«Արմենիա» ԲԿ-ում այսօր կրակոցներ արձակածը «Բանդայի» հայտնի գործով դատապարտյալն է

02/10/2017 schedule18:03

Armtimes.com-ին հաջողվեց պարզել, որ այսօր «Արմենիա» ԲԿ-ում այսօր փորձել է փախուuտի դիմել հայտնի «բանդայի» գործով դատապարտյալ Դավիթ Գալստյանը:

Մեր տեղեկություններով, նրան այսօր տեղափոխել են «Արմենիա» ԲԿ բուժհետազոտման. նախնական տեղեկություններով, վերջինս ընկերոջ հետ կազմակերպել է իր փախուստը: Մեզ հաջողվեց պարզել, որ Գալստյանի ընկերը մտել է նրա հիվանդասենյակ եւ իրարանցում ստեղծելու համար կրակոցներ արձակել հատակին, այդ ընթացքում ՔԿՀ աշխատակիցներին հաջողվել է վնասազերծել ընկերոջը: Այդ ընթացքում Դավիթ Գալստյանին հաջողվել է ՔԿՀ-ի աշխատակիցներից մեկի զենքը խլել եւ կրկին կրակել հատակին, որից հետո հիվանդասենյակից դիմել է փախուստի, նրան սակայն վնասազերծել են ԲԿ-ում ծառայություն իրականացնող ոստիկանները:

Հիշեցնենք, որ բանդայի գործով դատապարտված Դավիթ Գալստյանը, մեղավոր է ճանաչվել 2011 թվականի մայիս-սեպտեմբեր ամիսներին ավազակային հարձակումներ կատարելու համար: Հարձակումների թիրախ էին դարձել խմբի կողմից առանձնացված, ունեւոր համարված մարդիկ՝ Ատոմ Ղազազյանը, Էդուարդ Բեզոյանը, Աղվան Գրիգորյանը, Նապոլեոն Ազիզյանը: Հարձակումներն իրականացվել էին վերջիններիս առանձնատների վրա: Դավիթ Գալստյանը նախկինում նաեւ ինքնասպանության փորձ է կատարել հենց դատարանի դահլիճում:

Այսօր ՀՀ ԱՆ ՔԿՎ հանրային կապերի բաժնից հայտնեցին, որ այսօր ժամը 16:20-ի սահմաններում, ինքնաձիգով զինված քաղաքացին մտել է «Արմենիա» բժշկական կենտրոն, ուր բուժում է ստանում կալանավորված մի քաղաքացի, եւ անկանոն կրակոցներ արձակել:

Հարձակում գործող անձը վնասազերծվել է կալանավորին հսկող քրեակատարողական ծառայողների կողմից: Կանխվել է նաեւ փախուստի փորձը: Կատարվում է քննություն:

Ինչպես հայտնում է shamshyan.com-ը, այդ անձը, ով ինքնաձիգը հիվանդանոց է մտցրել պայուսակի մեջ թաքցրած, 3-րդ հարկի հիվանդասենյակներից մեկում ոչ թիրախային անկանոն կրակոցներ է արձակել։

ՀՀ Արդարադատության նախարարության կալանավայրերի վարչության, Ոստիկանության ծառայողները, կալանավորին հսկող Ոստիկանության ծառայողները կարողացել են վնասազերծել կրակոցներ արձակողին, սակայն կալանավորը դիմել է փախուստի։

Նրա փախուստը կանխվել է հիվանդանոցում ծառայություն կատարող ՀՀ Արդարադատության նախարարության կալանավայրերի վարչության, Ոստիկանության ծառայողների եւ «Բրիգադ» անվտանգության ծառայության աշխատակիցների կողմից։

Այս պահին հիվանդանոց են ժամանել Ոստիկանության Երեւան քաղաքի վարչության, Ոստիկանության Մաշտոցի բաժնի, ինչպես նաեւ Հայաստանի քննչական կոմիտեի Երեւան քաղաքի քննչական վարչության Աջափնյակ եւ Դավիթաշեն վարչական շրջանների քննչական բաժնի քննիչները։

Դեպքի հանգամանքները պարզվում են։ Նախաքննության շահերից ելնելով՝ այս պահին չենք հրապարակում փախուստի դիմած կալանավորի եւ ինքնաձիգով կրակոցներ արձակած ոստիկանների կողմից վնասազերծվածի ինքնությունը։

Տպել
13749 դիտում

Հրդեհ Երեւանում. փրկարարները բնակարանից դուրս են բերել երեխաներին

Ողբերգական դեպք Երևանում․ «Սուրբ Գրիգոր Լուսավորիչ» բժշկական կենտրոնում 1,5 ամսական աղջնակ է մահացել

Գառնիի բնակարաններից մեկի նկուղում թմրանյութ է հայտնաբերվել

«Գիշեր էր: Մենք բախվեցինք փայտի մի մեծ կտորի».Վրաստանում ձկնորսական նավ է խորտակվել

«ԵՄ-ն շարունակելու է աշխատել հանուն Լեռնային Ղարաբաղի հակամարտության խաղաղ կարգավորման». Մոգերինի

Քաղաքական դաշտի որակը մտահոգիչ է․ իսկական ընդդիմություն է պետք

Ստեփանավան-Բերդ ավտոճանապարհին ավտոմեքենա է այրվել

ՀՀ պաշտպանության նախարար Դավիթ Տոնոյանն այցելել է զինվորական հոսպիտալ

Երեւանում Nissan March-ը բախվել է ծառին, հետո՝ գազատարին. կա 4 տուժած

Արցախում հարգանքի տուրք է մատուցվել Սպիտակի երկրաշարժի զոհերի հիշատակին

«Զվարթնոց» օդանավակայանում հայտնաբերվել է գումարով պայուսակ

Լոռու մարզում ՀՀ վարչապետը ներկայացրել է աղետի գոտու բնակարանաշինության ծրագրերը (լուսանկարներ)

Ո՞ւմ է պետությունը բնակարան պարտք, ինչո՞ւ օգտվել սուբվենցիոն ծրագրերից. վարչապետը պատասխանել է շիրակամուտցիների հարցերին

Ինչ անել երկրաշարժից առաջ, հետո, և հատկապես՝ ցնցումների ժամանակ

Գեւորգ Լոռեցյանը, նրա վարորդը եւ ֆուտբոլային ակումբներից մեկի նախագահը կալանավորվել են

Թալանել են ՀՀ ԱԺ «Լուսավոր Հայաստան» խմբակցության պատգամավոր Հրանտ Այվազյանի ավտոմեքենան

Կոտայքի մարզի Նոր Երզնկա գյուղի տներից մեկում հրդեհ է բռնկվել, բնակիչները ծխահարվել են

«Բրատիսլավան Մինսկի խմբի համանախագահների շուրթերով Ադրբեջանին ասաց՝ ոչ». քաղաքագետ

Ֆինանսների նախարարությունը պարգևատրումներ կտա աշխատակազմի թվի փոփոխության հաշվին արված տնտեսումով

Զինված հարձակում Բաղդադում. կա 16 զոհ