Գյումրիում ակտիվ քարոզ է. ՀՀԿ-ի թեկնածուն 2500 ԱՄՆ դոլարի մոնտաժ է պատվիրել. լուսանկարներ

Արդեն երկու օր է, ինչ մեկնարկել է ՀՀ Ազգային ժողովի ընտրությունների նախընտրական քարոզչությունը: Գյումրիում այն այս անգամ փոքր-ինչ պասիվ է այն առումով, որ քաղաքապետի ընտրության նման քարոզի մեկնարկի առաջին ժամերից իշխանական ուժի պաստառները չողողեցին Գյումրու փողոցները:

Գյումրու կենտրոնական փողոցների գովազդային վահանակները, որոնք համապատասխան ընկերության կողմից ազատվել էին հատուկ նախընտրական քարոզի պաստառների համար, շարունակում են առայժմ դատարկ մնալ: Մեկ-երկու տեղ նկատվում են «Ծառուկյան դաշինքի» պաստառները:

Armtimes.com-ին հայտնի է դարձել, որ մասնավորապես գյումրեցի ՀՀԿ-ականները եւ կուսակցության ռեյտինգային ցուցակի թեկնածուները ՀՀԿ կենտրոնական գրասենյակից՝ Երեւանի Մելիք Ադամյան փողոցից, հատուկ նախազգուշացում են ստացել՝ չգովազդել սեփական անձը, գովել կուսակցական ծրագրերը, բարձրացնել ՀՀԿ-ի վարկանիշը ընդդիմադիր համարվող գյումրեցիների մոտ:

ՀՀԿ վերնախավի նմանօրինակ պահանջը հավանաբար պայմանավորված է այն հանգամանքով, որ Սերժ Սարգսյանը եւ իր կուսակցությունը գյումրեցիների շրջանում այնքան էլ հեղինակություն չի վայելում: Դա են փաստում նախագահական նախորդ ընտրությունների արդյունքները, երբ Գյումրիում հաղթանակ տարավ նախագահի թեկնածու Րաֆֆի Հովհաննիսյանը:

Այս թեմայի վերաբերյալ armtimes.com-ը զրուցեց ՀՀԿ-ի Շիրակի շտաբի ղեկավար, ԱԺ պատգամավոր Սամվել Նիկոյանի հետ: Վերջինս նշեց, որ նման պահանջ ՀՀԿ-ի վերնախավից չի իջեցվել, թեեւ շեշտեց, որ առաջնային լինելու է կուսակցության քարոզը. «Նման բան չկա, թեկնածուները զբաղվելու են ե՛ւ իրենց ե՛ւ կուսակցության քարոզով: Լինելու են նաեւ անհատական բուկլետներ»,- ասաց շտաբի պետը:

Նշենք, որ ՀՀԿ-ն Գյումրիում դեռ գովազդային վահանակներին չի տեղադրել իր նախընտրական պաստառները, սակայն Սամվել Նիկոյանը նշում է, որ վարձակալել են յոթ գովազդային վահանակ:

Այն, որ փողոցներում անհատական նկարներով վահանակներ չեն լինելու, փաստ է, բայց, որ ՀՀԿ-ի թեկնածուները անհատապես արդեն գնել են տեղական հեռուստաընկերությունների եթերաժամանակի մեծ մասը՝ վկայում են նրանց մասին պատմող տեսաֆիլմերը:

Ունենք տեղեկություն, որ ՀՀԿ-ի թեկնածուներից մեկը տեսանյութեր պատրաստող ընկերությանը մինչեւ 2500 ԱՄՆ դոլարի միայն մոնտաժային աշխատանքներ է պատվիրել՝ իր գործունեության մասին քարոզչական տեսանյութեր պատրաստելու համար: Այս մասին փոխանցեցին մեր աղբյուրները՝ խնդրելով չհրապարակել պատվիրատուի եւ ընկերության անունը:

Գյումրեցի ու շիրակցի ընտրողների հետ արդեն լայնամասշտաբ հանդիպումներ են ունենում ՀՀԿ-ից Ֆելիքս Ցոլակյանը եւ Մարտուն Գրիգորյանը, հանդիպումների առումով ակտիվ է նաեւ ՀՅԴ-ն, մյուսները դեռ լռում են:

Ակտիվ քարոզչությանը զուգահեռ՝ Գյումրում սկսվել է ձնհալը: կենտրոնական եւ երկրոդական փողոցները ցեխաջրերի մեջ են:

Նարեկ Կիրակոսյան

Տպել
8602 դիտում

Սանահին վանքի գավթում "եվրո֊բուտկա" են տեղադրում․ Յաշա Սոլոմոնյան

Սեյրան Օհանյանը Մարտի 1-ի գործով ցուցմունք չի տվել. նրա ազատ տեղաշարժը հուլիսից սահմանափակվել է. պաշտպան

Նախագահ Արմեն Սարգսյանը շնորհավորական ուղերձ է հղել Մոլդովայի նախագահ Իգոր Դոդոնին

Լավ կլինի՝ պարոն Մարուքյանը մտածի՝ ինքը ինչպիսին պետք է լինի, ոչ թե Նիկոլ Փաշինյանը․ Լենա Նազարյան

Պետբյուջե մուտքերի ծրագրային ցուցանիշը 2018-ին գերազանցվել է 57.7 մլրդ դրամով․ ՊԵԿ-ը հերքում է կեղծիքները

«Միկան» կարող են տալ ՀՖՖ-ին. բասկետբոլի ֆեդերացիայում մտահոգ են

Պարզվեց հասարակության մեջ կա ատելության հսկայական ու բազմաշերտ պոտենցիալ․ Սերգեյ Սարգսյան

Ընդդիմությունը դեմ քվեարկեց կառավարության ծրագրին ոչ թե, որ այն վատն էր, այլ որ առաջին անգամ կարողացավ գործել ազատորեն

Նոր շունչ ծննդօգնության ծառայություններին․ նախարարը խոսել է իրականացվող ռեֆորմների մասին (տեսանյութ)

Պետության կառավարման մոդելի փոփոխության վերաբերյալ քննարկումներ դեռ չենք ունեցել․ Լենա Նազարյանը՝ ՀԱԿ-ի առաջարկի մասին

Դատախազությունը հրապարակեց Հարություն Մաշադյանի զինգրքույկն ու զինծառայության ընթացքում արված լուսանկարները

Ինձ համար միևնույն է, ես հավատում եմ Պուտինին․ Թրամփ

Քննչական կոմիտեում ՏԻՄ ընտրությունների ընթացքում առերևույթ ընտրախախտում պարունակող նյութեր չեն ստացվել

«Նուբարաշեն» ՔԿՀ-ում ցմահ դատապարտյալները ջրադուլ և հացադուլ են հայտարարել․ ՄԻՊ-ը չհայտարարված այց է կատարել

Առանց մեծածավալ ներդումների Հայաստանում չի կարող տնտեսական հեղափոխություն լինել․ Միքայել Մելքումյան

«Փյունիկի» պատանի սաները ներկա գտնվեցին «Ռեալ Մադրիդ» - «Ժիրոնա» խաղին (տեսանյութ)

Եգիպտոսի նախագահը Մյունխենում խոսել է Հայոց ցեղասպանության մասին

ՀՀ վարչապետ Նիկոլ Փաշինյանն ընտանիքի հետ գնումներ է կատարում սուպերմարկետից (լուսանկար)

Հայաստանը կարող է զենքի գնման համար նոր վարկ ստանալ Ռուսաստանից

Ավետիք Էլոյանը նշանակվել է ՀՀ փոխվարչապետ Տիգրան Ավինյանի խորհրդական