ՕՐՕ-ի ծրագրում ԼՂՀ-ն բանակցային կողմ դարձնելու կետ չկա. Սամվել Բաբայանը կարևորում է այն

Ապրիլյան խորհրդարանական ընտրություններին մասնակցող բոլոր քաղաքական ուժերն էլ իրենց նախընտրական ծրագրերում հատուկ բաժին կամ գոնե անդրադարձ ունեն Լեռնային Ղարաբաղի հակամարտության լուծմանը կամ Արցախի հանրապետությանն ընդհանրապես: Որևէ քաղաքական ուժ, սակայն այդպես էլ չի նշել, թե ինչպես է պատկերացնում այդ հարցի լուծումը: Ինչ քայլեր պետք է արվեն, փոխզիջում լինելու է, թե՝ ոչ, իսկ եթե լինելու է, ապա ինչպիսի փոխզիջում են պատկերացնում՝ ինչը ինչի դիմաց պետք է զիջվի և այդպես շարունակ:

Կուսակցությունների ու դաշինքների ծրագրերում Արցախի հարցով ընդամենը խաղաղության ու զարգացման շրջանակներում ընդհանուր դրույթներ են շարադրված առանց որևէ կոնկրետությունների: Բայց իշխանական ուժերի, առավել ևս ԼՂՀ հարցով զբաղվող նախկին պաշտոնյաներ ունեցող քաղաքական կազմակերպությունների ծրագրերն այդ հարցում պետք է որ ավելի կոնկրետ և իրատեսական դրույթներ պարունակեին:

Այդ տեսակետից ուշագրավ է հատկապես Օհանյան-Րաֆֆի-Օսկանյան դաշինքի ծրագիրը, որտեղ ԼՂՀ հակամարտության կարգավորմանը վերաբերող կարևորագույն՝ Արցախը բանակցային սեղանի շուրջ վերադարձնելու, բանակցային կողմ դարձնելու խնդրին ուղղված որևէ դրույթ չգտանք: Ծրագրում կան ԼՂՀ-ին վերաբերող ընդհանուր դրույթներ. «Մեր դաշինքը համոզված է, որ այս խնդրի լուծման առանցքում պետք է լինի Արցախի ինքնորոշման իրավունքի իրացումը, որից հետո՝ Արցախի հանրապետության եւ Ադրբեջանի Հանրապետության սահմանների ճշգրտումը» կամ` «Լեռնային Ղարաբաղի խնդրի կարգավորման բանալին գտնվում է Երեւանում, Ստեփանակերտում եւ Բաքվում, սակայն վերջնական խոսքը պատկանում է արցախցիներին: Առանց արցախցիների ցանկության հնարավոր չէ հասնել որեւէ համաձայնության»: Բայց բանակցային գործընթացներում Արցախի իրավունքների վերականգնման՝ Արցախը բանակցային կողմ դարձնելու հարցին վերաբերող որևէ ձևակերպում չկա:

Եվ սա այն դեպքում, երբ ՕՐՕ դաշինքի երեք առաջնորդներն էլ՝ Սեյրան Օհանյանը, Րաֆֆի Հովհաննիսյանն ու Վարդան Օսկանյանն այդ հարցում պատահական մարդիկ չեն եղել: Ր. Հովհաննիսյանն արտգործնախարար է եղել 1991-1992թթ.-ին, Ս. Օհանյանը մինչև 2007թ. եղել է ղարաբաղյան պատերազմի մասնակից, զինադադարից հետո բարձրաստիճան սպա ԼՂՀ պետական բանակում և ի վերջո՝ այդ բանակի հրամանատարը: Իսկ 2007-ին եկել է Հայաստան ու նշանակվել նախ ԶՈւ գլխավոր շտաբի պետ, այնուհետև պաշտպանության նախարար մինչև անցած տարվա հոկտեմբեր ամիսը: Իսկ արդեն Վ.Օսկանյանը ՀՀ արտգործնախարարն է եղել ամբողջ 10 տարի, Ադրբեջանի հետ հենց ինքն է կարգավորման շուրջ վարել այդ բանակցությունները: Եվ այս երեքն էլ քաջ պատկերացնում են, թե ինչ է նշանակում Արցախի բանակցային կողմ լինելը:

Սակայն հիշեցնենք, որ հենց Վ. Օսկանյանի ու Ռոբերտ Քոչարյանի պաշտոնավարման ժամանակ ԼՂՀ-ն դուրս մղվեց բանակցություններից: Միգուցե պատճառը հենց սա է, որ ՕՐՕ դաշինքում այդ հարցի վերաբերյալ որևէ դրույթ չկա: Մեզ առայժմ չհաջողվեց Վ. Օսկանյանից այդ հարցի վերաբերյալ որևէ բացատրություն ստանալ: Փորձեցինք դա անել դաշինքի դե-ֆակտո ղեկավար, հավանաբար նաև դաշինքի շտաբի ղեկավար Սամվել Բաբայանից, ով նույնպես պատահական մարդ չէ այդ հարցում՝ 1993-1999թթ.-ին նա ԼՂՀ ՊԲ հրամանատարն էր: Ի դեպ, նրա օրոք ԼՂՀ-ն բանակցային կողմ էր: Վերջինս մեզ հետ զրույցում ասաց, թե ինքը դաշինքի ծրագրի հետ որևէ կապ չունի: Բայց չէ որ աջակցում է այն դաշինքին, որի ծրագրում նման դրույթ չկա: «Այո, աջակցում եմ, բայց ես ծրագիր գրող չեմ»,- պատասխանեց նա:

Այնուամենայնիվ, ինչպե՞ս է վերաբերում Արցախը բանակցային սեղան վերադարձնելու հարցին: «Ես դա շատ եմ կարևորում: Ես միշտ ասել եմ, որ Արցախը պետք է վերադառնա բանակցային սեղան: Ինձ համար դա շատ կարևոր է: Այդ հարցն ուրիշ լուծում չունի: Ինչքան դա չի լինի, այդ հարցը չի լուծվելու»,- հավելեց Ս. Բաբայանը:

Տպել
2201 դիտում

Այսօր Կենտրոնական բանկը իրականացրել է 10 միլիոն դոլարի գնում. վարչապետ

20 խոշորացված համայնքի տրամադրվել են փոքր դրամաշնորհներ

Վերանորոգվել է Գուգարքի հրշեջ-փրկարարական ջոկատը, տեղադրվել է հուշաքար՝ նվիրված հրշեջ-փրկարար Սամվել Դևելյանի հիշատակին

Շնչառական վարակներով պայմանավորված բացակայությունների առումով կրթական հաստատություններում դրական շարժընթաց է դիտվում

Նորագավթի ՃՈ հենակետի մոտակայքում բախվել են «Opel Corsa»-ն եւ «Infinti FX35»-ը. տուժածները հոսպիտալացվել են

Արցախում դադարեցվել են հանրակրթական եւ նախադպրոցական ուսումնական հաստատությունների պարապմունքները

Ամբերդ ամրոց և Քարի լիճ տանող ավտոճանապարհները անորոշ ժամանակ փակ կլինեն. ԱԻՆ

Մասնավոր անձի հեռախոսային ձայնագրառումը կարող է որպես ապացույց համարվել. Վճռաբեկ դատարանը նախադեպային որոշում է ընդունել

Արարատ Միրզոյանի գլխավորած պատվիրակությունն այցելել է Դանիայի Արդյունաբերական կոնֆեդերացիա

ՀՀ վարչապետ Նիկոլ Փաշինյանն այսօր հարցազրույց կտա Հանրային հեռուստաընկերությանը

Երևանի կենդանաբանական այգում տուբերկուլյոզի հարուցիչներ չեն հայտնաբերվել. առաջիկա օրերին այգին կվերսկսի գործունեությունը

Ռուբինյանց փողոցի բնակարանում բռնկված բարդ հրդեհը մարվել է. ԱԻՆ (տեսանյութ)

Սուրեն Պապիկյանի անձնական կյանքի գաղտնիք համարվող տեղեկությունն ապօրինի հավաքելու, տարածելու համար քրգործ է հարուցվել

Ոստիկանները Դիլիջանի թիվ 2 դպրոցում խոշոր չափի գումարի յուրացման դեպք են բացահայտել (տեսանյութ)

Մայրության նպաստ կնշանակվի նաեւ ծննդօգնության պետական հավաստագիր չներկայացնելու դեպքում

ՀՀ հունահռոմեական ոճի ըմբշամարտի հավաքականում 77կգ քաշային կարգի պատճառով սկանդալը շարունակվում է

Թումանյանի բաժնի ոստիկանները ապօրինի ծառահատման դեպք են բացահայտել

Նիկոլ Փաշինյանը շնորհավորական ուղերձ է հղել Արցախի վերածննդի օրվա կապակցությամբ

Որոշ մարզերում ձյուն է տեղում, «Մեղրու սար» կոչվող հատվածում մառախուղ է. ԱԻՆ

ԱԺ-ում քննարկվել է հայ-թուրքական սահմանի երկայնքով տեղակայված գյուղատնտեսական նշանակության հողերի օգտագործման կարգը