Եթե Միքայել Մինասյանին առաջադրեն, ՀՀԿ-ի կեսը կվազի Ազատության հրապարակ. Նիկոլ Փաշինյան

Ազատություն ռադիոկայանն այսօր Հրազդանում «ֆեյսբուքյան ասուլիս» անցկացրեց ԱԺ ԵԼՔ խմբակցության ղեկավար Նիկոլ Փաշինյանի հետ:

Փաշինյանը նշեց, որ շատ հաճախ հարցնում են՝ ինքը Սերժ Սարգսյանի դեմ է պայքարո՞ւմ, թե՞ ռեժիմի, նա պատասխանեց՝ եթե մեծ քանակությամբ ժողովուրդ հավաքվեց եւ այդ ճնշման տակ Սերժ Սարգսյանը չառաջադրվեց, ապա բնական է նաեւ, որ եթե Արմեն Աշոտյանին առաջադրեն կամ Կարեն Ավագյանին, նույն ժողովուրդը կստիպի, որ նրանք չդառնան վարչապետ:

Հարցին՝ ի՞նչ սպասել ապրիլի 13-ին, Փաշինյանը պատասխանեց, որ կախված է, թե ինչքան մարդ կհավաքվի: «Եթե մենք չկարողանանք կասեցնել Սերժ Սարգսյանի 3-րդ ժամկետը, նշանակում է՝ ՀՀ քաղաքացիների կամարտահայտություն տեղի չի ունեցել: 50 հազար ժողովրդով հնարավոր է ոստիկանական պատնեշը հաղթահարել: ՀՀ քաղաքացին, եթե կամարտահայտվի, ես ինձ համարում եմ այդ կամարտահայտման ի կատար ածման երաշխավորը»:

Հարցին՝ ընդունո՞ւմ է, որ սխալ է արել, որ դաշինք է կազմել Քոչարյանի վարչապետ Արամ Սարգսյանի եւ Էդմոն Մարուքյանի հետ, Փաշինյանը պատասխանեց. «Մենք արել ենք տվյալ իրավիճակից բխող քայլ, եւ այդ քայլի շուրջ եղել է որոշակի հանրային ըմբռնում, եւ ես հույս ունեմ, որ մեր դաշինքի գործընկերների հետ կքննարկենք եւ կլուծենք բոլոր խնդիրները: Քաղաքականության մեջ եւ կյանքում հնարավոր է ամեն ինչ ներկայացնել որպես սխալ»:

Հարցին՝ եթե Սերժ Սարգսյանը հաղթի, ինքը կհեռանա՞ քաղաքականությունից, Փաշինյանը նշեց, որ եթե ժողովուրդը տասնյակ հազարներով դուրս գա պայքարի եւ ինքը չկարողանա արդյունքի հասնել, այդ ժամանակ կհեռանա քաղաքականությունից, բայց եթե քիչ քանակությամբ մարդ դուրս գա փողոց, ապա ինքն արդեն ոչինչ չի կարող անել:

«Կոչ եմ անում բոլոր այն քաղաքացիներին, ովքեր համոզված են, որ ես իշխանական պրոյեկտ եմ, կայացնել դատավճիռը, եւ կազմակերպել իմ գնդակահարությունը»,- նշեց Փաշինյանը՝ պատասխանելով այն հարցին, թե շատերը կարծում են, որ ինքն իշխանական պրոյեկտ է:

Հարց հնչեց՝ եթե վերջին պահին Սերժ Սարգսյանը որոշի չառաջադրվել եւ նրա փոխարեն որոշեն առաջադրել Միքայել Մինասյանին կամ մեկ այլ ՀՀԿ-ականի, ո՞րն է լինելու իր քայլը: Փաշինյանը պատասխանեց, որ միամիտ է պետք լինել նման բան մտածելու համար, քանի որ, ըստ էության, Սերժ Սարգսյանին արդեն պաշտոնապես առաջադրել են, եւ եթե նման բան լինի, որ Միքայել Մինասյանին առաջադրեն, ապա ՀՀԿ-ի ներսում պայթյուն կլինի, ՀՀԿ-ի կեսը կվազի Ազատության հրապարակ, եւ դիմացներն անգամ ոստիկանական պատնեշներով հնարավոր չի լինի առնել:

Փաշինյանը հիշեց Կարգին հաղորդման այն սկետչը, որ սատանայի հետ գործարք է կնքվում, եւ վերջում ասում է՝ սա որտե՞ղ է ինձ գցում: «Տպավորություն է, թե մեր հարգելի օգտատերերն անընդհատ հարց են տալիս, որ հասկանան, թե ես իրենց որտեղ եմ գցում: Սիրելի հայրենակիցներ, ես ձեզ ոչ մի տեղ չեմ գցում, դուք կայացրեք ձեր որոշումը, եւ այդ որոշումը իրականություն կդառնա»,- հայտարարեց Նիկոլ Փաշինյանը:

Տպել
3677 դիտում

ՏԻՄ ընտրությունները ցույց տվեցին, որ ակնհայտ է հեղափոխության հաղթանակը. Նիկոլ Փաշինյան

Էդուարդ Շարմազանովն աշխատանքային այցով մեկնել է Սանկտ Պետերբուրգ եւ Մոսկվա

Անհապաղ փոխեք միգրացիոն օրենքները. Դոնալդ Թրամփ

Երեւանում մեկնարկել է «Եվրասիական շաբաթ» միջազգային ֆորումը

Հոկտեմբերի 26-ին Հյուսիսային եւ Հարավային Կորեաների միջեւ տեղի կունենա ռազմական բանակցություններ

Ն. Փաշինյանն Անթիլիասում այցելել է Ցեղասպանության մատուռ, առանձնազրույց ունեցել Արամ Ա կաթողիկոսի հետ

Մարդու իրավունքների պաշտպանի միջամտությամբ անձն ազատ է արձակվել քրեակատարողական հիմնարկից

Քննչական կոմիտեն ընտրախախտումների վերաբերյալ երեկ 3 հաղորդում է ստացել

ՀՀԿ-ն վաղ առավոտյան Գործադիր մարմնի նիստ էր հրավիրել. քննարկումների մասին կհայտնեն ԱԺ արտահերթ նիստին

Ընտրակաշառք, կեղծ քվեաթերթիկ, քվեարկել են 1 անգամից ավելի կամ ուրիշի փոխարեն. 16 դեպքով նախապատրաստվում են նյութեր

Արմավիրի քաղաքապետ է ընտրվել «Քաղաքացիական պայմանագիր»-ը ներկայացնող Դավիթ Խուդաթյանը

Կապանում ՔՊ-ի թեկնածուն պարտություն է կրել, հաղթել է անկուսակցական Գեւորգ Փարսյանը

Հրազդանի քաղաքապետ է ընտրվել Սևակ Միքայելյանը՝ Սասուն Միքայելյանի որդին

Առաջին կին քաղաքապետը. Էջմիածնում քաղաքապետ է ընտրվել ՔՊ-ն ներկայացնող Դիանա Գասպարյանը

Գյումրիում ոստիկանները ծեծել են Առաքելյան եղբայրներին, տղաները կալանավորված են (տեսանյութ)

Հայաստանի մեծ մասում սկսվող շաբաթն անձրեւոտ կլինի. եղանակը՝ առաջիկա օրերին

«Սիրահարդ եմ, Երևան» խորագրով հեծանվավազքը՝ քաղաքապետ Հայկ Մարությանի մասնակցությամբ (լուսանկարներ)

Ազատամարտիկ Արթուր Կարապետյանի անվան պուրակում բացվեց Երևանի 2800-ամյակի հուշարձանը.ներկա էր քաղաքապետը

Ժամը 17-ի դրությամբ ՏԻՄ ընտրություններին մասնակցել է ընտրելու իրավունք ունեցողների 35.23%-ը

Սասուն Միքայելյանը չունի որևէ լծակ, պահանջում ենք մերկապարանոց հայտարարություններ չանել. Սևակ Միքայելյանի շտաբ