Խմբակցությունները թեւերը քշտում են.ինչ պլաններ ունեն ՀՀԿ-ն, ԲՀԿ-ն և Ելք-ը այս նստաշրջանում

Առաջիկայում կմեկնարկի 5-րդ գումարման ԱԺ-ի 2017 թվականի աշնանային նստաշրջանը: Այդ կապակցությամբ հետաքրքիր է, թե հատկապես արձակուրդներից հետո ԱԺ խմբակցություններն ինչպե՞ս են պատրաստվել այդ նստաշրջանին, ի՞նչ նոր քայլեր են նախատեսել, ի՞նչ քաղաքական առաջնահերթությունների շուրջ են աշխատելու, ո՞րն է լինելու խորհրդարանում նրանց գործունեության առանցքն ու այդ նստաշրջանի կարեւորագույն նպատակը: 

«ԵԼՔ» խմբակցությունում, ինչպես մեզ հետ զրույցում տեղեկացրեց խմբակցության քարտուղար Գեւորգ Գորգիսյանը, ներկայումս ուսումնասիրում են առաջարկվող օրինագծերն ու նաեւ աշխատում են տարբեր ոլորտներում սեփական նախագծերի ուղղությամբ: Իսկ ինչ վերաբերում է այս նստաշրջանի ժամանակահատվածում քաղաքական նպատակներին, այս առումով էլ Գորգիսյանն ընդգծեց՝ «ԵԼՔ-ն ի սկզբանե ժողովրդի ձայնն է Ազգային ժողովում: Այսինքն՝ հիմնական գործունեությունից մեկը լինելու է ժողովրդին հուզող բոլոր հարցերը, խնդիրներն Ազգային ժողովում բարձրացնելը, գտնել դրանց լուծումներ, ու նաեւ աշխատել այն ուղղությամբ, թե իրենց ծրագրային դրույթներից որոնք կարող են կյանքի կոչել: «Որովհետեւ մենք, չնայած ունենք 9 մանդատ, բայց ամեն դեպքում ունենք 9 մանդատ, եւ դա ռեսուրս է՝ որն օգտագործելով փորձելու ենք մեր ծրագրում ներառված բոլոր կետերը հատ-հատ կյանքի կոչել, փորձելու ենք դրանց ինչ-որ կերպ մոտենալ»,-ասաց նա:

ԱԺ «Ծառուկյան» դաշինքն էլ, ինչպես ասաց խմբակցության քարտուղար Վահե Էնֆիաջյանը, առաջիկա նստաշրջանում գործելու է՝  առաջնորդվելով դաշինքի նախընտրական ծրագրային դրույթներով:

««Ծառուկյան» խմբակցությունը ժողովրդին ներկայացրել է հիմնական տասնհինգ կետերը, որոնք բխում են մեր ժողովրդի շահերից, օրհասական դարձած հարցեր կան: Մենք արդեն իսկ մեր խմբակցությունով քննարկել ենք, օրենսդրական նախաձեռնությունների շարք ենք սկսելու և առաջիկայում արդեն ներկայացնելու ենք խորհրդարանին»,- ասաց Էնֆիաջյանը:

Ինչ վերաբերում է քաղաքական գործունեությանն ու այս ուղղությամբ անելիքներին եւ նորություններին, ապա Էնֆիաջյանը նշեց, որ եթե ինչ-որ նորություններ լինեն, իրենք ժամանակին ներկայացնելու են՝ այս պահի դրությամբ ինչ կա՝ բոլորը գիտեն, այլ նորություն չկա:

Բուռն քաղաքական աշնան է պատրաստվում ՀՀԿ խմբակցությունը: ԱԺ ՀՀԿ խմբակցության քարտուղար Գագիկ Մելիքյանը մեզ ասաց, որ վերջին օրերին եղել են խմբակցության մի քանի նիստեր, որոնց ընթացքում ՀՀԿ-ականները քննարկել են բոլոր հանձնաժողովներում թե՛ կառավարության, թե՛ անհատ պատգամավորների և թե՛ խմբակցությունների կողմից ներկայացված նախագծերը, որպեսզի խմբակցության բոլոր անդամները տեղյակ լինեն բոլոր նախագծերից: Սա, ինչպես նշեց Մելիքյանը, կօգնի, որպեսզի պատգամավորները նախապես տեղեկացված լինեն քննարկվելիք բոլոր նախագծերից, ինչը կհեշտացնի առաջարկությունները, կարծիքներն ու հարցապնդումները նախատեսել ու ակտիվ լինել բոլոր նախաձեռնությունների քննարկումների ժամանակ:

«Ես կարծում եմ, որ սա միանշանակ կարող է ավելացնել ակտիվ քննարկումները թե՛ լիագումար նիստերում եւ թե՛ հանձնաժողովներում: Այսինքն՝ առաջիկայում կարեւորը տեղյակ ակտիվությունն ու քննարկման դրված բոլոր նախագծերին մասնակցությունը բարձրացնելն է. սա իրենից հենց քաղաքական ակտիվություն է ենթադրում»,- ընդգծեց Գագիկ Մելիքյանը:

ՀՀԿ խմբակցության քարտուղարի խոսքով՝ քաղաքական առաջնահերթությունները կորոշվեն ՀՀԿ խորհրդի առաջիկա նիստում: Իսկ աշնանային նստաշրջանում ՀՀԿ խմբակցության գլխավոր քաղաքական նպատակը, ըստ մեր զրուցակից, լինելու է նախընտրական ծրագրում դրված՝ «անվտանգություն եւ առաջընթաց» սկզբունքի իրականացումը:

«Առաջընթացը՝ հիմնականում տնտեսական բնագավառում, ուստի տնտեսական բնույթի այն նախագծերը՝ հարկային, մաքսային փոփոխությունները, որոնք կարող են նպաստել ներդրումային դաշտի ակտիվացմանը, դրանք էլ կլինեն մեզ համար առաջնահերթություններ: Անվտանգության առումով՝ բոլոր այն նախագծերը, որոնք կներկայացվեն անվտանգության խնդիրները կարգավորելու նպատակով, դրանք նույնպես մեզ համար առաջնային կլինեն: Այսինքն՝ մեր հիմնական առաջնահերթությունները մեր ծրագրում արդեն իսկ շեշտված են՝ անվտանգություն եւ առաջընթաց՝ հենց այս ժամանակաշրջանից էլ սկսած դրանք մեզ համար լինելու են առաջնային»,- ասաց Գագիկ Մելիքյանը:

Մեր հարցին՝ քաղաքական նշանակության վերադասավորումեր, փոփոխություններ, փոխատեղումներ, կամ նման կարգի այլ ակտիվություն ակնկալվո՞ւմ է՝ հաշվի առնելով նաև 2018 թվականին սպասվող փոփոխություններն ու երկրի կառավարման կարգի գործնական փոփոխությունը,  ՀՀԿ խմբակցության քարտուղարը պատասխանեց, թե չի կարծում, թե այդտեղ որեւէ տեղաշարժեր սպասելի են:

«Ես չեմ կարծում, թե եկող տարում քաղաքական շրջափուլում ինչ-որ կուլմինացիոն պահ է լինելու. որեւէ խնդիր չկա՝ ամեն ինչ հանգիստ ընթանում է, եւ սահմանադրությունը պահանջում է, որ հաջորդ տարի պետք է անցում կատարենք ամբողջությամբ խորհրդարանական կառավարման ձեւաչափին, եւ մենք այդ գործընթացը կիրականացնենք: Իսկ մեր բոլոր քայլերը տանում են դեպի քաղաքական կայունության ապահովման՝ դա մեզ համար նույնպես առաջնային է»,- մասնավորապես, նշեց պատգամավորը:

Գագիկ Մելիքյանից հետաքրքրվեցինք նաեւ այլ ուժերի հետ համագործակցության ու հարաբերությունների ձեւաչափում փոփոխությունների հավանականությունից: Այս առումով էլ նա ասաց, թե ՀՀԿ-ն միշտ պատրաստ է բոլոր ուժերի հետ համագործակցելու, այդ թվում՝ թե՛ խորհրդարանական, թե՛ արտախորհրդարանական, թե՛ իշխանական եւ թե՛ ոչ իշխանական: Վերջում Գագիկ Մելիքյանն ավելացրեց, որ Հանրապետականի կողմից համագործակցության նախաձեռնողականություն միշտ եղել է, եւ ովքեր ընդունել են, նրանք ՀՀԿ-ի հետ համագործակցել են՝ Հանրապետականը բաց է համագործակցության համար եւ միշտ եղել է բաց եւ ով ցանկանում է, նա էլ համագործակցում է:

Տպել
5094 դիտում

«Մանկական Եվրատեսիլ - 2020»-ում հաղթող է ճանաչվել Ֆրանսիայի մասնակիցը (տեսանյութ)

Երեւանից դեպի Ստեփանակերտ ուղեւորվող ավտոբուսները վատ եղանակի պատճառով վաղը չեն մեկնի

Վերսկսվում են Մոսկվա-Գյումրի-Մոսկվա երթուղով չվերթները

Կիմ Բալայանը դադարեցրել է հացադուլը

ՀՀ ՊՆ և ԱՀ ԱԳ նախարարները կարևորել են հայ զինծառայողների վերադարձի աշխատանքները

Վթար Գառնի գյուղ տանող ավտոճանապարհին. վարորդները հոսպիտալացվել են

Նիկոլ Փաշինյանը մանրամասնել է՝ ինչ է խոսել Պուտինի հետ հոկտեմբերի 19-ին եւ ինչ պայմաններ են առաջարկվել

Հայաստանի 5 մարզերում ձյուն է տեղում, Վարդենյաց լեռնանցքում մերկասառույց է

Քիմ Քարդաշյանը հայտնել է արցախցի երեխաներին ուղղված ամանորյա նախաձեռնության մասին

Այսօր ու վաղը ձյանն ու ձնախառն անձրևներին կհաջորդի առանց տեղումների եղանակը

«Ի՞նչ անել», եւ «ո՞վ է մեղավոր»

Դաշնակահար Սվետլանա Նավասարդյանն արժանացել է «Համագործակցության աստղեր» միջպետական մրցանակի

Պետական մարմինները պարտավոր են բոլոր լծակները կիրառել անհետ կորածների ու գերիների հարազատների հետ հաղորդակցության համար

Ստեփանակերտում և Մխիթարաշեն գյուղի մերձակայքում տեղի կունենա չպայթած ականների վնասազերծում. Արցախի ԱԻՊԾ

Պատերազմից հետո զինծառայողների հանգստի հարցը շուտով կլուծվի. հանդիպում ՊՆ-ում՝ զինվորների հարազատների եւ ծնողների հետ

Յուրաքանչյուր հայ Հայաստանի մասին պետք է մտածի՝ որպես իր տան. Ա.Սարգսյանը հանդիպել է ռուսաստանահայ համայնքի անդամներին

Զարուհի Բաթոյանը ներկայացրել է իր պաշտոնավարման ընթացքում կատարված աշխատանքների մասին հաշվետվություն

Յուրաքանչյուր զինվոր, որտեղ էլ լինի, մեր երեխան է. Արսեն Գրիգորյան

«Օդալեն» ռեստորանի խոհանոցի առաստաղը փլուզվել է․ կա զոհ

Անցյալի եւ ապագայի առջեւ