Դոնթի բանաձեւն օրինակ դարձրած դոմփելով գնում եք. Արամ Սարգսյանը՝ ՀՀԿ-ին

Ազգային ժողովի «Ելք» խմբակցության պատգամավոր Արամ Սարգսյանն այսօր խորհրդարանում մշտական հանձնաժողովների ձեւավորման քննարկման ժամանակ ելույթ ունեցավ՝ անդրադառնալով ՀՀԿ-ի եւ «Ելք»-ի առաջարկություններին:

«Ընդհանուր առմամբ, ես իշխանությունների տեսակետը ներկայացնող զեկուցողի հետ համաձայն եմ միայն մեկ հարցում, որ անկախ նրանից այդ հանձնաժողովը կլինի, թե` չէ, անկախ նրանից մենք ԱԺ-ում կլինենք, թե` չէ, պատգամավոր կլինենք, թե` չէ, մարդու իրավունքների համար պայքարելու ենք»,- ասաց Արամ Սարգսյանը՝ նշելով, որ պայքարել են եւ պայքարելու են մարդու իրավունքների պաշտպանության համար, դա միանշանակ է եւ երկու տեսակետ լինել չի կարող:

Արամ Սարգսյանը նշեց, որ Էդմոն Մարուքյանի հարցին, թե ինչու 8 հանձնաժողով չստեղծել 9-ի փոխարեն, ՀՀԿ-ի պատասխաններից տպավորություն է ստացել, որ Մարդու իրավունքների պաշտպանության մշտական հանձնաժողովը փակելը քաղաքական որոշմամբ է պայմանավորված:

«Ես ուզում եմ հասկանալ, լավ, նախագահը ձերն է, ԱԺ նախագահը ձերն է, վարչապետը ձերն է, դատախազությունը ձերն է, ի՞նչ մտավախություն ունեք, ի՞նչն է խանգարում, ի՞նչ է անելու «Ելք» դաշինքը, որ Մարդու իրավունքների հանձնաժողովը ղեկավարի: Ի՞նչ պրոբլեմ կա դրանում: Իմ կարծիքով՝ բացարձակ, որեւէ խնդիր չկա ու պետք չէր 6 ամիս հետո թողնել: Ասելու, որ հիմա արդեն որոշել ենք, 6 ամիս հետո կնայենք, տղեք, եթե ձեզ լավ պահեք, 6 ամսի հետո հետ կգանք»,- ասաց Արամ Սարգսյանը՝ նշելով, որ խնդիրը «Ելք»-ին հանձնաժողովի նախագահի պաշտոն ստանալը չի:

«Խնդիրը մեզ տալունը չի, խնդիրը մեր լինելունը չի, բայց չէ որ ասում եք՝ էս նոր խորհրդարան է, որ էս նոր խորհրդարանում նոր տրադիցիաներ պետք է դնեն, որ ախպոր պես պետք է աշխատենք, այ Հանրապետական ախպերներ ջան: Ձեր նախագահն էլ էր էդ ասում՝ միշտ չի, որ մենք ենք ճիշտ, փոքրամասնության կարծիքը լսել է պետք»,- հեգնեց Արամ Սարգսյանը:

Անդրադառնալով ԱԺ հաշվիչ հանձնաժողովի ձեւավորմանը, երբ ՀՀԿ-ն ավելի շատ անդամներ ունեցավ, պատգամավորն ասաց, որ ՀՀԿ-ն մեծամասնություն ունենալով ամեն ինչ ինքն է փորձում կազմակերպել: «Մեծամասնությունը մենք ենք, դուք թեկնածու ունենա՞ք: Դոնթի բանաձեւն օրինակ դարձրած ձեր վարչապետը խոսքով ասեմ՝ դոմփելով գնում եք: Է հետո՞, ո՞ւր եք հասնելու էդ դոմփելով, ի՞նչ է տալու էդ երկրին, ինչ-որ բան է՞ փոխելու, չգիտեմ, չգիտեմ...»,- հայտարարեց Արամ Սարգսյանը:

ՀՀԿ-ի մեծամասնության առկայությունը լուրջ խնդիր համարելով Արամ Սարգսյանը նշեց, որ ստացվում է այնպես, որ ՀՀԿ-ն է որոշողը, իսկ մյուսները կարող են ընդամենը ելույթներ ունենալ, կարծիքներ հայտնել:

«Եթե ուզում եք շենք կառուցել, առավել եւս, որ այդ հիմքը լավ չի լցրած, 10 հազար դրամով է լցրած, անկյունաքարը ճիշտ դրեք, հակառակ դեպքում խնդիրները շատ են լինելու: Ես նորից բոլորիդ կոչ եմ անում, որ նայեք, որ իսկապես Մարդու իրավունքների հանձնաժողովը «Ելք» դաշինքին տալով այնտեղ ներկայացված իրավաբան մասնագետներին, թե´ Արտակ Զեյնալյանին, թե´ Էդմոն Մարուքյանին, թե´ Նիկոլ Փաշինյանին, որն անընդհատ բանտերով պտտվել է, ՀՀ-ն այդ ոլորտում կունենա առաջընթաց»,- ասաց Արամ Սարգսյանը՝ ընդգծելով, որ անկախ ամեն ինչից «Ելք» դաշինքը մարդու իրավունքները պաշտպանելու է:

Տպել
2654 դիտում

ԻՆԵԿՈԲԱՆԿ․ INECOPAY հաջողության պատմությունը ներկայացվեց Թբիլիսում

Հայաստանում որեւէ մեկը թիկնապահներով շրջելու կարիք չունի, եթե իհարկե չի գողանում ու չի թալանում․ Հայկ Սարգսյան

«Ոսկե երիտասարդություն» վարկային գիծ ՀԱՅԲԻԶՆԵՍԲԱՆԿԻ ուսանողական քարտով

Միքայել Վարդանյանը 43 մլն դրամի մարզասարքեր է նվիրել ռազմական երկու համալսարաններին (տեսանյութ)

Ճիշտ ժամանակն է. ամերիկացի փորձագետները՝ Հայաստանում անցումային արդարադատության ներդրման մասին

Միացումը համազգային գերակա նպատակն է. Արցախի քաղաքական ուժերի հայտարարությունը

Ապրիլին՝ մարտի համեմատ, ՀՀ պետական պարտքը նվազել է 34 մլն 800 հազար դոլարով

Հայտարարություն մրցույթի մասին

ՀՀ վարչապետի որոշմամբ Գրիգոր Մուրադյանն ազատվել է վարչապետի խորհրդականի պաշտոնից

Գյումրու ծննդատան ճակատագիրն անորոշ է

Շախմատի տանն անցկացվեց ԱԻՆ փրկարար ծառայության շախմատի առաջնություն

Կառավարությունում քննարկվել են ընտանիքի ապահովության գնահատման համակարգի բարեփոխման հարցեր

Վանաձորի բժշկական կենտրոնի տնօրենի մրցույթը կայացել է. ով է նոր տնօրենը

Չկատարած սպանության համար բանտում 46 տարի անցկացրած քաղաքացուն 1,5 մլն դոլար փոխհատուցում կտան

«Համայնքապետն ինձ պատկանող տարածքում պուրակ է կառուցում». Իջեւանի ավագանու անդամ

Երեւանի քաղաքապետարանի 128 թափուր պաշտոնների մրցույթին մասնակցելու համար դիմել է շուրջ 2 600 մարդ

Տ. Խաչիկյանն ընդունել է հակակոռուպցիոն ռազմավարության և մոնիթորինգի փորձագետ Մեթյու Մյուրեյին

ԱՄՆ փորձագետը այս գիշեր Հայաստան է ուղեւորվում՝ օգնելու մշակել «անցումային արդարադատության» ծրագիրը

ԵԽ Նախարարների կոմիտեն հրապարակել է ՄԻԵԴ վճռի վերաբերյալ Մարդու իրավունքների պաշտպանի հատուկ դիրքորոշումը

Գավառում տեղացած կարկուտից 6 ժամ անց դեռ այս պատկերն է (լուսանկարներ)