Հաց բերողի մահվան մեկ տարին լրանում է, բայց մահվան պատճառները դեռ ստուգում են

Մեկ ամսից կլրանա որպես «Հաց բերող» հայտնի Արթուր Սարգսյանի մահվան մեկ տարին: Նա մահացել է 2017 թվականի մարտի 16-ին:

Այս ընթացքում, սակայն, նրա մահվան համար որեւէ մեկը՝ բժշիկներից եւ իրապահաներից սկսած, քրեական պատասխանատվության չի ենթարկվել: Բանն այն է, որ նրա մահվան պատճառները պարզելու համար դեռեւս 2017 թվականի մարտի 17-ին նշանակվել է հանձնաժողովային դատաբժշկական փորձաքննություն, որի արդյունքներն առ այսօր չեն ստացվել:

Մեր զրույցում ՀՀ քննչական կոմիտեի նախագահի խորհրդական Սոնա Տռուզյանն ասաց, որ կատարվում են անհրաժեշտ քննչական եւ դատավարական այլ գործողություններ՝ բազմակողմանի քննությունն ապահովելու ուղղությամբ:

Արթուր Սարգսյանի պաշտպան Տիգրան Եգորյանից հետաքրքվեցինք, թե արդյո՞ք չի ձգձվում նախաքննությունը, շուտով մեկ տարի կլինի, փորձաքննության արդյունքներն անգամ չկան, ինչին ի պատասխան Եգորյանն ասաց, որ մոտ օրերս պատրաստվում են այս հարցերի կապակցությամբ հայտարարություն տարածել:

Հաց Բերողը մահացել է «Արմենիա» ԲԿ-ում: Ոստիկանության ՊՊԾ գնդի տարածքը գրաված «Սանսա ծռեր» զինված խմբի գործով կալանավորված Արթուր Սարգսյանը մեղադրվում էր զինված խմբին օժանդակելու մեջ․ գնդի տարածքը գրավելու օրերին նա ավտոմեքենայով ճեղքել էր ոստիկանական պատն ու սնունդ տարել գնդի տարածք։

2016 թվականի դեկտեմբերի 31-ին, հաշվի առնելով առողջական վիճակը, Սարգսյանին ազատ էին արձակել: 2017 թվականի փետրվարի 9-ին, սակայն, նրան Հատուկ քննչական ծառայության միջնորդությամբ դարձյալ կալանավորել էին․ ՀՔԾ-ն կալանքի հիմք էր համարել այն, որ Սարգսյանը փետրվարի 3-ին չէր ներկայացել քննչական մարմին: Կրկին անազատության մեջ հայտնվելու հաջորդ օրվանից նա անժամկետ հացադուլ էր հայտարարել: Մարտի 6-ին Ազգային ժողովի 27 պատգամավորների անձնական երաշխավորությամբ «Հաց բերողը» կրկին ազատ էր արձակվել եւ տեղափոխվել «Արմենիա» բժշկական կենտրոն: ԲԿ-ում մի քանի օր գտնվելուց հետո նրան դուրս էին գրել, ապա նրա վիճակը կտրուկ վատացել էր եւ նրան կրկին տեղափոխել էին «Արմենիա» ԲԿ, որտեղ եւ մահացել էր: Ըստ պաշտոնական հաղորդագրության՝ Սարգսյանը մահացել է սիրտ-անոթային անբավարարություն, բազմօրգանային անբավարարությունից: «Նկատի ունենալով, որ նյութերում առկա են բժշկական օգնություն և սպասարկում իրականացնողների կողմից մասնագիտական պարտականությունները ենթադրյալ ոչ պատշաճ կատարելու հետևանքով բուժվող հիվանդին անզգուշությամբ մահ պատճառելու՝ ՀՀ քրեական օրենսգրքի 130-րդ հոդվածի 2-րդ մասով նախատեսված հանցագործության հատկանիշներ՝ ՀՀ քննչական կոմիտեի ՀԿԳ քննության գլխավոր վարչության վարույթում հարուցվել է քրեական գործ՝ ՀՀ քրեական օրենսգրքի 130-րդ հոդվածի 2-րդ մասով»,- Արթուր Սարգսյանի մահվան հաջորդ օրը այսպիսի հաղորդագրություն էր տարածել ՀՀ քննչական կոմիտեն:

Լուրը հրապարակվել է «Հայկական ժամանակ» օրաթերթի փետրվարի 16-ի համարում:

Տպել
2785 դիտում

«Փյունիկի» պատանիները կմարզվեն իսպանական «Լեգանեսում»

Մակրոնը հայտարարել է Ֆրանսիայում արտակարգ դրության ռեժիմ մտցնելու մասին

Սերգեյ Լավրովն ու Տիգրան Սարգսյանը քննարկել են ԵԱՏՄ-ի միջազգային օրակարգը

Ուրախ կլինեմ հանդիպել Ձեզ հետ մոտ ապագայում. Անգելա Մերկելը շնորհավորել է Նիկոլ Փաշինյանին

Շնորհավորում եմ իմ ընկեր Փաշինյանին եւ նրա թիմակիցներին, հրաշալի հաղթանակ տարան. Փայլան

Միացյալ Նահանգները միանում է հայաստանյան ընտրությունների ԵԱՀԿ-ի գնահատականին. ԱՄՆ Պետդեպ

Վարդենյաց լեռնանցքը փակ է կցորդիչով բեռնատարների, դժվարանցանելի՝ թեթև մարդատարների համար

Հրդեհ՝ Ստեփանավանում. 2 այրված դի է դուրս բերվել, երեխան մահացել է հիվանդանոցում, 1 վիրավոր կա (լուսանկարներ)

Իշխանություններին թույլ չեն տա վայելել մենիշխանական բուրգը՝ ՀՀԿ-ի քաղաքական Օլիմպոսից (տեսանյութ)

22-ամյա վարորդը վրաերթի է ենթարկել «Գեղամա» Հ/Ը 62-ամյա լրագրողին. նա մահացել է

Եվրամիությունը պատրաստ է համագործակցել Հայաստանի նորընտիր խորհրդարանի հետ

Թափառող կենդանիների վնասազերծմամբ զբաղվող ընկերության ընտրության նոր մրցույթ կհայտարարվի

Արցախի ՄԻՊ Արտակ Բեգլարյանը շնորհավորել է արցախյան եռատոնի առթիվ

Զոհրաբ Մնացականյանն ընդունել է միջազգային դիտորդական առաքելությունների ներկայացուցիչներին

Շնորհավորում ենք խորհրդարան անցած երեք քաղաքական ուժերին. «Օրինաց երկիր»

Հայաստանը չի ձգտում դառնալ ՆԱՏՕ-ի անդամ. Նիկոլ Փաշինյան

Ուկրաինայի իշխանությունների որոշումն անխոհեմ է. Պեսկով

Շնորհավորանք ու եռագույն սրտիկ՝ ԱՄՆ դեսպանատնից հայ ժողովրդին

Սուրեն Շահվերդյանը հրաժարական է տալիս Համազգային թատրոնի գեղարվեստական ղեկավարի պաշտոնից

Մեյը հետաձգել է Brexit-ի հարցով քվեարկությունը