորհրդակցական սենյակ՝ Քոչարյանի խափանման միջոցի վերաբերյալ որոշում կայացնելու

Վրաստանն արգելել է ԱՄՆ ռազմածովային ուժերի նավին մուտք գործել իր տարածքային ջրեր

Մեր արտաքին քաղաքականությունը կառուցված է ինքնիշխանության սկզբունքի վրա. Զոհրաբ Մնացականյան

Դատաիրավական բարեփոխումները պետք է իրականացվեն իրավունքի գերակայության սկզբունքով. Արման Թաթոյան

Գրավը կամ ստորագրությունը տվյալ փուլում ի զորու չեն ապահովել մեղադրյալ Քոչարյանի պատշաճ վարքագիծը․ մեղադրող դատախազ

Որևէ մեկը չփորձի ինձ կապել Միքայել Մինասյանի հետ, նա պետք է պատասխան տա օրենքների առջև. Վանեցյան (տեսանյութ) Factor.am

Սպանել եք, պատասխան տվեք, ոչ մի բեկում, ոչ մի ներում. Սարգիս Քլոյան

Կենդանու նկատմամբ դաժան վերաբերմունքը կարող է պատժվել 100-500 հազար դրամ տուգանքով կամ մինչեւ 3 տարի ազատազրկմամբ

Այդ գումարը ես պետք է ինչ-որ մի տեղից վերցնեմ, ես կյանքում պարտքեր չեմ արել. Ռոբերտ Քոչարյան

Վրաստանում հարցվածների 49 տոկոսի կարծիքով երկիրը զարգանում է ոչ ճիշտ ուղղությամբ. NDI

Պաշտպանը միջնորդեց չհեռանալու մասին ստորագրությամբ կամ գրավով ազատ արձակել Քոչարյանին

Երեկվա տոտալ ճնշումները ՍԴ-ի հանդեպ ուղիղ մեսիջ էին այսօրվա դատավորին․ Լեւոն Քոչարյան

Արմեն Սարգսյանն ընդունել է միջազգային փորձագետներ և վենչուրային ներդրողներ Լուիջի Ամատին և Բրիջիթ Բոումենին

Երեք տասնամյակ՝ նկուղում

Հայտարարություն մրցույթի մասին

Ղեկավարում եմ Հայաստանի աթլետիկայի ֆեդերացիան, բնակվում եմ Ֆրանսիայում, սակայն անձնագիրս հայկական է. Էմմիյան

Հայաստանն ընտրել է միջուկային էներգիայի անվտանգ և խաղաղ օգտագործման թափանցիկ և բաց քաղաքականություն. նախարար