Արամ Սարգսյանը ընտրություններից հետո կզբաղվի մարզադաշտի վերականգնման հարցով

31/03/2017 schedule14:45

Կապանի ֆուտբոլի դաշտի կամ «Գանձասար մարզական կենտրոնի» ճակատագիրն անորոշ վիճակում է, եւ կապանցի ֆուտբոլասերները դեռեւս հնարավորություն չունեն լիարժեքորեն վայելելու ֆուտբոլային խաղերի հաճույքը: Այս շրջանում մարզադաշտում խաղեր չեն անցկացվում: Այն որակազրկված է Հայաստանի ֆուտբոլի ֆեդերացիայի կողմից, քանի որ ենթակառուցվածքները չեն համապատասխանում չափանիշներին: Բացի այդ մարզադաշտն ունի երկու սեփականատեր, հանդերձարանը պատկանում է Կապանի քաղաքապետարանին, իսկ դաշտը՝ Գագիկ Օհանջանյանին:

Որոշ տեղեկությունների համաձայն՝ Սյունիքի մարզպետ Վահե Հակոբյանը ցանկանում է գնել ողջ մարզադաշտն ու այն ավելի թանկ գնով վաճառել «Զանգեզուրի պղնձամոլիբդենային կոմբինատին», որի հետ ինքը սերտ կապեր ունի: Ըստ խոսակցությունների՝ այդ գործին միջամտում է նաեւ Կապանի քաղաքապետ Աշոտ Հայրապետյանը: Մարզպետն ինքը օրեր առաջ մեզ հետ զրույցում ասել էր, թե պատրաստ է աջակցություն ցույց տալ մարզադաշտը վերականգնելու հարցում, սակայն մեկ նախապայմանով: «Այն դեպքում դա կանեմ, երբ մարզադաշտը վերադառնա քաղաքապետարանին՝ համայնքին»,- ասել էր նա:

Կապանցիները պայքարում են իրենց մարզադաշտը փրկելու համար, այդ գործին միացել են նաեւ Կապանի ուղեւորավարձի թանկացման դեմ պայքարող երիտասարդները: Կապանցիները հայտնի են ֆուտբոլի նկատմամբ ունեցած իրենց հատուկ վերաբերմունքով: Եթե Հայաստանի այլ մարզերում անցկացվող խաղերին ներկա են լինում 500-600 հոգի, ապա Կապանում յուրաքանչյուր խաղ նայելու է գնացել մինչեւ 2000 ֆուտբոլասեր: Այդ մարզադաշտի հետ կապված կապանցիներն ունեն նաեւ որոշակի հիշողություններ՝ ժամանակին այնտեղ ֆուտբոլ է խաղացել սպարապետ Վազգեն Սարգսյանը, այնտեղ են անցկացվել նաեւ Հայաստան-Ղարաբաղ ֆուտբոլային խաղերը: Եվ ղափանցիներն ուզում են վերականգնված ու գործուն տեսնել իրենց դաշտը:

Ի դեպ, կապանցի երիտասարդներին այդ հարցում խոստացել է աջակցել «Ելք» դաշինքի անդամ, «Հանրապետություն» կուսակցության նախագահ Արամ Սարգսյանը: Վերջինս, հիշեցնենք, Սյունիքի եւ Վայոց Ձորի մարզերի թիվ 12 ընտրատարածքում առաջադրվել է որպես ռեյտինգային թեկնածու: Ա. Սարգսյանը մեզ հետ զրույցում վստահեցրեց, որ ընտրություններից հետո ինքը կզբաղվի այդ մարզադաշտի խնդիրներով: «Անկախ այն հանգամանքից ես Սյունիքից կընտրվեմ, թե ոչ, ես կօգտագործեմ իմ կապերն ու կփորձեմ լուծել այդ մարզադաշտի վերականգնման խնդիրը»,- ասաց նա:

Տպել
4203 դիտում

Վանաձոր-Ալավերդի-Բագրատաշեն ճանապարհը բեռնատարների և ավտոբուսների համար փակ է

Ամբողջական ու միացյալ Հայաստանի տեսլականի իրագործումն Արցախի միացումն է Հայաստանին. Արամ Ա

Սյունիքում մեքենան մոտ 50 մետրից ընկել է ձորակը․ կա մեկ զոհ, երկու վիրավոր

Դպրոցի տնօրենի 17-ամյա որդին հոր մեքենայով վթարի է ենթարկվել․ 3 դպրոցականներ հիվանդանոցում են

Ըմբիշ Արթուր Ալեքսանյանը ոսկե մեդալ է նվաճել Ղազախստանի միջազգային մրցաշարում

Ջիվան Աբրահամյանն ազատ է արձակվել

Անակնկալ Հայաստանի համար. եկան, կարդացին, գնացին

Քաղաքական լեզվամարտ. ճշմարտությունը միայն կոնյակն էր

Էս ո՞վ է. նա մի տղա էր՝ միշտ տխուր աչքերով

Պատրաստ ենք խորացնել փոխշահավետ գործակցությունը. Վվարչապետն ընդունել է Չինաստանի ԱԳ նախարարին

Հայաստանի և Չինաստանի ԱԳ նախարարները Երևանում ստորագրել են մի շարք փաստաթղթեր

ՀՀ մի մասում տեղումները կշարունակվեն առաջիկա օրերին. սպասվում է անձրեւ,տեղ-տեղ՝ կարկուտ

Հրդեհ Լուսառատ գյուղի պահեստի տարիքում. այրվել է շինությունը, անասնակեր ու վառելափայտ

Ըստ Թուրքիայի սահմանադրական դատարանի՝ Հայոց պատրիարքի ընտրություններում խախտվել է կրոնի ազատությունը

Ազատության հրապարակի ակցիայի հետ մենք կապ չունենք՝ ոչ ուղղակի, ոչ անուղղակի. «Իմ քայլը» դաշինք

ՌԴ Հարավային ռազմական շրջանը ստեղծել է զինվորների ջերմահարումից պաշտպանելու համար նախատեսված 50 կետ

«Մայր Հայաստան» թանգարանում տարածք կհատկացվի ապրիլյան պատերազմի բոլոր զոհերի հիշատակի անկյուն ստեղծելու համար

Զոհրաբ Մնացականյանը հանդիպել է չինացի գործընկերոջ հետ

Հանրահավաքի ընթացքում սպառնալիքներ հնչեցնելու կասկածանքով բերման է ենթարկվել Ջիվան Աբրահամյանը

Վանաձոր-Դիլիջան ճանապարհին մինչև հիմնանորոգումը սկսելը կատարվում են ժամանակավոր անցանելիության համար աշխատանքներ