ՀՀ իշխանությունից զատ, որեւէ մեկը շատ շահագրգռված չէ, որ ՀՀ-ն լինի ինքնիշխան. Շարմազանով

ՀՀ-ում ԱՄՆ-ի արտակարգ եւ լիազոր դեսպան Ռիչարդ Միլսն «Ազատություն» ռադիոկայանի հետ զրույցում անդրադարձել է Հայաստանի ինքնիշխան որոշումներ կայացնելու խնդրին եւ առաջարկել ընդունել ԱՄՆ-ի կողմից տրվող այն գործիքներին, որոնք էլ ավելի կնպաստեն ՀՀ-ի ինքնիշխանությանը: Միլսը դրական է գնահատել նաեւ վարչապետ Կարեն Կարապետյանի աշխատանքը: Դեսպանի հայտնած տեսակետների շուրջ armtimes.com-ը զրուցել է ՀՀԿ խոսնակ, ԱԺ փոխխոսնակ Էդուարդ Շարմազանովի հետ:

- Պարոն Շարմազանով, օրեր առաջ ՀՀ-ում ԱՄՆ դեսպան Ռիչարդ Միլսը «Ազատություն» ՌԿ-ին տված հարցազրույցում այսպիսի միտք արտահայտեց. «Մեր նպատակն է համոզված լինել, որ Հայաստանը կարող է իր ինքնիշխան որոշումները կայացնել, թե որ ուղին է ընտրում, որ տնտեսական, քաղաքական մոդելն է ընտրում: Մենք ցանկանում ենք Հայաստանին գործիքներ տալ՝ շարունակելու կայացնել ինքնիշխան որոշումներ և վստահ լինել, որ Հայաստանը մյուսների կողմից ճնշման չի ենթարկվի՝ հետևելու մի ուղու, դեպի ուր Հայաստանը չի ցանկանում գնալ»: Ըստ ձեզ, ի՞նչ է ակնարկում դեսպանը:

- Չեմ կարող ասել, թե դեսպանը ինչ էր ակնարկում, ինչ չէր ակնարկում, Դուք կարող եք իրեն հարցնել, բայց եթե Ձեր հարցում կա ենթատեքստ, որ մեր հանրապետությունը որոշումներ կայացնում է պարտադրված, ապա ասեմ, որ իմ խորին համոզմամբ՝ Հայաստանի բոլոր ժամանակների իշխանութունները, եւ հատկապես այս շրջանի իշխանությունը՝ Հանրապետական կուսակցությունը, արտաքին քաղաքականության, արտաքին տնտեսության հարցերում պարտադրված ընտրություն չի կատարել: Կատարել ենք ընտրություն, որը բխում է Հայաստանի Հանրապետության պետական շահերից: Եթե Ձեր հարցադրման տողատակերում նկատի ունեք Եվրասիական տնտեսական միության ընտրությունը, ապա կարծում եմ, որ որեւէ մեկի համար գաղտնիք չէ, որ Հայաստանի Հանրապետության շահերից է բխում Եվրասիական տնտեսական միության անդամակցումը, եւ առավել եւս Ռուսաստանի Դաշնության հետ հարաբերությունների խորացումը: Սա եղել է բացառապես Հայաստանի շահերից ելնելով, իսկ մնացյալը կարող եք դեսպանին հարցնել: Միայն կարող եմ ասել, որ Հայաստանի իշխանություններից, ինչպես նաեւ նախկին իշխանություններից զատ, որեւէ մեկը շատ շահագրգռված չէ, որ Հայաստանը լինի ուժեղ, ինքնիշխան երկիր եւ որեւէ մեկն ավելի շատ շահագրգռված չէ, որպեսզի Հայաստանը կայացնի որոշումներ, որոնք բացառապես բխում են մեր նյութական շահերից: Մյուս կողմից՝ մենք շատ դրական ենք գնահատում հարաբերությունների զարգացումը, թե՛ Եվրամիության, թե՛ ԱՄՆ-ի հետ:

Ես համամիտ եմ Ալեքսանդր Իսկանդարյանի հետ, որ յուրաքանչյուր երկիր կատարելով պարտադիր քաղաքականության ընտրություն՝ առաջինը հաշվի է առնում իր պետական շահերը, բայց միաժամանակ նաեւ հաշվի է նստում դաշնակիցների շահերի հետ: Ինչպես ԱՄՆ-ն շատ դեպքերում հաշվի է նստում ՆԱՏՕ-ի անդամ երկրների շահերի հետ:

- ԱՄՆ-ն ցանկանում է գործիքներ տալ Հայաստանին ինքնիշխան որոշումներ կայացնելու համար: Որո՞նք են այդ գործքները, եւ Հայաստանը դրանց կարիքն ունի՞:

- Ես չեմ կարող ասել, թե որոնք են այդ գործիքները, Դուք կարող եք հարցնել պարոն դեսպանին: Ես ասացի, որ Հայաստանն արտաքին տնտեսական եւ քաղաքական հարաբերություններում պարտադրված ընտրություն չի կատարել: Հայաստանի ընտրությունը հօգուտ ՀԱՊԿ-ի եւ Եվրասիական տնտեսական միության է: Չի եղել ընդդեմ երրորդ կողմի, եղել է հանուն Հայաստանի Հանրապետության ապագայի: Մեր կարծիքով՝ այն բխում է մեր պետական շահերից:

Պետք է ասեմ, որ Հայաստանի Հանրապետություն-Ռուսաստանի Դաշնություն հարաբերությունները բնական, ռազմավարական գործընկերների հարաբերություններ են: Մեր տնտեսական, քաղաքական եւ այլ հարաբերություններ համընկնում են: Մեր անդամակցումը ԵՏՄ-ին չի եղել որեւէ երրորդ կողմի դեմ, այդ ընտրությունը եղել  է գիտակցված, ոչ պարտադրված եւ բխում է մեր երկրի շահերից:

Դեսպանն իր հարցազրույցում գովասանքի խոսքեր ասաց միայն վարչապետ Կարեն Կարապետյանի հասցեին: Սա նշանակում է արդյոք, որ ԱՄՆ-ն վարչապետին դիտարկում է, որպես հայաստանյան միջավայրում բարեփոխումների հեղինակ, եւ ինքնիշխան որոշումներ կայացնելու ունակ ղեկավար:

- Ուրեմն, Հայաստանի Հանրապետությունում պառլամենտական համակարգ է եւ ես խնդրում եմ որեւէ իշխանության ներկայացուցչի չառանձնացնել իշխանությունից: Վարչապետը Հայաստանի Հանրապետական կուսակցության ներկայացուցիչ է, նախագահի առաջին տեղակալն է, կուսակցության առանցքային դեմքերից մեկն է: Վարչապետը մեր քաղաքական թիմի անդամ է, եւ իրականացնում է կուսակցության քաղաքականությունը մեզ հետ միասին: Կառավարության պատասխանատվությունը ոչ միայն Կարեն Կարապետյանին է, այլեւ ողջ հանրապետական կուսակցության:

- Խոսելով Հոգլանդի հայտարարության մասին, դեսպանը նույն հարցազրույցում ասում է, որ այն ամբողջական էր: Մինչդեռ ՀՀ ԱԳ նախարար Էդուարդ Նալբանդյանը ավելի վաղ  News.am-ի հետ զրույցում ասել էր, որ Հոգլանդը թույլ է տվել որոշ բացթողումներ եւ անճշտություններ: Կարո՞ղ ենք եզրակացնել, որ ամերիկյան կողմը որոշակի ճնշումներ է գործադրում Հայաստանի նկատմամբ ղարաբաղյան բանակցություններին վերադառնալու հետ կապված:

- Ես հակված եմ ընդունելու արտգործնախարարի կարծիքը, եւ ինչ վերաբերվում է ամերիկյան կողմի ճնշումներին, չեմ կարող ասել, որ այդտեղ որեւէ ճնշում կա: Ընդհակառակը, նույն Հոգլանդը մի քանի օր առաջ հարցազրույց էր տվել, որտեղ շատ կարեւորել էր եւ անհրաժեշտ էր համարել Վիեննայի եւ Սանկտ Պետերբուրգի պայմանավորվածությունների իրականացումը: Մեկ անգամ չէ, որ համանախագահ երկրները նշել են, որ անհրաժեշտ է Վիեննայի եւ Սանկտ Պետերբուրգի պայմանավորվածությունների իրականացումը: Մենք եւս ասում ենք, որ առանց Վիեննայի եւ Սանկտ Պետերբուրգի պայմանավորվածությունների իրականացման, որից փաստացի հրաժարվում է Ադրբեջանը, դժվար է ակնկալել որեւէ առաջընթաց:

Տպել
5390 դիտում

Մեկնարկել է ԱԺ-կառավարություն հարց ու պատասխանը․ հարցերի համար հերթագրվել է 48 պատգամավոր

Հայտնաբերվել է պահման պայմանների խախտմամբ պիցցա և հոթ դոգ. դիտարկումներ են եղել Երևանի երեք դպրոցներում

ԱԺ պատգամավորի մեքենայի ապակիները կոտրելու դեպքով նյութեր են նախապատրաստվում․ առգրավել են տեսագրությունները

Կասկածյալը ՊԵԿ փոխնախագահ Մաշադյանի եղբայրն է. բացահայտել է 64-ամյա կնոջ դաժան սպանությունը

Հայկական թատրոններում պահանջելու են կատարյալ մարմնով դերասանների. կստեղծվեն լաբորատոր հարթակներ, որտեղ դրանք կհղկվեն

Մեծ Բրիտանիայում բեռնատարի թափքում 39 դիակ է հայտնաբերվել

Մխիթարյանը մասնակցել է «Ռոմա»-ի ֆոտոսեսիային (լուսանկարներ)

Հերթական պլանային դիտարկումը Արցախի և Ադրբեջանի շփման գծում

Երեւանի ավագանու «Իմ քայլը» խմբակցության անդամ Հայկ Հովհաննիսյանը վայր է դնում մանդատը. նա տեղափոխվում է այլ աշխատանքի

Ռոբերտ Քոչարյանի կողմից ամեն ինչ արվեց, որպեսզի Հոկտեմբերի 27-ի բացահայտումը տեղի չունենա. Անդրանիկ Քոչարյան

Վարդաշենում տեղի ունեցած 64-ամյա կնոջ սպանությունը բացահայտվել է․ կասկածվողը ներկայացել է ոստիկանություն

«Կոշ» ՔԿՀ-ում կանխվել է արգելված իրերի փոխանցման փորձը

Ակնալիճ գյուղում այրվել է ավտոմեքենա. ԱԻՆ

«Թումանյանական օրեր Թբիլիսիում» ծրագիրը կմեկնարկի Թբիլիսիի Սուրբ Էջմիածին եկեղեցի այցելությամբ

Կապանում 18-ամյա աղջիկը, հյուրընկալվելով 36-ամյա տղամարդուն, գողացել է մուրճ, հոսանքի ստուգման սարք, պտուտակահան

Հայաստանի ֆուտբոլի առաջնության անհաջողակը 11 խաղում 11 պարտություն է կրել. չունի ոչ մի միավոր

ԱՄՆ Ներկայացուցիչների պալատում քվեարկության կդրվի Հայոց ցեղասպանությունը ճանաչող օրինագիծը

Պատգամավորն առաջարկում է սահմանափակել Սեւանա լճից ավել ջրառի իրականացումը

Ալավերդու բժշկական կենտրոնի տնօրենը հերքում է Գեւորգ Ազարյանի պնդումը, թե կենտրոնը թաթախված է կոռուպցիայի մեջ

«Մել». ծանրամարտիկ Մելինե Դալուզյանի մասին ֆիլմ է նկարվում. նա 5-6 տարեկանում ամեն երեկո աղոթում էր, որ տղա դառնա