«Ինձ այդ պաշտոնը չի հրապուրում». Արտաշատի քաղաքապետի պաշտոնն ու հավանական թեկնածուները

ՀՀ նախկին վարչապետ Հովիկ Աբրահամյանի որդու՝ Արտաշատի քաղաքապետ Արգամ Աբրահամյանի հրաժարականից հետո այդ քաղաքում լուրջ զարգացումներ են սպասվում: Արգամ Աբրահամյանի հրաժարականը գրեթե փաստ է, քանի որ նա հայտարարել է, որ պատրաստվում է վերցնել ԱԺ պատգամավորի մանդատը, որին «արժանացել է» ապրիլի 2-ի խորհրդարանական ընտրություններում ստացած ձայների շնորհիվ:

Մամուլում այս ընթացքում արդեն մի շարք անուններ են շրջանառվել, թե ով է հավակնում Արտաշատի քաղաքապետի պաշտոնին: Խնդիրն այն է, որ այս քաղաքը միշտ եղել է Աբրահամյանների ընտանիքի «տիրապետության տակ», ուստի նրանք չեն պատրաստվում դրա ղեկավարումը հանձնել ՀՀԿ-ին: Եվ հենց այստեղ է, որ նրանց անհրաժեշտ է այնպիսի թեկնածու, որի դեպքում կասկած չեն ունենա, որ հաղթանակ կտանեն:

Մամուլում բազմիցս շրջանառվել է, որ նրանց թեկնածուն Արտաշատի փոխքաղաքապետ Գագիկ Պողոսյանն է՝ նախկին ՀՀԿ-ական պատգամավոր Կարինե Պողոսյանի եղբայրը: Վերջինս դա ոչ հաստատել է, ոչ էլ հերքել: Մեր տեղեկություններով, Աբրահամյանները Պողոսյանի թեկնածությունը հաղթական են համարում այն պարագայում, եթե չառաջադրվի ՀՀ նախկին ոստիկանապետ, Սերժ Սարգսյանի խորհրդական, ՀՀԿ տարածքային շտաբի պետ Ալիկ Սարգսյանը:

Վերջինս մեզ հետ զրույցում ասաց, որ ինքը չի կարող առաջադրվել այդ պաշտոնում, քանի որ Արտաշատի գրանցում չունի.

- Պարոն Սարգսյան, ՀՀԿ-ն որոշե՞լ է, թե ում է առաջադրելու Արտաշատում:

- Որեւիցե բան չի որոշվել, քննարկման փուլում է:

- Դուք ցանկություն ունե՞ք առաջադրվելու:

- Ե՞ս, ե՞ս, իմ համար դա անցած էտապ է: Ձեր ասած պաշտոնը ընդհանրապես մտքովս չի անցել, մանավանդ հիմա: Իմ համար դա անցած էտապ է: Երկրորդ, ես քաղաքի գրանցում ունեմ, ես իրավունք չունեմ:

- Երեւանի գրանցո՞ւմ ունեք:

- Այո: ... Որ այդտեղի գրանցում ունենայի էլ, էդ պաշտոնը ինձ չի հրապուրում ընդհանրապես:

- Իսկ ո՞րն է հրապուրում:

- Արդեն ոչ մի պաշտոն չի հրապուրում, ուզում եմ հանգիստ ապրել մի քիչ:

Հիշեցնենք, որ Ալիկ Սարգսյանը խորհրդարանական ընտրություններին ՀՀԿ ռեյտինգային ցուցակով առաջադրվել էր Արարատի մարզում, սակայն չէր ստացել բավարար թվով քվեներ՝ խորհրդարան անցնելու համար:

Որպես Արտաշատի քաղաքապետի հավանական թեկնածուներ՝ այս ընթացքում շրջանառվել է նաեւ «ՀայՌուսգազարդ» ՓԲԸ Արտաշատի մասնաճյուղի նախկին տնօրեն Հովհաննես Ղազարյանի՝ Գազի Հովոյի որդու անունը, որն Արտաշատի գազի գրասենյակի ղեկավարն է, «Ավշար» գործարանի սեփականատերեր եղբայրների՝ Արայիկ եւ Արամայիս Գրիգորյանների սանիկը: Վերջինս, սակայն Արտաշատի գրանցում չունի։ Հենց այդ պատճառով է, որ քննարկվում է նաեւ հոր՝ Գազի Հովոյի թեկնածությունը, սակայն այս առաջադրումն էլ խոցելի է. նախորդ ընտրություններում Ղազարյանն առաջադրվել էր, բայց մինչ ընտրություններն ինքնաբացարկ հայտնեց՝ Արգամ Աբրահամյանին միայնակ թողնելով։ Ինքը՝ Հովհաննես Ղազարյանը, կայքերից մեկի հետ զրույցում  ասել է, որ դեռ որոշում չկա, որ ինքը կամ իր որդին մասնակցելու են ընտրություններին, երբ լինի՝ տեղյակ կպահեն:

Այնպես որ այստեղ դեռ անհստակ շատ հարցեր կան, որոնք կպարզվեն խորհրդարանական մանդատների բաշխումից եւ Երեւանի ավագանու ընտրությունից հետո:

Տպել
5642 դիտում

Արագած լեռան վրա արջի հարձակումից տուժած Լեհաստանի քաղաքացին մահացել է

Վարչապետն ընտանիքի հետ ներկա է գտնվել Սեւանի թերակղզում կազմակերպված ձկան փառատոնի բացմանը (լուսանկարներ)

Փաշինյանն ընդդեմ նախկինների. հաշիվն այսօր 10:3 է՝ հօգուտ Փաշինյանի․ Կարեն Անդրեասյան

ԱԺ նախագահն ընդունել է Ֆրանսիա-Հայաստան բարեկամական խմբի փոխնախագահի գլխավորած պատվիրակությանը

Երեւանում Ջերմուկի բնակիչների հետ համատեղ քայլերթ է իրականացվելու՝ ընդդեմ Ամուլսարի հանքի շահագործման

Թրամփը հայտնել է, որ ամերիկացի ուժայինները ոչնչացրել են «Ալ-Քաիդայի» հիմնադիր Բեն Լադենի որդուն

Սփյուռքի գլխավոր հանձնակատարը հանդիպել է «Էրմիտաժ» թանգարանի տնօրենի հետ

«Սեքյուրիթի դրիմ» ընկերության հիմնադիրը գրավի դիմաց ազատ է արձակվել

Արագած լեռան վրա Լեհաստանի Հանրապետության երկու քաղաքացի ենթարկվել է արջի հարձակման

ՀՀ ԱԳ նախարար Զոհրաբ Մնացականյանն ընդունել է Ֆրանսիայի Ազգային Ժողովի պատգամավորներին

Հենրիկ Նավասարդյանն ազատվել է Երեւանի քաղաքապետարանի տրանսպորտի վարչության պետի պաշտոնից

Մեր ժառանգությունը չի ճանաչում ժամանակային սահմաններ. ՀՀ ԱԳ նախարար

Նախարարությունը մշակել է ծայրահեղ աղքատ ընտանիքներին աջակցող որոշման նախագիծ

Բելգիայի փոխվարչապետ, արտաքին գործերի նախարար Դիդյե Ռեյնդերսը կասկածվում է կոռուպցիայի համար

Սեւանի զարգացման հետաքրքիր եւ լուրջ նախագծեր կան. Նիկոլ Փաշինյանը մասնակցում է Eco fish fest-ին՝ ձկան փառատոնին

Իջեւանում նախարար Սուրեն Պապիկյանը ներկայացրել է համայնքի ղեկավարի պաշտոնակատարին

Շուշիում «Օպել»-ի վարորդը վրաերթի է ենթարկել 6-ամյա երեխայի

Ի՞նչ պետք է իմանա ֆիզիկական անձը ԵԱՏՄ անդամ չհանդիսացող երկրից ավտոմեքենա ներկրելիս (տեսանյութ)

Անցնող շաբաթ ադրբեջանական կողմը հայ դիրքապահների ուղղությամբ արձակել է շուրջ 650 կրակոց

Շենքի 6-րդ հարկից ընկած 2.5 տարեկան տղայի մոտ դրական տեղաշարժ կա․ բժիշկները վիճակը գնահատում են միջին ծանրության