Լապշինի արտահանձնումից հետո Ադրբեջանը Եվրոպայի տրամադրություններն է ստուգում. քաղաքագետ

Ինչպես արդեն տեղեկացրել ենք, Ադրբեջանի գլխավոր դատախազությունը երեկ ուշ երեկոյան հայտարարել է, թե քրեական գործ է հարուցել Եվրախորհրդարանի պատգամավորներ Ֆրանկ Էնգելի (Լյուքսեմբուրգ), Էլենի Թեոհարուսի (Կիպրոս) եւ Յարոմիր Շտետինայի (Չեխիա) նկատմամբ։

Ադրբեջանի գլխավոր դատախազության հաղորդագրության մեջ նշվում է, որ «Ադրբեջանի գրավյալ տարածքներ անօրինական այցերի համար Եվրախորհրդարանի պատգամավորների նկատմամբ քրեական գործ է հարուցվել Ադրբեջանի քրեական օրենսգրքի համապատասխան հոդվածներով։ Նրանք, մասնավորապես, կասկածվում են անօրինական կերպով Լեռնային Ղարաբաղ այցելելու մեջ, որի նպատակը եղել է փետրվարի 20‐ին անցկացված, այսպես կոչված, հանրաքվեին որպես դիտորդ մասնակցելու մեջ»։

Գործընթացի հնարավոր զարգացումների եւ Եվրոպական միության արձագանքի թեմայով armtimes.com-ի թղթակիցը զրուցեց քաղաքագետ Սարո Սարոյանի հետ:

- Պարոն Սարոյան, ո՞ւր կարող է տանել Ադրբեջանի որդեգրած մարտավարությունը՝ հաշվի առնելով հայտնի բլոգեր Ալեքսանդր Լապշինի ձերբակալման եւ Բաքվին արտահանձնման նախադեպը:

- Էականն այն է, որ կա քաղաքական հստակ գիծ: Ըստ էության՝ Ալիեւը հենց այդ քաղաքական գծով էլ շարժվում է առաջ: Նա կարողացավ անցկացնել առաջին փուլը, այժմ փորձում է անցկացնել 2-րդ փուլը: Ընտրված երկրներն ու պատգամավորներն այս համատեքստում պատահական ընտրված չեն: Սկզբի համար թիրախավորվում են Եվրամիությունում ոչ այնքան առանցքային երկրները, այուհետ, հավանական է, գա նաեւ առավել ազդեցիկների հերթը:

Երբ թույլերի հետ տարվող գործընթացները մարսված կլինեն, եւ հաջողությունն ապահովված կլինի, Ադրբեջանը հաջորդ փուլում կանցնի առավել լայնամասշտաբ ծրագրերի: Տրամաբանությունը հետեւյալն է. եթե թույլ թիրախներ չես կարողանում խոցել, ինչպե՞ս պետք է հզորներին կարողանաս: Այնպես որ, Ադրբեջանը շատ նորմալ մարտավարություն է ընտրել. նախ՝ հասնել բլոգերի, այնուհետ պատգամավորների ձերբակալման եւ արտահանձնման:

- Ստացվում է՝ այդ երկիրը դեռեւս ԵՄ-ի տրամադրություններն է շոշափում` որոշելու իր հետագա քայլերը:

- Այո, Ադրբեջանը ստուգում է, թե Եվրամիությունն ինչպես կարձագանքի իր գործողություններին: Նա տրամադրություններ է ստուգում, եւ այդ տրամադրությունները գնահատելուց հետո կկարողանա որոշել՝ ինչպիսի ճանապարհով առաջ շարժվել, ինչ խնդիրներ լուծել: Հատկանշական է, որ սրանով Ադրբեջանն իր հետ երկխոսելու եւ բանակցելու նոր ձեւաչափեր է ստեղծում: Այլ խոսքով, ԼՂՀ հիմնախնդրի հետ կապված օժանդակ խնդիրներ է հրահրում, որի արդյունքում էլ հույս ունի ինտրիգներ ձեւավորել եւ խնդրի շուրջ իրեն ցանկալի լուծումների հասնել:

Տպել
6166 դիտում

«Դիլիջան» ազգային պարկում ծառերը հատելու նոր հնարք են գտել (տեսանյութ)

Հակոբ Նազարյանը դուրս է գալիս «Բարգավաճ Հայաստան» կուսակցությունից ու ընտրական ցուցակից

Ծաղկաձորը ներառվել է ձմեռային հանգստի համար լավագույն վայրերի առաջին հնգյակում

Առաջիկա 5 օրերին Հայաստանում տեղումներ չեն սպասվում

Արման Փաշիկյանը 10 տարի անց նորից դարձել է շախմատի Հայաստանի չեմպիոն

Ադրբեջանական հաքերները կոտրել են մոտ 2 հազար հայկական էլ․ փոստեր եւ ֆեյսբուքյան հաշիվներ

2018-ի 3-րդ եռամսյակում օտարերկրյա ուղղակի ներդրումները 50%-ով աճել են՝ 2017-ի համեմատ. վարչապետ

Վերին Լարս տանող Գուդաուրի-Կոբի ճանապարհահատվածը բացվել է մարդատար մեքենաների համար

Երևանում փրկել են տղամարդու կյանքը, ով անցել է կամրջի վտանգավոր եզրագիծը, փորձել նետվել

Թագավորական անձրևանոցներ՝ գոյություն ունեցող բոլոր գույներով. երանգներ՝ թագուհուց (լուսանկարներ)

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկների, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը