Բանան ներկրող ֆեյք գործարարը. ՊԵԿ նախագահի եւ վարչապետի շոուն ավարտվեց

Վարչապետ Կարեն Կարապետյանն այսօր հրավիրած մամուլի ասուլիսում պատասխանեց իրեն ուղղված բոլոր հարցերին՝ անկախ նրանից պատասխանները բավարարեցին լրագրողների, թե՝ ոչ: Ամենաուշագրավ հատվածն այդ ասուլիսում մոնոպոլիաներին էր վերաբերվում, քանի որ Կարեն Կարապետյանի նյարդերը տեղի տվեցին: Ինչո՞ւ, որովհետեւ հարցը վերաբերվում էր բանանի ներկրման մենաշնորհին, որն անհիշելի ժամանակներից պատկանում է «Քեթրին» ընկերության հիմնադիր, ԴԱՀԿ նախկին պետ Միհրան Պողոսյանին: Վարչապետը նախ ասաց, թե ինքը տեղյակ էլ չի, թե ով է բանան փորձել ներմուծել, որ մի հատ էլ խոչընդոտել են, սակայն լրագրողները նրան հիշեցրեցին ՊԵԿ-ի հայտարարությունն այդ մասին:

Ո՞ր փուլում են բանան ներկրել ցանկացող գործարարի գործերը

ՀՀ Կառավարությանն առընթեր Պետական եկամուտների կոմիտեի նորանշանակ նախագահի գործունեությունից շատ չանցած ՊԵԿ-ը հայտարարեց, որ օգնել են գործարարին, որը բանան ներկրելուց խոչընդոտների է հանդիպել:

Armtimes.com-ի հարցմանն ի պատասխան ՀՀ Գլխավոր դատախազությունից տեղեկացրեցին, որ ՀՀ բանանի ներկրում իրականացնող տնտեսվարողին անհայտ անձանց կողմից խոչընդոտելու վերաբերյալ ՀՀ ԿԱ ՊԵԿ օպերատիվ-հետախուզության և ներքին անվտանգության վարչություններում կազմված փաստաթղթերը ՀՀ գլխավոր դատախազության կոռուպցիոն եւ տնտեսական գործունեության դեմ ուղղված հանցագործությունների գործով վարչության պետի ցուցումով պահանջվել եւ ՀՀ քրեական դատավարության օրենսգրքի 180-181-րդ հոդվածներով սահմանված կարգով, քրեական գործ հարուցելու առիթի օրինականությունը եւ հիմքերի բավարար լինելը ստուգելու հանձնարարականով ուղարկվել են ՀՀ ԿԱ պետական եկամուտների կոմիտեի իրավախախտումների հայտնաբերման եւ վարչական վարույթների իրականացման վարչություն:

Նկատենք, որ առանց դատախազության ցուցումի, ՊԵԿ-ը պարտավոր էր սեփական քննությունն անցկացներ, սակայն մինչ օրս որեւէ նորություն չկա:

Ինչպե՞ս խոչընդոտվեց բանանի ներկրումը

2016 թվականի նոյեմբերի 21-ին ՀՀ ԿԱ ՊԵԿ-ը հայտարարեց՝ «Հայաստանի Հանրապետության յուրաքանչյուր քաղաքացի կարող է անարգել ներկրել ցանկացած ապրանք»: Այս նախադասությամբ ՊԵԿ-ն սկսեց դրամատիկ մի բեմադրության սցենար ներկայացնել:

«Օպերատիվ հետախուզության եւ Ներքին անվտանգության վարչություններում օպերատիվ տեղեկություններ են ստացվել, որ անհայտ անձինք փորձում են խոչընդոտել բանանի ներկրման գործընթացը: Ձեռնարկված միջոցառումների արդյունքում, օրենքի շրջանակում, տնտեսվարողը ստացել է աջակցություն եւ հաջողությամբ իրականացրել ներկրումը:

Հաշվի առնելով միջադեպը՝ Պետական եկամուտների կոմիտեն խստագույնս նախազգուշացնում է զերծ մնալ բիզնեսի բնականոն գործունեությանը խոչընդոտելու մտադրություններից, միաժամանակ կոմիտեն տնտեսվարողներին հորդորում է խնդիրների դեպքում անմիջապես ահազանգել. ապրանքների արտահանումը, ներկրումը, արտադրությունը եւ առեւտրի կազմակերպումն ամենօրյա հսկողության ներքո է, եւ ՊԵԿ-ը պատրաստակամ է, օրենսդրության շրջանակում, անհապաղ լուծում տալ ցանկացած խնդրի»,- ասված էր ՊԵԿ-ի հայտարարությունում:

Այս ամենից զատ ՊԵԿ-ը չէր զլացել եւ մի տեսանյութ էլ նկարահանել էր, որպեսզի հեռուստաընկերություններով մի լավ պտտեն:

Այս տեսանյութն ուշադիր դիտող եւ լսող ամեն ոք կնկատի, որ բանան ներկրող գործարարի անունը, ազգանունը, ընկերությունը լուսագրերով չի ներկայացվում, բայց նա համոզիչ պատմում է, թե ինչպես պատահեց այդ ամենը:

«Ռուսաստանի Հանրապետությունից օրինական ճանապարհով, բոլոր հարկերը տուրքերը մուծելով ներմուծել ենք բանան: Փորձում են խոչընդոտել մեր օրինական բիզնեսին»,- այս խոսքերի հեղինակը բանան ներկրող է ներկայանում:

Լավ, ընդունենք, որ բանան ներկրելու համար 10-ամյա կրթությունը պարտադիր չէ, բայց գոնե աշխարհագրությունից որոշ բաներ պետք է իմանալ: Ռուսաստանի Դաշնության փոխարեն հանրապետություն անվանող ներկրողի ով լինելը փորձեցինք պարզել հենց ՊԵԿ-ից: Սակայն մինչ այդ նշենք, որ նշված տեսանյութի մի հատվածը ՊԵԿ-ը նկարահանել է Բագրատաշենի նորաբաց անցակետում, իսկ մյուս մասը Երեւանում՝ ՊԵԿ մաքսազերծման պահեստի տարածքում, որտեղ որեւէ մեկը չի կարող առանց ՊԵԿ-ի թույլտվություն նկարահանում կատարել:

Ո՞վ է բանան ներկրող գործարարը

Հարցին՝ ո՞ր ընկերությունն է փորձել բանան ներկրել, սակայն խոչընդոտների է հանդիպել, ՊԵԿ-ից չեն պատասխանում. «Հաշվի առնելով նմանատիպ դեպքերի հետագայում կրկնության տեսական հնարավորությունը եւ դրանք կանխելու, համանման փորձերին արագ ու արդյունավետ արձագանքելու անհրաժեշտությունը` ՀՀ ԿԱ ՊԵԿ-ը ձեռնպահ է մնում միջադեպի վերաբերյալ այլ մանրամասներ հրապարակելուց»:

Մինչդեռ ՊԵԿ-ը կարճ ժամանակ անց իր հաղորդագրություններից մեկում մեկ այլ խնդրահարույց դեպքի վերաբերյալ այնպիսի մանրամասնությամբ է ներկայացնում օրինախախտ քաղաքացուն, որ հակասում է իր իսկ սկզբունքներին: Գլխավոր դատախազությունից նույնպես չհայտնեցին ներկրողի անունը:

Armtimes.com-ի տեղեկություններով, Կարեն Կարապետյանի՝ ազատ ներմուծում կատարելու մասին աղմուկ հանած հայտարարություններից հետո Հայաստան բանան է շարունակում ներկրել «Քեթրին» ընկերությունը, իսկ մեկ անգամ էլ մոտ 10 տոննա բանան է ներկրել մարկետոլոգ Վահրամ Միրաքյանը: Մինչ օրս որեւէ այլ անձ կամ կազմակերպություն Հայաստան բանանի խոշոր խմբաքանակ չի ներկրել, իսկ ՊԵԿ-ի ներկայացրած տեսանյութն ու հայտարարությունն այն բանի համար է եղել, որ ցույց տան, թե պայքարում են:  

Հ.Գ. ՊԵԿ-ը, եթե օրինականության սահմանում աջակցել է ներկրողին, ապա բարի պետք է լինի իր պաշտոնական կայքի համապատասխան բաժնում տեղադրի այն իրավախախտման դեպքերը, որոնք արձանագրել է: ՊԵԿ-ը 2016 թվականի մայիսից մինչ օրս որեւէ իրավախախտման դեպքի մասին չի հայտարարել:

Տպել
15278 դիտում

Մամեդյարովը Վաշինգտոնում հանդիպել է ԵԱՀԿ ՄԽ համանախագահների հետ

Նիկոլ Փաշինյանը արդարադատության նախարարությունում ներկայացրել է նորանշանակ նախարարին (տեսանյութ)

«Թաքնված խաչ» ֆիլմի անձնակազմը դատի է տալու թուրքական ազգայնամոլական թերթին

Վանաձոր-Ալավերդի-Բագրատաշեն ճանապարհահատվածը բեռնատարների եւ ավտոբուսների համար փակ է

Քաղաքացին հայտնել է, որ գյուղապետն իր ընկերների հետ ծեծի է ենթարկել , ապա շանն է «քսի տվել» վրան

Կոտայքի մարզի Արգել համայնքում կարկտավտանգ ամպեր են վնասազերծվել. կատարվել է 152 կրակոց

Հրդեհվել են Սուրբ Հովհաննես եկեղեցու մոտակայքում գտնվող տնակները

Երևանում և 8 մարզերում այսօր էլեկտրաէներգիայի պլանային անջատումներ են սպասվում

Գերմանիայում ծրագիր են մշակել՝ տղամարդկանց պաշտպանելու ընտանեկան բռնությունից

Հայաստանի 2 ներկայացուցիչ բրոնզե մեդալակիր է դարձել. ըմբշամարտի պատանեկան ԵԱ

ՍԴ դատավորի պաշտոնում ընտրված Վահե Գրիգորանի երդման արարողությունը տեղի կունենա վաղը, իսկ ավելի ուշ կփակի Ֆեյսբուքի էջը

Լրագրողի պայուսակից ոստիկանները հայտնաբերել են շորթմամբ հափշտակած գումարը (տեսանյութ)

Գողացել են ԱԺ պատգամավորի մեքենայի կողային հայելին

Հայ օգնության ֆոնդը 2019-2020 ուսումնական տարվա համար հայտարարում է կրթաթոշակների մրցույթներ

Պտտահողմը Ոսկեհատ գյուղի բնակչի տան տանիքը պոկել է

ՀՀ կառավարության հունիսի 20-ի նիստի մեկնարկի ժամը փոխվել է

Dine Sky՝ ռեստորան երկնքում. Երեւանում բացվեց առաջին ճախրող ռեստորանը (լուսանկարներ)

ՊԵԿ նախագահը կոմիտեում հրաժեշտ է տվել Ռուստամ Բադասյանին, մաղթել հաջողություններ

Քոչարյանի համար երաշխավորած Բակո Սահակյանը և Ա. Ղուկասյանը ուղղակի կապ ունեն մի շարք ապօրինի հանգամանքների հետ. Սաֆարյան

Hzham.am կայքի լրագրողը բերման է ենթարկվել ՃՈ պաշտոնատար անձի աշխատասենյակից. նրա մոտից հայտնաբերվել է 400 հազար դրամ