Աշխարհահռչակ Սերենա Ուիլյամսը կմասնակցի՞ «Տարվա լավագույն հայ մարզիկ» մրցույթին

ՀՀ սպորտի եւ երիտասարդության հարցերի նախարարության կողմից նախաձեռնված «Տարվա լավագույն հայ մարզիկ» անունով նոր մրցանակաբաշխությունը լայն հորիզոններ է բացում հատկապես կատակասերների համար: «Հայկական Ժամանակը» երեկ անդրադարձել է արդեն այս նոր մրցույթին, եւ հրապարակումից հետո ընկերներս ուշադրությունս հրավիրեցին հետաքրքիր, միգուցե զավեշտալի, բայց ամբողջապես «Տարվա լավագույն հայ մարզիկ» մրցանակաբաշխության ֆորմատում տեղավորվող մի հանգամանքի վրա. առաջիկա տարիների ընթացքում այս մրցույթի ֆավորիտների թվում լրջագույն թեկնածու՝ համաշխարհային աստղ է հայտնվելու, ինչի մասին միգուցե չգիտե անգամ ինքը՝ այդ թեկնածուն:

Սերենա Ուիլյամսը՝ աշխարհի բոլոր ժամանակների լավագույն թենիսիստուհիներից մեկը, Երկիր մոլորակի ներկայիս ուժեղագույն թենիսիստուհին, թենիսի պատմության մեջ ամենամեծ գումարները վաստակած մարզուհին, բազմաթիվ հավանական եւ անհավանական ռեկորդների հեղինակը, կարող է հավակնել «Տարվա լավագույն հայ մարզիկ» մրցույթի հաղթողի կոչմանը, ինչի մասին ոչ ուղղակիորեն ակնարկել է Սերենայի նշանածը՝ «Reddit» սոցիալական ցանցի հիմնադիր, ամերիկահայ հայտնի բիզնեսմեն, «Ֆեյսբուք» սոցիալական ցանցի հիմնադիր Մարկ Ցուկերբերգի մտերիմ ընկեր եւ այդ պատճառով ԱՄՆ-ում «հայկական Ցուկերբերգ» մականունը ունեցող, Հայոց ցեղասպանությունից փրկված բիթլիսցի եւ խարբերդցի փախստականների ծոռ Ալեքսիս Օհանյանը:

Հիշեցնեմ, որ Ալեքսիսը եւ Սերենան նշանվել են 2016 թվականի դեկտեմբերին՝ կաթոլիկ օրացույցով նշվող Սուրբ Ծննդյան տոներին: «Նա ինձ ընդամենը 4 բառ ասաց եւ ես պատասխանեցի՝ այո»,- «Reddit»-ում իրենց նշանադրության մասին նման գրառում էր կատարել Սերենա Ուիլյամսը, իսկ մեկնաբանությունների մեջ Ալեքսիս Օհանյանը ավելացրել էր. «Եվ ինձ դարձրեց աշխարհի ամենաերջանիկ մարդը»: Բնականաբար, սիրահար զույգը նշանադրության առթիվ բազմաթիվ շնորհավորանքներ է ստացել. Սերենան եւ Ալեքսիսը սոցիալական ցանցերի միջոցով շնորհակալություն են հայտնել բոլորին եւ այդ գրառումների մեջ հատկապես հետաքրքիր է Ալեքսիսի գրառումներից մեկը. «Շնորհակալ եմ բոլորին ջերմ խոսքերի համար, հատկապես իմ հայ քույրերին եւ եղբայրներին, որոնք քննարկում էին, թե երբ կարող են Սերենային հայ համարել»:

Նշեմ, որ Ալեքսիս Օհանյանը բավական ակտիվ է սոցցանցերում. միայն թվիթերում օրվա ընթացում կատարում է մոտ 10-12 գրառում եւ գրեթե մշտապես դրանցից գոնե մեկը նվիրված է լինում Հայաստանին, հայերին, լուսանկարներ է հրապարակում իր հայաստանյան այցերից: Թվիթերյան մեկ այլ գրառման մեջ Օհանյանը հարց էր տվել. «Միգուցե Սերենան փոխի՞ ազգանունը: Սերենա Օհանյան. վա՞տ է հնչում»: Օրեր առաջ Մելբուռնում ավարտված թենիսի «Մեծ սաղավարտի» մեջ մտնող Ավստրալիայի բաց առաջնությունում տոնած հաղթանակից հետո Սերենա Ուիլյամսը հայտարարել էր, թե փետրվարի ընթացքում կհայտարարեն իրենց ամուսնության օրվա մասին: Ավստրալիայի բաց առաջնության ամբողջ ընթացքում Սերենային տրիբունայից ջերմորեն աջակցում էր Ալեքսիս Օհանյանը, որը նշանածի հաղթանակից հետո գրառում կատարեց՝ «հպարտանում եմ քեզնով»: «Մայրս միշտ ասում էր, որ ես յուրահատուկ եմ, միշտ կարողանում եմ հասնել նպատակներիս», - մի առիթով պատմել է Օհանյանը:

Երկար տարիներ Ալեքսիսը սիրահարված է եղել Սերենա Ուիլյամսին եւ իր սերը, համակրանքն արտահայտել է գրառումների, հիացական խոսքերի միջոցով, մշտապես Սերենային նշելով որպես «Թագուհի»: 2016 թվականին Ալեքսիս Օհանյանը հասավ նպատակին՝ նշանվեց Սերենա Ուիլյամսը հետ, 2017-ին էլ ամուսնանալու է, եւ հաշվի առնելով Ալեքսիսի նպատակասլացությունը հնարավոր է, որ մարզաշխարհում այսուհետ փայլի Սերենա Օհանյանը: Եվ եթե մեր սպորտի նախարարության «Տարվա լավագույն հայ մարզիկ» մրցույթով զբաղվող հանձնաժողովը մրցույթի կանոնակարգում նշի, որ թեկնածուներ կարող են համարվել նաեւ հայազգի ամուսին ունեցող մարզիկները, ապա դեռեւս Սերենա Ուիլյամս անուն ազգանունով մարզուհին կդառնա այդ մրցույթի գլխավոր թեկնածուն, եւ իրականություն կդառնա «Տարվա լավագույն հայ մարզիկ» մրցանակաբաշխությունում մեր սպորտի նախարարության կողմից կարեւորվող հիմնական գաղափարներից մեկը՝ Հայաստան, Արցախ, սփյուռք եռամիասնության անհրաժեշտությունը:    

Տպել
4374 դիտում

Անասնագոմում հիվանդ տղայի հետ ապրող ազատամարտիկի հոսանքն են հիմա էլ անջատել (լուսանկարներ)

Վարչապետ Փաշինյանը ԳԴՀ դեսպանի հետ քննարկել է Գերմանիայի կառավարության հետ համագործակցությունը

ՎՏԲ-Հայաստան Բանկն առաջարկում է քարտից քարտ փոխանցումներ կատարել մոբայլ և ինտերնետ բանկի միջոցով

Դավիթ Տոնոյանն Արգենտինայի դեսպանի հետ քննարկել է պաշտպանության ոլորտում համագործակցության մասին հարցեր

«ԷԼԱՐԴ»-ի փորձագետները ներկայացրել են Ամուլսարում իրականացված փորձաքննության նախնական եզրակացությունը

Սպանություն Գյումրիում. մորը սպանելու կասկածանքով ձերբակալվել է որդին

Գյումրու ավագանին Ֆրանկ Մյուլլերից ետ վերցրեց մեկ տարի առաջ տրված տարածքները

16 մլն դրամ, 45 հազար դոլար. ի՞նչ ունեցվածք ունի դատավոր Նարինե Բարսեղյանը

Դեռ չգիտենք, թե մշակույթի նախարարությունն ինչ դերակատարում կունենա Օպերային թատրոնի գործունեության մեջ. Օրբելյան

Դատարանը անակնկալ հեռացավ խորհրդակցական սենյակ՝ Քոչարյանի եւ մյուսների վերաբերյալ որոշում կայացնելու

Խորհրդարանում Բարձրագույն դատական խորհրդի անդամ են ընտրում

Ժամկետային զինծառայողին մեղադրանք է առաջադրվել` սպանության փորձ կատարելու համար

Սուրիկ Խաչատրյանի առանձնատունը, որը գտնվում է կենդանաբանական այգու ճանապարհին, գրանցված չէ. Պետրոսյան

Ներքին տեղեկությունները Հայաստանից Ադրբեջանում հայտնվել չեն կարող. Արթուր Վանեցյան

«Women’s Club»-ի նոր անդամ Արենա Զեյնալյանի կերպարը կոտրելու է տարածված կարծրատիպը

Հայաստանում ներդրվում է անշարժ գույքի միասնական հարկատեսակը. գործադիրը հաստատեց նախագիծը

Ես այս ընթացքում բազմաթիվ աղաղակող կոպիտ թերություններ եմ տեսել. վարչապետ

Սուրբ Հովհաննես Կարապետի մասունքը տարվել է Շողակաթի վանք

Սահմանադրական դատարանի նախագահի լիազորությունները ստանձնում է Վահե Գրիգորյանը․ նա երդվեց խորհրդարանում

Գործող հողի հարկին եւ գույքահարկին փոխարինելու է գալիս միասնական անշարժ գույքի հարկի գաղափարը. Պետրոսյան