Վանաձորում ընդդիմությունը ՀՀԿ-ին միացյալ ուժերով չի ջախջախի

Հոկտեմբերի 2-ին Վանաձորում սպասվող ավագանու ընտրությունների շուրջ տեղի են ունենում քաղաքական ինտրիգներ, որոնք առնչվում են ընդդիմության միավորվել-չմիավորվելու խնդրին: Դրանք առայժմ հերթական անգամ ապացուցում են, որ ընդդիմության միավորման թեման մտացածին է եւ նախապես դատապարտված: Այստեղ ընտրություններին մասնակցում են բոլոր մեծ ընդդիմադիր կուսակցությունները` «Բարգավաճ Հայաստան», «Համախմբում», ՀԱԿ, «Հայկական վերածնունդ» եւ թեեւ ոչ մեծ, բոլորովին վերջերս ստեղծված, սակայն վանաձորյան արմատներ ունեցող «Լուսավոր Հայաստան» կուսակցությունը:

Վերջինս իրեն համարում է հաղթելու ամենամեծ շանսեր ունեցողը, քանի որ ավագանու ցուցակը գլխավորում է ԱԺ վանաձորցի պատգամավոր Էդմոն Մարուքյանի` Վանաձորում բնակվող եղբայրը: Այս ինքնավստահությունը դրդեց, որպեսզի երեկ Էդմոն Մարուքյանը կոչով դիմի ընտրություններին մասնակցող ընդդիմադիր մյուս կուսակցություններին: Մարուքյանի կոչի իմաստն այն էր, որ քանի որ Վանաձորում իր եղբայրը հաղթելու մեծ շանսեր ունի, մյուս բոլոր ընդդիմադիրներ ուժերը թող ինքնաբացարկ հայտնեն հօգուտ հաղթանակի ամենամեծ շանսերն ունեցող «Լուսավոր Հայաստանի»: Այդպիսով` միասնական ջանքերով հանրապետության երրորդ քաղաքում ջախջախեն ՀՀԿ -ի իշխանությանը (Վանաձորյան ընտրություններին ՀՀԿ-ն էլ է մասնակցում, ինչպես նաեւ կոալիցիոն գործընկեր ՀՅԴ-ն):

Ընդդիմադիրները, սակայն տարօրինակորեն անարձագանք թողեցին Մարուքյանի այս առաջարկը: Սա զարմանալի է, քանի որ առաջիկա համապետական ընտրություններում միավորվելու եւ հանցավոր ռեժիմին տապալելու նպատակներ ունեցող ուժերը պետք է որ օգտագործեին ընձեռված հնարավորությունը, եւ փորձարկեին նման սցենարի հավանականությունը:

2017 թվականի ընտրություններից առաջ այսպիսի նախընտրական համագործակցությունը լավ նախավարժանք կլիներ, կօգներ բազմաթիվ մարտավարական եւ ռազմավարական նրբություններ հասկանալ ՀՀԿ-ին միասնաբար ջախջախելու նպատակի վերաբերյալ: Բայց քանի որ այս եզակի հնարավորությունն ընդդիմադիր խոշոր կուսակցություններն այդպես համերաշխությամբ բաց թողեցին, նշանակում է դրա համար ունեին լուրջ պատճառներ: Այդպիսիք կարող են լինել մի քանիսը.

1.նրանց ուսումնասիրությունները ցույց են տվել, որ իրականությանը չի համապատասխանում «ԼՀ»-ի կարծիքը, թե Էդմոն Մարուքյանի եղբայրը հաղթելու շանսեր ունի Վանաձորում:

2. Այս ուժերն ՀՀԿ-ին ջախջախելու նպատակ չունեն:

3. Նրանք այնքան էլ վստահ չեն Էդմոն Մարուքյանի`հետեւաբար, նաեւ նրա հիմնած կուսակցության ընդդիմադիր լինելու մեջ: Կամ գուցե այս երեքը միասին վերցրա՞ծ:

Ի դեպ, խորհրդարանում եւ քաղաքական շրջանակներում ժամանակին սիրված հումորի թեմա էր Էդմոն Մարուքյանի`անկախ պատգամավոր լինելու հանգամանքը: Հումորի ենթատեքստն այն էր, որ Մարուքյանը թեեւ անկախ պատգամավոր է համարվում, բայց ով չգիտի, որ ՀՀԿ-ի աջակցությամբ է ընտրվել եւ «պարտք է» այս կուսակցությանը: Ընդդիմություն դառնալուց հետո, թե այս խոսակցություններն ինչ տրասֆորմացիաների են ենթակվել, դեռեւս առիթ չէինք ունեցել տեսնելու:

Էդմոն Մարուքյանի կոչին երեկ արձագանքեց միայն «Քաղաքացիական պայմանագիր» կուսակցությունը: Վերջինս նույնպես մասնակցում է Վանաձորի ավագանու ընտրություններին, բայց ոչ թե վերոնշյալ «ընդդիմադիրների» փաթեթում, այլ մեկ ընդդիմություն դառնալու հավակնություններով: Կուսակցության արձագանքը հետեւյալն էր, թող Էդմոն Մարուքյանն ապացուցի, որ ինքն ու իր եղբայրը ընդդիմություն են, եւ «ՔՊ»-ն ոչ միայն Վանաձորում ինքնաբացարկ կհայտարարի, այլեւ պատրաստ է «բանակցություններ սկսել «ԼՀ»-ի հետ մեկ կուսակցության մեջ միաձուլվելու շուրջ՝ հանուն մեկ, ուժեղ, իսկական ընդդիմության ձևավորման»։

Ապացուցելու համար, որ իրենք ընդդիմություն են Մարուքյանը, պետք է հայտարարեր, որ Սերժ Սարգսյանը անձամբ պատասխանատվություն է կրում Մարտի 1-ի ոճրագործության համար, ընտրվել է կեղծված ընտրություններով և չի հանդիսանում լեգիտիմ նախագահ։ Մարուքյանին առաջարկվում էր նաեւ որպես ԱԺ պատգամավոր Սերժ Սարգսյանի իմպիչմենտի նախագիծ ներկայացնել խորհրդարանում:

Ի պատասխան, Մարուքյանը կարող էր օրինակ Մարտի մեկի եւ լեգիտիմության մասով հայտարարությունը հրատապ անել, սակայն իմպիչմենտի գործընթաց չնախաձեռնել, ասենք, ընտրություններով գլուխը խառը լինելու պատճառաբանությամբ: Պատգամավորը, սակայն արձագանքեց միայն իմպիչմենտի առաջարկին`այն էլ դիմելով բառախաղի, իսկ Սերժ Սարգսյանին վերաբերող մասը պարզապես «արհամարհեց», կարծես նման բան չէր էլ եղել ՔՊ-ի առաջարկի մեջ:

Չի բացառվում, իհարկե, որ նման թեմա իր համար իսկապես գոյություն չունի, որովհետեւ որեւէ տեքստ`մարտի 1, Սարգսյան, լեգիտիմություն բառեր ներառող հատվածները շրջանցելով է կարդում:

Տպել
4540 դիտում

«ԳեոՊրոՄայնինգ» ընկերությունը 50 մլն. դրամ սուբսիդավորում կտրամադրի Վարդենիս համայնքի մի շարք ծրագրերի իրակնացմանը

Ucom-ի աշխատակիցը պարգևատրվել է ՀՀ քննչական կոմիտեի «Համագործակցության համար» մեդալով

Վիվա-ՄՏՍ. «Լիցք+». այժմ արդեն մինչև 2000 Դ չափով

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են