Ահա ինչու Սերժ Սարգսյանը Գագիկ Ծառուկյանին խնդրեց վերադառնալ. «Ելք»-ի սյուրպրիզը

Խորհրդարանական ընտրությունների քրոզարշավը նոր նոր է սկսում հունի մեջ մտնել, բայց արդեն բազմաթիվ սոցիոլոգիական հարցումներ են հրապարակվել, թե որ կուսակցությունն ու դաշինքը որքան շանս ունեն:

Հայաստանում նախընտրական շրջանում անցկացվող այդ հարցումները, որպես կանոն, հավատ չեն ներշնչում, համարվում են ընտրակեղծարար իշխանությունների տրամադրությունների ինդիկատոր: Հարցումների արդյունքները հանրային գիտակցության մեջ ուրվագծում են, թե այս անգամ որ ուժերի օգտին կաշխատեն կեղծիքները, որ ուժերի մուտքը խորհրդարան կխոչընդոտվի, կամ որքան կխոչընդոտվի, եւ այլն: 

Այս ընթացքում ամենատարբեր կազմակերպությունների հրապարակված  հարցումների արդյունքներով առաջին եռյակն անփոփոխ է`«Ծառուկյան» դաշինք, ՀՀԿ, «Ելք» դաշինք: Առաջին երկուսի դեպքում իհարկե ամեն ինչ պարզ է, բայց ահա «Ելք» դաշինքը բոլոր հիմքերն ունի առաջիկա ընտրությունների անակնկալը դառնալու համար: Երեկ «Ազատություն» ռ/կ-ի ուղիղ եթերում դաշինքի ներկայացուցիչ Նիկոլ Փաշինյանը, խոսելով հարցումների արդյունքների մասին ասաց, որ վերջին հարցումն անցկացրած ռուսական կազմակերպությունում ունի աղբյուրներ, որոնք իրեն բոլորովին այլ պատկեր են փոխանցում: 

Հասարակական կարծիքի ուսումնասիրության համառուսաստանյան կենտրոնի (ВЦИОМ) տնօրեն Վալերի Ֆյոդորովը երեկ ասուլիսում ներկայացրել էր, ըստ իրենց ուսումնասիրությունների, ինչպիսին կլիներ ընտրությունների պատկերը, եթե դրանք կայանային առաջիկա կիրակի: Ըստ այդմ`«Ծառուկյան» դաշինքը կստանար 26,4  տոկոս ձայն, ՀՀԿ-ն` 22,8 տոկոս, «Ելք» դաշինքը`4.3 տոկոս:

«Ազատության» եթերում Փաշինյանն ասաց, որ նույն կենտրոնի իր աղբյուրների նշած թիվը առնվազն երեք անգամ մեծ է հրապարակվածից: Այսինքն «Ելք» դաշինքը այս պահին 14 տոկոս ձայն ունի: 

Եթե կենտրոնի ներկայացուցիչները մասնավոր զրույցներում իրականությունն են ներկայացնում, ապա Հայաստանում ընդունված տրամաբանությունը հուշում է, «Ելք» դաշինքի դեպքում փորձ է արվելու այդ չափով էլ խոչընդոտել եւ խեղաթյուրել քվեարկության պատկերը: 

Առաջին հայացքից, տարօրինակ է, որ սոցիոլոգիական հարցումների հրապարակային արդյունքներով առաջատարը «Ծառուկյան» դաշինքն է, եւ ոչ` ՀՀԿ-ն: Սակայն, Գագիկ Ծառուկյանի վերադարձը քաղաքականություն, ինչպես առիթ ունեցել ենք գրելու, ուղղակիորեն կապված էր Հայաստանի քաղաքական կյանք վարչապետ Կարեն Կարապետյանի մուտքով: Ծառուկյանը պետք է իշխանությունների ձեռքում գործիք դառնար Կարեն Կարապետյանին զսպելու, նրա հնարավոր քաղաքական ծրագրերն ու հավակնությունները հակակշռելու համար: Նույն գործիքն իհարկե անհրաժեշտության դեպքում կօգներ նաեւ այլ հակառակորդների հետ քաղաքական պայքարում:

Կոնկրետ այս փուլում Ծառուկյանի միջոցով Կարեն Կարապետյանին թույլ չի տրվում շատ ոգեւորվել իր 80 տոկոս վարկանիշով: ՀՀԿ-ի քարոզարշավի խորհրդանիշ, «Հարվըրդ» ավարտած գործող վարչապետը, որը ամեն օր գերազանցելով ինքն իրեն ելույթ է ունենում այս կամ այն մարզում, տեսահոլովակներում է նկարահանվում, տարբեր պոզաներով ֆոտոսեսիաների է մասնակցում, փաստորեն, պարտվում է Գագիկ Ծառուկյանին: Նա չի կարողանում ՀՀԿ-ի համար ավելի շատ աջակցություն ապահովել, քան Ծառուկյանն ապահովում է իր անունով դաշինքի համար: Կարող են լինել իհարկե հիմնավորումներ, թե ՀՀԿ-ն է չափազանց վարկաբեկված, եւ ոչ թե Կարեն Կարապետյանի մեջ է խնդիրը, բայց դրանք արդեն խոսակցություններ են, իսկ հեռուստատեսությամբ հրապարակվող թվերը`փաստեր: 

Կարապետյանին «ռամկաների» մեջ պահելն իհարկե կարեւոր է, բայց նախընտրական շրջանում նման թվեր հրապարակելը կարող էր նաեւ ռիսկային լինել: Ամեն դեպքում քաղաքական ուժը, տեսնելով, որ առաջատար դիրքերում է, կարող է ձգտել քվեարկության արդյունքներով նույնպես գրավել այդ դիրքը եւ հաջորդ իշխանությունը ձեւավորել:  

Հնարավոր է, բայց ոչ Ծառուկյանի դեպքում: Ծառուկյանին հիմա կտտանքների էլ ենթարկեն Սերժ Սարգսյանի դեմ դուրս չի գա: Եւ դա լավագույնս երեւաց Լոռվա մարզում այսօրվա նախընտրական հանրահավաքի դրվագով, երբ քաղաքացիներից մեկը քիչ էր մնում Սերժ Սարգսյանին քննադատեր, բայց Ծառուկյանը ժամանակին կանխեց:  «Երբ որ դուք քառօրյա պատերազմի ժամանակ կանգնեցիք զինվորի կողքին, ոչ ոք չկանգնեց, ո՛չ մեր պրեզիդենտը, ո՛չ էլ իրա ախպերը, ո՛չ էլ…»,-ասում էր քաղաքացին եւ դեռ հայտնի չի՝ էլ ինչեր կասեր պրեզիդենտի մասին, եթե Գագիկ Ծառուկյանը նրան չսաստեր. «Չենք քաղաքականացնում»: 

Լրջորեն քննարկվում է, թե ինչպես կարող է քաղաքական միջոցառման կիզակետում հնչել «Չենք քաղաքականացնում» հորդորը: Սա սակայն քննարկման թեմա չէ, այլ` «Կրկեսի վերածելու հայրենիք չունենք» շարքից, ինչպես`փոքրամարմին տղամարդուն գրկած օդ բարձրացնելը, հանրահավաքների ժամանակ քաղաքացիների հացի, ջրի, աշխատանքի, գազի հարցեր լուծելը, կամ ԿԸՀ համապատասխան զգուշացումից հետո դրանց լուծումը ապրիլի 2-ից հետո հետաձգելը, ու էլի շատ ու շատ կրկեսային դրվագներ:

Փորձենք այնուամենայնիվ պատկերացնել, թե ինչ կլիներ, եթե Գագիկ Ծառուկյանը այս ընտրություններից առաջ չվերադառնար քաղաքականություն: Շատ բան չէ,  ընդամենը  «Ելք» դաշինքը քարոզարշավի սկզբում կհայտնվեր երկրորդ տեղում` մինչեւ քարոզչության ավարտը առաջին հորիզոնականը գրավելու ռեալ հեռանկարով: Ճիշտ է, այն ժամանակ, երբ Սերժ Սարգսյանը Ծառուկյանին խնդրեց մոռանալ ամեն ինչ եւ վերադառնալ, «Ելք» դաշինք գոյություն չուներ: Բայց կային դաշինքի լիդերները, կար Ռոբերտ Քոչարյանը, Կարեն Կարապետյանը, պաշտոնից նոր հեռացած պաշտպանության նախարարը: Ու չէր բացառվում, որ նրանցից որեւէ մեկը պարտիան հաջող կխաղար եւ հաղթանակի շանսեր կստանար, ինչպես փաստորեն եղավ «Ելք»-ի դեպքում:  

Տպել
23464 դիտում

Հասարակության ներսում խնամքով փորվող խրամատները

Շիրակի պետական համալսարանը չի լուծարվի, իսկ ռեկտորի ժպ-ն չի օգտվում նախարարի հովանավորչությունից. ԿԳՄՍ նախարար

Գեորգի Կուտոյանի կողմից ֆինանսական խնդիրներ ունենալու վերաբերյալ որեւէ փաստական տվյալներ չեն ստացվել. ՔԿ

ՇՊՀ-ում դեռ անցյալի իրավական գնահատականը չի տրվել. Գյումրիում ԿԳՄՍ նախարարի մասնակցությամբ քննարկում է կայացել

Սպիտակում «Brabus Gelandewagen» մակնիշի մեքենա է այրվել

Թուրքիայում զոհերի թիվը հասել է 22-ի, կտարհանվի աղետից տուժած թուրքական բանտը

100 փաստ՝ նոր Հայաստանի մասին

Եթե պարոն Մարուքյանը շարունակելու է տեղը չբերել՝ հայտնվելու է Աշոտյանի դերում․ Նիկոլ Փաշինյան

Սարալանջում գազի արտահոսքից հրդեհ է բռնկվել. այրվել է պահեստավորված անասնակերը

ԱԺ-ում ինչ-որ մարդիկ հայհոյախառն արտահայտություններ թույլ տվեցին․ իրենցով պետք է զբաղվել. Նիկոլ Փաշինյան

Մենք պատրաստվում ենք ԵԱՏՄ-ում շատ ակտիվ շարունակել աշխատել․ Նիկոլ Փաշինյան

Անընդունելի է ցանկացած փաստաթուղթ, որտեղ խոսք է գնում տարածքային զիջումների մասին. Հայկ Խանումյանի արձագանքը

«Առաջարկված սկզբունքները հնացել են և վերանայման կարիք ունեն». Մասիս Մայիլյանի արձագանքը Նիկոլ Փաշինյանին

Մենք այդ փողերը վերցնում ենք այնտեղից, որտեղ իրենք տարիներով խնդրում էին եւ չէին ստանում․ Փաշինյան

Բուհական եւ գիտական համակարգը ծայրից ծայր պետք է բարեփոխվի․ մեր պլանը պինդ, շեշտակի քայլերով առաջ գնալն է

Կարծում եմ, որ ՀՀ կառավարության եւ Դաշնակցության միջեւ չկա հակադրություն․ վարչապետ

Նիկոլ Փաշինյանին արձագանքել է նաեւ ԱՀ նախագահի թեկնածու Արայիկ Հարությունյանը

Տաթեւիկ Ռեւազյանի նշանակվելու օրից սկսվել է ամենաստոր արշավը նրա նկատմամբ, ամենաստոր բաներն էին գրում ինձ․ վարչապետ

Մենք ասում ենք՝ թող թանկ լինի, բայց լինի բարձր մակարդակի եւ արդյունավետ․ Փաշինյան

Գտնվել է ռուսական արշավախումբը. փրկարարները վատառողջ քաղաքացուն տեղափոխում են Մարտունիի ԲԿ