ԱԺ պատգամավոր Միհրան Պողոսյանի օգնականին 5 տարվա ազատազրկում է սպառնում

ՀՀ Ազգային ժողովի պատգամավոր Միհրան Պողոսյանի օգնականի մասով նախաքննությունը մեկ ամիս տեւեց. այդ մասով քննությունն ավարտվել է եւ գործն ուղարկվել դատարան:

Միհրան Պողոսյանի օգնականը՝ Անդրանիկ Իսոյանը, ապրիլի 21-ին Քանաքեռ-Զեյթունում՝ Ուլնեցի փողոցի վրա ցուցարարների մեքենաների վրա ենթադրաբար հարձակված անձանցից մեկն է: Միջադեպը, հիշեցնենք, տեղի էր Սերժ Սարգսյանի հրաժարականից երկու օր առաջ։ Ապրիլի 21-ին եւ 22-ին Քանաքեռ-Զեյթունում, Ավանում եւ Էրեբունիում դիմակավորված անձինք մահակներով հարձակվել էին ցուցարարների մեքենաների վրա, ջարդուփշուր արել դրանք, ինչպես նաեւ հարձակվել ցուցարարների վրա: Վերը նշված դեպքերով թեեւ մի քանի մեղադրյալներ կան, սակայն Միհրան Պողոսյանի օգնականը միակն է, որ անազատության մեջ է:

Անցյալ շաբաթ ՀՀ քննչական կոմիտեն Անդրանիկ Իսոյանի մասով հաղորդագրություն տարածեց՝ տեղեկացնելով նրա մասով նախաքննության ավարտի եւ գործը դատարան ուղարկելու մասին:

Ըստ այդմ՝ ապրիլի 21-ին, ժամը 13:30-ի սահմաններում մի խումբ անձինք «Porsche Cayenne» մակնիշի ավտոմեքենաներով ժամանել են Կ.Ուլնեցու փողոց, որտեղ քաղաքացիները բողոքի ակցիայի շրջանակներում մասամբ փակել էին ավտոճանապարհի երթեւեկելի հատվածը: Ենթադրյալ հանցագործություն կատարած անձինք, մահակներով իջնելով ավտոմեքենաներից, տեւական ժամանակ հայհոյանքներ են հնչեցրել, մահակներով հարվածել «Մերսեդես բենց», «Նիվա» եւ «Նիսան Ֆուգա» մակնիշի ավտոմեքենաներին: Նախնական քննությամբ փաստական տվյալներ են ձեռք բերվել կատարված խուլիգանությանը մասնակցություն ունեցած անձանցից մեկի ինքնության վերաբերյալ, ով Երեւանի բնակիչ է՝ Ա.Իսոյանը: Վերջինս, ըստ քրեական գործի տվյալների, մահակով հարվածել է «Մերսեդես բենց», ապա՝ «Նիվա» մակնիշի ավտոմեքենաների ապակիներին:

Այպիսով՝ Անդրանիկ Իսոյանին մեղադրանք է առաջադրվել ՀՀ Քրեական օրենսգրքի 258-րդ հոդվածի 3-րդ մասի 1-ին կետով (խուլիգանություն, որը կատարվել է կազմակերպված խմբի կողմից): Մեղադրանքն ապացուցվելու դեպքում Միհրան Պողոսյանին սպառնում է առավելագույնը 5 տարվա ազատազրկում: Առաջադրված մեղադրանքում, սակայն, Իսոյանն իրեն մեղավոր չի ճանաչում: Այս մասին մեր հարցին ի պատասխան ասաց նրա պաշտպան Կարեն Մեժլումյանը:

- Պարոն Մեժլումյան, առաջադրված մեղադրանքի վերաբերյալ ի՞նչ դիրքորոշում է հայտնել ձեր պաշտպանյալը:

- Մեղքը չի ընդունում, հրաժարվում է ցուցմունք տալուց:

- Այսինքն՝ դեպքի վայրում չի՞ եղել:

- Ավել տեղեկություն այս պահին չեմ կարող տրամադրել:

- Մեղադրանքի վերաորակման հետ կապված խնդիր տեսնում ե՞ք, նման միջնորդություն ներկայացրել ե՞ք:

- Ապագայում որոշակի գործողություններ հնարավոր է, որ կատարենք, բայց հիմա չեմ կարող մանրամասնել:

- Նախաքննության ընթացքը ինչպե՞ս եք գնահատում, բացթողումներ եղե՞լ են:

- Բոլոր դեպքերում մենք ամբողջ գործի վերաբերյալ համապատասխան միջնորդություններով դատարանում հանդես կգանք, այդ ժամանակ արդեն ավելի պարզ կլինի:

- Նրա մասնակցությամբ քննչական գործողություններ, մասնավորապես առերես հարցաքննություններ տեղի ունեցե՞լ են:

- Նախաքննության ընթացքում գործողություններ եղել են բազմաթիվ տարբեր տիպի, բայց էլի չեմ կարող մանրամասնել՝ ում հետ ոնց:

- Քանի որ նախաքննությունն այդ մասով կատարվել է, ինչո՞ւ չեք կարող ասել՝ ում հետ է առերեսում եղել:

- Նախաքննական գաղտնիքի պահով չի, զուտ պաշտպանական մարտավարությունից ելնելով:

Այս գործի շրջանակներում հարցաքննվել է նաեւ այժմ ՀՀ աշխատանքի եւ սոցիալական հարցերի փոխնախարարի պաշտոնը զբաղեցնող Զարուհի Բաթոյանը: Տեղեկությունը մեր զրույցում հաստատեց նաեւ ՀՀ քննչական կոմիտեի նախագահի խորհրդական Սոնա Տռուզյանը: Բանն այն է, որ Զարուհի Բաթոյանը դեպքից հետո հայտնել էր, որ իրեն հասած տեղեկություններով, ցուցարաների մեքենաների վրա հարձակված անձինք ապրիլի 21-ին իջել էին ՀՀԿ պատգամավոր, ԴԱՀԿ նախկին ղեկավար Միհրան Պողոսյանին եւ նրա աշխատակիցներին պատկանող մեքենաներից, բացի այդ, Բաթոյանը կասկածներ ուներ, որ մեքենաներից մեկի ներսում է եղել նաեւ ՀՀ ԱԺ պատգամավոր Միհրան Պողոսյանը։

Մեր տեղեկություններով, սակայն, սույն քրեական գործի շրջանակներում Միհրան Պողոսյանը չի հարցաքննվել: Նախաքննության ընթացքում քննիչները խուզարկություններ էին կատարել ՀՀ Ազգային ժողովի ՀՀԿ խմբակցության պատգամավոր Միհրան Պողոսյանի (Քեթրինի Միհրան) պատկանող երկու ընկերությունում: Խուզարկությամբ ընկերություններից մեկից «Պորշ» մակնիշի երկու ավտոմեքենաներ են հայտնաբերվել:

ՀՀ Քննչական կոմիտեի նախագահի խորհրդական Սոնա Տռուզյանն ասաց, որ մայր գործով քննություն է տարվում՝ պարզելու ինչպես նշված մեքենաների այդտեղ հայտնվելու հանգամանքերը, այնպես էլ խուլիգանությանը անմիջական մասնակցություն ունեցած անձանց շրջանակը:

Նշենք, որ Միհրան Պողոսյանն իր օգնականի կալանավորումից հետո հայտարարել էր, թե նոր Կառավարությունը շարժվում է վենդետայի սկզբունքով: Ապա հայտարարել էր, որ բացակայում են իր օգնականին կալանքի տակ պահելու հիմքերը:

Տպել
7560 դիտում

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ

Դատախազության հանձնարարությամբ առերևույթ ընտրախախտումների 42 դեպքերով նախապատրաստվում են նյութեր

Միջազգային սիմպոզիում՝ նվիրված անցումային արդարադատությանը. ներկա կլինի նաեւ Նիկոլ Փաշինյանը

«Dasaran.am» կրթական հարթակը նոր ծրագրի միջոցով կաջակցի զորակոչի կազմակերպմանը

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը

Դավիթ Տոնոյանն ընդունել է «Դիտակետ» ծրագրի պատասխանատուներին

Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

Փոխվարչապետ Մհեր Գրիգորյանն ընդունել է ՎԶԵԲ Տարածաշրջանային տնօրենների պատվիրակությանը

Գտնվել է առաջ քաշված խնդրի փոխզիջումային տարբերակ. տրանսպորտի փոխնախարար Ա. Փամբուխչյան

Հայ-շվեյցարական համագործակցության շրջանակը բավականին լայն է. Բաբլոյանը՝ Շվեյցարիայի Համադաշնության փոխնախագահին

ՀՀ սփյուռքի նախարարը հանդիպել է Եգիպտոսի վարչապետի հետ

Կանցկացվի ՀՀ և ՌԴ ԶՈՒ զորքերի միացյալ խմբավորման ստորաբաժանումների մարտավարական զորավարժություն

Ամերիկայի Հայ Ավետարանչական Ընկերակցությունն ու ՊՆ-ն կհամագործակցեն Սիրիայի հումանիտար օգնության հարցում

Իշխել հնարավոր է, եթե դու իշխանության մասնիկ ես. ԵԿՄ-ում թեժ զարգացումներ են

Թող ոչ մի երեխա չտեսնի եւ չիմանա պատերազմի սարսափը. մանուկներին նվիրված միջոցառում (լուսանկարներ)

Համապատասխան արձագանք ստանալուն պես կկազմակերպվի 16-ամյա Ումութ Ալի Օզմենի վերադարձը Թուրքիա. ԱԳՆ

Բնակիչների մեծ մասը չսատարեց այդ մոտեցմանը. ՀՀԿ-ն շնորհավորել է Երևանի նորընտիր քաղաքապետին

Մրցույթն ավարտվեց. Գյումրու ծննդատան նոր տնօրենը Էդգար Սուքիասյանն է

Բռնցքամարտի մարզիչներին ստիպում են Արթուր Գեւորգյանի դեմ դուրս գալ. նա պարզաբանում է