Ափսոս են նրանք, որոնք օգտագործվում ու շպրտվում են․ Սեյրան Օհանյանը՝ Արմեն Աշոտյանին

ՕՐՕ դաշինքի առաջնորդ Սեյրան Օհանյանը Կոտայքի մարզում ընտրողներին հետ հանդիպումները դրական է գնահատում: Այս մասին նա արդեն հանդիպման ավարտին ասաց լրագրողների հետ զրույցում։

«Ես կարծում եմ, որ շարժումն այս օրերի ընթացքում թափ է հավաքել, մենք ընտրել ենք հարաճուն ուժի ցուցադրման քաղաքականությունը, եւ այդ քաղաքականությամբ էլ գնալու ենք մինչեւ վերջ»,- ասաց նա։

Նրա խոսքերով՝ այսօր գոյություն ունեցող թերությունների, արատավոր երեւույթների նկատմամբ կտրուկ միջոցառումներ եւ խստապահանջություն է պետք՝ օրինականությունը հաստատելու գործում: Պետք է պահանջկոտությունը զուգակցել անձնական արժանապատվության, հոգատարության ու հարգանքի հետ. գտնում է նա: Անդրադառնալով Հանրապետական կուսակցության անդամների կողմից հնչող այն հայտարարություններին, թե իրենք այսօր ամենաուժեղն են և մրցակից չունեն, Սեյրան Օհանյանն ասաց, թե ծիծաղով է վերաբերվում նման խոսքերին: «Ինձ համար մրցակից է յուրաքանչյուր անհատ, և մենք պետք է հարգանք տածենք յուրաքանչյուր մարդու, քաղաքական ուժի նկատմամբ: Իրենք իրենց հնարավորությունների սահմանում են այդ ամենը կազմակերպում, իհարկե նաև վարչական ռեսուրսներ են օգտագործել։ Ես բոլորին էլ հարգում եմ, թող մարդիկ ընտրեն այն ուժին, որը կբերի հաջողություն ժողովրդին»,- ասաց Ս. Օհանյանը։

Դիտարկմանը, որ մարդիկ ընտրություններով փոփոխությունների չեն հավատում, Օհանյանն ասաց, որ պետք է միասնական պայքարել բոլոր ընտրակեղծիքների դեմ:

«Կոչ եմ անում պայքարել եւ կանգնել արժեքների պահպանման ուղղությամբ, գտնում եմ, որ ընտրություններով կարելի է փոխել ամեն ինչ, որովհետեւ այսօր ստեղծված միակ համակարգը թեկուզ եւ բազմաթիվ թերություններով սա է, նշանակում է՝ ամեն մեկը պետք է իր իրավունքին, իր քվեին տեր կանգնի»,- ասաց նա։

Հարցուպատասխանի ժամանակ անդրադարձ եղավ նաև ապրիլյան պատերազմի ժամանակ կորցրած տարածքներին, թե դրանք բուֆերայի՞ն տարածքներ էին, թե՞ ոչ: «Ապրիլյան պատերազմի ժամանակ այն տարածքները, որոնք գտնվում են այսօր ադրբեջանցիների ձեռքին, անվտանգության այն գոտու մեջ էր, որը ձեւավորել էինք արցախյան ազատամարտի ժամանակ եւ այն հետագայում ամրագրվել էր որպես ԼՂՀ-ի տարածք, նրանք այսօր գտնվում են ԼՂՀ՝ Արցախի բանակի վերահսկողության ներքո, այդ հարցերը քիչ ինձ տվեք»,- պատասխանեց նա։

Իսկ հարցին, թե իշխանական շրջանակներից ստացե՞լ է ազդակներ, որ պետք է նահանջի, կասեցնի շարժումը, Օհանյանը պատասխանեց. «Ե՞ս նահանջեմ, ով ուզում է նահանջի, ես ժողովրդի, յուրաքանչյուրի աչքերի մեջ նայելով ասացի, որ իմ պայքարը արդար է, եւ պարտավոր ենք հասցնել վերջնագծին»։

Սեյրան Օհանյանը լրագրողների հետ զրույցում նաև հակադարձեց ՀՀԿ փոխնախագահ Արմեն Աշոտյանի՝ իրեն ուղղված այն խոսքին, թե՝ ափսոս էր գեներալը: «Շատ մարդիկ տարբեր հորդորներ են կատարում, ասում, որ ինքն իրավունք չունի, ինքը զինվորական է եւ այլն, եւ այլն։ Ես կհորդորեի հետեւյալը՝ մարդիկ, ովքեր զինվորականներ են կամ պետական գործիչներ, զբաղվեն իրենց գործով, ես իմ գործով եմ զբաղվում, ոչ մեկին չեմ հորդորում զբաղվել կամ չզբաղվել։ Ի՞նչ է նշանակում՝ ափսոս էր, ափսոս են նրանք, որոնք ճիշտ աշխատանք չեն տանում մեր հայրենիքի համար, նրանք, որոնք տարբեր մարդկանց կողմից օգտագործվում են եւ հետո շպրտվում»,- հավելեց նա։

Եվ վերջապես այն հարցին, թե պաշտպանության նոր նախարարը որքանո՞վ է համապատասխանում իր պաշտոնին, Օհանյանը պատասխանեց. «Գնացեք, իրենց հարցրեք»։

Տպել
2557 դիտում

Բուհերի ընդունելության քննությունները կլինեն երկուսը՝ որոշ բացառություններով

Որևէ մեկը չփորձի ինձ թիրախավորել. Գյումրիում ժամեր առաջ անժամկետ հացադուլ հայտարարեց թիվ 2 դպրոցի տնօրենը

Համացանցում հայհոյանքը կարծես դարձել է պարտադիր պայման, բայց դա մեր ազգին չի սազում. Արամե

Նախկին նախագահը՝ ամբաստանյալի աթոռին. Ֆրանսիայում սկսվել է Սարկոզիի գործով դատավարությունը

Երևանի Բաղյան փողոցում հայտնաբերվել է վրաերթի ենթարկված անձը չպարզված քաղաքացու դի

Գեղարքունիքի մարզի ավտոճանապարհներին տեղ-տեղ առկա է մերկասառույց, Սպիտակի ոլորաններում մառախուղ է

Ավտովթար է տեղի ունեցել Երևան-Սևան ավտոճանապարհին․ վարորդն արգելափակվել է մեքենայի մեջ

Պարգևատրվել են մարտական գործողություններին մասնակցած փրկարարները (տեսանյութ)

Թուրքիայի ծավալապաշտական նկրտումները կարող են խիստ կործանարար հետևանքներ ունենալ ողջ տարածաշրջանի համար. Արա Այվազյան

Կապանի օդանավակայանը մնում է հայկական տարածքում. Հայկական միասնական տեղեկատվական կենտրոն

Աշակերտներին գրատախտակի մոտ կանչելու արգելքը հանվել է․ ԿԳՄՍ փոխնախարարը՝ առկա ուսուցմանն անցնելու մասին

Երկրաշարժ Դմանիս քաղաքից 19 կմ հարավ-արևմուտք, ցնցումները զգացվել են Լոռու մարզի Մեծավան և Ձորամուտ գյուղերում

Գյումրիում մարտական վիճակում գտնվող հակահետևակային ական է հայտնաբերվել

Շիրակի փոխմարզպետ Վարդան Գրիգորյանն աշխատանքից ազատման դիմում է ներկայացրել

ՔԿ-ում հանդիպումներ են տեղի ունեցել արգելված զինատեսակների կիրառման գծով միջազգային փորձագետների հետ

Վաղարշակ Հարությունյանն ընդունել է ՀՀ-ում ԱՄՆ արտակարգ և լիազոր դեսպանին

Առաջին անգամը չէ, երբ գործադիր, օրենսդիր և դատական իշխանության ներկայացուցիչները հանդիպում են․ Վիգեն Քոչարյան

Ոստիկանն ազգի նվիրյալ զինվոր է. պատերազմին մասնակցած ոստիկանության 184 ծառայող խրախուսվել է

Դեկտեմբերի 7-ից դպրոցներում առկա ուսուցումը կվերսկսվի նաեւ 5-12-րդ դասարաններում

Հայաստանի որոշ մարզերում մառախուղ է․ ԱԻՆ