Մենք ձեզ հետ ենք եղել եւ ձեզ հետ ըմպել ենք դառնության բաժակը. Սեյրան Օհանյանը` ժողովրդին

Օհանյան-Րաֆֆի-Օսկանյան դաշինքը Կոտայքի մարզում իր նախընտրական քարոզարշավն այսօր սկսեց Հրազդան քաղաքից։ Այստեղ մարզպետարանին հարակից հրապարակում հավաքվել էր մոտ 200 հոգի, որոնցից մի մասին դաշինքն ինքն իր հետ մայրաքաղաքից էր բերել միկրոավտոբուսներով ու այլ մեքենաներով։ Հրազդանցիների հետ հանդիպումը բացեց Արմեն Մարտիրոսյանը`հրազդանցիներին հիշեցնելով, որ այս քաղաքն ու, ընդհանրապես Կոտայքի մարզը եղել է գիտաարդյունաբերական կենտրոն։ Եվ իրենք իշխանության գալու դեպքում կվերականգնեն այդ հնարավորությունները։ «Մենք երկար ժամանակ ենք հանդուրժել այս իշխանություններին։ Այս իշխանությունները ռեսուրսազրկել են մեր ժողովրդին, քաղաքացիներին ունեզրկել են, բյուջեի եկամուտները փոշիացրել։ Մենք երկար ենք թույլ տվել այս ամենը։ Հերիք է։ Մեր երկրի ռեսուրսները պետք է պատկանեն մեր ժողովրդին»,- հայտարարեց Արմեն Մարտիրոսյանը։ Վերջինս աննախադեպ համարեց այն երեւույթը, որ մի դաշինքում են միավորվել երեք նախկին նախարարներ՝ երկու արտգործնախարար եւ մեկ պաշտպանության նախարար։ Արմեն Հովհաննիսյանը նաեւ անդրադարձավ քաղբանտարկյալներին՝ հավելեց որ իշխանության գալու դեպքում առաջին քայլը կլինի նրանց ազատելը։

Այնուհետեւ բարձրախոսին մոտեցավ Վարդան Օսկանյանը եւ հայտարարեց, որ մեր երկրում ռեսուրսներ կան, բանկերում լիքը գումար կա, բայց դրանք ներդրում չեն դառնում, քանի որ վստահություն չկա։

Նա նաեւ հիշեց, որ իր իշխանության եղած ժամանակ ներդրումներ կային, Լինսի հիմնադրամին նվիրաբերություն արած Քրքորյանին հիշեց։ Հազարամյակի մարտահրավեր ծրագիրը հիշեցրեց՝ հավելելով, թե այս իշխանությունների օրոք ԱՄՆ-ն կասեցրեց այն։ Օսկանյանը, սակայն չհիշեց, որ այդ ծրագիրը կասեցվեց հենց իր իշխանության եղած ժամանակ տեղի ունեցած Մարտի 1-2-ի դեպքերի պատճառով։

Իսկ Սեյրան Օհանյանը հայտարարեց, թե այս 25 տարիներին իշխանությունը ժողովրդին շատ քիչ է պատկանել, եւ եթե իրենք գան իշխանության, այն կվերադարձնեն ժողովրդին։ Նա նույնպես չհիշեց, որ այդ 25 տարիներից 10 տարում ինքը Հայաստանի իշխանության մեջ է եղել՝ իսկ այդքան էլ` ԼՂՀ իշխանության մեջ։

Ինչեւէ, ՕՐՕ դաշինքի առաջնորդը հայտարարեց, որ իրենք իշխանության գալու դեպքում կտրուկ եւ կոշտ բարեփոխումներ են իրականացնելու։ Նա նաեւ բավականին զարմանալի մի հայտարարություն արեց։ «Մենք ձեզ հետ ենք եղել, եւ ձեզ հետ ըմպել ենք դառնության ու դաժանության բաժակը»,- հայտարարեց Սեյրան Օհանյանը՝ դիմելով Հրազդանի հրապարակում հավաքված բավականին անտարբեր հայացքներով ու խեղճ-խեղճ կանգնած մարդկանց։

Ի դեպ, դաշինքի ներկայացուցիչներին հետեւում էին Սեյրան Օհանյանի եւ Վարդան Օսկանյանի բավական շքեղ մեքենաները։ Իրենք, սակայն ավտոբուսով էին շրջում։

Տպել
3195 դիտում

Երթևեկության կազմակերպման փոփոխություն՝ Երևանում

Հայտարարություն մրցույթի մասին

Դանակահարության եւ խուլիգանության մեղադրանքով հետախուզվող վանաձորցուն Չարենցավանում են հայտնաբերել

Յոթերորդ գումարման Ազգային ժողովը սկսել է չորրորդ նստաշրջանի հերթական նիստերը․ օրակարգում 43 հարց է

Սրտի ստենտավորման ազգային ծրագրով պետբյուջեի միջոցների հաշվին կատարվել է 2.132 սրտի վիրահատություն

«Ֆեյսբուք»-ում «Սահմանադրական բարեփոխումներ» էջը Արդարադատության նախարարության կողմից չի ստեղծվել

Կլաուս Շվաբի հրավերով նախագահ Արմեն Սարգսյանը կմասնակցի Դավոսի ֆորումի 50-րդ ամենամյա հանդիպմանը

Գորիս քաղաքում տուն է հրդեհվել. մեկնել է 2 մարտական հաշվարկ

ԿԳՄՍ նախարար Արայիկ Հարությունյանը մեկնել է Լոնդոն՝ մասնակցելու Համաշխարհային կրթական ֆորումին

Տավուշում ձյուն է տեղում, Գորիսում մառախուղ է, կան բեռնատարների համար փակ ճանապարհներ

Բոլոր վարկածները սեղանին են. ՀՀ ԱԽ քարտուղարը՝ Կուտոյանի մահվան դեպքի քննության մասին

Քանաքեռ ՀԷԿ-ի լիճ շուն էր ընկել. օգնել են փրկարարները

Վարդենիսի հիվանդանոցի մանկաբարձական ծառայության մասով պետպատվերը բավարարվել է ԱՆ-ի կողմից

Հրդեհ Մարտունի քաղաքում. տուժածներ չկան

Արագածոտնի, Շիրակի, Սյունիքի մարզերում ձյուն է տեղում. կան փակ եւ դժվարանցանելի ճանապարհներ

Գեղարքունիքում 2 մեքենաների բախման հետեւանքով կա 6 վիրավոր

Իսկ հեղափոխությունից բացի ինչի՞ վրա կարող են հույս դնել նախկինները

Կատարվել է հոգեհանգիստ՝ Բաքվում և Սումգայիթում իրականացված հայերի ջարդերի 30-րդ տարելիցի առիթով

Թեհրանի օդանավակայանում թռիչքները հետաձգվել են՝ ձյան առատ տեղումների պատճառով

13 տարի առաջ այս օրը սպանվեց «Ակոսի» գլխավոր խմբագիր Հրանտ Դինքը