Ծանրորդ Տիգրան Վ. Մարտիրոսյանը՝ Պեկին 2008-ից 8 տարի անց փոխչեմպիոն դառնալու մասին

28/10/2016 schedule18:47

Հայաստանի ծանրամարտի հավաքականի նախկին անդամ Տիգրան Վարդանի Մարտիրոսյանը խոսել է 8 տարի անց Պեկինի Օլիմպիական խաղերի փոխչեմպիոն դառնալու մասին: Հոկտեմբերի 26-ին Միջազգային օլիմպիական կոմիտեի պաշտոնական կայքը հայտարարեց, որ 85 կգ քաշային կարգի արծաթե մեդալակիր, բելառուս Անդրեյ Ռիբակովի դոպինգ թեստը դրական արդյունք է տվել, ՄՕԿ-ը նրան զրկել է մեդալից եւ Ծանրամարտի միջազգային ֆեդերացիային հանձնարարել վերաբաշխել մեդալները: Դա նշանակում է, որ այն, ամենայն հավանականությամբ, պետք է բաժին հասնի բրոնզե մեդալ նվաճած Տիգրանին, թեեւ Հայաստանի ծանրամարտի ֆեդերացիան դեռեւս պաշտոնական նամակ չի ստացել միջազգային ֆեդերացիայից: Armtimes.com-ի հետ զրույցում նա նշեց, որ չէր պատկերացնի, որ նման բան կարող է տեղի ունենալ:

«Մտածել, որ մարդն իր կարիերայի վերջում կդառնա Օլիմպիական փոխչեմպիոն.... դա անասանելի ուրախություն է: Այդ պահին (խմբ. նկատի ունի մրցման օրը), իհարկե, լրիվ ուրիշ հաճույք է, բայց այդ փաստը, եւ այն, որ դա պատմության մեջ է գրվելու, էլի ոչ պակաս երջանկություն է»,- ասաց նա:

Այնուամենայնիվ, Տիգրան Մարտիրոսյանին դուր չի գալիս այն, թե ինչ հանգամանքներում է նա ստացել արծաթե մեդալը: Ըստ նրա՝ անընդունելի է, երբ մարզիկը՝ տվյալ դեպքում Անդրեյ Ռիբակովը, տարիներ շարունակ ապրում է որպես արծաթե մեդալակիր, եւ մի օր ՄՕԿ-ը որոշում է վերստուգել փորձանմուշները եւ ետ է վերցնում մեդալը: Ըստ Մարտիրոսյանի՝ դա ծանր հարված է ցանկացած մարզիկի համար:   

«Ես դրան շատ վատ եմ վերաբերվում եւ համարում եմ, որ դա անընդունելի է: Ես դրան ընդհանրապես կողմ չեմ, բայց, եթե այդպես է ստացվել, ինչ կարող ես անել», - ասաց նա:

Եվրոպայի 2008 թվականի չեմպիոն, 2006 թվականի աշխարհի առաջնության բրոնզե մեդալակիր Տիգրան Մարտիրոսյանը Պեկին 2008-ում գրանցել էր երկամարտի 380 կգ արդյունք: 85 կգ քաշային կարգում չեմպիոն էր դարձել չինացի Լու Յոնգը:

2010 թվականին Տիգրանն ավարտել է կարիերան: Այս տարվանից Սառնաղբյուր գյուղի միջնակարգ դպրոցում աշխատում է որպես ֆիզկուլտուրայի ուսուցիչ: Մարզչական կարիերայի մասին դեռ չի մտածում: Նա նշում է, որ դա մեծ պատասխանատվություն է եւ նման որոշում կայացնելուց առաջ պետք է լավ մտածի, բացի այդ՝ դեռ առաջարկ էլ չի ունեցել:

Տպել
2214 դիտում

ՔԿ-ում հանդիպումներ են տեղի ունեցել արգելված զինատեսակների կիրառման գծով միջազգային փորձագետների հետ

Վաղարշակ Հարությունյանն ընդունել է ՀՀ-ում ԱՄՆ արտակարգ և լիազոր դեսպանին

Առաջին անգամը չէ, երբ գործադիր, օրենսդիր և դատական իշխանության ներկայացուցիչները հանդիպում են․ Վիգեն Քոչարյան

Ոստիկանն ազգի նվիրյալ զինվոր է. պատերազմին մասնակցած ոստիկանության 184 ծառայող խրախուսվել է

Դեկտեմբերի 7-ից դպրոցներում առկա ուսուցումը կվերսկսվի նաեւ 5-12-րդ դասարաններում

Հայաստանի որոշ մարզերում մառախուղ է․ ԱԻՆ

Սուրեն Պապիկյանն այսօր ներկայացրել է Կոտայքի նորանշանակ մարզպետին

Դեկտեմբերի 1-ից Սևանա լճում ավարտվում է արդյունագործական ձկնորսության որսաշրջանը

Դադիվանքի վանահայր Տեր Հովհաննես քահանա Հովհաննիսյանն այս կիրակի պատարագ կմատուցի Երևանի Սուրբ Երրորդություն եկեղեցում

Տիգրան Ավինյանը Քլեր Մեյթրոյի հետ զրույցում ընդգծել է գերիների փոխանակման գործընթացն արագացնելու կարևորությունը

ԱԱՏՄ-ն ստուգայց է իրականացրել Տաշիրի քաղաքապետարանում, ուսումնական և այլ հաստատություններում

Վրաերթ է տեղի ունեցել Բաղյան փողոցում. դեպքի վայրում են փրկարարները

Հունան Պողոսյանն ազատման դիմում է գրել․ օգնականը հաստատում է

Աննա Հակոբյանը հանդիպել է Արցախյան պատերազմում գերեվարված, անհետ կորած ժամկետային զինծառայողների մայրերի հետ

Ռոմանոս Պետրոսյանը Բեդրիխ Կոպեցկիի հետ քննարկել է բնապահպանության բնագավառում համագործակցության համատեղ հռչակագիրը

Աշխատանքի և սոցիալական հարցերի նախարարն այցելել է Արցախի պաշտպանության ընթացքում վիրավորում ստացած զինվորներին

Վաղարշակ Հարությունյանը կարևորել է Արցախում խաղաղապահ առաքելության իրականացման արդյունավետությանն ուղղված ՌԴ ջանքերը

Ֆուտզալի Հայաստանի հավաքականը պատրաստվում է փլեյ-օֆֆի հանդիպումներին. հայտնի է հավաքականի կազմը

Ստեփանակերտ անվճար ուղևորվող ավտոբուսները դեկտեմբերի 1-ից կվերսկսեն իրենց աշխատանքը

Մայրաքաղաքում համալրվում է էներգախնայող լուսատուներով լուսավորվող փողոցների ցանկը