Գյումրու ծննդատների միավորման աղմուկի հետքերով. որ կառույցն է ավելի հեղինակավոր. հարցում

ՀՀ առողջապահության նախարարության օպտիմալացման ծրագրի շրջանակներում նախատեսվում է Գյումրու Ծննդատուն ՓԲԸ-ն միավորել Մոր եւ մանկան ավստրիական մանկական հիվանդանոցի հետ՝ ստեղծելով ծննդօգնության կենտրոնական մեկ կառույց: Օպտիմալացման այս նախագիծը դեռ կառավարության նիստում չի քննարկվել, սակայն հասարակական մեծ աղմուկ է բարձրացրել:

Կան կարծիքներ, որ Մոր եւ մանկան ավստրիական մանկական հիվանդանոցը պատրաստ չէ կատարելու Գյումրու ծննդատան գործառույթները, թեեւ մանկական հիվանդանոցից էլ հայտարարում են այն մասին, որ ավստրիական հիվանդանոցում գործող ծննդօգնության եւ գինեկոլոգիական բաժանմունքները պատրաստ են տարեկան սպասարկելու ավելի քան 2500 ծնունդ:

Այժմ երկու ծննդօգնություն իրականացնող բուժհիմնարկները գործում են հավասարազոր պայմաններում՝ յուրաքանչյուրն ունի 30 մահճակալ:

Հասկանալու համար, թե գյումրեցիների շրջանում, որ ծննդատունն է առավել հեղինակություն վայելում, փորձեցինք անանուն հարցում անցկացնել: Հարցմանը մասնակցեց 40 քաղաքացի, ովքեր վերջին երեք տարիների ընթացքում անձամբ են օգտվել Գյումրիում գործող ծննդատներից:

Հարցմանը մասնակցած 40 անձից 23-ը նշել են, որ նախընտրում են Գյումրու Մոր եւ մանկան ավստրիական մանկական հիվանդանոցի ծննդօգնության բաժանմունքը, 17-ը՝ «Գյումրու Ծննդատուն» ՓԲԸ-ի:

Գյումրու Մոր եւ մանկան ավստրիական մանկական հիվանդանոցից օգտվողները, որպես հիմնավորում, նշել են կառույցի շենքային բարվոք պայմանները, վերջին սերնդի սարքավորումների առկայությունը, բուժանձնակազմի բարեհամբույր սպասարկումը, մտերիմների խորհուրդները: Վերջիններս, որպես «Գյումրու Ծննդատուն» ՓԲԸ-ից չօգտվելու պատճառներ նշում էին՝ կառույցի շենքային վատ պայմանները:

Այն քաղաքացիներն, ովքեր նախապատվությունը տալիս են «Գյումրու Ծննդատուն» ՓԲԸ-ին, որպես առավելություն նշում էին միայն այն հանգամանքը, որ այնտեղ է աշխատում մարզի գլխավոր գինեկոլոգ Ֆելիքս Գրիգորյանը, ինչպես նաեւ այլ փորձառու բժիշկներ:

Ծննդօգնությունը Հայաստանում, թեեւ անվճար է, սակայն, ինչպես մեր հարցումներից պարզ դարձավ, քաղաքացիները, երբեմն պարտադրված, իսկ որոշ դեպքերում էլ իրենց ցանկությամբ՝ վճարումներ են կատարում:

Հարցմանը մասնակցած 23 քաղաքացուց երեքը, ովքեր օգտվել են Գյումրու մոր եւ մանկան ավստրիական մանկական հիվանդանոցից, նշել են, որ մատուցվող ծննդօգնության շրջանակներում վճարումներ են կատարել Գյումրու Մոր եւ մանկան ավստրիական մանկական հիվանդանոցում: Վճարումներից երկուսը իրականացվել է բժշկի ցանկությամբ, իսկ մեկը՝ նորածնի ծնողների: Մյուս 20 քաղաքացուց 2-ը նշել է, որ բուժանձնակազմի կողմից եղել է գումարի վճարման առաջարկ, բայց պացիենտների կողմից մերժվել է: 20 քաղաքացի ընդհանրապես վճարում իրականացնելու առաջարկ չի ստացել:

«Գյումրու Ծննդատուն» ՓԲԸ-ի մատուցած ծննդօգնության ծառայություններից օգտված 17 քաղաքացին, որոնք մասնակցել են մեր հարցմանը, նշել են, որ վերջին երեք տարվա ընթացքում կատարել են վճարումներ, բայց չեն ստացել համապատասխան հիմնավորումներ: Հարցմանն մասնակիցներից միայն երկուսն են վճարում կատարել:

Նշենք, որ «Գյումրու Ծննդատան» շենքը 1921 թվականի կառույց է, որն այժմ գտնվում է անմխիթար վիճակում: Կառույցի տանիքից ներս լցվող  անձրեւաջրերը հասնում են մինչեւ նկուղ, բացի շենքային պայմաններից ծննդատունը չունի մանկական վերակենդանացման բաժանմունք: Անհրաժեշտության դեպքում նորածիններին տեղափոխում են Մոր եւ մանկան ավստրիական մանկական հիվանդանոց:

Տպել
3695 դիտում

Երեւանում Բեթհովենի գործերը կնվագեն իր համերկրացի դաշնակահարն ու աշխարհահռչակ Ջոն Նելսոնը

Ձևավորվում է Ղարաբաղյան հարցի բանակցային նոր բովանդակություն. Նիկոլ Փաշինյան

Շուտով կստեղծվի միջգերատեսչական աշխատանքային խումբ, որը բանակում բարեփոխումների օրակարգը կդարձնի իր աշխատանքային թեմա

ՖՆ ջանքերով Հայաստանը հանվել է ԵՄ-ի հետ հարկային հարցերով չհամագործակցող երկրների «Մոխրագույն ցուցակից»

ԱՄՆ-ը ընդլայնել է Իրանի դեմ պատժամիջոցների ցանկը

Ամենաատելի օլիգարխն ասում է՝ ոտերս մաքրելու եմ. արդարադատությունն է իր ոտքերը օրենքով սահմանված կարգով մաքրելու

Հրազդան ԲԿ-ի տնօրենին աշխատանքից ազատելը պայմանավորված է առանձնապես խոշոր չափի ֆինանսական չարաշահումներով

Մայր Աթոռ Սուրբ Էջմիածնում նշվել է Սուրբ Վարդանանց զորավարների տոնը 

Իդլիբում դաժան մարտեր են ընթացել ողջ օրվա ընթացքում. զոհեր կան հակամարտող 2 կողմում էլ

Շիրակի մարզպետ Տիգրան Պետրոսյանն ընդունել է Լիտվայի դեսպան Ինգա Ստանիտե-Տոլոչկիենեին

ՀՀ վարչապետ Նիկոլ Փաշինյանի հարցազրույցը Հանրային հեռուստաընկերությանը (ուղիղ)

Գագիկ Ծառուկյանի տան դիմաց գտնվող «Մուլտի» բենզալցակայանում ՊԵԿ-ը ՀԴՄ խախտման 2-րդ դեպքն է արձանագրել

Շուկայի վերահսկողության տեսչական մարմինը վարչական պատասխանատվության է ենթարկել «Թոյս լանդ» ՍՊԸ-ին

Երվանդ Մանարյանի հոգեհանգստի արարողությունը տեղի կունենա փետրվարի 21-ին, վերջին հրաժեշտը՝ փետրվարի 22-ին

Արաբկիրի համայնքային ոստիկաններն ապօրինի թմրաշրջանառության դեպք են բացահայտել (տեսանյութ)

Դավիթի մոտ հիվանդանոց էր եկել առողջապահության նախկին նախարարը, որին Սերժ Սարգսյանն էր ուղարկել. տուժողի հոր ցուցմունքը

20 խոշորացված համայնք փոքր դրամաշնորհ է ստացել. ՏԿԵ նախարարություն

Հունահռոմեական ըմբշամարտի հավաքականի մարզչական խորհուրդը կայացնում է ապօրինի, հակասպորտային որոշում. Արսեն Ջուլֆալակյան

Ատելության քարոզ տանում է ոչ թե իշխանությունն, այլ ատելության քարոզ տարվում է իշխանության նկատմամբ. Նիկոլ Փաշինյան

ՀՀ տարածքում կան փակ և դժվարանցանելի ավտոճանապարհներ